大和堂咖啡店

講起九龍城，大家都會諗到泰國菜，但呢區近年都開咗好多cafe，無論裝修定食物都非常高質！好似大和堂咁，門口牌匾十分搶眼，前身係一間醫館同中藥材行，經活化後變成特色cafe。呢間cafe好受歡迎，而且只得walk-in，經常都有排隊人龍。今次早少少去到，好彩唔洗排太耐😆 Cafe保留咗以前醫館嘅金漆招牌、百子櫃、牌匾同鐵閘等，而且欣賞佢樓底高，空間感十足👍🏻 傳統英式早餐作為all day控又點可以錯過呢！炒蛋好大份，而且加入糖醬，甜甜哋幾特別。小蕃茄經過醃製，撈埋茄汁豆，令茄汁豆變得好食😂麵包係用酸種包，唔錯。反而薯餅就冇乜薯仔味，失色咗啲🥲 肉醬意粉🍝肉醬份量多，可以裹住意粉。流心蛋嘅蛋黃加強意粉嘅香味。 雞蛋仔與雞🐓大和堂嘅招牌菜😋西檸醬炸雞配雞蛋仔，一上菜都幾大嘅視覺震撼😂西檸醬酸酸甜甜勁開胃，降低炸雞嘅油膩感。略嫌唔夠醬汁，令炸雞同雞蛋仔都比較乾，有啲可惜。 皇牌氣血茶🫖有桂圓、紅棗、千日紅、康仙花、金盞菊、黑枸杞。都係補血氣嘅中藥同花，味道甘香，有淡淡嘅花香味。…Read More

依日想搵啲特別少少嘅餐廳，所以就搵咗九龍城依間由中藥店活化做cafe嘅大和堂～☺️💙雞蛋仔與雞 （西檸汁）💙💵$118依個係cafe嘅其中一個signature dish，幾乎每枱都有叫～一上枱真係有少少俾佢個size嚇親😳上網睇相以為唔會好大份，但係其實份量真係唔少😂有成底雞蛋仔，都唔錯喎～做到外脆內軟，大概係一半蛋糕一半空氣，比例幾好☺️炸雞外皮好脆，唔算十分juicy但係唔會乾，加埋啲西檸汁都唔錯～私心幾鍾意啲糖漬檸檬😂😂💚傳統英式早餐💚💵$108依個正常質素啦～比較出色嘅係我覺得佢嘅茄汁焗豆幾好食😋唔似係一般嘅罐頭🤔不過佢個sourdough用咗油落去煎，個人覺得太過油🫢💛焙茶薑母拿鐵💛💵$44依個係期間限定嚟😳😳見佢幾特別，就試下～熱住飲嘅時候，薑母嘅味道比較出，似係薑母奶茶嘅味，到攤凍少少嘅時候，焙茶味就會出啲～我覺得都幾好飲，值得一試🥰🧡洋甘菊茶🧡💵$48正常質素，解膩度一流～💕overall💕本身以為依間可能只係打卡用cafe，但係食物質素其實都唔錯☺️想搵間特別少少嘅cafe嘅話都值得一試～不過要有要排隊嘅心理準備🥺…Read More

咁精神分裂嘅體驗就喺九龍城🤫開咗幾年今日先嚟試，唔好笑我out😂-11點前去唔使點排隊，嗌咗：-🔸傳統英式早餐($108)🔸雞蛋仔與雞（$98）🔸蟹肉牛油果沙律🥗（$108）-加多兩杯咖啡⏩🔹大和堂鮮奶咖啡($48)🔹凍榛子🌰鮮奶咖啡($48)咖啡冇乜特別，奶味蓋過咖啡味道，整體偏淡，凍嘅飲飲下直頭似榛子味嘅水，不過賣相靚仔，求打卡嘅可以試。食物就唔錯，英式早餐樣樣野都對板，精緻得嚟調味恰好，薯餅粒香口脆卜卜，腸仔有香草🌿，唔會好膩。雞蛋仔唔係脆邊，亦都唔熱，不過軟綿綿、有蛋香，似窩夫，係幾好嘅brunch之選，配埋海量炸雞件，幾飽肚，2個女仔可share😎唯醬汁可以再改善。沙律菜新鮮，蟹肉同牛油果呢個配搭基本上都冇得輸，餐牌上面寫沙律有蘋果同梨，但食落又唔係好覺，如果比例多啲啲就好。雖然咖啡一般，不過食物都令人想回頭，加上環境舒適，如果唔使排長龍，都可以一試👌🏻…Read More

