金滿庭京川滬菜館 (荷里活廣場)

舖名真係冇改錯，平日晚市都輕易爆場。準5:30就去撳飛仔，6點零幾分即入，6:30已99%滿。所以去呢間嘢需要有部署。茶水夠熱，用嚟洗碗隔住碗都非常燙手。本身啲碗筷碟筷托都好乾淨，只係條件反射循例洗吓。唔知點解叫傻佬炒飯，與豬肉、蝦🦐乾、蝦仁、蛋、蔥同炒，但見有堆肉鬆灑喺炒飯面，炒得尚算乾身，撈埋肉鬆一齊食先明白應該係想用啲甜甜地嘅肉鬆嚟吊吓炒飯啲鹹。上次食過嘅京燒羊腩今次翻叮，可能係煎香油爆過嘅關係，有羊味得嚟唔勁羶，外皮脆內肉腍，再點埋孜然粉，又似啲新疆羊肉串咁惹味。小籠包都係爆到汁，不過唔算燙口嗰隻，味道未至於難忘，淪為配角。留意晚市第一輪枱係6-8點，7:45就要埋單，第二輪8點後。…查看更多

正所謂出外靠朋友，事緣幾個月前已幫公司訂銅鑼灣金滿庭廂房進行午餐例會，會前一星期再打去確認，以防萬一，點知話我哋無訂房紀錄，仲要話如果要訂房盡快落嚟交訂金。因為幫襯咗十幾年，同啲經理頗熟稔，所以，一向都豁免啲繁文縟節，依家一句話轉晒人，上面要求樣樣要執正嚟做，真喺激氣。今晚，同一班舊同學嚟金滿庭，不過，大家都喺九龍人，揀鑽石山店自然理所當然，其次同經理相熟，招呼好啲。幾家金滿庭都光顧過，呢家鑽石山店算最細，一入門口整個大堂都睇晒，而我哋所訂嘅房晌大堂最埋一角，雖然話喺房，其實喺開放形式，數條柱隔住，內外視線通透。個房基本喺坐12人，我哋有大有細一共14位，難免有少少逼。間間金滿庭嘅生意都幾火紅，訂枱喺常識，而晚市間間分店更分兩節，我哋有小朋友當然唔好食咁夜啦，所以，揀第一節（5:45-8:15pm），最低消費$2,000。另外，中式酒家嘅慣常雜費，茶水巾芥$8位，餐前小食$20碟，我哋14人收4碟錢。下面仲有一段文字，大意喺叫啲客咪擅自拎走個餐牌，如欣賞據為己有，每本$500，真喺會有人偷走個餐牌？不過，呢度提供嘅茗茶有少少特別，唔喺一般慣常嘅壽眉、水仙，而喺人參烏龍、野生大葉普洱及玄米茶，第一次試人參烏龍，無咩苦味喎，反而甘中帶微甜。菜式分類為冷盤、熱炒、招牌烤鴨、海產、蔬菜、豆腐、湯羹、飯麵、包點、甜品等多項，少部份圖文並茂，當中亦有唔少人氣菜式推介。另有一張「廚師推介」餐牌，背後就喺金滿庭嘅十大名菜。餐前小食 $20碟小食唔喺啲花生、菜脯，有芝麻合桃、酸辣青瓜、醉雞，味道唔錯，甜酸辣香，味道各有不同。晌等大家期間，食吓小食，刨吓餐牌。四喜烤夫 $68佢哋有個五福臨門大拼盤，可以揀5款冷盤，但唔喺全部都揀得，所以，索性散點4款。烤夫特別討歡心，烤夫綿腍，雲耳爽脆，仲有啲花生同金針，味道簡單，卻有益有營養。老北京醬蹄 $68一客薄切成十多片，好適合多人共享易分嘅冷盤，片片厚薄均一，外觀望落去似似哋分蹄，又似似哋牛展，入口軟腍卻有咬口。豆腐三文治 $70幾有趣嘅一道冷盤，以三層滑豆腐夾住肉鬆、蔥粒、醃菜，啲豆腐非常嫩滑而有豆香，而夾雜着唔同嘅食材令味道多層次。山東手撕雞 $108燒雞撕成碎條，又喺另一道好適合人多共享嘅冷盤，雞絲食起嚟肉質細嫩，沾點醬汁多添幾分惹味。榨菜肉末 $108本身每份榨菜肉末跟一客叉子燒餅，我哋人多就額外點多兩份燒餅（每份$36）。簡單嚟講就喺榨菜炒免治豬肉，放入燒餅一齊食，燒餅香脆，肉末濃香，夾埋一齊就喺滋味。糖醋魚塊 $116賣相就唔多靚仔，黑黑沉沉，但啲魚塊炸得外脆內嫩，層脆漿無過厚嘅問題，而個糖醋汁我就覺得調校得幾好，酸香微甜唔會有嗆喉感。紅燒元蹄 $248我哋呢班舊同學年紀有番咁上下，患膽固醇自然相對高啲，所以，今晚夠人多就放肆啲點依道菜，正所謂人多好辦事，叫做大家攤分個「風險」囉。買相做得不俗，落刀已感到肉質嘅鬆化感，入口脂盈甘香，肉質軟腍，唯啲脂肪未做到即化嘅感覺，仍帶有少少油膩感。但只賣二百零咁大份，已好抵食。百頁小棠菜 $86一道紅燒元蹄，當然要搵番啲蔬菜嚟降番低啲風險，所以，一口氣點3道蔬菜。先嚟比較清淡嘅百頁小棠菜，啲百頁比較碎濕濕，但味道算OK嘅。燒汁釀茄子 $92似喺新派少少嘅菜式，茄子燒得軟化味濃，並伴有唔少蜜糖豆、鮮百合做配菜，不過，茄子短短得一條，實在唔多夠分，每人只喺一啖仔。紫心蕃薯浸莧菜 $92雖然被列為十大名菜，但點都睇唔出有幾十大。然而，本身啲食材喺幾唔錯嘅，紫心蕃薯粉香有蕃薯味，莧菜入口清爽，不過啲賣相跟餐牌就差天拱地嘢。肉絲兩面黃 $106怕大家唔飽，最後嚟兩道炒粉飯麵喺正路嘅選擇。雖然啲肉絲冚晒上面，但隱若都睇到個兩面黃煎先點，咬落脆口但感覺未夠甘香，有人就覺得肉絲分開上會好啲，唔怕浸腍啲麵條。傻佬炒飯 $128傻佬炒飯一啲都唔傻佬，小弟覺得可以講喺豉油皇炒飯，搵豉油炒過寧舍香，飯粒分明又爽身，飯內混有鮮蝦、肉粒、蔥粒、粟米粒，仲灑咗啲肉鬆，令個炒飯豐富好食。高力豆沙 $18 /個呢度啲高力豆沙一向有水準，所以，甜品時間點都要叫啲。每個高加豆沙都好大個，外皮鬆鬆軟軟，內裡豆沙蓉填得滿滿，清甜不膩，又加入香蕉肉，正呀。唯一挑剔就梗喺糝糖霜可以做得靚仔啲，唔使咁隨便。豆沙窩餅 $62另一道滬式嘅經典甜品，再者，炸嘢一向有客路，點咗一定有人食。上枱趁熱食，窩餅炸得香脆，豆沙清甜起沙，水準依然。杞子蘆薈桂花糕 $48因為一大棚人，甜品都喺搵啲易分享嘅選擇，桂花糕就喺其一，一客9件，仲可以軋細一半，今次嘅桂花糕比較硬身少少，但滿滿桂花香及蘆薈帶嚟嘅口感，入口冰涼清爽。黃金棗蓉 $46（圖為兩客份量）其實即喺煎堆仔，不過，以棗蓉為餡。外皮沾滿芝麻，以所好有芝麻香，口感軟糯，而咬開喺填滿晒紅棗蓉，棗味超澎湃突出，鍾意棗味嘅朋友真喺唔可以錯過。今晚女多男少，加埋又有細路，所以，消費唔高。既然喺廿幾年嘅舊同學聚餐，席間自不然有好多「當年今日」嘅話題，當中充滿歡笑聲，但最開心都喺睇到大家仲健健康康，行得走得，食得玩得。…查看更多

