御前大江戶日式料理

我地十個人，送左兩盤磯燒時令海鮮盤，d海鮮好新鮮呀😻下面呢款食物好好味呀😻😻😻 呢味叫蟹味噌甲羅燒，甲羅，即是蟹蓋；蟹味噌，即是用味噌製過的蟹膏。因為就咁食蟹膏有d太鹹，所以加左蟹籽、蟹柳、雞蛋、蔥等等令味道更有層次同埋豐富。d蟶子、鮮魚同帶子都超鮮味！食放題點可以冇刺身，高質🤤🤤一人食一盤除咗頭先嘅磯燒時令海鮮盤係限量，其他活蝦、蜆、蟹、壽司🍣刺身、天婦羅、串燒、各款熟食、甜品都係任食咖😽上菜都快，又有人教你燒。 $308加一，真係物超所值😝😝😝❤️ …查看更多

今日一班好友大家都住觀塘成日都會黎觀塘尼座亞太中心食放題之前都有食開尼間，但佢加左可以磯燒所以再即管再試一試今次輪到我生日朋友訂咗晚上七點多食。晚上一如以往都咁多人，朋友加咗錢食磯燒，點知好多多好食嘅海鮮都要加錢，淨返啲唔使加錢嘅款式好少，而且磯燒個爐超級阻位置，搞到放吾到食物，亦我發現周邊好多人都冇加咗錢都冇用到個磯燒爐，磯燒原本已經要加錢點知另外要其他食材又要再加錢成班朋友都決定唔要個磯燒爐直接下單叫野食仲好，磯燒曬錢曬時間，大家都唔願意燒同埋覺得自己燒無直接下單既咁好食，同埋磯燒嘅調味料都不多失望。不過佢本身放題嘅款式都幾多而且整得都吾差飲品超多款式仲有熱有唔熱，另外仲有自家甜品同埋生果、沙拉不過雪糕同雪條吾太吸引。刺身都好多款同埋好新鮮，另外串燒同燒物都燒得好好食，炸物同天婦羅🍤就一般。呢度落單都幾方便每張枱都有部tab自助下單，價錢唔算太貴同平時既放題差唔多不過係個磯燒爐浪費左下次食返普通放題仲好…查看更多

開心食放題，唔開心也食放題，放題係治癒心情的最佳良藥。御前大江戶日式料理位於食肆立林的觀塘亞太中心8樓，鄰近觀塘港鐵站，地點絕對方便。店內樓底好高好開掦，座位與座位之間闊落，而設計好日式，好像舒服版的日式居酒屋。這裏點餐是用平版電腦，既方便又環保，而且睇住幅圖點餐更加吸引，大大提升食力。平版電腦內亦會顯示截單時間及要離座的時間，好清晰。而最重要的是無漏單的情況，以我們點了又點來說，真係你點幾多就來幾多，超讚。首先，店員會送上一份磯燒時令海鮮盤，有五款特選海鮮，包括大大隻鮮嫩多汁的珍寶蠔，好香好濃滑的蟹味噌甲羅蟹蓋，又大隻又爽彈又新鮮的大虎蝦，鮮甜的活元貝及爽口美味的鮑魚。店員會首先簡介每款海鮮燒的時間，如果唔記得，枱上還有指示咭提示每款海鮮要燒的時間。當然一盤海鮮唔能夠滿足我們，我們還添加了以下無限任食的磯燒海鮮，原隻甜美的栗毛蟹，原隻燒完即刻食好過癮，每人食一隻就可以番本，更何況這栗毛蟹是可以無限任叫。燒過後的活刀貝，好鮮甜，賬卜卜的，而且無沙，我一個人都食了十隻以上。活海蝦爽口彈牙。還有不少得的磯燒鯛魚銅鑼燒，甜美的磯燒菠蘿及日本蕃薯仔。差點忙記介紹磯燒海鮮湯泡飯，現煮的海鮮泡飯好鮮甜美味。日式放題當然不少得刺身，這裏的刺身好新鮮，立立令。天然赤貝爽口鮮甜，油甘魚有濃濃的魚香，三文魚肥美，劍魚腩魚味香濃入口即溶，象拔蚌彈牙鮮甜，北寄貝爽彈，吞拿魚新鮮，鮑片爽滑，帶子好厚身口感好豐富。除了磯燒海鮮、磯燒有機蔬菜、磯燒鍋物、刺身外，還有壽司、沙律小食、燒物、天婦羅炸物、一品料理、甜品、自助食物，例如:飲品(不同罐裝、紙包、自製涼茶等等)、冷盤(例如八爪魚、螺肉、沙律菜等)、甜品(不同的雪糕雪條，迷李蛋糕)。總之就各式其式，食物種類之多，實在要好多個胃先可以款款試勻。…查看更多

