友利冰室 x 勿當奴 (D2 Place TWO) (已結業)

星期日去D2睇戲前來這裡食午飯，這裡不像一般茶餐廳，像快餐店多D，要在門口選購後入座。Order咗豉油雞飯及乳豬卡邦尼意粉，奶茶及凍檸茶。乳豬卡邦尼意粉：有少少失望，乳豬皮一D都唔脆似隔夜，只有三塊大小不一，像湊夠數就上碟，並不是原塊乳豬斬件上碟；不過扁意粉就煮得剛剛好掛汁，味道唔錯，如果唔計乳豬，卡邦意粉值得一試豉油雞飯：豉油香，如果甜少少會更喜愛，好有心地把雞去骨上碟，有齊雞胸、雞翼及雞脾，蔥油好香，白飯熱騰騰，可以一試。原本叫茶走，可惜店家沒有提供煉奶，所以只點了奶茶，當天可能是一開店就入座，覺得茶底唔夠茶味，淡咗少少，如果濃D會更啱我口味。…查看更多

個人喜歡試Fusion菜，今次揀咗呢間。✨乳豬卡邦尼意粉（$88）乳豬大大舊，外皮好脆，味道好香口！卡邦尼口感好滑帶點Creamy，食出淡淡的芝士香氣，十分之推薦呢道菜。✨日式咖喱吉列軟殼蟹日本蛋包飯（$72）軟殼蟹比我平時見開既大隻，香濃既咖喱配上蛋包飯真係冇得輸呀！仲可以先食旁邊既沙律作為前菜，開開胃。…查看更多

友利冰室勿當奴係我既荔枝角飯堂有得食小食炸物，又有飽肚飯，又有西式餐選。我差唔多次次都係叫黯然銷魂飯 叉蛋飯，出色！！！啲叉燒多汁半肥瘦，靚過好多間大型茶樓！😍🥰😋乳豬卡邦尼意粉🍝又係我堂嗌既！！！因為第二度真係食唔到！！啲乳豬脆皮肉嫩，加上西式既卡邦尼意粉，配搭和諧得令人好驚喜 😍相對而言，哦勿當奴餐就差小小配洛神花茶，平價良心之選。冇補充。…查看更多

鮮🍅焗厚切🐷扒飯：9 x ❤️乳🐷卡邦尼🇮🇹粉：8 x 🧡花膠螺頭燉🐔湯：8 x 🧡叉燒🔥拼燒腩仔：7 x 💛呢道有啲似快餐店模式，先點嘢食同俾錢，唔同嘅係之後會有專人送埋餐上枱。有名又有特色嘅乳豬卡邦尼意粉，當然要試吓，個賣相都唔錯，乳豬香脆，卡邦尼意粉幾好味，絕對物有所值。鮮茄焗厚切豬扒飯比想像中出色，金黃拉絲芝士下面，係用番茄同埋茄膏茄醬調製嘅濃厚醬汁，厚切豬扒鬆軟，而且夾有少少肥肉，啖啖肉食得好過癮，個炒飯底亦好出色，乾身香口，其實都真係有啲驚喜。雙拼燒味飯燉湯套餐都好抵食，燉湯熱辣辣而且材料十足，叉燒同燒腩仔賣相都好靚仔，如果燒腩仔嘅皮做得鬆脆啲就更一流。總體嚟講，出品同性價比都算係好唔錯。…查看更多

外賣飯盒都可以一點都唔普通㗎🤩🤩🤩美國穀飼叉燒炒蛋飯 $58叉燒半肥瘦💯💯💯炒蛋超軟滑💯💯💯超值得推介👍👍👍乳豬卡邦尼意粉 $88乳豬香脆可口意粉勁多汁，香濃，creamy 果然係人氣推介👍👍👍這間位於荔枝角嘅友利冰室 x 勿當奴，長期都是大排長龍，食物美味，價錢合理，九龍區嘅朋友有機會一定要去試試喔，上班族嘅朋友亦可單點外賣，為勤勞工作嘅自己打打氣😉…查看更多

