激安燒肉工房 X 大眾燒肉酒場 (已結業)

激安燒肉工房以合理的價錢，提供高質素的日式燒肉。九宮格燒牛盛合是這店的名物，一客內有齊九款牛肉的各種部位，包括高級的A4和牛，Prime牛小排和厚切牛舌腩，令初次來到的顧客毋須苦惱，便能一網打盡店舖內最著名的肉品。雞肉山是牛肉以外的人氣菜，其雞肉山用上了黑松露醃製，烤過後的黑松露香氣，與雞腿肉出奇地配合。…查看更多

平時大家可能比較關注大型的連鎖日式燒肉店 ...但一些小店形式經營的燒肉店或許更有風味，像我今次去的 - 激安燒肉工房我去的是筲箕灣店，聽說最近剛剛在尖沙咀開了分店星期六的午市都有7折優惠~用手機嘟QR Code直接下單，會顯示折扣了的價錢所以雖然是單點，感覺不用考慮太多就可以點餐 (笑)飲品佔據Menu頗多，特別是酒精類的～看起來有身在居酒屋的感覺不喝酒，也可以點茶 - 冷泡白桃烏龍茶 ($18)燒肉方面，要說到這店必點的是 - 九宮格燒牛盛合 ($288)一次可以吃到9款的牛~Menu有說明款式，但上到桌實在分不太清哪款 最明顯當然是厚切牛舌吧！這個燒過後外層有點焦香，吃落又嫩又多汁建議大家先由淡味的開始吃起，其後有三款是醃製過的～都很惹味。除了牛外，雞肉都幾吸引~點了醃製過的雞腿肉柚子漬雞肉山 ($38) - 沒想到這價錢都幾大份，而且柚子味道很出! 所以之後有多點一份豚肉方面，點了 - 日式味噌黑豚五花 ($68) 因為是五花的關係又真的頗肥美。吃起來帶甜味的味噌味道十分濃郁，再加上豐腴甘香的味道~很邪惡！雞泡魚干 ($36) - 自己燒還是第一次，平時都是吃現成切好條狀那種。表面燒得金黃帶少許焦就可以吃囉～味道甜甜的也不會很乾。另外還有 秋葵 ($22)最後還點了 - 飯糰 ($18/1個) ~ 燒過後很香口，但沒醬的話會偏乾身一點…查看更多

港島區既燒肉店多數集中係啲大商場，例如太古/銅鑼灣/中環之類既，好少係啲街坊小店間出現。今次發現左筲箕灣新城街居然有間燒肉店一定要試！好彩有早一日打去訂位，如果唔係walk in就有排等(｡ ́︿ ̀｡)九宮格燒肉盛盒。 7.5/10一共有9款牛肉：牛舌腩、A4和牛、牛小排、牛仔骨、薄切肉眼、護心肉、牛梅花、牛肋肉、小牛扒～～優點係可以人少少就試晒咁多隻肉，啱晒兩個人食啊牛既質素都唔差！不過缺點係份量有啲少～一定要額外再叫其他野食鮮淮山。 6/10爽脆！不過形狀切得有啲奇怪，好難燒得均勻紫菜月見飯。 8/10完全冇缺點既紫菜飯日本生啤。 8/10做緊買一送一既優惠超抵飲～…查看更多