日式放題食得多，有埋磯燒海鮮就第一次見。餐廳喺APM隔離，地埗方便。店內環境舒適，枱與枱之間唔會鋪到密麻麻。餐廳點菜用平板電腦，比一般畫紙仔方便。先講刺身，由於兩個人食都唔敢order太多，樣樣叫幾件先。刺身新鮮，特別喜歡劍魚腩同吞拿魚。但其實刺身以外，我認為磯燒海鮮先係主角。海鮮選擇多元化，同埋佢枱面有張guidelines 教你每一款海鮮點燒，用咩火，幾多分鐘，同要加D乜調味料。跟住佢燒，燒出嚟都好好味。呢個蟹蓋我覺得係最出色，蟹膏味濃。鮑魚同扇貝都好精彩。海膽湯飯一定要食，但最好早少少開始煲，因為要煲乾水都要d時間，唔夠時間煮得太多湯，會無咁好食。食飽之後，飯後果都有好多選擇，生果新鮮，無糖水味。總結：埋單每人三舊水，但可以食多好多普通放題無嘅磯燒海鮮，絕對值得再嚟！…查看更多

兩三年前黎食過一次放題，覺得質素五錯，今次剛好要請朋友食飯，於是又林到呢間日本放題。前一日訂座時講明系要訂$228既放題套餐（食2.5小時），仲問過系五系，都答話系，咁當晚餐廳既人都WhatsApp我請我confirm一次。結果第二日朝頭早睇部分食評話會有呃人既情況，心血來潮就WhatsApp confirm多次我訂既系咪228一位，結果被告知我訂左288既放題套餐....大佬我真係從來都無講過我訂既系288咯....好彩當日都即刻有得改，咁都無所謂啦，但想再做好d就真係要搞清楚每個顧客訂既套餐。番翻正題，呢間放題有兩個套餐，$288比$228多既就係每人有一份時令磯燒海鮮（蟶子、鮑魚、扇貝etc），我地都係想去食刺身就無揀呢個。點菜系用ipad自己揀，非常方便，而且五會好似有d放題上菜慢又會特登少上比你，都非常有效率。出面還有前菜區，甜品區同野飲可以自己lor，選擇都好豐富，自助沙律，壽司款，涼菜，水果，湯，茶等等基本既都有齊曬，比起兩年前黎真係多左野，雖然五系話好好食，但放題有更多選擇始終都係開心既。消毒紙巾好搞鬼菜式方面都五算少，刺身有八九款，我地就梗系食三文魚多，三文魚都好滑，肥美無渣，其他仲有帶子、象拔蚌、甜蝦、北極貝、玉子等等可以揀，但最好食都係三文魚，玉子就麻麻地。其實全程大部分時間我地都係食緊刺身，又可以回本又真係幾好食。壽司無試，實在無空間再食飯手卷細細一份一啖一個，比你有肚食其他野，nice~於是228既磯燒海鮮就真係麻麻，連海蝦都無得食。但朋友就話煮蜆好鮮甜，我未試過。不過一轉就無再encore，不如留肚食熟食。熟食同炸野方面就真係有幾樣野要推介一下，我最欣賞既系佢既芝麻雞翼！外皮炸到卜卜脆，入面既肉肥美嫩滑仲有雞汁！芝麻香又有，非常惹味！另外佢既炸鮮奶同榴蓮炸彈系甜品當中表現五錯，炸榴蓮蓉非常香，鮮奶都五會好甜，好味其他食左雞軟骨都五錯，少少咸香味，油脂豐富，食左三串、而鹽燒豬頸肉，燒鰻魚同芝士龍蝦伊麵就表現麻麻，伊麵既芝士汁好淡，得個龍蝦比較好味。天婦羅炸蝦五錯，炸魚一般。其他菜品最後食到飽飽聲，都無位食熟食甜品了~$228加一呢個價錢能食到咁豐富既放題都算五錯。同兩三個朋友仔可以黎呢間，但食之前一定要再三確定翻個價。…查看更多

