登堂 (已結業)

今天家人聚會、想吃西餐挑選酒來到酒櫃，店員熱情推薦，我們問有什麼適合女生易入口的酒，有白酒、清酒。最後叫了有香蕉菠蘿味、又有petirra美容成份😹的日本清酒。不錯不錯👌🏻法國生蠔 🇫🇷帶子沙律，特別的調味汁、有提子美容清酒🇯🇵😆串燒拼盤馬尼拉🇵🇭蜆西班牙🇪🇸火腿pizza呢個我最鍾意、黑松露的Carbonara西班牙🇪🇸海鮮鍋飯燒三黃雞+ 意大利🇮🇹珍珠粉表演切雞大法…查看更多

相信好多人都係為左個tea而黎，但我地一班人因為工作關係，只可以先試試晚餐。由於一早已經係openrice book左位，一去到7點已經入得，目測都幾full，所以建議大家要book位啊。前菜：生蠔，串燒拼盤生蠔叫左white pearl同gillardean，係個好nice既侍應推薦。上菜個位都有教我地先食white pearl再食gillardean，因為white pearl係比較清甜，後者就坐海水味少少，但2種都好新鮮。:)串燒拼盤都比預期豐富同多種類，而且有住濃濃既燒烤味，用黎打卡定食都一流。主菜：夏威夷pizza，威靈頓牛柳，鮮海膽蟹肉三文魚子寬條麵，北海道鮮帶子扁意粉Pizza芝士極多，比街外既夏威夷pizza更好食，但最推一定係威靈頓牛柳，但皮好蘇脆，肉質一啲都唔”孩”。另外，2個意粉未到好驚艷，但都幾好食。鮮海膽蟹肉三文魚子寬條麵雖然有一大舊海膽，但一啲都唔流，而北海道鮮帶子扁意粉就帶少少辣味，比較岩大人食。…查看更多

🔆串燒拼盤$𝟛𝟡𝟡menu指係2-4人份量，但兩個人食的話感覺會很heavy，因為基本上全部串燒都是偏油膩🙈但係營養均衡方面反而幾完滿🤣有豬牛雞，有翠玉瓜同雞髀菇，海鮮嘅代表有蝦、三文魚同白鱔仲有帶子🤩味道雖無驚喜，畢竟都是串燒煙薰味，但同朋友邊傾住計邊試哂咁多款串燒都會食得幾盡興🥰🔆美國馬尼拉蜆$𝟙𝟠𝟠我地3個人基本上食拼盤都已經好飽，所以唔敢再嗌pizza/意粉，就叫左個蜆食🙌🏼份量都幾多，隻隻都飽滿有肉。不過佢配嘅忌廉汁就可圈可點，覺得掩蓋左蜆的鮮味😣但味道係可以接受的，而且欣賞佢有d菇同埋跟兩件蒜蓉多士🔆朱古力心太軟配椰子雪葩$𝟠𝟠 想為同行朋友慶生，所以訂位時有講低想寫字係甜品，但款式係現場落單先叫，因為店員話係電話佢好難講我知甜品有咩揀😂dark chocolate的心太軟帶苦澀味，食左一啖我就轉戰雪葩🤤更為吸引😝濃濃椰子味，食落質感細滑，冰涼透心❤️食物味道雖然唔出眾，但貌相有加分，餐廳環境氛圍亦都好舒適。佔地過萬尺座位闊落，有好多枱，所以都無催趕我地走👍🏼值得一提係佢個洗手間幾靚🤣又乾淨🥰附圖…查看更多

上次食過覺得唔錯所以就再去多咗一次呢間係絕對適合gathering但係服務質素真係麻麻落單唔寫低其實係冇問題嘅甚至乎如果唔覆單都冇問題但係真係唔好錯囉因為落錯單嘅關係個Ribs喺我哋食晒所有嘢先至到🤷🏻‍♂️🍟薯條感覺偏似薯角加埋沙律醬其實係好好食嘅🍕藍芝士野菌pizza餅底鬆脆芝士亦都好多同香串燒拼盤感覺上真係好大堆頭，但係冇想像中咁好食🤷🏻‍♂️味道比較普通，偏咸🥺豬肋骨當然佢唔係好似Ruby Tuesday嗰啲翻熱嘅豬肋骨但其實龍蝦湯同埋沙律質素都係正常無咩特別應該唔會再幫襯🥺…查看更多

