番本日式放題

中午係旺角突然想食日本野，見到番本放題做緊$178加一，同兩個人平時食日本料理都係差唔多價錢，為食既我緊係揀去食放題。搭正中午12點，店內唔算好多客人，被安排坐卡位，有街景睇，坐位闊落，坐得幾舒服。飲品係自己出去雪櫃拎，種類都幾多，由罐裝汽水到支裝茶飲品、紙包飲品、韓國樂天牌飲品大概十幾二十款。好貼心地連熱飲櫃都有。另外想飲酒既話，啤酒、清酒、梅酒都有，不過就要寫紙落單。刺身方面有9款刺身，叫左7款左右。分別係三文魚、象拔蚌、白肉拖羅、赤貝、鯛魚、帶子、甜蝦。刺身方面全部都算厚切。甜蝦放題黎講好大隻，新鮮，多肉，唔會好似食空氣咁。象拔蚌口感爽口。白肉拖羅係其他放題比較小見，食落口感軟硬適中，魚油味香濃。帶子夠厚肉。壽司方面叫左香蔥海膽碎吞拿魚壽司、北寄貝壽司、火炙三文魚壽司、泰式虎蝦壽司、海鰻芝士卷、芥末蜜糖三文魚卷。壽司size唔會太大舊，岩岩好，飯都唔會太多，唔怕食完即刻飽曬。味道方面，最鍾意係火炙三文魚，入口即溶。海鰻芝士卷都好滑，芥末蜜糖三文魚卷既配搭幾特別。食完魚生就講下熱食方面。首先叫既係人參雞湯，暖一暖胃先。雞湯落足料，雞味濃，飲完會有小小人參味回甘。日式清酒煮蜆份量好多！酒味濃！味道都算鮮甜！XO醬炒墨魚嘴XO醬味好香之外，加埋洋蔥一齊炒仲有d甜味，墨魚嘴多肉，爽口。芝士蟹子燒帆立貝滴滴骰骰，食落芝士味唔會太濃，d芝士口感好似蒸蛋。串燒方面叫左鹽燒牛舌同埋鹽燒黑豚肉串。牛舌雖然唔算好大塊，但係燒得岩岩好，好爽口，配埋黑椒一齊燒係絕配啊。鹽燒黑豚肉火候都係控制得好好，表皮烤得小小脆口，不過我覺得略為鹹左小小。天婦羅天婦羅方面番本種類都非常多！特別d既有海鰻天婦羅、香草魚柳天婦羅。天婦羅d炸皮薄身，而且熱辣辣。虎蝦外脆內軟。鰻魚薄身，會有淡淡鰻魚味。香草魚柳天婦羅既炸皮係有香草係入面。，魚柳非常非常滑啊！入口即溶咁。感覺好似食緊fish and chips個d炸魚。總括黎講，番本午餐放題選擇十分多，無論係飲品、刺身、日本料理、天婦羅同埋炸物。選擇都比一般放題多，而且有d特別菜式係一般放題比較小見，而且仲有酒飲tim！味道方面同份量都唔錯。$178加一兩個人賣單都係400蚊有找。可以食到咁多野可以話係真。番本啊！…Read More

今晚又約左朋友去食放題，第一次黎番本，每位$218。位置都幾方便，一出地鐵站行5分鐘就到。早左上黎，坐到卡位，可以坐得舒舒服服食一餐好。四周環境唔錯，冷氣夠涼，由於有蒸氣海鮮鍋食，所以初時都擔心食食下會好熱，但又好彩冇，係一個舒適嘅地方。食物選擇實在好多，Menu勁厚！A至M嘅點菜紙，令我地急不及待喺點餐紙上瘋狂地點剔。一點完野食就行個圈睇下有咩飲。清酒/梅酒喺任何時段都都無限任飲，豬唔好杯中物，不過都叫左杯黎試下，冰凍梅酒都幾清暑。例牌一定係點盤刺身，甜蝦好新鮮，豬一口氣食左8隻。另外三文魚、吞拿魚、帶子等等都鮮甜有水準。而壽司跟同刺身一樣，冇令人失望。基本上你想食嘅款式都即叫即做，件件都又大又厚 ，我地叫左好多唔同款，推薦泰式虎蝦同火炙三文魚壽司。之後仲叫左炸雞軟骨， 吉列魷魚圈， xo醬炒墨魚咀，紅酒牛腩等等，全部都好好食，特別要講牛腩好腍好入味。叫左個蟹粥暖下胃，唔會太鹹，味道唔錯。而呢度亦有第二個特色，就係蒸氣鍋。見到個鍋就會諗起越南，好可愛。我地order左扇貝，蝦，魚，冬菇，菜。初時諗住可能會清清地，冇乜味，要加調味料。但入口又食到海鮮同娃娃菜嘅鮮甜味，個人非常欣賞。食埋甜品先，有雪糕杯，雪糕糯米磁，係豬最喜歡食嘅野呀…Read More

