NUTTEA (時代廣場)

昨晚同朋友去完長洲番黎中環，同佢bk左間靚餐廳，行到半路見到呢間nutea，之前已經聽過唔少好飲野之人推介過，但之前一直無咩機會經過見到，今次就試下佢🤔因為一陣就食dinner，所以我地只係叫左杯伯爵朱古力堅果奶蓋茶😂間野叫得nuttea，主打係個堅果奶蓋，點講好呢… 好rich😍 過去一般奶蓋通常都係最多係加芝士，會否好rich呢？都會的，但坦白講heavy左d，會膩。而佢係堅果🤤🤤，無左芝士個種重口感換來的係堅果的香味，卻沒有食堅果個種好硬會會乾喉嚨的感覺（好啦因為佢係飲品黎 xd😂）Btw 佢有木羹仔俾你食奶蓋，成件事都幾靚😀 有d食雪糕的感覺（個種幸福感😆😆）因為係朱古力堅果奶蓋，佢整個奶蓋滿滿的可可，為本身的堅果奶蓋增添左一份甘苦味，整體再升格左，層次好豐富（佢應該再加左d類似岩鹽的野落個奶蓋度？）跟佢的指示一口飲到茶加奶蓋，茶係伯爵茶，成件事由rich變得fresh😆 佢個伯爵茶好fresh！之前去長洲食好多野的個種膩都減左唔少（唔好問我點解有d膩都買野飲😜）然後... 我地因為覺得個奶蓋太好食，所以... 我地食左都幾多先最後mix埋杯野😝😝 結論係... 如果我地留番大概一半-2／5的奶蓋再mix應該會好好飲🙈 我地只留左1／4左右，所以飲落變左一個fresh版的伯爵朱古力堅果奶蓋茶😂 有d搞笑，但其實感覺都幾好飲…查看更多

作為一個好鍾意飲肥仔水嘅人，NUTTEA可算係我嘅健康首選🤣今日行街經過times square，就嚟買咗一杯😆呢個位置太方便，好吸引，裝修亦非常eye-catching☺️其實有幾款都好想飲，最後都係揀咗伯爵朱古力堅果奶蓋茶 ($48)🍫跟佢嘅指引嚟飲，第一首先打開個蓋用羹𢳂啲朱古力奶蓋飲，朱古力味好香濃好滑，仲食到奶蓋入面有好多nuts😳之後就打斜飲奶蓋同茶，成件事即刻唔漏，好fresh🤣可以一次過飲到兩種質感同味道，滿足貪心嘅我😆最後將佢哋撈埋一齊，我開頭忍唔住𢳂咗好多奶蓋食，所以最後茶味較濃，但飲得出好濃郁嘅伯爵茶味，好正😆下次想試下佢其他茶，尤其是個蘋果脆脆都好吸引呢😙…查看更多

係銅鑼灣同朋友食完dinner見口渴, 諗住去Time Square supermarket買野飲, 係門口經過見到有間台式沖調飲品店, 行去望下menu, 其中見到呢張「金獎」推介飲品, 好奇心下想試下, 但字面標明”100%純巧克力無牛奶添加”, 個人又好怕過甜, 又怕純巧克力會帶苦澀, 考慮了好一陣子, 還是駁一駁選擇咗呢杯---伯爵朱古力堅果奶蓋茶。可自選冰量同埋甜度。店員慷慨地加上厚厚嘅奶蓋, 比例佔整杯嘅三分之一。奶蓋較為挺身, 就算中層冇冰塊, 亦唔會令奶蓋沉澱,杯蓋面貼了溫馨提示嘅最佳飲用方法, 先品嚐面層嘅Nuttea cream, 質感細膩綿滑, 加埋朱古力粉, 陣陣堅果味同埋微甜朱古力味。然後再以45度角大大啖飲, 經Nuttea cream再品嚐到清新伯爵茶, 少許嘅Nuttea cream混入口中一少啖嘅伯爵茶間溶化, 第二重口感亦很特別。最後將整杯攪拌後飲, 平均了cream同伯爵茶味, 而飲到最後仲有少少Nuttea cream, 帶點點鹹甜味。飲一杯就滿足三種不同口感, 同埋夠哂飽肚。…查看更多

第一次黎時代廣場嘅Nuttea，就係citi super 出面，店面裝修都好有心思，同其他分店一樣收銀隔離都有位可以打卡😆，如果有位可以放飲品堂食就更好喇同朋友每人叫咗一杯飲品，分別係台灣紅玉堅果奶蓋茶同埋伯爵朱古力堅果奶蓋茶🍹🍹因為覺得堅果奶蓋食完都會有啲飽肚咁，所以今次冇加到配料台灣紅玉堅果奶蓋茶🌰這種飲品應該算係nuttea嘅基本款，經典紅玉茶加上堅果奶蓋。茶可以幫手中和返奶蓋較膩嘅感覺，而奶蓋又突出茶嘅香味。今次叫咗微糖少冰，個人覺得味道啱啱好。另一個出色嘅位就係奶蓋上面加咗少少堅果水，令到就咁食奶蓋加堅果已經口感十足。飲品嘅顏值都好高，岩晒打卡。伯爵朱古力堅果奶蓋茶🍫第二次飲嘅nuttea招牌🤎奶蓋上面加多啲可可粉，令到朱古力味更加香濃！奶蓋好厚飲到底都仲可以食到奶蓋，因為係堅果奶就算食咁多奶蓋罪惡感都冇咁大🤣伯爵茶同朱古力好夾，簡直就係最佳配搭，同紅玉茶唔同，更有西式甜點嘅味道😋…查看更多