坦白講，呢一間燒肉店地理位置並不是理想，始終筲箕灣對於好多人黎講都算偏遠，而且又冇咩地方逛。當日我同友人先打電話預約，因為聽聞都幾多人食，所以如果想食嘅朋友都記得預約左先。我當時6點左右入去，大概食到7點左右就好多人黎，最後都滿座。裡面座位算幾寬敞，而且抽油煙機比牛角個啲做得更好，食嘅時候油煙唔算多，係有些小熱，始終對住個爐燒。入面裝潢特別於有多幅畫像做裝飾一埋位就已經有齊豉油，蒜蓉等調味料，坐低左就會有職員黎開著個爐預熱。每張枱上面都有一個調味架，食鹽，七味粉，tabasco醬，椒鹽，有埋牙籤同燒野用嘅2支夾加鉸剪。我個人覺得如果叫嘅肉類本身有調味，其實都好夠味，唔需要再加額外調味。我就冇用過。下單方面，都係自己scan QR code下單。講左飲品先，今次友人叫左啤酒飲，如無記錯，$48／2杯（買一送一）啤酒味道一定冇藍妹嘅出色，表現平平另外我就叫左支津輕蘋果汁飲，味道都幾似菓汁先生。:)$28／支，280ml肉方面，今次叫左個個黎到必叫嘅「九宮格燒牛盛合」（$288）始終都係雪藏肉，牛味係會差少少。不過整體黎講試到唔同牛嘅部位都算唔錯。之前上網睇人介紹呢間野，話會同顧客詳細介紹九格分別係啲咩。可惜當日我黎到，燒肉工房員工並無作出介紹，只係擺低時講左句：「呢個係九宮格燒肉盛合」。另外，我叫左個黑椒鹽味嘅特大薄切牛舌（$68），我個人喜好就幾鐘意食牛舌，平時食開厚切，今次就試薄。表面睇，有啲似pizza上面嘅Salami腸。因為薄嘅關係，燒幾分鐘就食得，牛味都香，但我覺得椒鹽有些小重手左，影響左牛味發揮。跟住，再叫左明太子醬手羽5隻（$40），自信漬雞腎一串（$15），椒鹽雞軟骨兩串（$12／1）明太子醬雞翼嘅味道不重，因為係上面就咁加，唔係醃料。雞軟骨同雞腎都好普通。由於當時友人想食啲飯，所以叫左個紫菜月見飯（$28）呢個飯真係極度不推薦:(，除非你真係想食飯，因為唔值。我唔能夠話唔好食，只可以話佢完全冇特別，自己係屋企都會做得到。飯入面有嘅材料，相片入面睇晒，紫菜，生蛋黃，豉油，同粒粒珍珠米。個燒盤大概咁大，如果燒得多個網開始黑嘅話 ，可以要求佢更換。最後仲有一道「黑椒鹽味厚燒橡果黑毛豬」（$68）雖然豬肉入口味道唔錯，但我略嫌太肥，咬嘅時候都有好多筋咬唔開。總括黎講，肉類質素同味道平平，我覺得cp值唔高，有其他燒肉店可選擇。服務方面，其實都冇咩服務可言，自助落單，我個網燒到黑晒，我舉手先有人幫我換。我燒嘅過程都見店員只坐係後面bar枱位㩒電話，有食物要拎過黎先會起身。呢間燒肉店，我唔會特別推薦食，但一試無妨。呢一餐兩個人食左$673，全自費。…查看更多

💛九宮格燒牛盛合 （$288）唔洗$300就一次過滿足你9個願望😂試左唔同部位都真係好滿足💛鹿兒島A4和牛肉眼上蓋 （$168）佢有兩款和牛揀，肉眼同西冷，我見其他foodie大部分都揀左西冷，我就決定試下佢個肉眼肉味好濃，油脂都十分多🤣如果你地驚肥驚油膩嘅話應該都係叫返西冷好啲💛厚切牛舌芯 （$78）大推！勁好味！78蚊仲要咁厚又有咁多舊，真係好抵！最緊要係佢口感真係好好味其他肉類同海鮮嘅性價比都高仲有，燒肉最緊要係咩呀？ 配啤酒呀！Sapporo 生啤買一送一🤩 perfect match! 抵食抵食！推介推介！…查看更多

燒肉店距離筲箕灣站步行大概十分鐘 🏃🏻‍♀️因為長期高人氣同埋地方偏遠，我同朋友都預先book咗位。我哋book咗6:30，7點時差唔多滿座。所以真係要book位！特別推介 · 九宮格燒牛盛合 🥩裡面有牛肉唔同嘅部位，雖然分唔到邊個部位，但係認得某啲特別好味。牛西冷同牛舌芯係最好味👍🏻👍🏻👍🏻 我地仲額外單點厚切牛舌芯添，佢啲牛肉唔駛點汁都好味，可以加少少鹽調味。另外叫咗鱔同雞軟骨，燒鱔都好食，好肥美！啤酒買一送一，燒肉配啤酒簡直絕配🍺✨ - 💰人均消費：$250-300 🍴激安燒肉工房 (筲箕灣)筲箕灣新成街8號新成中心地下F號舖…查看更多

