倫哥尊尚火鍋私房菜 (已結業)

倫哥尊尚火鍋私房菜(1/7) 星期五 晚上7點特式：呢間雞煲火鍋已經食過幾次，一向都覺得性價比唔錯，尤其是lunch，更加抵食，今次是慶祝朋友生日，所以佢唔限時呢個係賣點。食物：雞煲 - 佢係乾身無乜汁個隻雞煲，味道正常，仲可以任fill，雞肉係滑既，唔會乾爭爭，芹菜芫荽係分開比，根據自己喜好決定落唔落。刺身拼盤 - 屬於一次性的，正常新鮮，正常味道，同d日式放題差唔多，值得一讚係溶雪做得幾好。蒸海鮮拼盤 - 屬於一次性的，可揀蒜蓉或者剁椒蒸，海鮮種類會因應當日供應而定，都幾新鮮，蒜蓉味夠，點埋豉油更加好食。火鍋海鮮拼盤 - 都係一次性的，海鮮種類都係會因應當日供應而定，新鮮的但蜆類都有少部分有沙，蝦新鮮爽口，鯇魚片同龍躉片好食。牛頸脊 - 呢個唔知係咪任食，因為無寫清楚，佢出面有最普通既cheap cheap肥牛任攞，但有職員問過我地洗唔洗refill牛頸脊，所以佢應該係會比refill的，牛肉味幾濃，又唔會un。秘製手打滑 - 佢有兩隻推介既手打滑，分別係蝦仁墨魚滑同墨汁墨魚滑，呢個真係勁推介，我地同行差唔多一人食左佢3~4條，去到尾個個都淨係搶滑，其他咩都唔再掂了。其他火鍋配料 - 其他配料都係自助出去攞的，無特別，都係一般半價酒樓任食質數，不值一提。飲品 - 有自家制既飲品同涼茶，但只屬一般般質數，都係飲返包裝/罐裝既好過，有一般既氣水/茶類/果汁等，無啤酒供應，酒類要額外比錢。環境：餐廳環境好，每張枱都好大好闊落，比一般餐廳既地方坐得更舒服，乾淨企理，冷氣又夠，又有電視睇。我去個日咁啱打8號風球，但都好多人，有8成入坐率左右，所以我建議要去既話就要book定枱。服務：服務態度好好，可能因為唔太爆場，職員好好招呼，收碟上菜等都好快。價錢：大約350一個人。總結：其實我已經食過幾次，建議lunch去食，因為食既野差唔多，但平到一半，lunch同dinner都係無限時，所以lunch去食絕對係無得輸；建議食完雞煲盡快試手打滑，因為我覺得佢d手打滑真係一絕，如果同枱朋友都覺得好食，就唔好浪費時間係其他食物到。…查看更多

去咗兩個星期歐洲，男朋友一返到香港就話要去食雞煲同打邊爐，所以前兩日就出咗佐敦食倫哥尊尚火鍋私房菜。基本上而家一大班人約食飯都會食倫哥，我一年都食幾次架，倫哥啲食材真心新鮮！我哋個套餐係海火鮮鍋(嚐鮮十二式)。一去到就有四款前菜，前菜有豆腐，木耳等，中規中矩。好快就有刺身拼盤，刺身好唔錯，最好味係牡丹蝦，鮮甜彈牙！食完刺身無耐就有蒸海鮮，我哋有蒜蓉蒸帶子，雖然帶子唔係好大粒，但勝在新鮮。帶子，蒜蓉同粉絲呢個組合係無得彈！之後又嚟咗炆花膠鮑魚，都炆得幾稔同入味。跟住就係重頭戲—雞煲。呢到嘅待應好友善，大約每兩分鐘就幫我哋炒個雞煲，其間仲加咗魷魚同豬皮落去炒，大約八分鐘就得喇！呢度嘅雞肉好嫩滑，重點係雞煲調味適中，食完絕對唔會口喝！惹味得嚟絕對唔會太重口味！食完雞煲就到打邊爐，通常我食完雞煲都無咩戰鬥力，但喺倫哥，我係會刻意留肚打邊爐，因為佢啲牛肉好正！今次我哋清清地要皮蛋芫荽湯。配料都有好多種類，有牛，海鮮拼盤，墨魚滑，蝦滑，水餃，響鈴，炸魚皮同蔬菜。最正嘅配料一定係個牛頸脊，有啲雪花紋，但又唔會太肥，重點係牛味濃！另一推介係手打墨魚滑同蝦滑，有粒粒原隻蝦喺入面！飲品選擇都唔少，除咗有一般嘅汽水同果汁，仲有自家檸檬薏米水，好清甜！最後仲有甜品—椰汁雪燕為呢一餐畫上完美句號。總括而言，倫哥嘅價錢係中上，但勝在食材新鮮，種類多，又服務周到，所以值得一再encore!…查看更多

