鐵牛台灣牛肉麵 (旺角中心第一座)

之前冇意之中經過旺角中心旁邊，發現有條樓梯，下面原來有幾間食肆，其中一間就係「鐵牛」。 「鐵牛」係一間由台灣人主理嘅台灣食品專門店。行樓梯落去地庫，就會見到有幾間食肆，或者可以喺旺角中心，坐扶手電梯落去。外賣餐牌係一本黑色嘅書仔，連咁普通嘅外賣餐牌都做到咁靚，可見餐廳係幾咁用心，有誠意。「鐵牛」招牌菜係主廚私房牛肉麵，咁就當然要試下。主廚私房牛肉麵 $70外賣湯底係分開上，唔怕拎到返去啲麵會變淋。湯底係牛肉麵嘅精華，當然要細心品嚐。深啡色嘅湯底，滲出濃厚嘅藥材香氣，味道濃郁，好夠味。未開始食麵，已經忍唔住飲咗4、5啖。再試試個麵，麵嘅份量頗多，麵質煙靭，有口感。金錢展大大件，一半筋一半肉，易咬開，好好味。秘製牛腩果然秘製，唔錯。肉質好腍而且入味，唔會煮得太乾，有肉汁。牛筋我最愛，有嚼勁，爽口彈牙，感覺充滿骨膠原。巧遇鐵牛，牛肉麵做得好出色，誠意之作，必定會再 encore。亦推薦俾愛吃牛嘅朋友仔~…查看更多

某個星期六晚上，窩夫與蝦子餅在旺角找地方吃晚飯，窩夫想起了看過不少好評的鐵牛台灣牛肉麵，幸好不用等位等太久，人齊的話很快便可以入座。入座後先填點餐紙，填好後到收銀處付款，食物和飲品很快便會送過來。窩夫點了主廚私房牛肉麵($70)，一次試勻大塊金錢(月展)、秘製牛腩和香滑牛筋，三款都很有水準。湯底和麵條都做得很出色，窩夫與蝦子餅都非常滿意，一定會再來。蝦子餅點了鮮番茄燒雞腿麵($68)，番茄湯有驚喜，酸味適中，是真材實料煮出來的味道。燒雞腿很厚肉，肉汁豐富。鹽酥小拼盤($45)有逢甲鹽酥雞、黃金梅子脆薯和酥炸花枝丸，比較油膩。蔥油淋青菜($26)的味道不錯。飲品方面，窩夫選了荔枝Q果梳打(惠顧麵類，特飲加$16)，蝦子餅則選了蘋果西打(惠顧麵類，凍飲加$12)。…查看更多

早前與友人係旺角行完街後, 便到附近的鐵牛台灣牛肉麵食飯. 來這裡, 當然要食與牛有關的菜式. 最後我選了主廚私房牛肉麵, 也可以加$3換新竹米粉. 除了麵外, 也有乾半麵, 麻辣湯麵,便當, 小食和小菜選擇, 款式多不勝數. 凡惠顧便當或麵類, 加$10換熱飲, 加$12換凍飲或者加$16換特飲. 最後, 我選了熱的芋香珍珠奶茶. 小食選了黃金梅子脆薯和逢甲鹽酥雞. 店員先奉上芋香珍珠奶茶. 入口有淡淡的香芋味道, 珍珠幾煙韌, 帶有少少甜甜地, 口感不錯. 黃金梅子脆薯. 薯仔切成厚身, 特別有薯味. 外層香脆, 內裡幾軟身, 而在薯條上灑上梅子粉, 多了一份甜甜酸酸, 特別醒胃, 好適合作為餐前小食. 逢甲鹽酥雞. 食台式菜, 鹽酥雞不能缺少, 上枱時已香味撲鼻. 入口時不會覺得好油, 幾乾身. 外表幾脆, 但又不會覺得炸粉太厚, 內裡的肉質尚算嫩滑, 味道調教不錯. 主廚私房牛肉麵. 當中有牛腩、牛展和牛筋, 可以一口氣食不同部份的牛, 對於愛食牛的我, 絶對啱晒. 牛腩, 牛展和牛筋也夠腍身, 帶有肉汁, 不會太乾身和硬. 三款中, 我自己特別愛食牛筋. 而麵質軟硬適中. …查看更多