呢間大和堂咖啡店係好多人嘅打卡熱點:)今日經過九龍城一於嚟試吓都冇令我失望呀我哋排咗大概15分鐘左右就可以入得入面座位唔多但係真係好古色古香好特別真係值得一嚟㗎:)食物價錢都係一般咖啡店價錢唔算平又唔算好貴既我見到佢係signature 就嗌咗一個大和堂鮮奶咖啡（$48）由於我都係一個咖啡精黎所以我事前都問咗職員會唔會好甜職員話佢入面有伯爵茶成份所以唔會好甜但最後飲落又覺得麻麻地:(冇乜咖啡味只係好濃嘅奶味同輕微嘅伯爵茶味同我平時飲開既咖啡有啲距離呢度嘅咖啡我就唔算好推薦啦好多地方都比佢好但係食物呢度就幾好食喎男朋友叫咗個傳統英式早餐（$108）入面有無酵母多士，煎蛋，自家製茄汁焗豆，烤車厘茄，豬肉腸，煙肉，薯寶，啡蘑菇薯餅夠脆，不過略嫌碎咗啲同埋無乜薯仔起入面多士夠脆，但唔夠熱自家製茄汁焗豆好食！出面通常都係好普通嘅茄汁焗豆，但係呢度加咗啲茄容起入面，味道豐富好多，亦都令人容易記住煙肉夠脆！烤車厘茄亦都夠晒熟，我好怕食唔熟嘅車厘茄 哈哈啡蘑菇同埋煎蛋都係正常出品整體成個全日早餐都好食嘅好食過某啲咖啡店但亦都好多咖啡店好食過佢不過份量就好似少咗啲男朋友都唔係好夠食我就叫咗班尼迪蛋（$88）呢個班尼狄蛋係我食過最好食嘅佢個荷蘭汁同酸忌廉個味道夾得啱啱好！！水波蛋亦都唔會熟咗啲菠菜亦都煮得好淋個多士亦都keep到脆嘅口感真係個味道係好夾好夾真係好好味但係都係果句真係太細份我食完最後都要喺附近買少少嘢食呢個價錢我覺得可以大份少少整體來講環境好靚又好坐食物質素好店員有禮但份量太細咖啡麻麻性價比唔算高其實就住個質素同環境來講都係值得有笑笑但希望可以改善下個份量就最好啦咁就完美嘅一餐啦…Read More

窩夫與蝦子餅很久很久沒有去過九龍城，日前因爲「大和堂」而去了一趟。星期日下午二時半左右到達，跟預期一樣要排隊等位，等候時先了解一下「大和堂」的歷史。覺得累的話，可以坐在古董椅子上休息一下。活化為懷舊咖啡店後，保留「大和堂」部分裝修，包括已有近百年歷史的百子櫃，在百子櫃前落單付款後，便可回到座位等候送餐。等候期間繼續四周拍照，歷史悠久的鐵閘。金漆牌匾。牆上掛上當年的中醫執照等。第一杯飲品送來了，是蝦子餅點的啡走($42)，迷你的美式咖啡，加入煉奶取替牛奶，再在頂層放上綿綿奶泡，用上透明玻璃杯可以清楚看到層次，好看也好喝。窩夫點了另一款招牌飲品，就是大和堂鮮奶咖啡($48)，不是一杯普通的鮮奶咖啡，加入了伯爵茶和蜜糖，難得咖啡味和茶味之間取得平衡，窩夫一喝便愛上了。食物方面，點了解一份傳統英式早餐($108)，材料豐富，有蘑菇、烤番茄、太陽蛋、豬肉腸、煙肉、焗豆、薯仔粒和農夫麵包，窩夫特別喜歡那豬肉腸和農夫麵包。大和堂鮮奶咖啡喝完了，杯底有個「和」字。很想帶一張明信片回家呢。…Read More