-最近去筲箕灣搵食🧐好耐無食過日式燒肉～-九宮格燒牛盛合（$288）一次可以試曬咁多款肉😍抵食😎每款肉有2-3片味道不錯👍肉質嫩滑，一啲都唔鞋😋牛肉真係好好食，幾Juicy好吸引，味道幾Surprise😝必點的九宮格♡´･ᴗ･`♡-鹿兒島A4和牛西冷（$248）（黑椒鹽味） 望到都流曬口水，油脂分佈平均✌️食落口感真係唔同，肉質嫩滑ヾ(๑╹◡╹)ﾉ"肉味香濃，真係食唔停口👅好想再食(*´∀｀*)-廣島蠔 2隻 （蒜蓉味）（$28)味道唔算特別，望落好大隻，幾好食🌝-野菜六盛合🌿（$58）除了燒肉以外，梗係要食啲菜～有6款野菜，包括了 玉米荀，秋葵，翠玉瓜😚淮山，萵筍和冬菇🍄每款有2件，冬菇幾Juicy，食菜又健康👍🏻-杯邊鹽檸檬威士忌梳打🍹（$38)易入口，幾好飲😘酸酸地幾開胃(๑>◡<๑)-PS 依個餐廳只要掃下QR Code就直接落單，好方便😎而且食肉果陣點埋自家調製的醬汁真係絕配ヽ(*＾ω＾*)ﾉ-Name🏠: 激安燒肉工房 Gekiyasu YakinikuLocation📌: 筲箕灣新成街8號新成中心地下F號舖（港鐵筲箕灣站 B3 出口, 步行約6分鐘）價錢💰: 九宮格燒牛盛合（$288），廣島蠔 2隻 （$28)，野菜六盛合（$58），鹿兒島A4和牛西冷（$248），杯邊鹽檸檬威士忌梳打（$38)…查看更多

打開門第一個感覺👀，好似去咗小日本咁🇯🇵，牆上面嘅日本舊式海報，加上一股燒肉獨有嘅油煙味，令草根妹妹覺得自已直頭番咗日本啲傳統燒肉舖頭咁親切✨！.依家啲燒肉店好方便，客人只要Scan QR code，就可以自己落單📖，大約5分鐘左右店員就會出餐🏃🏻‍♀️，非常有效率🤟🏻！而家做緊啤酒買一送一優惠🍻，可以叫埋班三五知己一齊share下👯‍♀️👯，支持下佢哋💛，多啲嚟幫襯啦！提提大家記得訂位☎️，夜貓子越夜越多人喔🌃🐱。.🔥九宮格燒牛盛合（$288）九宮格盛合內有紫蘇漬一口牛安格斯、黑毛牛小排、草飼牛肋條、A4和牛、安格斯牛三角、黑毛牛梅花、安格斯牛仔骨、Prime級牛小排同草飼牛護心肉。一次過可以試哂九款唔同部位嘅牛肉🥩，未燒之前已經睇到牛肉有雪花❄️，脂肪分布均勻😍，特別係A4和牛！再慢慢睇住爐火將牛肉多餘嘅油脂迫出🔥，係牛肉表面發出閃令令嘅油光✨，感覺好舒暢😳。全部牛肉味道都唔錯，特別係醃製過嘅紫蘇漬一口牛安格斯同草飼牛肋條，非常入味🤤！. 🔥美國頂級Prime肉眼（$88）肉眼雖然比想像中薄，但係質素唔錯😎！落單時可以揀原味、芥末鹽味同黑椒鹽味，草根妹妹就手多多揀咗芥末鹽味，點知廚師又重手咗少少🤏🏻，落多咗啲鹽，搞到好鹹😂，可能大家揀番原味會好啲。.🔥漬燒雞腿肉（$42）激抵食雞腿肉，必食推介💁🏻‍♀️！估佢唔到最平嗰款雞肉🐥份量最多最抵食🤩，雞肉肉質細滑👍🏻，正！其實廚師已經將雞腿肉醃製好，不過仲有六款口味俾大家揀（要額外加$6），一貫重口味作風揀咗明太子🤤，更濃味，好岩作送酒食！.🔥芝士年糕（$28）第一次自己燒芝士年糕，燒到年糕表面焦焦地，個心仲腍慈慈，即刻充滿日本風味，再點煉奶，味道又鹹又甜，好豐富。.MENU…查看更多