朋友快要生日，他特別喜歡食串燒小食，但唔想食生日飯都要搞到勁大味，就要花啲心思諗下邊啲餐廳可以食到～ 終於找到觀塘這間西餐店食串燒😚當天未到七點半，已經坐滿一半客人，整間餐廳很大，中間有個透明酒吧櫃，非常有氣派，不錯👍🏼——————————🔹串燒拼盤 $368當然最期待就是這個串燒拼盤，餐牌上寫二至四人份量，但朋友食量比較大，相信一定食得晒😋 一上菜，真係多到「嘩！」出聲，每樣食物都燒得好靚好整食物又很多元化，唔會唔啱食😚當中包括美國辣肉腸、牛肉、三文魚、帶子、白鱔、黑毛豬五花腩、雞翼、虎蝦、粟米、翠玉瓜番茄仔、薯條和沙律🥗足足超過十種食物❤️最鍾意的是黑毛豬五花腩，本身用沙嗲汁調味，食起來肉質好軟腍，很香沙嗲味👍🏼；白鱔都很好食，肉質紮實但不鞋口，配上甜甜的燒汁，正😋；牛肉食起來好有肉味，中間還有些肉汁，不是平價貨☺️如果想食少少辣，可以蘸些泰式生蝦汁，辣而惹味~-🔸鮮魷魚意大利粉 $128除了串燒，意粉都有不少選擇🍝這個鮮魷魚意大利粉，有濃濃忌廉味，食到滿口都好creamy但略嫌味道有點淡，就算魷魚鹹鹹地，都不太夠味🙈-🔹法式芒果拿破崙 自家製雲呢拿雪糕 $68拿破崙是我喜歡甜品之一，鬆脆的酥皮配軟滑的忌廉和甜甜的芒果，好食～但酥皮質感較實，好難一切就分開到🙈再鬆脆啲會好一點😚vanilla ice-cream有淡淡雲呢拿味，正❤️-🔸朱古力爆谷厚鮮奶 $45這個朱古力味不是太重，反而鮮奶味會濃啲啲，上面會有幾粒焦糖味爆谷，整體不過不失～-🔹Snowvocado $62這杯Mocktail賣相和味道好出色，飲到椰奶香、菠蘿的酸味，以及少少牛油果🥑 味道好濃厚，不會死甜😋旁邊有幾粒焦糖爆谷，好看又好飲！…查看更多

有次喺IG見到《登堂Downtown》嘅廣告，覺得幾靚，就嚟咗試，估唔到餐廳裝修靚不特止，嘢食仲相當有水準。今次係第二次嚟啦！！😆 質素依然喺度！！登堂Downtown位於觀塘The Wave，佔全層，餐廳店面好大。（呢晚好full!! 😍）星期四五有駐場歌手，餐廳無咁full嘅時候，客人可以揀咗歌手嗰邊定係另一邊。呢晚係星期四，有駐場歌手，唱啲輕情歌，氣氛好舒服，超鐘意💕另外值得一提嘅係侍應嘅服務。一間餐廳嘅職員服務好梗係會令食客嘅用餐體驗好開心，但呢到嘅服務唔單止好，侍應仲好熱情。每一位侍應都好興奮咁serve我哋，窩心又好笑🤣 令整體體驗更上一層樓👍雜果冷泡茶 Fruitea Punch ($45)呢杯生果茶飲落好清新，無artificial果汁嗰陣假甜味。入面嘅果肉雖然唔多，但都可以不出嚟食呀🍅🍊Pine'Art'ple ($54/HH; $68/NH)- Calamansi puree, lemon juice, pineapple juice, honey呢杯pineartple名字夠晒趣緻，菠蘿味重🍍，都係唔假嘅。好飲！串燒拼盤 ($368)• 海鮮：白鱔、海虎大蝦、鮮三文魚、北海道鮮帶子• 肉類：澳洲牛肉、西班牙黑毛豬五花腩、雞翼、美式辣肉腸串• 蔬菜類：粟米、沙律菜• 醬汁：沙嗲汁、泰式羅望子醬、泰式生蝦汁呢個串燒拼盤一上枱真係嚇親，份量驚人😱！！超多款串燒，款款都咁好味❤️海鮮夠新鮮，厚肉；肉類入味，唯獨係個五花腩韌咗少少；蔬菜類嘅粟米夠甜，沙律菜雖然只係伴碟，但一啲都唔馬虎，淋上嘅醬汁配埋啲菜好好食👍低溫慢煮燒原隻法國黃油春雞 ($248)Sous vide roasted French yellow spring chicken原隻春雞份量足夠，肉質幾滑，切開入面仲驚喜重重。首先有侍應所介紹嘅珍珠意粉，一粒粒咁口感幾得意；另外仲有一隻細細隻嘅鮑魚！！伴碟有粟米、薯條、沙律菜，亦都係毫不馬虎！值得一試再試嘅餐廳😆-Menu:…查看更多