荷里活廣場近日進行大翻新，商戶輪流進行裝修擴建，本想飲茶，但三間酒樓當中只有聯邦營業，多人到不得了，只有打消念頭，改去金滿庭。金滿庭環境挺雅致的，比一般京川滬菜館高格調一點點，有好些舒適的卡位，也有大圓桌。也許是消費不低的關係，服務不錯，侍應也專業。一行四人，被安排至舒適的八人圓桌，侍應強調不會安排與他人拼桌。也許是太舒服的關係，我們四位女士談天說地，待了很久也沒人來催促。侍應先讓我們挑茶，大家一致選了人參烏龍。用上獨立三角茶包，茶味清淡，且欠了人參烏龍該有的甘甜。此商場食肆一向消費不低，金滿庭午市是沒有套餐供應的，只可單點。每天一個特價小菜，今天是糖醋魚塊，半價$48。餐牌上的選擇也不少，而且分類清晰，選菜甚為方便。一行四人只求吃飽，點了些飽肚的，以飯麵為主，再配些點心小吃。首先來的是我的最愛傻佬炒飯，這兒的廚師炒功不錯，飯甚為爽身，顆顆圓潤飽滿，配以蝦粒、肉末、松子仁、蛋絲增添口感，再加上大量肉鬆更更錦上添花了，這炒飯是令人百吃不厭的。隨後的是嫩雞煨麵，雞絲微微醃咸，不會食之無味。驟眼看，湯底沒夏麵館的濃郁，想不到湯頭也甚為清鮮，既有大白菜的清甜，也有雞湯的鮮香，麵線並沒有像一般的煨麵淋身，是有點咬口的一種，也是不錯吃的。糖醋魚塊也送到了，感覺貌似份量減半的樣子，其實魚塊也不少。還以為糖醋魚塊該是黑卒卒的，但成品比較像生炒排骨。口感不錯，鑊氣足，但鮮醬油香竟蓋過了糖醋該有的酸甜，味道不差，但感覺不太正宗。小籠包也只屬一般，外皮偏厚，湯汁想穿透流出也難。頂部是穿孔的，澆進陳醋時，醋是會在小籠包中盪漾的。由於頂部穿孔，因此湯汁只屬微溫，香氣也早消散了。內餡的肉末甚為鬆散，感覺真的很一般，大家都久久未能吃完這八隻小籠包。最後點了炸饅頭配煉奶，純粹是「口痕之選」，炸得不夠脆，口感一般般。整體而言，不要太期望在金滿庭會吃到正宗的口味，味道也只屬一般，不過飯麵類做得較為出色，而環境服務則十分到位，一試無妨。…查看更多