作為食肉獸😈，妹豬仔呢次同朋友去咗筲箕灣食燒肉🤤～燒肉店裝潢很日式，例如店外掛咗一個日式紅燈籠🏮。呢度係掃瞄QR Code手機點餐，夠晒方便🙌🏻！.🔸[九宮格燒牛盛合] (HK$288)呢個盛合真係無得輸😍！有齊九款唔同嘅牛肉，啱晒心大心細唔知揀咩好嘅朋友😆～包括：草飼牛牛勒肉、黑毛牛牛小排、一口牛梅花、美國頂級Prime牛小排、A4宮崎和牛牛頸脊、穀飼牛霜降、安格斯牛仔骨、厚切牛舌芯和安格斯牛三角。每款肉都好好食😋～.🔸[美國頂級Prime牛小排] (HK$128)揀選咗芥末鹽味。牛小排肉質嫩滑，燒完之後有好濃嘅油脂香味，而且十分juicy🤤！.🔸[厚切牛舌芯] (HK$78)揀選咗黑椒鹽味。牛舌芯的確係厚切，燒完之後肉味香濃，而黑椒鹽味就令牛舌芯更加惹味😋！.🔸[西班牙黑毛豬] (HK$68)揀選咗原味。西班牙黑毛豬好大份，而且超肥美。一邊燒，熱力就一邊將油脂逼出，味道超香😍！.🔸[雞泡魚干] (HK$36)燒嘅時候就聞到好香魚干味，燒完之後熱辣辣、脆卜卜🤩，可直接/沾沙律醬食用。由於係自己落手去燒，感覺特別好食啲😆～.🔸[牛油芝士雜菇] (HK$28)有啲驚喜嘅係冇諗過係咁大兜，而且毫不吝嗇咁落咗好多芝士🧀。擺上爐上面燒，牛油同芝士慢慢融化，再將雜菇拌勻，成為好香牛油味嘅拉絲芝士雜菇🍄。.🔸[紫菜月見飯] (HK$28)呢個飯超大碗😆，有生雞蛋、紫菜、醬汁、芝麻，拌勻之後就食得，味道唔錯。配上燒肉一齊食就更加一流👍🏻！.🔸[百香果梳打] (HK$28)🔸[柚子梳打] (HK$28)呢兩款梳打飲品正正常常冇特別，另外有酒類飲品可選。.💡妹豬仔話你知～除咗唔同肉類之外，呢度仲有每日新鮮嘅海鮮、唔同熟食㗎💁🏻‍♀️～另外，呢度經常超滿座，去之前記得要訂定位。同埋記得帶夠現金，因為呢度只收現金💸～.✨妹豬仔👧🏻💬: 整體嚟講，燒肉店環境唔錯，食物高質，而且份量好大。呢個價錢食到呢個質素，算係十分抵食🤗！…查看更多

餐廳係筲箕灣同西灣河中間，所以要行一陣先去到~餐廳門口充滿日本風呢個拼盤有九款唔同嘅牛肉，可以一次過試晒先決定要邊款!其實全部肉質都非常好，中間個和牛仲入口就開始溶不過令我感到最驚奇係牛仔骨，肉質紮實而且醃得好入味九宮格燒牛盛合 • HKD$288淨係食肉唔夠飽，於是叫咗個飯好香紫菜味，撈埋蛋汁令個飯好濕潤紫菜月見飯 • HKD$28呢個肉個人覺得中意食油香嘅人必點!肉質好嫩，而且油脂分布平均入口好香油味，極邪惡美國頂級Prime牛小排 • HKD$128美國頂級Prime牛小排 • HKD$128至於牛舌都係必點! 不過唔知點解我哋呢碟係灰灰地色但燒出嚟都一樣好味真係好厚，但係又完全唔韌，仲好淋厚切牛舌芯 • HKD$78食到放題咁樣先HKD$400有找，真心高質得黎又抵食!…查看更多

東區開左間日式燒肉店，以激安抵食命名，講到咁無理由唔去試下既門口放了黃色燈籠，入到去成間d燈罩都係黃色架，好黃呀💛，呢度係用QR code落單，既方便又環保👍🏼九宮格燒牛盛合呢個真係岩晒牛魔王既我，佢有一口牛安格斯(自信紫蘇漬)，黑毛牛小扒、草飼牛肋條、鹿兒島A4和牛、安格斯牛三角、黑毛牛梅花、安格斯牛仔骨、Prime級牛小扒 & 草飼牛護心肉，講真我都食度唔係好分到邊款打邊款，因為款款都好好味美國頂級prime牛小排油脂分佈均勻，厚度岩岩好，口感嫩滑，鹿兒島A4和牛西冷一客有兩塊，薄切的，油脂非常豐富，肉味濃郁，真係以為自己去左日本，如果係一塊厚切上就更加好啦雞泡魚干平時好少自己燒，自己燒另有一番風味，佐酒小食一流Highball + 梅酒食燒肉點可以無酒，當然要叫連日本人都好鍾意既酒襯返啦(飲晒先記得影🙈)薄切牛舌尖 & 厚切牛舌芯兩款口感截然不同，薄身係咬落爽口，厚身係好有質感，兩款都有佢自己fans, 我兩款都鍾意野菜六盛合，牛油芝士雜菇，萵荀，菠蘿，一口甜薯食左咁多肉，真係要食返d蔬菜解一解食物質素都相當不錯，價錢亦都合理，但抽風系統就真係麻麻，食完成身連頭髮都係燒肉既味道，呢方面有待改善…查看更多