2022.7.18 星期一 3:45pm這個時間人不多，可以隨便坐。本來想叫餐凍飲，很多都售罄，所以叫了熱飲。凍熱飲都是自助的，都很方便。門口下單後，大約8分鐘就上枱了。•••••••••••••••••| 乳豬卡邦尼意粉 $68, 熱朱古力+$8 |💛意粉非常夠熱。乳豬都不會很細件，皮少少脆，肉很有油香。店員說沒有乳豬醬，但其實不用點醬都夠味。意粉多汁，還有很多煙肉和菇，整碟分量很多，十分足料。熱朱古力用機斟，沒有沉澱朱古力粉，甜度適中。…查看更多

🙆🏻‍♀️ 小編諗起好耐冇去友利冰室X勿當奴食嘢，決定依日晏晝去幫襯！［ 亂闖試食 ］🍽 乳豬卡邦尼意粉 😋😋😋😋第一次試中西合璧嘅意粉，感覺好新奇！🍝卡邦尼意粉屬於正常水準，最令人期待嘅係乳豬，因為平時唔會專登叫嚟食。三件乳豬嘅皮都燒得相當脆口，咬落有微微豬油滲出，肉質都嫩，又唔會好鹹，係會食完一件又接住食一件嗰款好味！👍🏻 如果可以加多一兩件就更好喇！😉 依個午餐仲包一罐汽水！🥤午餐 💵💵 約港幣$70/人💁🏻‍♀️ 中午係佢哋最繁忙嘅時段，好多時都要排隊等堂食。趕時間嘅打工仔，可以考慮外賣自取，份量都差唔多㗎！🙆🏻‍♀️ 最後，喜歡嘅話，歡迎follow @foodirectory.hk ！…查看更多

今日難得自己一個食lunch，決定碰碰運氣食呢間😆皆因想食佢個乳豬意粉好耐🤤我一點嚟到，都要排陣隊，大約十分鐘就到我落單，之後就拎住個牌仔自己搵位～飲品都係落完單之後喺雪櫃自己拎架～我就梗係叫久仰大名嘅乳豬卡邦尼意粉 ($68)啦🤤上面有三塊乳豬，下面就係好多汁嘅卡邦尼意粉😌我覺得個意粉係好好食，佢啲汁偏杰身，有好濃忌廉同芝士味，再加埋啲煙肉同埋蘑菇，真係啖啖都好creamy好好味！至於乳豬，可能佢痴埋咗啲汁同埋我比較遲先食，個皮唔算好脆，但皮同肉都好平均，算係過到吓口癮🤤食呢個算係一次過滿足咗兩個願望，始終覺得呢兩樣嘢都係分開食架喇🤣加$8會有飲品，我揀咗檸檬伯爵茶～去到雪櫃先見到佢話有薄荷葉，都怕會好似牙膏味😂但點知個薄荷葉淡淡嘅香氣係好match呢個茶，即刻變得好清香呢～好飲！終於完咗個心願，結果都係冇令我失望嘅～希望下次再試吓其他食物😌…查看更多

有事要去荔枝角一趟，妹剛好也要在附近上堂，在她上堂之前，她就帶我來到位於D2 place 2期的友利冰室 x 勿當奴食晚餐。雖然前方有人排隊，但只要齊人及已經想到吃什麼，店員就會叫人前去收銀處購票入座，並等待餐點送上。我們選了美國叉燒煎蛋飯及乳豬卡邦尼意粉，加$8配一樽富士蘋果伯爵茶。美國叉燒煎蛋飯，份量十足好多塊叉燒，每塊都大大件，啖啖肉，肉質軟稔。將煎蛋戳穿，蛋汁與飯撈勻來吃，可惜醬汁較少，整碗飯的味道較淡。雖然叉燒大件，但稍為欠缺那陣香濃的蜜汁的燒香味！飯與叉燒均不夠惹味，只勝在大份夠飽肚！乳豬卡邦尼意粉，卡邦尼意粉上鋪上3件乳豬，乳豬皮脆又啖啖肉，惟稍欠油香味。個人較為滿意卡邦尼意粉的味道，意粉彈牙，醬汁creamy又夠香，煙肉和蘑菇等配料炒得夠香，加入些許黑椒吊味，味道不錯～～～富士蘋果伯爵茶，伯爵茶味香，加上淡淡蘋果香氣，吃得飽飽時喝口茶就剛剛好。總算卡邦尼意粉的味道挺好，足以彌補那一點點的進步空間。…查看更多