自從知道觀塘多嘢食, 間中便相約來這區食飯.上星期放工後與友人去了位於觀塘的登堂食晚飯.友人未到, 我先點杯嘢飲.最後選了Mocktail – Snowvocado. 賣相精緻.飲品中混入了牛油果, 椰奶, 口感幾特別, 幾好味.主菜點了串燒拼盤和烤海虎大蝦扭捲粉.串燒拼盤. 我鍾意食串燒, 可以一口氣食多款的串燒, 當然不會錯過.附有四款醬汁. 串燒控制時間不錯, 我自己特別鍾意當中的香腸, 蝦和魚. 烤海虎大蝦扭捲粉. 這是手造粉. 扭捲粉平日相對較少食, 所以點了.質感較有咬口. 大蝦質地幾爽口和彈牙. 現場仲有LIVE BAND添, 幾有氣氛. …查看更多

聽朋友講，呢間餐廳火熱度甚高。事先 book 定位，去呢度試下。餐廳地點5難搵，但搵方法上去都有d 隱蔽。可以從停車場上、可以從夾公仔機通道上、可以搭扶手電梯上。。。。我好彩跟住其他人才搵到。今晚我地3條女，由V小姐先去取位，但就發生小插曲。由於3條路上到餐廳，位於餐廳不同位置，V小姐要行去另一邊櫃枱拎位。可是。。。櫃枱小姐總看不到V小姐的存在。結果花了點時間才 draw 到櫃枱小姐的注視。跟住櫃枱小姐竟分了一張10人既 long table 給我們3條友。其實餐廳還有很多細枱，點解要我地坐 long table 同人併坐 (其他細枱5係全部 reserved)，所以V小姐找另一位staff 問下係咪俾錯枱。經過一輪查詢，終於肯分一張細枱給我們。講返餐廳環境，幾隨性又簡約，又有 live band。食物方面，我地叫咗：沙律：menu 上無乜 salad 揀，所以我地叫咗個溫泉蛋冰菜沙律。味道不錯。沙律汁調得好味，冰菜做沙律很爽口。串燒拼盤：好多食材，貪方便，5想諗。醃得 ok，燒的火喉拿揑得好。最精彩係4個蘸醬汁~鱸魚柳手工麵：呢個我就麻麻。魚柳無乜味及有d “乾“，手工麵有咬感，但沾不上味道。甜品：我地叫咗2個。(1)綠茶心太軟伴紅桑梅雪糕、(2)半熟芝士撻伴榴槤雪糕。前者真係好味，綠茶味香濃，少咗朱古力心太軟既甜滯，加上帶酸既雪糕，好正~後者既芝士撻皮好香口，但芝士味淡咗d，榴槤雪糕有肉又香~呢度又有小插曲。。。。甜品上枱全無雪糕，我仲好傻地以為自己睇錯 menu 定係雪糕埋藏在心太軟及芝士撻內。於是問下 staff，原來漏咗。。。。飲品：梳打、冷泡玫瑰茶、冷泡洋甘菊、一支有汽既樽裝水。我飲洋甘菊，味淡，有點失望。埋單$1,059…查看更多

串燒拼盤 $368串燒以巨型木砧板上碟，11串一字排開非常有氣勢！睇見都覺得興奮~(左起) 燒粟米、蕃茄翠玉瓜、帶子、三文魚、美式香腸2條、澳洲牛肉、白鱔、海虎大蝦、西班牙黑毛豬五花腩同埋雞翼。串燒烤過後食材發出既焦香特別有風味，白鱔非常彈牙，三文魚肉質能鎖住水份唔會「柴」，海虎大蝦夠厚身啖啖肉食得過癮。整體黎講火候、味道都唔錯。北海道鮮帶子魷魚意大利飯 $188呢個配搭好新鮮，勝瓜清新，食落爆汁好juicy，以咸蛋黃作主調味道，再加入滑溜玉子豆腐，估唔到又幾夾。刺身級帶子煎至半熟狀態，外層煎香但內裡保持刺身口感。牛油果凍頂烏龍 $45(右)奶泡上有淡淡牛油果味，下面係清烏龍茶，都幾refreshing，如奶泡厚啲既話就更加正啦。雜果冷泡茶 $45(左)果味豐富，飲得出加入左橙汁同埋熱情果汁既味道，賣相精緻。最驚喜既係原來呢度有Live band！主要唱英文歌，佢地既選歌都係拍子輕快又chill~ 放工黎食飯抖下就啱曬啦~…查看更多