🐂筲箕灣CP值高超美油花鹿兒島A4和牛西冷燒肉🐂而家去唔到日本，好想搵間好味高質的燒肉店食靚和牛，咁啱見到呢排好多人打卡都去食筲箕灣的日本燒肉店，最出名油花好靚的和牛扒，仲有$28均一價生猛海鮮，見隻死佬就嚟生日，襯機會試試book 位去食返餐勁🐂今日星期二book 了8:00 鐘，原來都好爆場，門口仲有人等位所以如果想食的一定要早點訂檯🐂食燒肉對我來講除了食物重要，抽風同燒烤爐都係一個好好好重要的一環，燒烤爐的火力夠，燒出來的肉很香口很滿意，而且抽風相當好，就算燒牛扒都無咩油煙，非常好🐂點菜是用QR Code 手機下單，非常方便，驚喜位係菜單發現有文宣🐂鹿兒島A4和牛西冷（優惠推介）$248西冷牛扒的油花超靚，睇個樣都知幾好食，價錢同去日本食差唔多錢真心抵，燒呢塊牛扒要好專心，因為油份多，好易會搶火或燒過熟，快手燒曬兩邊就ok, 味道很軟棉滑溜，油脂感非常充足，充滿幸福的感覺🐂九宮格燒牛盛合$288一次滿足九個願望，食曬九個唔同部位，肉味香濃，每個部份都不一樣感覺，由其牛舌最好味🐂厚切牛舌芯（芥末鹽）$78因為牛舌太好味了，所以單點一客，牛舌最靚的部位是牛舌芯，即係整條牛舌旁邊位置不要，只要中間的地方，油份豐厚，口感軟中帶爽，係我最鐘意食的部分🐂燒活鱔$38燒鱔重點要燒皮嗰邊，將皮燒到香脆乾身，再燒肉嗰邊，這串鱔魚很新鮮又厚肉，不經任何調味，只需落少少鹽已經很好味，肉質爽脆🐂阿波尾雞心$15🐂阿波尾雞腎$15抵食價錢食到阿波尾雞心雞腎串，雞心燒同腎，燒完唔會韌食落爽爽地有咬口🐂原隻大虎蝦$28🐂活元貝（蟹膏味）$28海鮮均一價$28 很抵食，除了虎蝦同元貝，仲有活鮑魚，蟶子，象拔蚌，廣島蠔都係一樣$28 , 因為今日想重點食牛，所以就點了一隻活元貝同大蝦，元貝可以明太子口味或蟹膏味，因為是新鮮，燒完味道都好鮮甜🐂燒飯糰伴明太子$18燒飯團是我最鐘意食的一種美食之一，飯團放上爐每邊燒香口，加入明太子，用紫菜包住食好正🐂紫菜月見飯$28由於死佬係飯桶，所以一定要叫飯食，所以點了紫菜月見飯，上面鋪滿香脆紫菜同飯素，將蛋汁攪拌後，成碗飯甜甜的很好味🐂柚子梳打$28🐂可爾必思沙冰$28由於地點對新界區的我有點遠，所以揸車過來無得飲酒，Sapporo生啤是$48 買一送一，如果飲酒又係幾抵飲🐂 CP 值高又唔貴的和牛，最推薦鹿兒島牛扒，牛舌芯 , 海鮮都非常好食，抽風好好，而且坐位坐得舒適，同朋友吹水飲酒好地方，而且店員非常友善好人，是非常推薦的一間燒肉店🐂2人埋單加一後$928 人均$464激安燒肉工房地址: 筲箕灣新成街8號新成中心地下F號舖(筲箕灣站B3出口步行約7分鐘）…查看更多