大和堂咖啡室前身為大和堂蔘茸藥行，被活化成懷舊咖啡店。店內環境裝潢特別，保留了藥行的百子櫃、牌匾、金漆招牌及舊式鐵閘，充滿舊日情懷。客人可以邊歎咖啡，邊感受香港歷史。玫瑰鮮奶咖啡 ($48)玫瑰較淡及不突出，不太嚐到玫瑰的香味，只能夠品嚐到咖啡的味道，感覺有點失真。傳統英式早餐 ($108)農夫麵包非常脆口，但脆得有點兒硬，不夠軟熟。煙肉火力的控制和時間的拿捏非常好，不會又乾又硬。蘑菇香口，薯仔粒，有咬口。…Read More

我和男友難得平日放假，特別搵左間有特色既咖啡店嘆杯啡，食個lunch，所以揀左間星期六日都會爆滿既「大和堂」。估唔到平日過了午飯時間，店內都八九成滿座。大和堂以前是一間藥材店，裝修後既咖啡店保留了當中既招牌、百子櫃、鐵閘等。我地兩人叫左all day breakfast and waffle. All day breakfast 一般，不過不失。雖然窩夫表面與平日食開窩夫一樣般硬身，但內裡口感卻似雞蛋仔般卜。當然唔少得咖啡，我們選擇比較少見 啡走 及推介 大和堂鮮奶咖啡。啡走表面泡沫順滑，可惜太甜，蓋過了咖啡的味道這杯大和堂鮮奶咖啡，有一陣「茶」的味道。今次選用燕麥奶，比起一般的鮮奶口感比較薄。下次再來，可以試下品嚐店內手沖咖啡及其他特色小食！…Read More

活化係香港都市一個好重要嘅城市永續概念，或許拆過一幢舊建築物比起保留舊建築物所賺到的錢會更多更多， 然而要保留都市嘅魅力， 並不是一味靠輕建幢幢棟高聳入雲而又族新的建築物。 九龍城大和堂在未成為cafe之前，是一所已由1932年起已經執業的中醫館， 老中醫去世後由新老闆租下鋪位，改建成cafe, 讓客人可以還想一邊在這裏喝咖啡一邊欣賞舊區街景, 也同時可以保育本土建築的文化發展。 今天來這裏的目的 除了要醫肚外 ，也想藉喝咖啡的同時，品賞這間已經有八十多年歷史的中醫館 的一磚一瓦， 無論是門外鐵閘、金漆招牌、或是店內的百子櫃， 也是認識城市建築發展的好地方。店主把中藥舖的百子櫃、中醫執業證、牌匾等等都保留下來。 百子櫃裡放著茶葉，而咖啡豆則放在中藥玻璃瓶裏。 牌匾、鏡身與及鐵閘等等，也變成cafe裝修的一部分， 能夠保育之餘也不失時代感。Caffee Latte店內的咖啡豆分別來自巴西和埃塞俄比亞, 全部都是由本地烘焙， 口感細緻滑順， 牛奶泡沫雖未至於極幼細，但咖啡豆豆香香甜醇厚，比起連鎖咖啡鋪更有一份細緻。Mocha 朱古力味淡雅迷人不過甜， 鮮奶甜香，奶泡也算綿密， 飲落潤滑可口，純味歷久不退。自家製新鮮牛油果多士多士有烘烤過， 外脆內軟， 最重要係牛油果份量很多， 加上車厘茄的酸甜， 整份早餐除了有豐富的維他命b6外 ，牛油果也能滋潤肌膚消除細紋，絕對是女士的恩物。另外附有少許沙律菜， 沙律菜新鮮， 附上的意大利陳醋， 口感醇味道甜， 入口果香濃郁，整份三文治健康而餘也讓人精神爽利。-傳統英式早餐這份早餐材料十分豐富， 單是太陽蛋已經有兩隻， 燶邊已經不在話下而且蛋味甚濃。最特別的是薯仔粒煙韌qq 的， 不是粉粉的那一種口感。 另外還有煙肉和豬肉腸， 煙肉夠鹹香，豬肉腸不算油但肉味濃，正！ 還有新鮮烤好的番茄、蘑菇 與及焗豆等等，份量豐富，營養滋味。-總括而言，大和堂的食物質素，與用膳環境也是與眾不同。在食食物品嚐咖啡同時，也欣賞到城市保育的可愛之處，weekend從此又多個地方可以去了。…Read More