同屋企人慶祝生日 本身諗住星期六即日都好難book到位點知中午一whatsapp就成功訂到枱（食咗少少先記得影相😅)一入座先上前菜小食同雞煲店員好細心幫我地攪拌以防黐底雞煲叫咗bb辣 冇乜麻辣味但醬汁好香濃好惹味等齊人就上咗蒸象拔蚌仔、鮑魚花膠同刺身拼盤象拔蚌仔都算幾新鮮銅厚肉不過略嫌蒸過熟咗少少而鮑魚同花膠都炆到好入味 刺身款式多 亦夠新鮮食咗兩轉雞煲就叫湯底轉打邊爐今次揀咗蕃茄濃湯海鮮拼盤好豐富 款式好多質素都還可以仲有好多火鍋配料都係任食手打墨魚滑同蝦滑係必食之選口感好彈牙響鈴就唔夠脆 比較淋身最後仲有甜品如果用信用卡付款就會係黑糖冰粉現金付款就會係椰汁燉雪燕最後我哋揀咗黑糖冰粉冰粉口感滑捋捋 本身冇乜味但配上黑糖味道又幾夾埋單連加一$383/位以呢個價錢食到呢個分量同質素仲要係任飲任食 性價比都算幾高👍👍…查看更多

老朋友飯局聚會，推介這店的打邊爐，刺身拼盤不錯，而海鮮，牛肉及其他食物水準中上，養生雞鍋清甜美味，年輕服務員態度不錯，收拾碟和垃圾爽手，環境整潔，坐位舒適，任飲飲品可以由其五花茶，送甜品黑糖冰粉必吃好味道，個個食到飽飽的，下次試試其他鍋底。希望這個品牌努力保持水準，客似雲來！…查看更多

女友話之前食過倫哥好正，帶我去試試上到嚟，發現好大，全層都係佢嘅，好多vip房，下次夠人數book間房，有自己私人空間，開個私人party坐低後先送上一人一份蠔皇扣原隻鮑魚配花膠同埋蒜蓉粉絲蒸扇貝蠔皇扣鮑魚配花膠-鮑魚煙韌入味，花膠亦不錯蒜蓉粉絲蒸扇貝-都幾大隻，蒜蓉味很重，但沒有蓋過扇貝的鮮味，而粉絲更吸收了兩者的精華之後送上按人頭份量的刺身，有甜蝦，三文魚腩，帶子，八爪點，北寄貝，全部都好新鮮雞煲超好食，因為唔食辣，所以叫左唔辣，已經超好美，店員話要煮多八分鐘，每兩分鐘就炒d雞一次，以防燶，隔離抬叫大辣炒起來極香，比我哋唔辣的更香食完雞煲可以轉火鍋，不過雞煲係任添，記住食到夠先轉火鍋，我哋叫左豬骨牛乳湯底，好足料，有兩舊大大的豬骨第一轉配料不用寫，店員會自動送上，先有海鮮拼盤，再有丸，餃同牛頸脊左起：牛丸，年糕魚蛋，雲吞，九菜餃牛頸脊雖然不太肥，但肥瘦均勻，所以食落香滑，令人感到有想食多d眼感覺餐牌內，其實仲有其他配料可以點，保證你一定可以食飽最後還有甜品附送，因為我哋太飽，所以無要到…查看更多