今日終於嚟到試呢間超人氣黃店，今日特登走出荔枝角買嘢，再去試呢間超人氣黃店，聽講最出名係個叉燒煎蛋飯。去到係收銀處買完野食就坐低等，店員會拎過嚟，飲品就自己拎。叫咗最出名嘅叉燒煎蛋飯 $58一上枱好大塊蛋，係雙蛋撥開蛋，就見到叉燒，有6塊左右，都幾大塊，唔算薄大約係3分肥7分瘦食落唔算太肥，但都幾軟熟，唔會太硬或太鞋飯就有啲乾，冇乜汁鮮茄焗厚切豬扒飯 $68超級多蕃茄，好多蕃茄粒，都幾酸面頭焗嗰塊芝士好香好食豬扒已經切好咗粒狀或者條狀，幾方便豬扒真係幾厚切，幾有口感，有d位比較肥+$12有個豬柳強熱辣辣好食，有啲迷你+$8有樽仔奶茶，都ok再外賣個乳豬卡邦尼意粉乳豬係完全唔脆的，意粉唔錯總結野食都唔錯，價錢唔算貴，味道唔錯，幾大份…查看更多

而間餐廳本身主打港式燒味💛係D2place既分店, 就大玩gimmick🤣裝修、餐牌設計 同 菜式都玩味十足🤪用茶記既價錢就可以食到中西合壁快餐🍽🔸乳豬卡邦尼意粉 ($68)係餐廳既招牌菜之一🍝 意粉幾好食既😋卡邦尼汁係偏向美式既忌廉汁, 夠濃稠夠creamy~再配上佢既招牌燒味, 都幾搞笑😂不過乳豬得三件, 仲要超肥😫😫 🔸豉油無骨雞飯 ($58)雞肉皮滑肉嫩, 亦好入味, 連墊底菜心都入曬味😂不過略嫌咸左dd🙈餐廳除左有燒味crossover西餐, 仲有老「勿」餐, 真係玩味十足🤣價錢合理, 味道中規中矩, 唔錯既~ 支持下小店💛評分: ⭐️⭐️⭐️…查看更多

一直都好想幫襯，但次次嚟到都好長龍，今日專登晏啲先去，結果直入仲可以坐卡位。唔使問，當然揀咗乳豬卡邦尼意粉（$68），另加飲品（$8）。飲品自助係飲品區拎，好耐冇飲支裝可樂（仲要係大支），就揀你啦（可惜唔夠凍）。坐底後約十分鐘，就有人送餐嚟。三大件乳豬，肥瘦適中，最重要係脆皮，而且仲有肉食，質素高（如果多啲更好，當然要加收費啦）；卡邦尼意粉對比就普通咗少少，味道及份量是OK的，但沒有太大特色。今次試咗中西mix，下次試burger。…查看更多

同朋友約左喺D2 place睇戲。睇戲之前想食少少嘢，發現呢間餐廳就入左去。喺門口望到餐牌已經有啲驚喜，因為啲組合都算新穎，同埋價錢嚟講算抵食。冰室內見威頓牛扒已經癲覆我想像....我地叫左個$198二人餐：乳豬卡邦尼意粉+斧頭豬扒配蘋果蓉黑醋醬，朋友本身好擔心要等好耐先有，會趕唔切睇戲，但出餐快，又再加分。乳豬卡邦尼意粉斧頭豬扒配蘋果蓉黑醋醬:)飲品方面都一樣多選擇，有羅漢果、洛神花茶，又有蘋果伯爵茶等，任君選擇。所以決定會翻桌。…查看更多