開心食放題，唔開心也食放題。難得今個月工作不太忙，所以多些時間食好東西。餐廳裝修簡約，枱與枱之間也闊落。餐廳員工也很好，我們兩個人食放題也給了我們一張4人卡位，令我們坐得非常舒適。午市放題不設時限，可以由中午12點食到3點，時間充裕。午市放題有前菜、刺身、壽司、手卷/軍艦卷、創作卷物、日本料理、燒烤、湯、天婦羅、炸物及拉麵/烏冬，仲有不同的冷熱飲品和酒類(包括:朝日啤酒、清酒及梅酒)。刺身新鮮，而且件件都切得厚身。三文魚刺身肥美；北海道帶子刺身完隻奉上，而且入口軟綿綿，口感豐富；新鮮象拔蚌又是切得厚厚的，爽口彈牙，鮮味無比；白玉拖羅刺身有濃濃的魚味，啱晒鐘意食濃味魚的人；原隻甜蝦刺身新鮮爽滑；白鳥背刺身，爽口鮮美。蜆肉麵豉湯，麵豉味香濃；人蔘雞湯，湯充滿人蔘味，但略嫌沒有湯渣。芝士蟹子燒帆立貝及北海燒蠔，燒後的帆立貝及蠔可以拉絲，燒得沒有過火仍是非常Juicy。鹽燒牛舌切得厚厚的，食落Juicy；鹽燒雞中翼，燒得香脆，推介；鹽燒黑豚肉串，燒得脆卜卜；鹽燒海老串，味道鮮美；紅酒牛腩炆得香軟入味；和風牛肉粒Juicy；XO醬炒墨魚咀，爽口入味；牛油蒜香炒帶子，帶子爽彈牙，牛油蒜香味道洽當；烤有機菠蘿，菠蘿香甜唔酸。辣味螺肉及帶子群邊。海膽墨魚壽司、赤貝壽司、海鰻芝士卷，味道不錯，但略嫌飯量比較多。海膽蝦手卷好味，海膽及甜蝦都是滑滑的，紫菜亦脆脆的，肯定是即叫即做。虎蝦天婦羅及海鰻天婦羅，炸得香脆不油膩，配上天婦羅汁，好味。炸雞軟骨粒，炸得香脆不油膩之餘入面還是Juicy。最後叫了一個日式響螺蟹粥，粥底鮮甜。…Read More

旺角日式放題既choice一路都好多~ 今次黎到呢間~ 佢話有酒類任飲, 一於試下啦!有好多種類既食物簡,個menu好似一本書咁@@我地試一試佢個蒸氣火鍋先, 因為日式放題真係比較小有埋蒸氣火鍋食!!細細個咁,幾得意就係放呢D海鮮上去蒸啦! 魷魚幾新鮮阿、一D都唔腥~ 蜆都鮮甜,係細隻D姐~ 但睇住佢蒸蒸下開口,都幾過引^^花之戀壽司! 日式刺身! 佢有好多款簡! 希靈魚、帶子、甜蝦都有! 全部都好新鮮、而已好鮮甜、唔會有腥味! 佢地仲好夠凍tim ar! 呢個必食阿!佢D燒物都做得唔錯既,值得一試既會係呢個芝士燒蠔同埋燒牛舌。芝士燒蠔方面, 芝士味好香濃、上面仲有小小燒焦既效果。而蠔亦唔腥、又唔會比芝士搶哂D味~燒牛舌最怕燒到好韌! 但佢就岩岩好、唔會太韌。不過佢無咩大調味,大家可以加D七味粉,會仲香D ~燒菠蘿好甜阿~最後黎到飲品啦! 佢D酒都係任飲架! 主要有清酒同梅酒~梅酒就比較易入口、因為佢比較甜 ~ 岩哂女士飲!清酒既酒精濃度就真係高D啦~~ 未必人人鍾意~ 點勝在有得簡同埋任飲ma ! 大家飲杯!!食左咁多野, 都係二百幾蚊一個人咋,好抵食阿! 鍾意飲酒既朋友要試下啦~不過佢就坐得逼小小,同格黎台既距離比較近.....因為佢都好好生意阿!…Read More

