咖啡綠茶

有嘢做出開旺角，距離下一個行程仲有啲時間，想搵間近近地、可以坐耐啲、又環境舒服既餐廳，係openrice搵下睇下，就揀左依間餐廳喇五品料理本身自己好鍾意日式定食個種好多小皿，而依個五品料理比起日式定食更加豐富我揀左既食品有：(由左至右、上至下)煙三文魚薯仔沙律、麻醬豆腐秋葵、醬煮南瓜、泡菜煮豚肉、香炸南乳雞塊除左好食之外，每一隻碟都好日系，美美的美式焦糖芝士蛋糕面頭既焦糖烤到脆卜卜，加上焦糖獨有既焦香，好味整體黎講食物係OK既，唔知係咪因為想健康啲，所以食物都偏向少油同清淡，岩哂追求健康既朋友…查看更多

哥哥仔啱啱開鋪，隔一陣間差唔多坐爆，飯都未煲好，不過都好快手我哋就有嘢食又有嘢飲，炸墨魚好好食啊叻仔今日食5品料理，可以揀三款冷盤，兩款主菜，主菜揀咗泡菜炒豚肉，另外一個係唔記得咩五花腩，唔記得咗個名啊又冷盤揀咗秋葵芝麻醬豆腐，慢煮雞胸 x 柚子汁沙律，加溫泉蛋，樣樣都幾好食，個慢煮雞胸，好嫩滑另外叫咗明太子雞翼，但唔記得影相就分咗屍，明太子雞翼都好正，爆餡架焦糖燉蛋鮮奶咖啡貓貓今日返夜，下次見_ _ _ _ _ _ _ _ _ _ _ _ _ _ _ _ 香港人加油💪…查看更多

第一次聽呢間店個名時心諗乜個店名咁求其嘅？抵不住好奇心就去望下咩環境，原來係一間偏日式嘅小cafe，環境仲幾溫馨添！第一次去比較貪心想試多啲嘢食，揀咗由兩個熱食、三個冷盤同五穀飯組成嘅五品料理。其中一款熱食阿多波燉煮五花腩係一種菲律賓流行嘅菜式，豬肉用呢個方法烹煮會充滿醬油、蒜、醋等嘅味道，有點似滷水但更重口味，半肥瘦豬肉入哂味仲非常滑嫩，係送飯一流之選！ 另一個主食烤鯖魚都不錯，唔會太乾！ 後尾第二次再訪試咗香炸南乳雞塊，外皮炸得比較乾身，所幸咬落去雞肉依舊多汁仲醃到好重南乳味，非常建議加入小食menu！而個鮮奶焙茶比其他cafe 做得更濃厚，非常出色。除咗適合同三五知己飯聚外，店內仲有加上拉簾嘅一人自閉位，適合獨毒渡過一個下午。…查看更多

樓上cafe，唔好諗住門口有人招待你，係無架。唔係有人外賣自取走出黎，我差啲就以為入錯店。一入去右手面係咁既⋯一開始滿座，所以坐吧枱，把風扇就擺喺隔離，好污糟 (唯一扣分位）。但係無特別要求下，老細主動係有客人賣單之後換左枱，服務真心係好既👍🏼👍🏼👍🏼咁啱坐既位對面就係呢幅牆，等嘢食之餘都欣賞下⋯😎之所以話性價比高，係因為食物質素真心唔差之餘，價錢唔貴，環境都算唔錯。抹茶咖啡：$42拉花簡單得黎靚 (之所以話靚係因為對比另一杯焙茶朱古力，個杯既拉花真係核突到我唔想影😂😏)，相比出面好多既Matcha Coffee，呢杯唔會太甜，抹茶味濃，又唔會蓋過咖啡味😋慢煮雞胸肉意大利麵：好似$72雞胸肉唔會太老，意大利麵煙煙韌韌好正👍🏼👍🏼👍🏼個青醬都唔錯，但係咸左少少⋯五品料理：$89（雞胸肉沙律、溫泉蛋、芝麻醬豆腐、鯖魚、南乳雞塊加紅米飯)南乳雞塊同芝麻醬豆腐唔錯；雞胸肉同意大利麵個個差唔多質感；鯖魚略嫌細塊左啲；溫泉蛋略嫌生左啲⋯紫羅蘭荔枝慕絲蛋糕：好似係加$25？食第一啖以為好甜，再食又唔會；紫羅蘭味(好似係)同陣荔枝味慢慢摻出嚟，又有唔水同質感，好味😋😋😋👍🏻賣單好happy🥳🥳🥳，因為唔貴(唔記得幾錢)，但啲野係好食，所以好抵！臨走之前去左門口睇貓：呢隻好似叫埃及妖后😂呢隻好似係叫August。兩隻都係老細叫名就望，我都有叫名⋯係無用架🥺哈…查看更多

旺角有好多cafe，但因為大部份都係要上樓，如果唔係專登搵或者朋友介紹都未必知有邊間好食。而今次同朋友去左尼間cafe就中上啦。位置唔好太逼，坐得舒服就自然可以慢慢食，慢慢傾計。雖然啲食物唔係話特別好食，但甜品同飲品都係好既。…查看更多