位於𝐷2 𝑃𝑙𝑎𝑐𝑒的港西𝑓𝑢𝑠𝑖𝑜𝑛快餐店。雖然食物質素一般🤨,但勝在唔算太貴同夠快。而且鋪頭幾大,裝修又靚💛,坐得都ok舒服👍🏻今次嗌咗兩個$198💰嘅二人餐。每個餐有一個主食,一款意粉/飯,同埋兩個嘢飲🥤.◇一人威靈頓牛柳配蜜椒汁◇中規中距啦,唔算驚豔。但肉質幾好,熟嘅程度都啱啱好😋蜜椒汁都調得唔錯☺️.◇上湯牛面配紅酒牛尾◇食肉獸🍖要嗌呢個,份量幾唔錯下。牛面肉同牛尾都好稔😊但偏濃味😶,食到一半好想要白飯🍚.◇乳豬卡邦尼意粉◇呢個雖然賣相一般,但其實幾好食👍乳豬有酸梅醬比你點,點完更加開胃。而又唔係想像中同卡邦尼咁唔夾😚神奇嘅一碟意粉💫.◇黃金南瓜腩仔炒意粉◇呢個就...冇乜誠意😑😑同埋份量好細😢唔難食嘅,但唔洗試都ok。.◇樽裝奶茶◇好甜,不過螞蟻人會鐘意。.◇洛神花茶◇冇加糖,養生人士揀呢款😙.◇富士蘋果伯爵茶◇超好飲💛💛唔算太甜,蘋果🍏嘅清香。.◇薄荷檸檬伯爵茶◇都好飲☘,但好似蘋果味同伯爵茶夾啲~.其實之前食過一次,覺得午餐高質啲🙈😹焗麵焗飯,或者叉燒滑蛋飯嗰啲都超平靚正。推薦附近翻工嘅打工仔𝑙𝑢𝑛𝑐ℎ 𝑡𝑖𝑚𝑒可以過嚟食呀💛𑁍　☼︎　𑁍　☼︎　𑁍　☼︎　𑁍　☼︎　𑁍　☼︎　𑁍.⭐ 推薦程度: 6.5/10⇨味道: 7/10⇨環境: 7.5/10⇨性價比: 7.5/10…查看更多

Bff問我想食咩，諗咗諗就去食呢間玩味十足嘅餐廳。除咗食物組合玩味十足，連裝修都好有心！細心位一讚，每台都有酒精搓手液，隔板仲有好精美嘅黎到必食中西合璧嘅乳豬卡邦尼意粉，點會諗到平時大時大節先食嘅乳豬係西餐度出現。成份得三件乳豬，真係覺得有啲少。好彩味道唔錯，不竟係燒味出身嘅舖頭，乳豬皮脆，肉就略嫌太薄。乳豬揩到少少同卡邦尼汁食係一個新食法。但整體上同意粉有各自為政嘅感覺，意粉冇任何乳豬特別嘅油脂味，係一個正常有芝味同煙肉嘅卡邦尼。呢一個創新嘅配搭，味道上雖然唔係話好突出，但係喺呢個組合會令我再想嘗試。Bff就食咗豉油冇骨雞飯，肉質好滑但份量偏細。除此之外仲叫咗個人肉饅頭，係饅頭夾住厚切叉燒加厚切玉子。Bff讚玉子有啲似玉子燒，的確煎得唔嚡。叉燒係半肥瘦，個人覺得如果再肥少少會更好令到個包有啲叉燒嘅有油分，同埋瘦嘅位置實在太嚡。二人食三個餐真係食唔晒，飽飽。…查看更多