次次食完放題都飽到投降，但冇幾耐又心思思想食。今次同朋友一齊去試新放題，第一次食印象都唔錯。位於旺角，地點好方便。餐廳面積都幾大，平日夜晚去到都座滿人，相信人氣都幾旺。加10蚊有埋生蠔任食，好吸引! 可惜友人唔食，唯有下次再試。睇睇餐牌選擇夠多，最特別有蒸汽火鍋。第一時間食主角---刺身! 整體都新鮮，白玉拖羅刺身好特別，平時比較少試到，幾香魚脂味。壽司size細細，一啖一件唔會太滯，又可以試多幾款，而且配搭都唔錯。串燒上到台都仲熱，最滿意係牛舌同翠玉瓜，牛舌香口，翠玉瓜多汁。清酒煮蜆酒味好重! 蜆肉唔算大隻不過鮮甜冇沙，都唔錯。蒸汽鍋仔幾有新意，配料仲有唔少海鮮可以揀。不過鍋仔較細一次蒸唔到太多，好玩多過為食竟然有暖飲品提供，咁凍天氣真係幾貼心。如果想食放題但budget預算唔高，番本都係抵食選擇，食物種類幾多，仲可以放題同蒸汽火鍋打孖上!…Read More

餐廳位置優越，正正旺角的中心點，在旺角地鐵站對面，即使落雨也不怕，約朋友都沒藉口遲到人少少最佳選擇就是吃放題，因為想每一款食物都吃兩三口，目的就是多吃幾款，貪心嘛這家放題沒有令我失望，點餐紙超厚 看到已經興奮不已，每款食物都圖文並茂，讚！食物種類超多：刺身、壽司、手卷、前菜、湯品、天婦羅、日本料理、串燒、炸物、烏冬、拉麵。這些都是基本，驚喜點在兩個人都可以吃迷你蒸氣火鍋！開心！吃完刺身壽司凍冰冰，打開小小蒸爐就有熱騰騰的蒸海鮮：海中蝦、帆立貝、白蜆、肥牛、魚片、章魚花、烏賊仔⋯⋯ 一點兒都不馬夫！放題除了有甜品任吃、一杯杯雀巢雪糕任拿、一罐罐汽水任喝之外，特別喜歡獨立包裝，比較衛生企理讚！還有出名的Asahi、清酒和梅酒任喝。讚！今次放題真的真的「番本」吃到飽、喝到夠！…Read More

今日放工和同事4人行去左旺角行街，食放題由於我同事特別中意食放題，咁就選左呢間都好低食，我地星期二去係$218/位任食生蠔只係加多$10，好低食見到呢個牌就每人加多錢食蠔的賣相黎到都唔錯，味道都好鮮美！可惜唔夠凍，如果凍d會更加鮮味！千賀熱清酒食日本野就想點番枝清酒🍶，但有點失望唔係好夠熱，只係暖暖地，但味道都唔錯食物方面都有好多款式有蒸氣火鍋、炸物、天婦羅、燒烤、壽司刺身等等上網睇到放題都有蒸氣鍋所以叫左黎試下，有蝦、帆立貝、沙白、龍利魚柳片、章魚、牛肉片、雞肉及菜類等等燒烤方面就有芝士蟹子燒帆立貝、鹽燒雞翼、鹽燒海老、北海燒蠔、烤菠蘿、鹽燒黑豚肉等等我地簡左帆立貝同蠔食配上芝士好香口美味同埋牛和豚肉每樣叫少少試下刺身方面有三文魚、新鮮象拔蚌、白玉拖羅刺身、甜蝦、北海道帶子、調魚等等各樣刺身都好新鮮前菜類有枝豆、芝麻八瓜魚、辣味螺肉、蟹籽沙律、胡麻豆腐、和風珍味浸香蜆等等點左清酒煮蜆及和風珍味浸白蜆，清酒蜆味道較淡味，而和風珍味浸白蜆比較入味朋友想食番d飯類，所以就點左個鰻魚炒飯食，味道都唔錯！最後，永遠餐後都係有甜品才滿足，甜品有芒果布甸、牛奶360布甸點左牛奶360布甸，味道很好，好美滿豐盛的晚餐…Read More