我和老公都算是Buffet和放題達人，香港大部份的放題我們也幾乎試過了，對上一次去到新界吃了某間日本放題，已經感到好驚嘆，原來現在的放題已經不是純粹以任食刺身為主打，還有好多有份量有價值的好東西吃，甚至小禮品、娛樂、小遊戲等等。作為食客的我們真的是越來越有福!一山還有一山高，我們昨晚誤打誤撞地去了位於觀塘的御前大江户日本放題，又再一次驚嘆了！嘩，我以為是去了日本的大江户溫泉物語呢～～一入去就很有去了日本渡假的感覺，裝修很像日本呢，場地超大，食物也超多！連擺放在自助吧的食物也多得很，放飲品的雪櫃也有好幾大個，單是飲品已超多選擇了，我真的很難相信我還在這寸金尺土的香港！一進地就聞到很香的爐端磯燒香氣，很像日本地道的居酒屋，精神為之一振喔！嘩～一坐下，天呀！為什麼有個保險套送贈呢？想了３秒再定一定神一看，喔！原來是消毒濕巾！老闆真的夠創意，我就拿了回家當紀念品囉～在我們點菜我途中，店員突然端上一大盆活海鮮，有鮮鮑魚、聖子皇、大生蠔、毛蟹和大虎蝦喔！眼前一亮，內心卻是怕怕，一定是很貴的！然後跟店員說：你是送錯餐了嗎？我們還未開始點菜喔～然後店員居然說是免費送的！！！哇！才＄２８８一位居然這麼划算！那我們不客氣嚕～二話不說就燒了來吃，ＷＯＷ！鮮甜得要命！那個聖子皇和燒蠔真是百吃不厭，加點日本清酒和海鹽來燒已經了不起喇！然後我們看看剌身吧，相當肥美對嗎？我想說，除了刺身款式應有盡有外（油甘魚、劍魚、蝦也有！），真的是每件也超新鮮，可能因為場大，人又多，所以不用團績貨品吧，喜歡啖啖肉和厚切的一定會相當愛這家，但我個人喜歡薄切一點，所以我沒有點太多刺身，留肚子吃多點燒物和燒海鮮。任點任吃的海鮮有海蝦、刀貝、八爪魚、大花甲等，又是超新鮮，我不停加單又加單～～真係好鮮甜，特別係刀貝，平時在街市都少見，大大啖肉，不好之處在於內藏很大件，但只要避開那部份來吃就行了～仲食左個sukiyaki~最後當然還有冷熱,中西日各式甜品水果雪糕啦~真的不能盡錄，去一次絕對是不夠的，相信我要來好4,5次才可試盡所有美食，我真的好喜歡這間放題呀!!!如果每星期都可以吃一次就好了~…查看更多

幾年之前同朋友慶祝生日🎂，已經介紹個同事嚟食飯，因為性價比高。今年二月再嚟食飯，質素也沒變。一個價錢，可以試到爐端燒，放題，真係好抵。海鮮新鮮，有部份海鮮，例如刀背、大蜆都可以encore今次嚟食爐端燒，有成隻蟹。不過，比較難燒(雖然已經有侍應幫忙），如果改其他海鮮例如之前嘅聖子會好啲。加清酒同鹽已經好好味生日送的牡丹蝦(大家記得用生日優惠),也幾新鮮。刺身拼盤好滿足不過海膽就一般般啦，可以唔食…查看更多

朋友生日，選擇了這間聽聞經常爆滿嘅磯燒放題星期四先book星期五晚，起初還擔心會full booking,幸好8點45分那場還有位~我們一上到去就已經聞到陣陣磯燒味道一入到去就會見到小食，飲品，甜品區小食有熱食及冷盤:燒賣，蝦餃，鴨胸西蘭花，海哲青瓜等飲品:太多選擇了…應有盡有…連啤酒都有甜品:又是很多選擇，連我最愛的盒裝豆腐花都有，少不了雪糕甜筒雪條，還有一些慕絲奶凍提供當然~我們來的目的是磯燒海鮮這裡是用平板電影落單，唔錯唔錯~比起一般放題放紙落單更環保入座冇幾耐~餐廳就奉上送的海鮮實在太新鮮的海鮮…小龍蝦及鮑魚還會動的…看到小龍蝦在爐上掙扎…還真有點殘忍…所以見到部分客人都搵職員幫忙(動手)至於其他海鮮，特別係蟶子鮮甜到不得了,很令人回味其他海鮮都很鮮甜，但甲羅燒(蟹蓋)就稍為偏咸燒烤途中都會有職員幫忙及提醒漏單職員也會馬上跟進~服務還不錯除了磯燒，還有刺身及熟食提供芝麻炸雞翼，脆得黎入面好嫩整體黎講~食物方面真的唔錯一定會再黎~但希望唔再係小龍蝦了🙈提外話:截單時間是10點50分，但我們想在45分落單，平板電話就顯示了"大嘥鬼"的提示，不能再落單了😭我們還未食飽啦😭…查看更多

