龍門金閣海鮮酒家

十幾年前的舊同事各散東西，剛巧有倆位從外地回港想吃傳統粤菜，所以選了這間老店。地方比較逼，坐得唔舒服，但服務唔錯。同事提早預訂了:香酥荔蓉鴨太爺雞-半隻冰鎮咕嚕肉避風塘瀨尿蝦豉椒炒聖子皇蒜蓉中蝦蒸糯米飯籠仔梅菜蒸菜心不過當日冇聖子，冇得試。啖啖肉的瀨尿蝦第一次試。蝦肉有鮮味，但用炸蒜炒一定會奪走鮮味。味道唔錯，但浪費了海鮮的鮮味有點可惜。雞一般，沒有驚喜。冰鎮咕嚕肉平時食得多，這個外層夠脆口，酸甜適中，幾好味!我平日唔多喜歡吃焗魚腸，但這個幾香，冇腥味，我幾喜歡。多士不會吃到一口油，但整體冇驚喜。菜心入唔到梅菜味，菜本身也唔夠新鮮，不推介。糯米飯比蝦更好味，推介。炒得夠乾，味道唔錯，推介。炒飯炒不到粒粒分開。鴨在底上面加了宇蓉再炸香，第一件好味，第二件開始油膩了。甜品是送的。我從未試過咁有誠意的免費甜品，通常都是紅豆沙，所以有誠意感覺特別好味。…查看更多

公眾假全家去食大餐，食完再去睇煙花位置唔起眼，近嘉諾撒聖瑪利學校，旁邊多為小店起酒家入面屬小型，比較似私房菜好多菜式要預先訂購👨🏻‍🍳等廚房做好準備▶️ 冰鎮咕嚕肉 ($162)一擺上台已經好矚目，真係成筒冰咁上😂一嚿嚿咕嚕肉被冰埋藏咕嚕肉相對大粒，外皮超級香脆，第一次食到呢個口感！入面嘅豬肉半肥瘦，完全唔韌，炸皮唔太厚甜酸醬較黏杰，冰融化咗都唔會溝淡味道▶️ 避風堂瀨尿蝦肉 ($398)每條瀨尿蝦都好巨型，已經起晒殼，啱晒懶人上面嘅麵包糠脆卜卜、配上炒香嘅乾蔥好惹味指天椒少少辣🌶️唔食辣嘅撥走就冇事蝦肉彈牙😋▶️ 龍門小炒王 ($156)第一次見咁嘅做法，入面混合咗大蝦乾、韭黃、銀魚乾、芋條全部炸到脆卜卜香口但乾身，好似啲西式風乾蔬果零食咁蝦乾鹹鹹香香，用嚟撈白飯好啱▶️ 上湯花甲浸菜苗 ($188)望落比較清淡嘅一道餸菜苗係白菜仔，咬落清脆🥬另外仲有芹菜、薑絲、紅蘿蔔絲、金針菇花甲味道新鮮，不過唔算鮮甜整體呢度餸比較一般，冇其他咁出色▶️ 上湯澳洲龍蝦伊麵 ($880)好耐冇見過咁巨型嘅龍蝦 (亦都好耐冇食過龍蝦😂)就咁睇已經見到啖啖肉🦞肉比起龍蝦殼還要多龍蝦口感爽彈，帶有少少海水味伊麵做得唔錯，質感彈牙，唔會一pat pat淋晒斷晒用上湯而唔係芝士底嘅好處係唔會蓋過龍蝦本身味道，同埋冇咁heavy▶️ 上湯中蝦脆米飯 ($328)好特別嘅一道餸，絕對唔係一般炒飯中間係脆米，旁邊係上湯配蝦球脆米本身口感似米通，炒入雞蛋令佢冇咁單調🥚上面更帶有肉鬆絲上湯似芡汁，加入咗青蔥粒香口啲冇沾上湯嘅脆米口感雖脆但較硬，沾上上湯後變返好似正常米飯🍚大家可按個人喜好選擇食法 (自己較鍾意後者)旁邊嘅蝦球唔輸蝕，每一粒爽口彈牙🦐食厭咗炒飯可以試呢個(感覺上冇炒飯咁油膩添)，推介！▶️ 薑蔥霸王雞半隻 ($198)上面嘅薑蔥多得驚人😂完美醃蓋雞，非常惹味雞肉肉質幾嫩滑🐔不過唔算厚肉個人覺得呢個唔算好食，可以叫其他餸▶️ 銀山砵酒桶蠔煲 ($248)每隻蠔都巨型size，用錫紙包住冇事呢個因為唔太好蠔🙈不過屋企人讚好食▶️ 薑汁燉奶最後送甜品，有夠誠意，唔係常見嘅綠豆/ 紅豆沙擺上台嘅時候見到燉奶「動L動L」😗仲係暖暖地嘅薑汁味道幾出，同時奶味香濃🥛口感幼滑又有啲creamy，覺得佢有少少似creme brulee，同時有啲水汪汪不過食到尾真係幾飽 (我哋仲要自備咗蛋糕甜品)-一間隱世看似平庸但十分高質嘅海鮮酒家，每一道餸都精心炮製❤️夠晒鑊氣起市區食到新鮮又好食嘅海鮮甚為罕有特別推介冰鎮咕嚕肉、脆米飯，瀨尿蝦、小炒王、龍蝦都好出色 (即係大部份餸都掂)環境唔錯，細細地但坐得唔擠迫，冇一般酒樓咁嘈服務好，侍應好幫得手，見隻碟多殼會主動幫你換碟上菜唔會等好耐，即使係都係慢工出細貨☺️價錢當然貴啲，估計大概$400/人，但以海鮮大餐來講好值👍🏻採用嘅都係真材實料靚料(順帶一提，呢度免開瓶費同切餅費👻)快啲save低下次同屋企人食大餐嚟試吓啦，包保唔失望，仲好驚喜！…查看更多