這間放題我其實已經知道有一段時間，但因為朋友的食評說唔太吸引，所以一直都唔會將佢放做第一選擇。最近發覺佢在免費報紙落廣告，還有折扣20蚊，所以就想去試一試。剛巧有兩位朋友有時間，就即日出發了。因為位置唔太夠位，只係影左兩張比大家分享，因為人數少，所以刺身盤唔會太大，試完後發覺三文魚都真係唔太好吃，但其他普通的刺身就反而有些質素。他們供應嘅刺身唔多，最想吃細甜虾都無，刺身和碎冰結合，很難分開。這個要改善（睇過之前有食評都提過呢個問題）這個應該係新推出（其實我未黎過，所以都係估估下）因我見職員推介得很「大力」。所以我都想試一試，再加上我對蒸海鮮興趣不大，因之前在其他放題館試過，根本兩個鐘係唔夠時間享受，所以都唔會選擇。試完後發覺真係好好食。但最可惜係唔可以加湯，所以要盡快享用。這個希望會改善。👆🏻就是這個宣傳吸引到我今次的到來，其實平左那20蚊，即係令張單唔需要收加一，不過找個理由和朋友聊天都係好事。不過我應該唔會再去，因為選擇真係太少。這里的職員禮貌一流，我想佢地都想做起返間食店，因為當日去食大部分人都係用優惠，但都坐唔曬。食完經理還發一張意見表，希望我們可以比一些中肯意見。可能競爭太大。…Read More

老公放假想同佢食餐好，一早就訂了位置方便的番本放題(就係量)，數落今次應該係第三次食啦。一去到勁多人，香港人真係放題上癮去到老馬識塗，即刻點了刺身先。仲有辣味螺肉，我自己清空成碟老公叫左choya梅酒，佢應該飲左4杯左右。我就像韓國蜜桃汁，亦是外面比較難飲到。主食方面叫左好多，而且每一樣都好好味。燒牛舌，好爽口，加了點鹽，而且即燒，上碟時仲係熱。燒菠蘿，好甜，一口size,唔會食到好麻煩芝士年榚，穩陣之作但最令我驚喜的是炸蕃薯球，外層薄，內包了黃蕃薯及紫薯，食到最單純的甜香。天婦羅，粉薄，炸得剛剛好，內裡的主角不會乾身，最愛天婦羅蟹柳仲有大量助酒小食，其中最推介牛油帶子及墨魚咀，可惜冇影到甜品有任拎的糯米糍及雀巢雪糕，當中較特別的是有榴槤味糯米糍成餐飯見到d服務員走場走得好急，清枱清得好快，但都冇黑面，而且價錢公道，會再幫襯下次可以再多些人一起來，可以食蒸海鮮…Read More

