鮨秀

環境都ok，清潔衞生，光線充足，坐吧枱，望住師傅整野食，介紹每樣食物，過程尚算流暢，係一開始上前菜waiter經驗唔多，上菜後冇介紹，主動問佢但答錯。✨味道80分，環境79分，服務70分。.🔷竹 ($1380)先付3點，刺身6點，一品料理，壽司6貫，御碗，甘味🔷梅($1080)先付3點，壽司10貫，一品料理，二櫻海老丼御碗，甘味.🔸先付3點胡麻豆腐 ，蟹肉紫菜天婦羅 ，青瓜芥末八爪魚.🔸刺身6點•沙鰈魚：淡味魚，食肉身先 ，口感爽。燒左既係魚邊，好有魚油香，口感滑身。•北海道珍蠔：超肥美，手掌咁大隻，好鮮甜。•劍魚腩：查左柚子胡椒汁，酸酸地，微辣，淡味魚。•新鮮北寄貝：可點岩鹽，落左好多檸檬汁，但食落個人覺得腥。•海膽·松葉蟹·三文魚籽：海膽好甜，蟹肉味濃，三文魚籽清甜。•秋刀魚：好特別用薑蔥鼓油，赤身魚，較濃味。另外用魚肉用紫菜包埋黃蘿蔔同蔥，味道濃。•燒白子：係魚精，口感豐盈，香潤，食得多有點滯。•拖羅：超正，厚肉，落左岩鹽鹹鹹地，底下放左紫蘇葉，令整體幾清香。.🔸壽司10貫沙鰈魚，八爪魚，鰤魚，白子，秋刀魚，中拖羅，赤貝，大拖羅，北海道赤海膽，白蝦。.🔸壽司6貫深海池魚，赤蝦，銀鱈魚口感細滑 ，大拖羅，海膽，右口魚邊好有魚油香。.🔸一品料理•黑松露海膽蒸蛋：蛋好滑，表面放黑松露醬同海膽。•蟹膏味噌燒大蝦：蝦肉質麻麻，上面蓋左蟹膏，整體一般。.🔸二櫻海老丼：櫻花蝦炸過，超香口，整體好惹味。.🔸御碗魚湯，魚味濃，口感細滑，落左豆腐同菇。.🔸甘味•柿：好甜，爽口。•綠茶蕨餅：煙煙韌韌，•青檸啫喱：酸酸甜甜，青檸味濃郁。…查看更多

發現廚師發辦呢樣嘢係會令人食上癮架👉🏻👈🏻呢日去左銅鑼灣既鮨秀，假日既人流唔算特別多，又可以坐吧檯欣賞師傅既刀功，而且女服務員既服務態度都唔錯😚▪️Korea 💲12001️⃣ 先付3點 Appetizer（7/10）(左) 炸墨魚粟米：炸到暖笠笠上檯，外脆內彈幾香口(中) 素翅：入口滑身，味道清清地(右) 八爪魚：質感有咬口，帶有少少辣汁，不過都偏鹹2️⃣ 刺身6點 Sashimi 6 kinds（7.5/10）八爪魚：爽口質感加上青檸感覺新鮮，至於八爪魚吸管可以點埋Wasabi一齊食😛7.5/10三重縣蠔：隻蠔肥美飽滿，海水味頗為重7.5/10香茜蟹：呢個超級足料，蟹肉、蟹子、蟹膏、蟹醋全部有齊，膏味尤其香濃，不過後期可能會有少少寡同單調8/10秋刀魚：帶點口感但非韌身，配上香蔥豉油辟腥8/10梅福：幾有特色既一道，以脆身既威化餅，包裹住充滿鹹鮮既飛魚籽、比較淡既間八魚、海膽等，配搭唔錯7.5/10拖羅：紫菜包住紫蘇葉同埋拖羅，略嫌魚油脂未夠豐厚7/103️⃣ 一品料理 Hot Dish（7/10）熱食有兩款選擇，汁煮魔鬼魚肉質嫩滑，而海膽蒸蛋質感滑身，亦有香濃既黑松露味4️⃣ 壽司6貫 Sushi 6 Pieces（7/10）整體感覺壽司米偏濕腍，刺身會比壽司更勝一籌🤭（左上）深海池魚帶有柚子香，富有嚼勁夠結實（右上）面頭魚肝有入口即溶既油潤感覺，配上本身淡口既剝皮魚同香蔥一流😳（左中）白蝦壽司加上比較細碎既明太子（右中）炙燒金目鯛將啲魚油逼出黎，中間有沙律醬同蔥香大大減低油膩感（左下）大拖羅尚算肥美（右下）海膽份量頗多，味道偏甘，紫菜亦帶脆身5️⃣ 御椀Soup （7.5/10）滿滿豆腐同埋蘑菇仔🍄既濃郁鯛魚湯6️⃣ 甘味Dessert（7/10）青檸啫喱微酸幾清新，靜岡蜜瓜比較熟透，入口好甜多汁，帶微澀既綠茶蕨餅口感軟糯，簡直百感交雜🤗🔎 整體評分（7/10）…查看更多