有到過台北的林東芳、 永康, 嘗過招牌牛肉麵後. 猜想大家也許跟我也有著一樣的共鳴: 念念不忘! 香港好吃的台灣牛肉麵的確十分難找, 然而單以水質、 食材對比的話又難以作出公平的比較。其中一間打正旗號由台灣人開設的 - 鐵牛台灣牛肉麵, 繼於尖沙咀開店後, 最近於旺角開設分店, 同樣位處商場的地庫層, 但無礙食客的光顧, 也促使這趟尋找回憶中的台灣牛肉麵的開展。 旺角分店採取半自助形式, 先坐下並選擇食物, 剔好後走到櫃檯處落單, 之後等食物送上。 某程度上是很喜歡台灣食店的餐牌, 相片精準吸引之餘, 每頁背後像有一段故事般。 主廚私房牛肉麵 $70 先喝口精華所在的湯頭, 深色的湯頭用豆瓣醬熬製, 調味鹹淡適中, 算是濃厚甘醇, 亦帶點微辣, 相比傳統主要以中藥來提味的製作方法, 顯然是較為恬淡, 相對沒有苦澀味, 油份比例稍稍偏多, 但無損味蕾的吸收。 另一主角 - 牛肉具一定的厚度, 選用了金錢腱這部位, 還有牛腩和牛筋, 半肉半筋, 肉質腍軟嫩口同時筋位有嚼勁, 十分入味亦保持了應有的肉汁, 不過牛味未算十分濃厚。 麵條是偏幼身那種, 感覺有點像拉麵, 彈牙但煮得偏腍軟。 碗內還有酸菜和大量蔥花作配菜, 增加酸味和香口度。 雖然不及台灣吃到地道牛肉麵的精髓, 但比很多挾帶過江龍名字的牛肉麵店卻來得好吃。 奮起湖燒雞腿排乾撈麵 $68奮起湖是台灣阿里山其中一個地方, 但與這碗撈麵有何相關就不得而知了。 撈麵跟雞扒分開而上, 撈麵跟牛肉麵的麵條同屬一款, 相信沒有過冷河, 熱力餘韻猶存, 但比起牛肉麵沒放湯的狀態, 明顯是較為爽身, 不會過腍的糊口口感。 伴麵有切絲青瓜和已調味的肉燥, 底層還有點醬汁, 簡單的配搭味道已經不錯。 雞扒用醬油煮過, 雞皮亦呈深色而十分入味的狀態, 雞肉嫩口不嚡, 不過味道稍稍偏甜, 多吃兩片後稍有點膩。反而伴隨的湯頭相比下偏淡味一點, 正好起到中和雞扒甜膩之效。 夜市小香腸 $35味道十分像逛台灣夜市必吃的小腸, 味道很香濃, 鹹鹹甜甜的, 腸衣更有煎香的痕跡, 十分惹味令人停不了口, 若嫌油膩的話可以夾雜伴碟的清新青瓜絲同吃。 鹽酥小拼盤 $45拼盤有鹽酥雞、脆薯和花枝丸三款小吃。 鹽酥雞炸得很鬆脆, 尤其欣賞表層的脆度, 放耐了也不太變質, 而內裡的雞肉又不過火, 調味不太重手, 好吃! 粗身脆薯雖然不太脆身, 卻因面層灑了惹味的淮鹽而加了分。 花枝丸又是台菜系中最愛的小食之一, 不過外層的脆度給鹽酥雞比下去, 但內裡的味道和彈牙口感令這丸子也是不錯的。 肉燥伴青菜 $32很喜歡台式青菜 (個人較喜歡從前稱之為A菜), 因為一定會伴隨肉燥, 令咬草都沒那麼孤寡。 不過豪邁的份量是預期之外, 差不多有一整棵, 油潤的光澤令菜也爽口起來, 亦帶點膩, 肉燥的調味鹹鹹的帶微甜, 比起一般的炒青菜這濃郁惹味更討好食肉獸。 焦糖珍珠奶茶 (跟餐+$16)很久也沒有喝過珍珠奶茶了, 久違了的香甜是晚再重拾。 選擇了加有焦糖的味道, 十分香甜又不做作, 甜度亦不會太過火位, 加上粒粒富嚼勁的珍珠, 滿足了嗜甜的心結。 蜂蜜檸檬綠茶 (跟餐+$16)一貫台式飲品的蜂蜜綠茶味道,沒有過份的甜膩, 伴隨幽幽檸檬香, 清減去油膩的選擇。 數到代表台灣的美食, 二話不說一定會是牛肉麵, 緊接是珍珠奶茶, 港人對台灣美食的熱愛程度於是晚座無虛席而可略懂一二。 食髓知味, 畢竟相宜的價錢跟成正比的美味, 也是席上到來的一大因素呢。…查看更多