最近朋友生日想搵一個可以傾計，坐得舒服又有好嘢食嘅地方。朋友介紹呢間餐廳食物唔錯，環境舒服，所以決定預約餐廳試下。五品料理可以自由選擇兩款熱食+三份冷盤再加紅米飯。每份食物小巧比較啱細食嘅女仔。熱食：1.阿多波燉煮五花腩  - 五花腩肉味不太特出。2.湯操豬柳條 - 豬柳條好乾有略為有點硬。3.香炸南乳雞塊 - 南乳味道可以再濃更佳。4.烤鯖魚 - 呢碟鯖魚烤後香口美味。冷盤：1.慢煮雞胸柚子醋沙律2.煙三文魚薯仔沙律 - 無咩煙三文魚味3.泰國青木瓜沙律 - 賣哂，未能一試。4.北海道溫泉蛋 - 一般。5.蔬菜蛋批 - 唔錯，蛋味香濃。五品料理好快就送到上枱，但係紅米穀飯遲遲未到，第一次同店員講話整緊，隔咗好耐啲餸都凍哂，再問店員時佢先好似醒起未拎俾我地，以致真正品嚐時菜都涼了白汁黑松露煙肉蘑菇意大利麵 - 黑松露味道非常香，最喜歡呢碟！蒜香菠菜三文魚意大利麵雜莓鮮乳酪 - 好甜!玫瑰花茶焙茶朱古力焙茶味夠突出，反而朱古力味唔夠。香蕉朱古力雪糕窩夫…查看更多

今日一點多去到咖啡綠茶，打算和朋友吃午餐，但見到門口貼着告示，寫着今天兩點才營業。我們等到兩點再上去，但還是未開門，我們打去詢問的時候，店主說要等到2:20，不好意思。於是我們只好又再多等20分鐘。 料理1）蒜香煙三文魚菠菜意大利麵 ($68)    評分：7/10意大利麵賣相不錯，煙三文魚被拼成一朵玫瑰花的樣子，放在綠色的菠菜意大利面上。菠菜意大利麵吃下去感覺上比較乾，菠菜味不算濃，但煙三文魚頗香，意大利麵整體上尚算不錯。2）五品料理 ($89)    評分：8/10熱盤（選兩款）：烤鯖魚、五花腩冷盤（選三款）：蔬菜蛋批、北海道溫泉蛋、三文魚薯仔沙律朋友的料理賣相也不錯。我試了他的三文魚薯仔沙律，吃下去比想像中硬，而且嚐不到有三文魚味。我的意大利麵來得比較快，但朋友等了五品料理差不多15-20分鐘。 飲品1）凍鮮奶焙茶我倆都點了凍鮮奶焙茶。我上一次來的時候也飲了鮮奶焙茶，這次也因為想念這杯飲品才再來的。焙茶味很濃，整杯飲品都很香，鮮奶的份量也剛剛好。上一次朋友點了焙茶朱古力，但我個人認為比較甜，朱古力的甜味比焙茶味重。凍鮮奶焙茶的焙茶味比焙茶朱古力濃和香得多。所以怕甜的朋友可以嘗試凍鮮奶焙茶。 環境我兩次光顧都是平日下午，所以比較靜，人不多，所以感覺很舒服。咖啡綠茶也適合一個人來休息、溫習、工作，我兩次也見到有不少人是一個人來用手提電腦的。較不足的地方是，感覺上冷氣不太夠，可能會有少少熱。順帶一提，餐廳提供Wi-Fi。 服務態度Cafe員工較少，所以上菜較慢，而且員工不是十分親切，態度普通。…查看更多

咁啱搵到依間樓上店於是同朋友上去試下環境都舒服 唔算多人所以佢侍應都得一個個侍應幾好禮貌既不過一個人忙啲惟有等下我叫咗份五品料理飯我朋友叫咗份吉列魚柳漢堡評論吓個五品料理啦個糙米飯幾有咬口 我幾鍾意個烤鯖魚就普普通通個溫泉蛋就麻麻地 似食生蛋😕個煙三文魚薯仔沙律唔係唔好味 不過我以為會有成塊煙三文魚起啲薯仔上面 點知得幾粒 基本上冇個蔬菜蛋批就好好食 好鍾意 ！佢有冬菇、青瓜丶紅蘿白丶粟米粒丶西蘭花起泠盤入面算係最抵食嗰個早知叫兩份 然後唔要溫泉蛋🙈如果去食一定要試 !總體黎講算好食同抵食 (如果揀啱啲熱食同冷盤)冇加一食完之後會有張印花咭叫任何一份主食就有一個印花夠4個可以半價享用主食一份夠6個就免費享用主食一份(每人最低消費係一份正價主食/飲品)…查看更多

因為要同一班朋友傾嘢，想搵個地方可以用電腦，又可以坐耐啲，有其中一位朋友就介紹咗呢一間Cafe，話之前嚟過嘢飲唔錯，價錢唔算太貴，而且又可以坐好耐。餐廳坐立既大廈離地鐵站好近，好方便就到，不過個棟大廈就無關於呢間Cafe既任何廣告，所以唔係有人介紹，真係唔知有呢間餐廳係度。一入到去已經覺得好文青，全部裝修都係走木系路線，俾人感覺好舒服。我地坐既四人位仲可以有兩個插頭位用，要用電腦傾好耐嘢都無問題！見到枱面有一個餐牌係一個日式五品料理，好似某餐廳既款式，有得分別揀冷盤同熱食，我就分別揀咗熱食：烤鯖魚+ 豆腐雞肉漢堡；冷盤：煙三文魚薯仔沙津+北海道溫泉蛋+蔬菜蛋批，全部既味道都唔錯，最鐘意係蔬菜蛋批，而溫泉蛋就咁溝飯食都好好味，而其他幾樣菜式都十分唔錯。會配一碗紅米飯呢個餐可以另外半價加嘢飲，我自己就加咗$2X叫咗個香蕉鮮奶，呢杯個味道真係好香，渣又唔會太多，奶加香蕉啱岩好！朋友再另外叫咗個雞軟骨，都好好食！…查看更多