路邊煱 (已結業)

土瓜灣因著MTR需修路，很多地方都不好找，沒有地膽帶我搵食，唯有路在口邊周圍問人找這家路邊煱。聽說他們的海鮮不錯，能在小小舊區屹立不倒，應該也有點斤量吧！
今天約了遲到Queen吃飯，預了她例遲，一到步我立即點了一些邊等邊吃的小食。八味金磚豆腐、手拍青瓜，都是開胃的餐前頭盤，有香口的有醒胃的，輕鬆消磨了半小時！今天目的是吃海鮮，當然要點招牌花甲蟹煱！真的非常足料，大大隻蟹蓋，配上很多很多的花甲。花甲多得撈極都撈不完，吃到底時還有在鍋底，真的抵食。蟹湯很鮮甜，未打邊爐之前已經急不及待喝一大碗湯，很是鮮味！大家放工都很餓，點了不少飽肚火鍋配料。手打四寶丸、肥鵝腸、鳳城水餃。我覺得手打四寶丸造得不錯，大大粒爽口彈牙，不是行貨！朋友說肥鵝腸也很出名，值得一試。而這晚的主角，一定是壯觀的招牌肥牛拼盤。有齊牛頸脊、牛胸爽、牛脷托、和牛粒、肉眼邊、金錢𦟌。我個人最喜歡牛脷托，是牛舌之中最香濃最爽脆的部份，打邊爐吃一流！都說是慕海鮮名而來，也另點了基圍蝦廣島蠔。基圍蝦確實是價廉物美，隻隻新鮮都只不過是幾十蚊，大排檔的價錢火鍋店的享受，大受歡迎呢！
吃了這麼多肉類海鮮，也追加了皇帝菜和冬瓜件清清腸胃。健康打邊爐，Keep住身體好！…查看更多

打邊爐係就係肥架啦，但又方便wor，中意食咩就煮咩，其實我都好中意架。不過淨打邊爐又悶左D，呢度食就有得食左個花甲蟹煱先，之後就用佢D湯黎打邊爐，真係一班fd食飯ge首選呀。呢度唔算好大，但都坐得舒服ge，都係黎搵朋友先知呢度有間咁好食ge野自選醬料，我係會咩都落曬架個煱未黎叫住小食先，個豆腐堅好味，外層仲有D八味粉，好香好有下酒菜feel主角到，大大個煱，除左有蟹，D配料都唔少隻蟹仲有好多膏添，正呀牛牛，我最愛ge牛牛，成盆有牛頸脊、牛胸爽、牛脷托、和牛粒、肉眼邊、金錢𦟌，個樣都靚過人ge牛ge花紋都好靚，食過好鮮味，牛味好香，不過我最意係個和牛粒，牛味最濃，而且就算煮耐左都唔會硬身，真係想食左幾舊呀四寶丸，全手打，好彈牙好新鮮基圍蝦夠大隻，而且好抵食呀，D肉好實好新鮮最後唔夠飽叫多左個水餃，都唔錯，唔似出面D雪藏貨，都抵食ge…查看更多

約了班大學同學Dinner, 大家對食咩都冇咩意見。咁岩見到其他人POST 呢間路邊煱既相, 見到有蟹湯火煱提議左試呢間。去到大約7點,都幾多人下。好在住得近既大同力左位先!黎到呢度當然一定要叫最吸引我既花甲蟹煱啦!點知原來有我最憎既芫荽心諗呢餐唔洗食啦 , 點知個湯好香好濃, 完全食唔到D芫荽味!太感動了叫得呢個蟹煱當然要食佢入面個蟹啦, 個蟹煱上左一陣1分鐘都冇, D姐姐就同我地講"食得架啦!"個蟹真係好食到不得了, 好多蟹膏D蟹肉好鮮好嫩, 蟹膏又多又肥美, 正有咁大隻蟹係入邊, 個湯當然係好好味啦!而且好重胡椒味,好香濃!另外叫左D小食:金磚豆腐,手拍青瓜咁, 都整得好好味可以叫黎送,雖然我地冇.... 手打四寶丸,我冇食齊四種, 但食左既都好彈牙!鵝腸睇落都好似好肥美, 雖然我冇食到.....招牌肥牛拼盤, 呢個不得了! 有不同牛部位, 頸脊、胸爽、脷托、和牛粒.....D牛好好食,肉質軟腍,牛味好足,必食 ! 廣島蠔,新鮮好味!基圍蝦好抵$68only!佢放到咁我仲以為我地叫左個甜品蝦好大隻,新鮮!!水餃, 正常!又係大大隻既~依家又開始掛住個花甲蟹煱啦~真係好好好好味! (原諒我是位蟹迷)…查看更多