近年的日式放題店開到成行成市， 不過有埋蒸氣火鍋倒是第一次見， 所以經朋友推薦下便來到「番本日式放題」（下稱「番本」）。 沒想到平日的晚上，還這麼多食客呢！ 門口擠得水洩不通，😮 我們準時19:30到達， 幸好我們一早預訂了枱， 否則便要等到21:30呢！🙈🙈🙈 「番本」食物種類都算不少， 有前菜、壽司、手卷、刺身、炸物、燒烤、料理等， 多達超過60款美食， 還有自助飲品和甜品呢！ 刺身中的三文魚、北海道帶子刺身都相當不錯， 象拔蚌鮮味十足，值得番點！👍🏻 火炙三文魚壽司 三文魚燒得魚油脂香，值得一試！😽 蟹籽沙律 都算幾足料，惟有點dry..😟 牛油炒粟米 牛油味不夠突出，但粒粒拆肉粟米倒是吃得挺方便～ XO醬炒墨魚咀 墨魚咀彈牙有嚼勁，XO醬調味都幾惹味！ 牛油蒜香炒帶子 帶子炒得香口，牛油蒜香也非常入味，值得一試！😋 牛油炒雜菌 牛油味突出， 惟不太夠熱，但都算值得一試！🙈 汁燒翠肉瓜串新鮮爽脆， 鹽燒雞中翼略嫌調味較單薄。 鹽燒牛舌和鹽燒黑豚肉串 肉質質感太硬， 可能不是新鮮燒好，味道略為遜色。😟 烤有機菠蘿幾鮮甜，正！ 北海燒蠔和芝士蟹籽燒帆立貝 可能醬汁太濃調的關係，口感一pat pat，不太良好，👎🏻 海鮮又不太新鮮，有待改善呢！😩😩😩 日式炸芝士年糕 芝士年糕炸得香脆可口， 一口開濃郁的芝士便湧出來，必食之選！ 天婦羅有點overcooked，但又不夠脆。😭 輪到「番本」的重頭戲－蒸氣火鍋～ 我們吃得到的食物不多， 因為二人前的蒸爐size很細， 每次放上去蒸的食物不多，食物也不易熟透。 唯一覺得不錯的是半殻帆立貝， 味道偏鹹，但勝在口感不錯。😄 不過食材的種類不多，有改善的空間呢！🙈 唔夠食仲可以額外加錢叫個特級海鮮盛。 飯後甜品還有雀巢公司雪糕、獨立包裝的糯米糍和少量布丁和奶凍。 …Read More

上星期聽朋友講話旺角番本放題好食，於是訂左位同老公夜晚去食～店舖位於西洋菜南街，設於3樓，上到去人山人海，好多人等位，好在預先有book位，我見到有d人book左19:00，但遲左10分鐘已經唔留枱，要再等，所以要準時去～入面地方都算大，全部枱都坐滿，好多人食，因為唔同時段，唔同價錢～我食$218果段時間～～坐底後老公即時order刺身，我就揀d炸物、串燒、都有好多款式選擇，愛飲清酒既朋友就啱曬～清酒任飲，可惜我揸車，唔飲得酒仲有一個亮點，就係有任食蒸鍋，日式放題加磯燒依家普遍左，反而日式放題配任食蒸鍋就第一次食，蒸物有蝦、蜆、尤魚、扇貝、豚肉、什菜選擇～但當然要食主菜先------就係刺身～三文魚肥美、赤貝好有鮮味蒸鍋一枱一爐扇貝鮮甜仲有一亮點，顧客服務唔錯，侍應會主動幫客人睇下蒸鍋既海鮮，會提醒客人蒸海鮮既需要時間螺頭蟹粥真係一流，粥夠綿、料又多～我忍唔住食左2碗配合價錢,整體唔錯～可以encore…Read More