銅鑼灣係食omakase嘅熱門地點之一今次就揀咗間價錢算入門級嘅試下😛地點非常方便 地鐵站一出行幾步就到一出𨋢就見到門口 唔駛猶豫行入去就啱㗎喇因為全層都係佢哋入面有吧枱亦有普通枱 但食omakase喇喎就緊係要坐吧枱對正師傅啦😌晚市係只供應omakase嘅但都有5個餐俾大家選擇 豐儉由人而今次筆者就揀咗$1200嘅餐小試牛刀先😆後來同師傅傾開計 發現佢哋嘅午市都好吸引價錢仲相當親民添✨先付3點首先食素翅：用酸嚟調咗味 先用嚟開一開胃酸味適中 素翅較粗身亦都好有咬感跟住係汁煮牛舌：牛舌非常厚切 口感非常好係調味上鹹咗小小最後再食白粟米：白粟米好清甜 口感爽脆用嚟清一清味蕾✨刺身6點三重縣珍蠔：隻蠔雖然唔係巨型但都一啲都唔細加咗檸檬汁同酸汁提一提味 令到蠔嘅鮮甜味更加突出隻蠔亦都相當肥美 感覺creamy最後嘅回甘有濃濃嘅蠔味連一向唔食得生蠔嘅筆者都覺得佢好味阿😋薄切間白鱆紅魚：魚片加埋新鮮紫菜再點埋個特製醬汁醬汁帶少少青檸味 食落好清新而魚嘅質感係帶小小張口嘅梳之魚（其實唔知係咪咁寫🙈）：連埋炸大蔥同芽蔥一齊食 食落有少少辣師傅話係因為加咗柚子胡椒 用嚟帶起魚味鍾意嘅話亦都可以加啲wasabi 不過呢款係淡味魚 唔添加太多嘅味直接食就已經好夠梅福包左口魚：呢個係相當有驚喜嘅🤩食法係好似漢堡包咁夾住食味道同口感都好豐富 醬係海膽魚子黑松露食到晒三樣野嘅味口感有滑身嘅魚肉 軟綿綿嘅海膽 脆卜卜嘅蟹子魚子同爽脆嘅梅福真係非常好食🤤🤤🤤師傅話貴餐食法係食完再加壽司飯撈個汁的確就咁用嚟撈壽司飯已經好好食有呢個醬汁 筆者應該可以輕鬆食晒一碗飯😆粒貝角螺：師傅話落咗岩鹽唔需要再落豉油筆者非常喜歡呢個刺身😍😍😍因為真係超爽口同埋鮮味十足建議唔好落芥末 會遮咗啲鮮味㗎紫菜包拖羅：拖羅同紫蘇葉有幾夾有幾好食相信都唔駛筆者再多講啦🤤✨一品料理生燒鰻魚：個皮第一啖咬落係脆嘅 鰻魚嘅油脂味好出粟米仔都好好食 又甜又咸又好香 一啲草青味都無汁煮魔鬼魚翅：甜甜地嘅汁 邊位有膠質滑嘟嘟 魚肉都滑最後筆者連個鰭位嘅軟骨都食埋hahahaha建議唔好點太多汁 會遮咗魚嘅鮮甜味✨壽司6貫食到呢到 大家有機會已經飽飽地師傅亦都會好貼心咁問大家壽司需唔需要少飯而筆者全部都係正常飯量 俾大家參考一下深海池魚：魚味香濃肉質彈牙 再加果香同大蔥作點綴 味道多層次北海道銀鱈魚：師傅話呢個係專作刺身用 只係經過零度處理呢個又係令筆者超驚喜🤩🤩🤩因為真係好滑好滑好滑 好似食緊啲魚腩位咁九洲活赤貝：非常新鮮 不過可能之前嗰啲太驚艷呢個個驚喜就少啲咁啦😛燒右口魚魚邊：呢個好似平均食嘅左口魚群邊咁好油好香好滑中拖羅醃漬魚子醬加自製菜甫：菜莆加木魚絲帶出魚嘅鮮味 取代豉油拖羅加魚子 一個字：正啦緊係海膽和牛肩：壓軸出場 緊係有佢嘅厲害之處啦師傅過一般最後嗰件壽司都會係俾海膽嘅但佢個人就鍾意呢個食法多啲 所以就特登俾我哋試下呢個配搭真係不得了 當然本身兩種食材都係好頂級嘅和牛香同鮮海膽味勁夾 互相輝映而唔會遮咗對方啲味 呢個真係超級好食阿!!!!!!!😍😍😍大家食壽司之餘 都希望大家可以試下佢哋嘅壽司薑因為係自家製嘅 師傅話啤水啤足十個鐘嚟減低辣度 口感好爽脆 薑嘅香味好濃郁但又唔會太辣✨御椀鮮魚濃湯：本身上枱係無加蔥嘅 但師傅推介加蔥一齊飲更加好味無蔥嘅魚湯就單調啲 加埋蔥就味道豐富啲同埋啲豆腐都好滑🤤✨甘味綠茶蕨餅：好濃嘅綠茶味 蕨餅煙煙韌韌青檸蒟蒻：好香嘅青檸味 好啱用嚟中和啱啱蕨餅嘅甜日本蜜瓜：好甜好甜好甜😚😚😚最後師傅話請埋我哋食雪糕係wasabi味 好新奇嘅味道食到wasabi嘅香味之餘又食到奶嘅甜味想挑戰嘅朋友建議大啖大啖咁食😆最後想講omakase除咗食食材嘅新鮮度之餘 師傅嘅功力都相當重要筆者相當欣賞師傅嘅手藝同創意覺得好值得推介俾大家而且筆者食嘅野其實有啲係超出咗筆者揀嘅餐 但師傅唔會因為你揀咗咩餐就千篇一律咁俾嗰個價位嘅野食俾你師傅真心地為大家準備一個美食之旅 所以如果你心郁郁想試下omakase嘅話 非常推薦你去鮨秀搵梁師傅👍🏽👍🏽👍🏽👍🏽👍🏽…查看更多