木屋大排檔

今日六點左右同屋企人黎到木屋大排檔食飯，呢個時間多數唔會好Full，但係同屋企人食加上Openrice有得預約，所以就直接book咗！入到餐廳環境多算寬躺，我哋坐咗響近落地玻璃果邊，所以感覺上都好開陽。有好多嘢都想試，結果我哋三個人都嗌咗四個餸🤪包括: 串燒拼盤，肉碎生菜包，手撕雞沙律，黃咖喱牛腩配薄餅🤤🥢串燒拼盤 成個拼盤有2串牛2串雞2串豬仲有豬頸肉，個人覺得雞同埋豬頸肉幾好食，佢個沙嗲醬唔錯🤤店舖嘅職員態度都好好，落單嘅時候有同我哋仔細介紹個menu，同埋會定時定候幫我哋斟水，overall幾唔錯，下次會帶埋朋友再嚟😋…查看更多

其實我成日都會路經呢間餐廳，而且亦收藏左一段長時間，但感覺要多D人去食先開心，所以遲遲未試。某個星期五終於約到屋企人陪我試😋，當晚6點3左右去到，場內已經半滿，以附近咁多食肆黎講，人流已經算唔錯。試新餐廳之前，我通常都會上網做功課，揀定D熱門食物，今次都唔例外。首先必點嘅係串燒拼盤，可以試哂豬牛雞串燒之外，仲可以試埋豬頸肉，岩哂心大心細嘅我😅。串燒拼盤 $148串燒麻麻，偏向乾身；豬頸肉中規中矩，肉質未去到好爽但又唔會好淋，不過份量唔少。辣椒膏豬頸肉炒飯 $72上枱果陣有少少失望，因為豬頸肉已經切成碎粒，雖然份量唔少，但存在感偏低。整體個炒飯幾唔錯，好有鑊氣，而且夠乾身，屋企人話最好味係佢🤤。鮮蝦炒金邊粉 $88本身唔係好想點金邊粉，事源有次係上水食過一個超難食嘅偽泰式炒金邊粉，而產生陰影後，就唔敢係新餐廳試金邊粉。不過今次見佢其他食物質素都正正常常，一於試埋佢。炒粉都好有鑊氣，加埋辣粉好惹味，蝦都爽口，不過無乜蝦味，而花生碎就有少少變味，盡量唔好撈埋黎食就無問題。冬陰功明爐海鮮鍋 $148呢個幾特別，明爐熱住黎食，冬天食岩哂。海鮮有青口、大蜆、蝦、魷魚，另外有大量秀珍菇，底部有粉絲。海鮮味道好一般，稱唔上鮮味，蝦無梅、蜆無沙、魷魚無雪味已經過關，呢個價錢唔會預佢用新鮮料。冬陰功湯偏甜，個人中意酸D同辣D😏。泰式墨魚脆豆卜 $58我好中意食長洲碼頭附近個炸魚肉釀豆卜，外脆內軟，所以對呢個墨魚滑釀豆卜充滿期望。可惜，豆卜大大舊，但墨魚滑釀少少，成舊野炸到裡裡外外都乾哂，入口乾爭爭，無墨魚味，只有豆卜味。當晚4位，人均$140，每碟野份量都算多，我地4個人share岩岩好。一致認為炒粉炒飯最好，夠鑊氣。…查看更多

今日到大埔食泰國菜晚餐～餐廳叫大排檔 ，其實一啲都唔大排檔，環境算ok的～打開佢個menu 雙眼發光了，價錢唔貴，部份菜式仲覺得比較平我哋6個大人，咩都想食，一共order咗8個餸 加一杯飲品，賣單1000有找。最推介係呢個串燒拼盤～”大排檔”果然好火喉🔥燒得好焦香，少少燶邊豬頸肉食落感覺唔肥膩，最好味～行入嚟見到好多食客都order呢個冬陰功海鮮鍋🍲我已經心思思諗住一定要食 不過誤會咗以為係冬陰功湯😅😅 原來係好淺嘅一個鍋，冇咩湯可以飲，不過個鍋真係好多海鮮，粉絲又索晒冬陰功湯汁很好味🦐🦑🍄家人不能吃太辣，好多菜都叫佢小辣，呢碟正是普通蒜蓉炒雜菜。🥦🥬🥗🍄🥕呢碟犀利囉 咁蜆殼大到呢～～愛嚟打卡就得，無乜肉食，唔建議食，普通豉椒炒蜆細細隻感覺仲多肉食🥭🦀蟹肉芒果沙律芒果肉好清甜～讚阿爸好欣賞呢個海鮮椰香焗飯每粒飯都食到耶香醬汁🐒但我就覺得飯嘅質地太生太硬🌚最後要讚嘅係服務員🙆🏻‍♀️🙆🏻‍♂️，又主動又有禮貌可惜Menu冇泰式甜品，好想食🥭芒果糯米飯😗…查看更多