放題係旺角成行成市，大咩金咩盛咩總之一堆堆唔同名既放題係旺角立足，咁當然放題都有優劣之分，最高級有靚雪糕靚酒飲，最劣質就係勁爆多甩漏，真係試過：刺身唔到、或者一黎就三盆，或是要三件黎左廿件，所以食每次放題就好似人生咁，無論幾多次都要試落去，終於我可以話“我找到了”。番本個位置就太子同旺角中間，唔算係旺角最旺個頭，就係旺角天橋下面，一落去就係，好多小巴個到，所以都唔係幾難搵。我地訂左八點，遲左少少黎，好彩佢地都冇咋型，八點都仲係勁多人，雖然個位有d逼，但是每張枱都有位畀你擺野，枱上面有呢舊野，咩黎就轉頭開估，但係呢舊野都幾阻。刺身番本既刺身大路野都有，我自己就會介紹帶子同埋象拔蚌，（由於呢排睇太多三文魚新聞，搞到淆底唔敢食），佢呢到落既份量同黎既量都一樣，同埋由於客人多，所以turnover快，魚生都好新鮮，唔會凍冰冰或者出晒水。帶子雖然唔係好大粒，但勝在粒粒都甜。至於象拔蚌，冇睇錯係象拔蚌! 就係呢到既主打！我好似第一次放題係會食到象拔蚌，平時郁d過千，呢到任你食，雖然係薄切，但是都好新鮮好好味！牛油蒜香炒帶子冇錯又係帶子，呢個就係炒帶子粒，佢碟碟都好多粒，佢用左牛油同埋香蒜去炒，好入味，未食已經聞到陣香味，我一個人食左一碟。蒸氣火鍋終於開估喇！！就係蒸氣火鍋！！講起蒸氣火鍋，呢個係內地興起，一個相對叫健康既火鍋新食法，我係香港都食過，都介紹過，上次咁樣都每人一千，咁梗係食海鮮。估唔到呢間放題都順應潮流，都出埋蒸氣火鍋。佢有海鮮有肉有菜，我地就叫左金菇、肥牛、雞同埋娃娃菜。當配料黎到，店員就會好好心幫你較火，教你蒸幾耐，仲會叫你小心d湯整到d衫同袋，唯一唔係廿咁好就係個蓋太細，所以我地最後冇用個蓋。個雞肉係有蟲草花，食落有陣蟲草味，所以都幾正，但是記得蒸熟晒先好食!飲品都有好多種，大路既汽水呀忌廉溝鮮奶，同埋酒黎講呢個價錢性價比好高，有啤酒同冷熱清酒同梅酒，所以嗜酒朋友一定要黎，因為我見隔離枱枱都係咁飲。甜品就推介個個360牛乳佢有好香牛奶味，但係又唔會好甜，同埋算係我食過咁多放題，最好食既牛乳布旬，但係食飽左黎番杯就正正子！…Read More

今日4個人打完麻雀,餓咗幾個鐘,最好刷返餐勁。就和友人去食放題兼蒸氣火鍋。依間餐廳好抵,只要4個人去就有蒸氣火鍋,雖然材料不是太多選擇,但加埋放題就好足夠。入場計兩小時,見地方都好大,巡了一周,原來有很多款罐裝嘢飲,我和友人攞了幾款飲料甜品.雪糕和雪米糍。這些甜品留待一會兒才吃。點菜紙是一大叠的,唔同顏色就是唔同食物,好清楚。首先點了刺身,叫了甜蝦,,雖然不太大,但都很鮮甜,希靈魚沒有腥的感覺,很新鮮。蟹子沙律,很多蟹子,青瓜絲不是太幼,正好有咬口。撈埋沙律醬好清新的感覺。友人又嗜吃雞,叫了塩燒雞翼,唔錯,燒到好金黃.外皮卜卜脆,又乾身。除了雞翼,友人又叫了燒雞軟骨,細細粒,粒粒都脆卜卜,好乾身,沒有油膩感。青魚都是不二的選擇,至緊要燒到魚皮金黃,又微燶就最野味,這兒都做到,啖啖肉配上脆的魚皮.好香,吱了檸檬汁,吊起了魚的鮮味,令魚味更好味。友人都叫了另一款魚,鹽燒三文魚頭骨腩,這味又大不同,因用鹽一起燒,所以更加香口,雖然有些少骨,但都是大骨,所以不怕哽到骨。食咗咁多熱氣嘢，食下個蒸氣火鍋先,有帆立貝,鮮冬菇,沙白蜆。當我們將食物放上蒸盤時,店員還教我和友人每樣食物蒸多少時間,以我和友人可以食到每樣食物剛熟的時間,所以每樣都好味,帆立貝唔靱，正。粥底更加好味,好棉好多米餐廳用了一個好聰明做法，用筲箕載住啲咪，可以令到不用燶底有又容易食。我最後食了杯雪糕作最後總結,好飽,好滿足…Read More