今日同屋企人行完旺角，行得太晏無煮飯，就係附近搵食喇。係毫無頭緒之下，經過旺中見到好大個鐵牛既招牌，第一眼以為係食日本野，望真啲見到下面有細字仔寫住「台灣牛肉麵」，我地就去左試喇。門口有侍應問我地幾位然後帶我地入去坐低，餐廳係半自助形式，店員叫你先揀好食物然後去返門口附近既收銀比錢，之後會有店員送上食物。第一個到既餐係呢個養生素食便當配黃金地瓜飯，呢個無加配飲品。初初以為半自助形式要自己拎餐具，點知原來有埋餐具。黃金地瓜飯煮得太腍，加上有地瓜碎，成個感覺食落好一pat野。碟菜煮得幾好，新鮮又唔油。上面三小碟有滷蛋半隻加菜圃，山根，茄子。呢三碟都好好味，尤其是茄子，唔會煮到好腍，個味道都好好，好似係茄汁味。紅燒牛筋腩麵加$16要左杯凍香芋珍珠奶茶，成個餐就$74。都係先試個湯先，好鹹，個係好香牛肉味。牛筋比牛腩好食，牛筋好腍，牛腩就有啲腍有啲韌。個麵份量好多，又唔會煮得太腍。凍香芋珍珠奶茶好好飲，珍珠好有咬感，唔會好硬。香芋同奶茶既份量控制得好好，飲落好清香。呢個好推介！好好味，個湯同啲麵同之前嗰碗一樣comment，不過呢個牛超正！每舊牛肉都有啲筋，每一舊食落都好腍，諗起都好回味。另外值得一提，店員服務態度好好，問佢攞暖水，佢本身話無，仲主動話得凍水然後幫我地斟凍水。跟住隔左一陣佢話有熱水仲幫我地加返啲熱水。抵讚！…查看更多

今日係一年一度嘅大年三十，喺下午嘅時候我們去咗旺角中心嘅「鐵牛台灣牛肉麵」食下午茶，之後去大姨媽屋企做節！一入到店內見到店員嘅笑容都幾好，喺坐低咗之後我們睇見餐牌有多款選擇，諗緊揀邊款嘅時候，坐喺我們後面卡位嘅小姐就向我們介紹有邊款比較受歡迎，我們問佢點解會咁清楚邊款好食，佢話佢係喺呢間公司做，今日放假返嚟食嘢，我們就話你休息緊都咁落力向我們推介，你真係專業同值得一讚！我們叫咗主廚私房牛肉麵「大塊金錢𦟌、秘製牛腩同香滑牛筋」嘅湯底相當清甜濃郁，金錢𦟌嘅肉質超級軟滑腍身，而且有入口即溶嘅感覺，秘製牛腩嘅肉質相當爽滑，但唔會有硬實嘅感覺，而牛筋就非常軟滑彈牙！鮮蕃茄大塊牛肉麵嘅湯底真正新鮮蕃茄濃湯，味道好鮮甜清新！紅燒牛肉乾拌麵嘅醬汁味道調教得恰到好處，唔會好鹹，加埋啲香蔥、雪菜同青瓜絲一齊食，感覺相當清新，唔會有好油膩嘅感覺！最值得讚賞嘅係他們出品嘅麵質真係極之煙韌彈牙，無論係乾拌或者係放湯嘅都一樣咁彈牙，唔會因爲喺湯浸著而變腍咗，真係超正呀！係本人嘅必食推介！…查看更多