麻辣派對 (瑞生酒店)

✨冇訂座，直接walk in，所以冇得打折😂餐廳座位算比較寬鬆，整體氣氛舒服，但音樂算比較大聲🥲✨第一次來店消費，唔知道原來碟頭分量都幾大，「酸菜黑團魚+蓮藕+萵筍」💰264，「巴蜀毛血旺」💰198，「乾煸四季豆」💰78。✨價格比較內地肯定貴，不過酸菜魚味道幾好！但係加料的蓮藕，切成塊狀，不是片狀，導致口感差別好大，完全冇爽脆嘅感覺😓✨毛血旺的確好大一盤，不過午餐肉的比例有d多。而且用的血旺係豬紅，食起身唔夠鴨血滑，而且整體調味偏淡，唔夠鹽味😓✨乾煸四季豆，味道，濕度都值得90分，好有鑊氣👍✨三人用餐，要加一，總價格💰594，味道可以，但係價格偏貴🫣…查看更多

自從肺炎疫情之後日日在家工作，連食飯都日日在家已經很久沒有出外用餐，日子過得非常苦悶，今日因為公司有事要辦非回公司不可，在回家途中看見「麻辣派對」外賣自取免+1再七折十分吸引，今天又是星期五，一於加入麻辣派對外賣回家麻辣一番刺激一下。香辣豬手鍋香辣豬手鍋，雖然係外賣但係質量依然，數一數豬手起碼有十幾件，入口麻麻辣辣花椒味濃郁，而且豬手煮得非常軟腍外表處理得非常乾淨，一啲豬毛也沒有食得非常放心。紅燒牛腩炆津白紅燒牛腩炆津白，用來送飯一流，牛腩肥瘦適中牛味濃郁，加上津白把麻辣汁完全吸收入口刺激過癮。乾煸四季豆乾煸四季豆，這個四季豆煮得非常出色，回家還是翠綠色，鹹辣味道控制得平衡，越食越想食。川北涼粉川北涼粉，材料豐富肉碎、花生、芝麻、蔥粒、芫荽加上辣油調味，食的時候記得撈勻雪白的涼粉沾滿醬汁非常開胃。肥牛肉雲南酸辣水晶粉肥牛肉雲南酸辣水晶粉，最鍾意食水晶粉，入口煙煙韌韌加上大量榨菜和花生粒，再加上肥牛的牛脂香味，酸酸辣辣食到口水鼻涕都流晒出嚟，真係好過癮。…查看更多

上網見到麻辣派對個環境勁令，就約左朋友同我去試下上到去真係有d驚豔，放左幾幅人像畫，天花放左好多花做裝飾，用左古典風牆紙，成個環境感覺好正😍乾煸四季豆😍呢個本身對佢冇乜期望，但反而有驚喜，佢炒得好入味，都有幾多肉碎，調味係啱我呢d重口味既人食既，如果有叫個飯黎送就更正😋金牌酸辣水晶粉😋因為本身以為水煮魚係得魚肉，所以叫左個水晶粉黎試，呢個水晶粉又真係好食過水煮魚入面個d,唔知係咪因為酸辣湯底同水晶粉夾d呢😊蕃茄味水煮魚😊見到好多人係度食水煮魚，唔係好中意食魚既我都試下佢，蕃茄湯底就啱翻我呢d唔太食得辣既人喇，魚因為我都冇乜研究，就揀左江團，第一次食，好彩都係冇魚鱗冇骨，可以放心大啖食，佢一鍋勁大，應該可以兩三個人食，仲有放左水晶粉落去，吸收哂蕃茄湯既精華好好食😊💕糖水💕就食完個陣佢送左紅豆沙比我地食，好窩心丫，佢煮得都有起到沙，對我黎講唔會過甜，正食咁多野埋單都係三百零蚊，幾抵食，唔落深圳食都得喇👍🏻…查看更多

朋友生日去一間佢哋唔食辣嘅餐廳食飯真係幾搞笑😂不過朋友有陣時就係咁㗎啦你就下我我就下你！入到去好似去咗一個花花世界甘，睇住咁多繽紛嘅色彩，個人心情都好啲啊，更加喜上加喜。叫左一個我鍾意食嘅酸菜魚桂花魚先，再諗住加一啲配料去襯托下。嘩點知咁多款其實都有排揀呀！每個人又可以揀啲自己鍾意食嘅配料可以拼湊得好豐富，加左金針菇、水晶粉同埋土豆。啲水晶粉都幾多如果可以再多啲咬口就更加好。另外我哋都好鍾意食雞，不如叫招牌例牌口水雞，今次嘗試跳出下自己嘅舒適圈，叫BB辣，反而有特別驚喜喎，個辣幾香都OK。仲要左個乾煸四季豆，我係非常之鍾意呢個菜式，炒得夠乾身加埋啲肉碎調味係非常之惹味，可以送幾碗飯添啊。叫埋兩杯凍檸茶大大抔，齊齊分享，食物同生日、朋友相處之間都係一樣，固然要繼續分享。讓我們繼續分享愛。…查看更多