今日同幾個朋友行開旺角,友人提意食放題。 咁就不如試下這間番本日式放題。因知道4個人以上有粥底火鍋送。這裏地方很大，但每張枱的距離有點迫,所以枱面都不是太濶落。要趕快食啊。點菜紙是一叠彩色的，圖文並茂,好方便。飲品和甜品就在外面自取。因是從入坐計起兩小時任食,所以立即看看點菜紙先,原來有11張紙,連蒸氣火鍋有12 張紙。 首先梗係要點刺身啦,點了甜蝦刺身,赤貝,榮螺片和象拔蚌刺身。刺身上得好快,雖然沒有特別的裝飾，但刺身好新鮮,甜蝦好鮮甜,象拔蚌好爽口,榮螺片和赤貝都好彈牙。到前菜,我和友就叫胡麻豆腐和風珍珠浸白蜆,份量都幾多,好在就是不會只有蜆殼,全部都有蜆肉 ,沒有沙。有點日本醬油,味道不錯。胡麻豆腐很滑,好香芝麻味,好多醬，可以沾滿晒豆腐來吃,好正。燒物都是叫了餐廳推介的北海道燒蠔,外表唔錯,燒到好金黃,芝士燒到半溶撈埋餡料一齊食,好香口。蠔都被芝士啲香味覆蓋,沒有腥的感覺。鹽燒海老串,望到個樣都新鮮,去殼時更加覺得唔錯,食落彈牙,爽甜。我和友人沒有攞嘢飲,因點了梅酒。梅酒加了冰,好好飲。加了冰後,酒味不是太濃味,一般人都啱飲。臨尾就係食粥底火鍋的時間啦,有海鮮,蔬菜,肥牛和雞件。我和友人就叫了海中蝦,肥牛。蒸海中蝦和燒海中蝦的味道又不同 這個更加鮮甜,更加食到蝦的鮮味。肥牛,好彩不是太肥,蒸一蒸就食得,可能我蒸了耐一點,食落有點靭。到最後,食個粥底先,餐廳用了筲箕載住粥,可以不用燶底,好細心。粥底好綿。好多粥。有了蝦和牛肉的味道,不只是白粥咁簡單。最後自取了奶涷作甜品。奶涷很滑,不是太甜,細細杯份量剛好。這裏服務態度唔錯,店員很有禮貌,收碟也很有效率。最抵讚的是唔覺有漏單情況，我和友人叫的食物,都全部到齊,抵讚…Read More

今晚星期四$218 任飲任食放題，最特別可以有清酒同蒸鍋，小小枱擺放整齊，我們2個人，都有個細鍋，。當然6個人有另一個size,當然要黎試下啦，我們分別叫左蝦，蜆，扁貝，金菇，肥牛，鮮尤。 蒸蝦好爽口，蝦新鮮，鮮尤好鮮味，蒸鮮尤好特別，另外金菇蒸完好爽口，同火鍋口感不同，菇味濃些。鮮尤好吸引另外有蟲草杞子雞件，滑嫩有雞味放題加埋蒸鍋實在開心，可以除了火鍋另一重選擇，如果有長輩就更加適合，男女老幼各自點菜，在餐廳內所見，很多一家人來食，我們食最貴8點鐘，都係$218收費。 蒸金菇爽口，口感比火鍋更好。刺身夠凍，厚切。三文魚肉質柔軟，白吞拿比較薄身，赤貝爽口鮮甜（可以追加），象拔邦都很有口感，甜甜的（可以追加），甜蝦中size，鮮甜（可以追加），鯛魚肉質結實，彈牙，螺肉爽口，雪味比較重。天婦羅熱辣辣炸起，我們選了蝦，南瓜，日本蕃薯，都好脆好薄。串燒：雞翼- 咸咸地香口；牛舌燒得剛好，軟綿綿牛味濃；鹽燒豬腩片，油份迫了出來，燒得香脆。XO醬爆墨魚咀，辣辣地好適合送酒。另外飲品除了普通汽水，更有竹庶水，茉莉蘋果茶，楊協城涼粉爽，烏龍茶比較特別，甜品都係任食的，有雪米糍（綠茶味道，香芋味道，雲尼拿味道）；雪糕就雀巢（紅豆，朱古力，雲尼拿），真係218的大滿足。如果大家早一點入坐2百都不用就食到了!見到午餐放題都係150左右，旺角區工作有福了!…Read More