同屋人共六個人來食團年飯，七時左右入座點菜，點左8個餸好意頭，當食完第七個餸之後，就開始追第八個餸，待應A回覆來緊，之後就一直等，直至等到九點幾左右，待應A回覆豆苗沒曬，待應B跟住話有菜心，之後就轉啦，過左一陣待應B又話菜心岩岩比人叫左，沒曬，之後就開始火滾，由落單開始直至9點，起碼個半鐘以上沒貨唔出聲，之後再轉話有菜心，點知再等再話沒，都算，之後我話叫個再高級d來解釋一下，侍應C出現話沒曬，得生菜，仲要唔要，唔要廚房就收工，我話要投訴，佢回覆話呢度沒人話事，直接比左老闆電話我，我打比老闆，老闆了解完事件話交比當值經理X先生處理，之後個位待應C話經理好忙係廚房唔得閒，屋企人話算數生菜照食，因為沒可能做冬食七，點知轉個頭幾分鐘，個侍應C又話生菜都沒，我心諗你玩野吖，一次兩次三次:(最後佢話仲有白莱，谷住氣食完就走，呢間鋪真係沒下次，仲有記得唔好坐樓上，因為原來樓上係係隔離大廈上一樓，d餸送上來都凍左一半，待應B同個位待應C服務態度差X經理直至十點走人都沒出來😤…查看更多

朋友聚餐，最喜歡選中菜餐館，一圍檯坐得舒服，圓檯傾計可以傾得更暢快！今次朋友揀選呢度，也是朋友的朋友介紹，聽說老闆在「海鮮界」立足很多年，很有經驗的！那今晚一定要試試海鮮了！先來一鍋濃湯雞煲翅嘩嘩嘩，未落肚已興奮，看到整碟8両翅，很豐盛呢，而濃湯有成隻雞，非常足料！價錢只是$398，勁勁勁抵 雞肉都比返人客品嚐架，煲到差不多去骨咁滯，不過我想留返個胃食其他野，所以沒吃到雞肉一煲大約可分6碗左右，每碗翅的份量不少，成梳很誇張，下次同長輩食飯，呢個很得體又滋補，一啲都唔失禮呀！唔好以為佢係味精湯，我地返工屋企後，都無話勁口乾口渴極力推介！另一道是店長推介的冰鎮咕嚕肉同平時食法唔同，加咗一大堆頭的冰粒，吃的時候，表皮是脆凍，但內裡是暖軟的咕嚕肉唔多骨，皮也不厚，味道也剛好可能是冰鎮關係，唔似傳統的多汁海鮮當然是必點啦以下是推介給吃得勁辣的朋友仔辣酒煮花螺紅紅的湯底，花螺超級入味，辣道十足，越吃越惹味！避風塘瀨尿蝦一大堆「避風塘」蓋過瀨尿蝦，打開後驚喜非常看！原條大大隻已去殼的大size 瀨尿蝦新鮮熨口，淡淡肉，肉質很彈牙，新鮮惹味吃完一條很想繼續食多一條避風塘停不了避風塘大肉蟹原隻大肉蟹，份量也不少，端上來時已聞到很香口的味道有幸被我拿到一隻大蟹鉗，好大隻，也入味，啖啖肉另外還有些懷舊菜蝦子柚皮我是第一次食，賣相不錯，但不是我杯茶，但同行長輩很like!總括來說，呢間餐館我會列入為我的encore list, 雖然內裡裝潢都有點懷舊feel, 但其食物、味道、份量及價錢是「物有所值」的！…查看更多