愛上米線 (漆咸道南)

近期喜歡吃愛上米線，喜歡它的味道，喜歡餐廳的裝潢和環境衛生。每間分店的內部裝修都是一樣的，枱與枱之間不會很近，讓人可以坐得舒服享用。小編特別推介👍🏻👍🏻👍🏻👍🏻👍🏻火爆肥腸拌米線＄58大腸厚切肥美，辣辣的青椒，配上辣辣的醬汁簡直是絕配。藤椒雞粒拌米線 $52雞粒嘅份量很多，炸得脆口，肉汁豐富，加上配料辣紅椒、青椒、蔥和炸黃豆，更加惹味。+$18升級至套餐（有一款小食和咖啡、茶或汽水）剁椒皮蛋醋香青瓜白木耳另加$4轉特飲芒果乳酪梳打餐牌如下。…查看更多

中午行去尖沙咀嗰邊買外賣，見到寶勒巷尾轉角個大舖位開咗新餐廳「愛上米線」。餐廳裝修別具特色，❤️🤍🖤紅白黑色調非常型格，同一般逼夾嘅米線舖完全相反。原本諗住幫襯食晏，但見無午市套餐又覺得好似唔係好抵🙈，反而夜晚買外賣就有主食減$10優惠，所以決定搵晚放工買兩個返屋企當飯試吓。外賣包裝妥當，熱湯又會用保鮮紙包好🥡。我買咗兩個套餐，套餐同單點嘅分別就係俾多$18有小食同飲品，我認為值得加配。套餐小食份量係單點嘅一半。柴火香乾炒肉拌米線($58)，原來撈米線都會將啲餸分開上👍。餸料好豐富，有豆乾同豬腩肉，用咗豆豉爆香，但唔會搶味，而且更帶有一份煙燻香氣，好特別。另外，佢仲有炸黃豆、蔥、芫荽同翠玉瓜等。🍜米線本身正正常常，麵質有彈性，但乾撈嚟講就略嫌唔太夠汁。紅燒牛𦟌湯米線($62)，牛骨湯底係精華所在🍜，藥膳味幾重，未必個個鍾意，但我自己就OK，而且佢微微辣，幾惹味。🐮牛𦟌片薄切，不過勝在有好多片，而且肉質又夠軟稔。藤椒雞粒葱油餅($32)，呢個小食嘅兩部份都好正😋。唔好睇啲雞粒好似佈滿辣椒咁🌶，但實際上唔會好辣，絕對可以食哂清零！雞粒附有藤椒嘅麻香，好味道。葱油餅軟熟，雖然油咗少少，但就咁食或配雞粒食都一樣咁掂。麻辣豬耳朵👂，套餐跟嘅小食份量都唔少，豬耳好爽脆，口感令人上癮，而且麻辣味亦好出色，麻味顯著，辣味恰到好處。剁椒皮蛋，🥚皮蛋開邊，夾埋有一隻。皮蛋溏心效果一流，面頭鋪上剁椒粒同埋芝麻，香口惹味到不得了。飲品方面，兩個餐都加咗$4轉特飲，分別係雙檸梳打茶同埋青檸梳打🍋。後者比較普通，但前者就有驚喜，同一般凍檸茶唔同，清新唔苦澀，甜味適中。總括嚟講，呢間米線舖相當唔錯，米線款式別具特色，亦遷就咗香港人嘅口味，唔會過濃烈😛。如果男仔想食飽啲，可以配飯。最後，年輕男店員服務態度幾好，對菜式有一定認識，抵讚！…查看更多

作為米線控♥️有新開既米線舖當然唔可以錯過😗位於尖沙咀寶勒巷既愛上米線🍜格仔紋既裝修 · 寬敞既座位格調有別於一般既米線店✨♡ 火爆肥腸拌米線 （$58）好少食拌米線估唔到幾有驚喜🔅大腸同虎皮尖椒🫑兩者炸到香酥內軟而米線加秘製醬油 · 夠哂咸香惹味🤤愛食辣既🌶一定要加佢地既自製辣醬絕對唔會失望👻♡ 紅燒牛𦟌湯米線 （$62）用牛骨湯做湯底🍲帶陣陣香料藥材味而牛𦟌炆煮到軟腍💨根位口感真係好正👍🏻♡ 剁椒皮蛋 （套餐+$18）有別一般既剁椒皮蛋🥚無左面頭既一層紅油辣味主要黎自青紅椒🫑🌶唔會死勁既辣辣得黎仲會帶少少甜味🤏🏻再配埋皮蛋既口感✨值！得！一！試！♡ 藤椒雞粒葱油餅 （$32）葱油餅外層帶酥脆感💥包住麻麻辣辣既雞粒一齊食別有一番風味💨♡ 炸蝦醬雞翼 （$28）雞翼炸到岩岩好👍🏻配埋淡淡既蝦醬味香脆咸香 · 夠哂惹味👻༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞(๑•́‧̫•̀๑)ఌ小小總結：撈米線好高質🤤秘製醬油真係無得彈😈外賣既話🥡醬油會分開裝絕對唔怕唔夠汁撈😆另外店員好主動推介知道我地鍾意食辣 外賣仲比多左兩個辣醬我地☺️…查看更多