<<Thursday Couple 為食記👣😋>> 好耐無update thursday couple 喇，但其實我哋係周圍去食多左好多嘢🤣就嚟唔可以叫Thursday couple ，要改名，因為週一至週五都會不停食食食。今日又去到大埔，太和個邊，搵到間環境靚靚，裝修靚靚嘅泰國餐廳，係上次同男友食另一間牛排嘅時候見到話想下次黎食嘅！因為佢個Meun真係想當吸引！☺️🤭🤤然後，真係冇失望！全都是驚喜，好食到爆🤩😋絕對無誇張🤣🤣🥳🥳講完又想再去過！首先開頭都係比佢嘅裝修吸引左，講真佢真係幾大間，講緊係平時小店一個double 再多啲，大埔呢啲地方好少見咁大嘅餐廳，而家格調好好，比較暗，食晩餐係會舒服好多。佢都有提醒顧客要一齊抗疫！加上佢啲牆上面嘅塗鴉，都好有特別，似係畫上去，隨心得黎又有好味道，係一幅公雞嘅圖但雞嘅身係菠蘿，都幾有創意，同幾有泰味。仲有！佢用左好多好靚嘅木制吊燈，配合番佢「木」嘅元素，講真，我好中意🤣🤣🤭就算唔係講食嘢，呢到嘅環境真係不錯，唔會話係求求其其食餐飽飯但種。枱櫈嘅放置位置都錯落有致，不錯不錯🤣😎未食飯都大飽眼福😝佢嘅Menu仲教埋人點樣讀唔同嘅泰文🤣🤣大家係等上菜嘅時候就可以睇吓！學下學番幾句地道嘅泰文😂👏🏼我哋都好肚餓啦所以都叫即刻叫咗好多嘢食！首先嚟到嘅係串燒拼盤😋裏面有兩串牛，兩串豬，兩串雞，仲有一大塊攤銷豬頸肉。我男朋友一食咗一夠豬頸肉即刻嘩左一聲！因為佢燒得好香脆，再加上佢嘅口感係有少少爽口，有啲肥肉，仲要帶啲燶味，加上佢有個醬汁提升左成個豬頸肉嘅味道，真係好好味！🤣😋呢個係超級推介🤟🏼之後嘅雞牛豬，呢都係同一種醃料，味係差唔多嘅，但係佢哋嘅肉質都好嫩，唔會話好韌，加埋個沙嗲醬真係好惹味！🤭😛之後就係佢嘅肥牛金菇粉絲煲，呢個煲真係好有大排檔嘅水準，木屋大排檔—佢個名冇改錯，☺️😝佢嘅粉絲索晒啲牛汁同埋沙嗲汁，洋蔥幾脆口又好味，金菇又整得好入味，佢加埋呢有啲芹菜吊咗成個煲嘅香味，正到爆！👏🏼而啲牛肉都係用肥牛，所以好香牛油嘅味，但唔覺得煮得韌同老，但係我俾啲粉絲同金菇吸引住，所以不停食個啲，最後食唔晒啲牛肉，呢個用嚟撈飯真係一流，有惹味又好味，但又唔會太鹹！🤟🏼🤩之後一如既往我哋都會叫碟菜食，今次呢就揀咗比較當造嘅芥蘭，都係用返馬拉盞炒，講十萬次，馬拉盞真係好味！有個種泰味🤣🤣同埋有比較香，每次食馬拉盞都覺得自己返咗泰國，佢吧用嘅芥蘭都好新鮮，同埋好爽口，加上有小小辣，就係正！啱啱講到呢啲餸，都一定要撈飯，本身我哋諗住每人叫一個飯嘅，但係店員提我哋個飯都好大碗下，咁我哋最後呢就叫咗一碗飯，點知出到嚟真係成拳頭咁大🤣🤣🤣所以我哋最後都係叫咗一碗就夠啦食啲重口味野，真係忍唔住叫返杯野飲，我哋就叫咗杯泰式奶茶，飲左一啖，發覺真係冇叫錯，佢嘅茶底同平時嘅泰奶一樣，但佢係唔係重茶葉味，但係奶就特別重手，可能因為上面仲有pat cream，成個奶味好豐富呀，每飲一啖我都飲到嘩一聲🤣🤣一杯真係唔夠喉🤣🤣今次呢餐真係好驚喜，已經好想再過嚟食多次，好推薦大家過嚟食，因為就係估唔到大埔有咁好味嘅泰國菜，尤其環境又好，唔會覺得唔乾淨，加上有啲fusion feel，所以你可以同一家大細黎，每人叫個小菜一齊食飯，咁樣都幾好呀！🥳🥳👏🏼👏🏼…查看更多

上次經過呢間新開張的餐廳，見到裏面都好多人食嘢，就諗住下星期要過嚟食吓😋咁岩今日經過，見到裏面有張吉枱，就衝入去拎位啦！一坐低，望到份餐牌，已經花多眼亂啦！因為真係有好多嘢食，例如沙律啦，都已經有10款，真係揀咗好耐先落單不過最後我哋都冇叫到沙律，因為見到有另一個菜仲吸引，就係呢個啫啫通菜煲！一打開個煲蓋，裏面啲菜汁仲係起晒泡，非常滾，熱辣辣咁食好惹味！友人就想飲椰青，我就反而怕飲凍野，所以叫咗一杯薑蜜，成杯薑蜜都好大杯喎！仲好夠薑味！通菜食到咁上下，主菜就到啦！係期待已久的咖喱炒大蜆，本身其實想叫咖喱牛腩，不過去其他泰菜館好少有得叫炒蜆，所以就想喺呢度叫嚟食下！粒蜆肉真係大到你唔信呀！而且咖喱甜甜地，配埋個薄餅食就一流啦！薄餅好香脆㗎，又夠厚，放到入口仲係熱辣辣㗎！呢個串燒拼盤又係值得一讚，因為佢配上兩個醬汁，一個係酸酸地嘅泰式辣醬，一個係沙嗲醬，有兩款醬汁可以交替去點，一個開胃，一個濃郁，真係好正啊！最後食埋呢個香芒蟹肉炒飯就夠晒飽啦！飯裏面原來都好多芒果肉㗎！風味十足，簡直好似去咗泰國一樣🤣星期五晚成間餐廳都坐滿人，不過我見到裏面仲有好多枱，就算要等位都唔會要等好耐，呢間木屋大排檔真係要bookmark低，再encore呀…查看更多