富東閣海鮮酒家 (已結業)

再戰富東閣片皮鴨，今次搵埋飯腳友，四個人去食可以食多啲嘢。片皮鴨，保持水準，有皮有肉冇肥膏，好味。二食今次要咗炒鴨絲，韭菜、芽菜、青蔥炒鴨絲，有鑊氣，味道合格。冰鎮咕嚕肉，上次見到隔離枱食好吸引，今次人多終於可以試。煮起熱辣辣，放上啲冰度搞到個面凍冰冰，口感又幾得意。冬瓜盅，好耐冇食過了，大大舊去皮冬瓜環，仲有必備嘅夜香花、絲瓜、瑤柱、蟹柳、蝦，夠哂足料。海鮮雜菜煲，又係大大份，超多料。薑蔥蠔煲，同樣份量十足（足足有十隻蠔），夠哂火喉，香噴噴。六個餸，連埋茶錢加一，都係$878，認真抵食。…查看更多

前排疫情下區區外賣團購片皮鴨大賽，今日終於可以來到堂食試吓富東閣係傳統屋邨酒樓，就喺嗰種細個過節時阿爸阿媽帶你去食好d嘅酒樓，一入去就有種老街坊酒樓好有人情味嘅感覺。一坐低姐姐就比左剛剛熱水消毒過的餐具，等大家食得安心💛一場來到，當然要食名物片皮鴨，另外叫左冰鎮咕嚕肉和時菜。片皮鴨比之前外賣好食，係包鴨既皮比較厚，食兩塊就好快飽，絕對對得住$168價錢。冰鎮咕嚕肉上菜好有驚喜一大盤冰上面放著出熱的咕嚕肉，令到外面又脆又涼，但裡面又熱又軟，口感非常特別，好彩今次嚟堂食先試到…查看更多

限聚令終於可以比六個人坐埋食飯，終於可以約埋奶奶一齊食啦。佢鍾意食中菜，今晚就嚟試吓富東閣嘅晚市。我哋未夠7:00去到，好彩唔使等位可以直入，遲半個鐘外面已經排晒隊等緊位。建議大家唔想等位可以電話預約。我哋被安排咗坐喺房，同一間房有三張枱，都有足夠距離，唔會太侷促。我哋見好多檯都有叫冰鎮咕嚕肉，好大碟好有看頭，所以我都試咗。非常推薦，首先賣相已經好吸引，打卡一流，熱辣辣炸到脆卜卜嘅咕嚕肉鋪喺大堆冰上邊，冷熱交替，入口口感非常有趣。建議要趁熱食，凍咗咕嚕肉就會冇咁趣㗎啦。而且咕嚕肉汁跳得好好味，酸甜到剛剛好，送飯一流！蝦醬蚌片炒翡翠湯片數量有好多，配合蒜蓉蝦醬炒，非常香口惹味，花枝片入口爽口彈牙，一啲都唔會軔。翡翠即係翠玉瓜，炒得非常脆口！健康得來唔會過分淡味，好食！是日例湯係西洋菜湯，細細煲湯但係非常足料，淨係豬骨都有兩三嚿，齋湯了已經可以當一碟餸。湯骨味濃郁，鹹度亦都適中，唔需要再另外落鹽，飲完一大煲，一啲都唔會口乾，冇味精！片皮鴨（唔記得咗影相🙈）每舊片皮鴨肉同埋肥膏都相當均勻，夠晒又香之餘亦都有啲肉食下，味道相當香口，油香味十足！不過包住片皮鴨嘅包皮就唔算好博新，但係熱辣辣上枱，非常吸引！而且只係$168 ，性價比極高！片皮鴨二食-豉椒涼瓜炆鴨肉二食有三款選擇，之前食過涼瓜炆鴨肉唔錯，所以今次再食！用豉椒爆香左嘅鴨肉，相當嘢未，鴨肉切得大細剛好，有趙口得來唔會好鞋。配合埋炒香左嘅苦瓜，唔會太苦。奶奶好喜歡。最後我哋仲叫咗三粒壽包（又無影相🙈），每個都男人拳頭咁大個，即叫即正，熱辣辣上枱小心唔好辣親！受包裏面係好足料嘅蓮蓉及一整粒鹹蛋黃，對於我呢個鹹蛋黃控真係控制唔到，食唔停！而且蓮蓉唔會太甜，奶奶好怕食甜野但都好滿意！最後埋單$910 ，四個大人兩個小朋友食到包住個肚，仲打包埋返屋企，好食性價比極高，超級推薦！…查看更多

其實沒什麼誘因會特意走去屋邨酒樓食飯，但去年開始在不同渠道聽到關於它的介紹，就選了平日的晚上去試試。實在是間名符其實的屋邨酒樓，陳設雖稍舊，但來光顧的都是街坊、家人或好友相聚，酒樓內出現近來難得的熱鬧聲。當晚3人點了冰鎮咕嚕肉、片皮鴨兩食、炒花膠西蘭花。上菜不需等好耐，先來咕嚕肉～一大盤冰上是暖暖脆口的咕嚕肉配鮮甜菠蘿，很開胃，酸甜度適中，是出乎意料的美味！按著的片皮鴨兩食不過不失，如果再熱一點會更好味。至於西蘭花炒花膠，配搭的醬料惹味，味道不錯！…查看更多