之前見openrice的食評說要排隊，有時要排到去後樓梯，所以提早一星期訂了位。我們約6:30到達，店內地方大，目測有二百個座位，但幾乎全場滿座。入座後，店員會介紹怎樣用平板電腦下單，每枱客人都會免費有一盤磯燒海鮮拼盤，裏面包括有鮑魚、扇貝、蟶子、生蠔及蟹蓋，之後再點這幾款的海鮮，就需要自費單點。其實除了上述的海鮮外，還有海蝦、蜆等等，款式頗多。以下是餐廳菜單，分別有任飲任食類及收費海鮮類。磯燒海鮮拼盤包括有鮑魚、扇貝、蟶子、生蠔及蟹蓋；鮑魚是要反轉去燒，殼要向天肉向下；其他海鮮正常放在爐面燒就可以了，若是覺得太乾，可加上稀釋的清酒，海鮮本身已經很鮮味，尤其是鮑魚，非常煙韌，，其他海鮮在燒的過程加了清酒，海鮮吸收了清酒的味道，鮮味大大提升。除了磯燒海鮮類，還有刺身、壽司、卷物、天婦羅、沙律、燒物、稻庭烏冬等等。刺身質素一般，三文魚不夠肥美，油脂不多。壽司都是很普通，味道一般。沙律方面，外面有自助沙律吧，有我最喜歡的蟹子，任撈任食。天婦羅蝦粉醬很薄，新鮮炸起，熱辣辣，外脆內鮮，點了好幾次。其他炸物都不錯，全部都是即點即炸，所以上枱時還冒煙，炸紫薯波更是必點之一，紫薯香甜，外層糯米很薄，非常煙韌。牛舌燒得很香，牛肉味濃，非常可口。值得一贊的是下單時可以每次點一件，份量不多，可以試得多些不同的款式。飲品方面，有約十多廿款的飲品，如汽水、無糖茶、韓式飲品等，最後有雀巢甜筒、韓式雪條等等，全部都是自助形式，任飲任食。整體而言，食物款式繁多，除了刺身類比較一般多，其他食物種類質素中上，侍應收碟很快，下單方便，是一間不錯的放題餐廳。…查看更多

係網上見到好多好評嘅御前大江戶，本來只係做日式放題，但近排就加左磯燒海鮮，立即吸引力大增！！就約埋朋友黎見識一下，由於好多booking所以我地凈係book到食夜d嘅時段～不過隔離有apm可以行住街等。。。上到去個場好大，大得黎又好空擴，一眼望晒，上面仲有好多日式燈籠，同埋會嗌咪教我地燒野，而且用平板電腦落單，總之成個感覺就好唔同平時嘅放題，值得一讚😆食物方面刺身好新鮮啊，三文魚好肥美，有好豐富嘅魚油～正！ 甜蝦入口即融又好鮮甜，帶子都好大粒！！因為要留肚食其他野，就每款都淺嚐就好了。另外有我最愛嘅壽司，呢度嘅創佢壽司都幾特別，特別好味啊！帶子黑松露好夾，我本身超鐘意黑松露嘅味道！同埋呢個芝士三文魚壽司，燒到微焦，個塊三文魚腩入口即溶，食到咁好味嘅壽司真係好幸福！！萬眾期待嘅海產來了～有海蝦，元貝，蠔，聖子同蟹蓋仲有蜆同螺～海蝦最正！肉質實而甜美，而且仲可以無限追加，如果唔使拆殼我一定會食好多好多隻～ 另外元貝同聖子都唔錯，非常多汁，海水嘅精華係晒個殼度包住燒，燒完即食勁新鮮，而且肉質爽脆，落小小鹽食就已經好好味。不過蠔同蜆，我就麻麻啦～蠔清潔得唔夠乾淨，蜆就太咸啦，食完一隻食唔落第二隻了。出面自助小食位有其他熟食，唔食生野嘅屋企人都唔使驚。口水雞嘅辣唔錯，幾惹味。蟹柳瑤柱伴西蘭花就非常足料，瑤柱味道唔算好重但以量取勝，求其一羹都好多野食。螺肉同鳳爪都係出面小食枱拎嘅，螺肉好辣，但又辣得好惹味，小小一碟已經食到我不停飲水。反而鳳爪就冇平時食咁辣，味道淡左啲啲。豆腐沙律，好清，汁係麻醬，冇咩特別。生蝦都幾爽脆，而且又係辣得好過癮！後面係特別嘅創作壽司，粉紅色個舊係豆紙，可以連埋一齊食，感覺好特別。鹽燒雞翼 以為一隻咁叫 點知黎左兩串有四隻牛柳粒 肉汁豐富 可以試試佢～出去拎野飲見到好壯觀嘅海膽手卷仲有飯後甜品 好多款可以揀…查看更多

一入門口，壽司枱十多名男廚師會精神奕奕用日文大叫「歡迎光臨」，非常有元氣。被安排坐落地玻璃窗邊卡位，闊落之餘又可飽覽整個觀塘區的夜景。飲品啤酒甜品以自助方式取，種類繁多。先有生磨芥末俾食客動動手熱吓身其實無咩味，勝在好玩清酒味淡易入喉刺身賣相一流，當中以三文魚最新鮮肥美好味欣賞呢度壽司嚿飯細細件，真正做到正宗壽司的一口一件呢度嘅燒物同炸物都好有水準，大大件豬脾羊脾任叫任食，最尾仲有「哈根大」雪糕…查看更多