係佐敦地鐵站A出口行幾分鐘，抬頭一望就見到倫哥火鍋既招牌，今日既目的地就係黎佐敦分店呢到啦！  上到去二樓就見到倫哥私房菜既靚靚招牌，如果拎走條紅色帶就更好！ 店員俾咗個枱號我地，唔知點搵。原來抬頭一望，就會見到枱號！店內既裝潢都幾別緻。D碗筷好盞鬼！張紙會教你點整個雞煲~前菜有麻辣豆角同埋木耳，木耳用醋醃過，又用咗蒜蓉調味，香得黎，酸酸地，豆角麻辣得好過癮，兩樣都好好味。第一次黎食倫哥真係好有驚喜，係食雞煲前會有中湯飲，而且唔係普通中湯，而係燉湯，今晚係蟲草花燉雞湯，十分滋補。飲完湯之後，另一驚喜就會出場，係鮑魚花膠啊！花膠含豐富骨膠原，啱哂女士食。鮑魚細細隻十分彈牙，配埋D汁味道剛剛好。當你以為開始食雞煲既時候，店員又拎咗一盤刺身拼盤黎。有三文魚、牡丹蝦、帶子、八爪魚同埋北寄貝，每一樣都新鮮肥美，唔錯喎！食咗咁多正野，主角雞煲終於出場啦！本來諗住跟住張紙既指示去整，但係呢到D店員好好咁黎幫手攪。攪咗四次之後，個雞煲就可以食啦！我地怕辣，所以叫咗BB辣。一打開煲蓋，就立即香氣撲鼻，夾起一舊食，雞肉十分嫩滑，醬汁都十分惹味，最正係可以任食。食到一半，就可以放埋牛柏葉、豬皮同埋魷魚落去個煲入面撈，索哂D濃香惹味醬汁，非常美味！食完雞煲就可以轉打邊爐，等緊既時候，店員就拎咗串燒蝦同埋我一開始店員俾我抽籤抽中既串燒羊肉出黎。串燒蝦有椒鹽調味，而羊肉串燒一D都唔騷，兩樣都唔錯！湯底我地就揀咗牛乳湯，顏色呈奶白色，飲落清清地。等D湯滾起之後，我地就落野食啦！D蠔望落去大大粒，驚放入去淥會縮水，點知淥完之後都仲係飽滿多汁。海鮮拼盤︰又一驚喜之作！拼盤有海蝦、蟹、蚌、鑽石蜆、刀貝蜆、白鱔、龍躉、魷魚、鯇魚，十分豐富，絕對啱哂熱愛海鮮既我！打邊爐冇牛總係好似爭D野咁。呢盤牛頸脊擺盤好靚，夾起一片淥好之後品嚐，就會食到濃郁既牛味，而且有少許厚度，偏向有嚼勁。一片又一片，好快就清哂。墨魚滑同埋蝦滑係我認為無論幾飽都一定要食，因為真係好彈牙，而且仲有墨魚粒同埋蝦肉係入面，真材實料，味道鮮甜。打邊爐有雲吞水餃係基本！呢到既餡料都幾有水準，d皮唔會好重醶水味。食咗咁多肉，一定要食下菜balance下。仲有打邊爐常見既響鈴！如果想飲野，可以問店員拎一樽涼茶，又或者去飲品櫃拎汽水。食完咁多野，最後就係甜品！甜品係黑糖冰涼粉，有別於平時食既黑色涼粉，呢個係透明，而黑糖為這晶瑩剔透既涼粉帶來一絲絲既甜。食完好飽，要捧住個肚去埋單。之後見到呢幅圖，真係非常認同！「同志們，這家雞煲火鍋要常來！」…查看更多

千呼萬喚，終於約齊腳食倫哥了。Poster 有呢張，冬瓜雞湯底、雞煲、串燒同盤海鮮都好吸引。周末連加一，位位$383， 比同類型的雞煲火鍋貴左幾十左右。第一次食倫哥，仲要新舖，當然試試佢。入到場係熱鬧同旺場的，幾乎 full house ,氣氛好正 ！我地人多勢眾，所以有房坐，不另收費不過坐房都有個唔好處，個個侍應都踢曬腳，真係揾鬼理你囉⋯⋯經過多次攔截，（大約十五分鐘後）先至揾到人落 order :(首先上雞煲，果然係招牌菜，名不虛傳好好味呀！超香夠惹味，仲可以加埋三寶（豬皮魷魚栢葉），好入味好正。係我食過最正的雞煲，沒有之一。小辣其實唔係好辣，我下次要挑戰中辣。雞煲係任食的，可以無限 encore ， 不過記得留肚食火鍋喎。然後有刺身盤，隻蝦夠大，幾正到火鍋部分，原來 poster 上的冬瓜雞係冇架，只有普通果D 芫茜皮蛋蘿蔔薯仔 ...... 失望上完湯底，仲有靚牛頸脊 ，好味架。圖中係六人份量，個個都係牛肉怪，但又冇得 encore ，轉頭水一滾已經清左，份量略嫌不足。海鮮盤有呢個，亦係六人份量，有貴妃蚌、馬刀貝、象拔仔、沙白同蝦，仲有D魚。一隻中 size 蟹 only ，得三個人有得食，唔夠分噃⋯⋯一般食開呢D火鍋限量海鮮盤都係勁新鮮，扎扎跳的。但盤就比較文靜，唔覺得有任何動作，似乎一早已經劏定左 。火鍋蠔，需要大讚，好鮮甜好好味，可惜又係得一粒。手打黑白滑呢個我負責「了」落去的，可惜醒起要食的時候已經冇曬，唔知好唔好食。得果兩條, 又冇得 encore, 唔夠分，好正常。脆肉鯇只俾雙飛魚片同腩骨咋，最正果條長條魚腩位都冇 ....鮑魚花膠鍋，鮑魚都算大隻的，味道ok 啦，去飲果D咁，冇乜特別。串燒係每人一串燒蝦，仲以為好似 poster 咁有個爐仔可以自己燒牛丸，睇來又係諗多左......燉湯，冇乜味超多油，飲左幾啖算甜品係白涼粉，今期流行，食完火鍋食佢又幾正既。…查看更多