Nuttea分店越開越多呢個由台灣過嚟嘅過江龍堅果奶飲品喺呢個開如注重健康嘅社會入邊開始分到一杯羹喺眾多嘅台式飲品入邊，屹立不倒之餘仲開到咁多分店一定有佢嘅特色而我就由佢第一間分店開始幫襯到佢開到咁多間分店見到佢Menu上面嘅飲品越來越多最出名嘅一定係佢嘅伯爵朱古力堅果奶蓋茶同時間亦都好欣賞佢會有好多唔同季節限定嘅產品例如呢個蘋果脆脆楓糖堅果奶蓋茶同埋用最近好熱門嘅菠蘿作出一系列嘅手調飲品而作為一間環保行先嘅飲品店佢所有嘅飲管同埋外賣袋已經全部轉晒做紙嘅物質去到每一間唔同嘅分店都會有返呢一個特色嘅裝修擺設而我今次都係叫咗朱古力伯爵堅果奶蓋茶朱古力奶蓋帶有甜度所以茶底我叫咗無糖奶蓋非常之濃郁柔滑配上伯爵茶味道十分之好茶味香濃得來之餘唔會過於苦澀奶蓋嘅份量非常之多每一次都係飲晒啲伯爵茶都仲有好多奶蓋剩餘而我鍾意有少少口感所以亦都詢問店員可不可以幫我加一啲杏仁粒喺可可粉上面店員好好人咁幫我加咗突然間發覺左一個side Menu覺得好興奮店員亦都會提供返一個木製嘅匙羹可以拎黎食番個奶蓋…查看更多

今日下午去左銅鑼灣食lunch，諗起同事話Time Square有間飲品舖質素好好，飯後就即刻去試試。一落到Time Square basement，就已經見到Nuttea出面有人龍，有成6、7個人排緊隊。店舖係商場入面，地點方便，難怪咁多人幫襯。飲品選擇有好多，有茶、堅果奶、水果茶，仲有堅果奶蓋，選擇好多。佢仲有一啲好特別嘅飲品添，例如火龍果堅果奶蓋茶都好出名架我最後就揀左伯爵朱古力堅果奶蓋茶。佢係餐牌上注明係每日限定100杯架咋！呢杯茶望落去好靚，見到一層層嘅材料整齊鋪排，啱哂打卡用佢嘅朱古力伯爵茶沖得好出色，有好香嘅朱古力味，但亦帶有伯爵茶嘅清新。佢嘅朱古力味好濃，但整個飲品竟然可以做到唔係太甜最吸引我嘅，係佢嘅堅果奶蓋！舖頭好貼心咁俾左個細匙羹，等客人可以用黎品嚐奶蓋。嘩~~~一食落去竟然好似雪糕咁，好creamy，朱古力味十分濃烈，真係好好味朋友就叫左粉紅莓好堅果奶蓋茶。我本身好怕呢類飲品會有藥水味，但一試過後，竟然冇藥水味，仲好好味添佢甜甜地但亦帶有酸味，同樣地加上茶，為飲品帶黎清新，唔會淨係得水果味，層次分明奶蓋就唔洗多講，同我嗰杯一樣咁好味，濃郁到好似食緊雪糕咁！最後順帶一提，店員好細心好有禮貌。我地話想外賣，店員好用心咁幫我地包裝，又貼哂膠紙咁…查看更多

近年香港不斷進駐 #過江龍 茶飲，今次經過 #銅鑼灣 CitySuper， 留意到呢間主打 #堅果奶茶 嘅茶飲店，忍唔住試下！餐牌都幾多選擇，除咗 #堅果奶 同 #奶茶 之外，亦 都有 #水果茶 同 #咖啡 ，目標顧客群相當廣闊，特夠係對奶類敏感人士！💛 伯爵朱古力堅果奶蓋茶（$47）呢杯榮獲 #2019台灣奶茶節 金獎嘅堅果奶茶原來每日只係限定100杯！味道嚟講可以話係一杯液體版嘅 #繽紛樂 ！佢嘅堅果奶蓋除咗超濃超香之外，朱古力味都好突出。而佢用嘅印度伯爵茶底都好厚茶味，飲嘅時候記得用小匙羹潷起一小羹奶蓋，再同茶底攪勻飲用。整體味道的確好特別，難怪會攞獎！不過相對其他茶飲嚟講，佢嘅奶蓋茶係比較飽肚，見到餐牌上有幾款直情係可以用作 #代餐 ！加上一杯價錢絕對唔平，所以如果可以兩個人share一杯可能會開心啲！味道: 🌕🌕🌕🌕🌗服務: 🌕🌕🌕🌕🌑價錢: 🌕🌕🌕🌗🌑－－－－－－－－－－－－📍NUTTEA銅鑼灣勿地臣街1號時代廣場B1樓city’super 221號舖－－－－－－－－－－－－#tiufufoodie在銅鑼灣 #hkfoodlover #食到銅鑼灣 #銅鑼灣美食 #黃店 #銅鑼灣黃店 #yellow銅鑼灣 #黃色經濟圈 #好味黃店 #懲罰黃店 #香港foodie #食好西 #香港食評 #香港食好西 #foodlover #hkig #hkigfoodie #hkfoodie #美食 #美食攝影 #好味 #銅鑼灣 #黃到金 #奶蓋 #Nuttea #手搖飲品 #伯爵茶…查看更多