呢間餐廳麻辣派對真係真係真係想食咗好耐，今日朋友生日就一於食啦！我哋去到都覺得餐廳幾靚嘅，以花為主幾特別。冇諗過會同麻辣組合埋一齊。之後就叫左一個酸菜魚桂花魚加左金針菇水晶粉同埋土豆🥔。咁個份量都幾大幾一定夠食，桂花魚又滑啦比較少骨。咁佢酸菜都幾多嘅，我就覺得可以再酸少少。朋友就唔係太食辣所以就叫左走辣啦所以有啲可惜。咁拼埋水晶粉金針菇好豐富。之後梗係要叫啲招牌例牌口水雞啦，要左BB辣咁佢都幾香嘅配料好豐富啲雞又滑，BB辣都OK，朋友都幾鍾意。仲要左個乾煸四季豆，朋友勁鍾意呢個因為佢個豆炒得好香。不過我就覺得如果個豆可以在有啲口感唔好咁軟咁就更加正。叫埋啲凍檸茶夠晒大抔，一邊食一到開埋派對一邊飲凍檸茶夠晒爽，歡樂氣氛。現場都好多客仔咖睇得出好受歡迎，我覺得如果香港可以再推廣一下食辣文化就更加好因為我係一個麻辣控😈…查看更多

今晚來到尖沙咀挑戰新開張的麻辣派對，試驗自己的受辣程度。一到達餐廳地下，接待人員便殷切的詢問訂枱及人數事宜，還引領我們走向電梯，更加替我們按上所到之處，十分細心。打開電梯門，餐廳以深黑色作主題色，配上大幅相片及油畫，倍覺時尚。未挑戰麻辣鍋前，先來杯凍蜜語水果茶，大大杯又多水果，不甜帶有茶香，讚👍🏼開始麻辣挑戰，先來乾煸四季豆，四季豆鮮甜多汁，配上秘製辣醬，辛辣味中帶有甜味，惹味十足。最後是終極挑戰，鮮椒味型江團，其實本人對辣椒都只是初階程度，經理温柔的提點可先選小辣，我也是願意接受意見的，便選了小辣；但小辣也非一般的小辣，入口有麻香辣椒味，魚很鮮甜滑溜，配上鮮椒又是一番風味。是次挑戰尚算完成，味覺視覺滿足，下次要叫朋友再試。…查看更多

一行五人到尖沙咀吃雞鍋，本來已經在銅鑼灣分店試過麻辣派對的雞煲，今晚再度光臨。同樣是在樓上鋪的，這裡較大，可容納40-50人，而且座位亦很闊，枱面足夠位置上菜。還有免費wifi!先來小食涼拌黑木耳，微甜的黑醋配爽口黑木耳，很開胃。點了客BB辣的乾煸四季豆，幾有鑊氣，四季豆炒至水份收乾，有層薄薄的油蓋著，鎖住了味道，很香口，油份亦不算多。等了差不多40分鐘，主角黃燜雞鍋出場，另外加了兩款配料蒙古羊肉$58和茄子$28，因有洋蔥和蔥條，味道很濃郁，本身的醫油汁很香，雞件鮮嫩剛熟透不老。茄子是女朋友最愛，很入味又幾爽口。食物好吃，環境都舒適，不過新開店人手較混亂，希望下次上菜速度快一些。…查看更多

之前已經試過銅鑼灣分店，今次試下尖沙咀，因為見佢有得即日網上訂位之餘，8點後入座仲有8折優惠添由於hubby鍾意食辣但其實又唔係食得好辣，所以好食得辣嘅我為有將就下佢今次點左川北涼粉，都係保持到水準份量多第二都係點左干煸四季豆，不過今次略嫌佢煮得唔夠銅鑼灣分店乾身，但都係唔錯的！第三，今次第一次試佢嘅辣子雞，辣子雞香港好多地方都有得食，但佢哩度份量大，又炒得夠乾身，香口，我反而幾鍾意食佢裡面嘅的蒜頭最後，見食評話佢個水晶粉都好出色，果然係失望，夠惹咪，湯底一流，面質出色飲品方面，都係叫左佢嘅招牌水果茶，但都係一開頭飲第一啖略嫌甜左少少，等冰溶左少少，味道就剛剛好希望佢個8折優惠會keep住有，因為如果折左後又加一，即係9折我覺得價錢都ok,但如果無左8折，就略嫌貴左少少，不過有靚環境，又唔會食完成成身味，又想食辣，我都係會選擇哩度…查看更多

上星期同事去過”麻辣派對”，但他是一點不能吃辣的，他說可以選擇不辣的，而且他說很不錯，吸引我也想去。今日便去試試，來到餐廳，裝潢有格調，燈光有氣氛，今天原來有公司包了大廳，原來還可以唱K，十分有氣氛。看看餐牌，有水煮系列、香鍋辣子系列、泡椒酸辣鍋系列、川渝涼菜、家常小菜、田園菜蔬、海鮮系列、麻辣小麵、雲南米線和金牌酸辣粉等，款式十分多樣。看見這個新的蕃茄味幾特別，有別以往的口味，我還加了水晶粉 $28、絲瓜 $38和台式貢丸 $38。上桌份量十足，眼見都足夠四人份量，看湯底都好吸引，平時吃水煮系列都不會喝湯，驚喜的是這個蕃茄湯底可以，入口鮮味、蕃茄味濃，而且調味也不錯；魚肉份量多，肉質嫩滑鮮甜，整體都不錯，十分喜歡。另外再叫了個小菜，而且有辣度選擇，我要了不辣的，炒得好夠火喉，乾身不油膩，四季豆嫩綠脆口不韌，肉末也多，調味整好。夠大杯，甜度適中，好多款新鮮水果。下次再來試其他菜式。…查看更多