我並非火鍋粉絲，因為比較欣賞有廚藝的食品，但偶爾亦喜歡原汁原味品嚐新鮮食物，因此，清鮮的湯頭方合我心意，去年發現路邊煱的花甲蟹煲，真的有驚為天人之感，這個組合，甚得我心，就是路遙於土瓜灣，亦已光顧兩次。最近得知，在同區的美景街開了新店，亦已經半年，地點相比方便，到達後，覺得門面更寛敞光猛，有游水海鮮魚缸，推介之生猛海鮮款式似乎亦更多，來自不同地區，例如泰國基圍蝦及沙巴魚等。甫進店內，燈火光明，以圓桌為主，每張桌中央皆設置了火鍋，不愧為火鍋之家。火鍋調味料不及新派和集團式的花款多多，但最受歡迎的蔥丶生蒜丶炸蒜丶紅辣椒丶芫西及沙爹醬俱全，我喜歡原味，只隨意混混而已。餐牌力推生猛海鮮及新鮮鍋料，我們當然亦不鮮不吃，鄰近土瓜灣街市，應無難道。招牌花甲蟹鍋及川味辣雞皇煲皆吸引，最後因為食伴們未嚐過，而我又不介意重覆，只好重溫前者，但稍作更改。這夜，選了花甲鍋，不加蟹，以蚌取代。番茄粟米湯頭，未嚐已知清甜，先加進兩只韓國BB象拔蚌，混出鮮香，然後再下蟶子。兩者皆灼一會兒至彎曲即熟，肉質彈牙，本味鮮甜，沾了湯汁，多分酸香，異常醒胃。是日有新鮮紅鮪，加進湯頭更倍增鮮甜。見魚眼清澈，定必生劏，十多片肉件厚身，看似肥美。肉質比較腍，不及石班的彈牙，亦不及脆肉鯇有口感，但吃得過。蟹子墨魚滑繼而以小匙取出蟹子墨魚滑分段下鍋，吃得出是自家製，雪白起膠，打至完全均混無雜質，不知道有否預先調味或只因沾了湯汁，味道鮮美合味。經營火鍋店，丸餃自製是必然，否則太無誠意！有時候亦可從小處見特色。這裡的手打牛根丸有特色，粗剝而成，並非打至完全糜爛失口感，而且內心有少許爆汁，看圖中橫切面可見小孔，因此口感甚佳，更有頗濃牛肉之味，介乎近似有些羶之感。鳳城水餃比較平凡，但喜見餡料有豐富素菜，味道無出錯。無肉始終不成，點了一份手切本地肥牛拼牛頸脊，色澤紅潤的新鮮貨，脂肪紋理不乏，肉質嫩，有嚼勁，基本貨式。經過一番海鮮肉食滾煮，番茄湯頭更加鮮甜，淨喝滋味，我們意猶未盡，添了最近配搭的烏冬，胃納豐富滿足。想吃這兒的香煎炸物有水準，中途追加了椒鹽魷魚鬚及墨釀油炸鬼，炸功出色，酥脆惹味，鹽的鹹味拿得準繩不過份，口感濃郁但不膩，墨魚滑柔順，墨釀油炸鬼更是外脆內軟。材料新鮮，價錢服務環境衛生皆合理合格，只是對我來說遠了一點，碰到機會，還會再訪的。…查看更多