品越越式料理 (雅蘭中心) (已結業)

疫症之下，好多餐廳都結業。很難在旺角找到好吃的東西。這家的越南菜是不錯的。先講環境，環境是舒適的，座位之間空間足夠。疫症期間，衛生都做足。唯一漏洞是餐牌的衛生，但是算吧，食之前再用酒精清潔雙手也是可以的。到食物啦，點了兩盤拼盤。以上是小食拼盤，那個卷，外層非常薄身，口感非常好。另外，有個酸酸的八爪魚，非常開胃。其他都一般。這是串燒拼盤，有雞有牛，有少少辣。但有點焦了苦了。有點乾身。下面的是燒菠蘿，這個非常好食多汁。…查看更多

🎐又黎到8️⃣月，又係八月之星的大壽🎂日子。📌野口同學同奧莉花師奶好耐未出場喇，事關她倆一個懷著小孩🤰🏻，一個忙著湊小孩🧒🏻，係得返熊妹仲咁自由身🆓。😝📌聽說懷孕媽媽會口味改變了，野口同學唔想食西餐咁濃味，竟然提出想食東南亞風味的越南菜，熊妹同花師奶當然奉陪喇。📌熊妹成日撘巴士🚌坐上層，經過旺角都望到位於雅籣中心1️⃣樓的《La’ taste》裝修別緻，餐廳幾寬敞咁，今次係機會一試喇，希望岩野口同學口味喇。📌晚上7點幾上到去，都唔算多人。📌餐廳有卡位🛋，有大枱，柔和燈光💡令人感覺舒服。📌開放式水吧位話設計夠簡潔，可以望住店員炮製飲料🍸。📌經典越南菜式都幾乎齊哂，串燒🍢、小食🥡、咖哩🥘、河粉🍜、撈檬🍲、炒粉飯🍚全部都好吸引。品越小食拼盤，$138📌我地仨加一係大食啲，先點個小食拼盤。份量都幾多下，有春卷、蝦餅、扎肉、豬頸肉米紙卷同酸辣鳳爪，幾抵食。春卷得一件切半，炸皮幾脆口，餡料係素菜，有木耳絲、胡蘿蔔絲、粉絲等等，味道幾唔錯。扎肉有4片，咸咸地的醃肉片，幾爽口，味道正常。蝦餅🍤炸起都幾熱♨️，一分為四，幾彈牙，點跟上的泰式辣醬真係幾惹味。冷盤酸辣鳳爪有5-6件，十分爽口，酸酸甜甜，辣味唔會太重，非常開胃😋。仲有啲沙律菜🥗跟上，好新鮮。:)越南菜好出名的米紙卷，係用米漿造成好似紙一般非常薄的米紙，包裹著一些香草🌿醃料，青瓜粒🥒，粉絲同豬頸肉🐷，係一款越南地道小食，沾上魚露味道又更佳喇。串燒拼盤，$118📌多人進餐最岩就係點拼盤，又可以開心share，又可以試到幾款小食，所以再來多個串燒拼盤。經典配撘，豬🐷、牛🐮、雞🐥各兩串，再閣在一串燒菠蘿🍍上呈上，擺法有心思💕。豬肉串肉質似係豬頸肉，比較爽口，岩野口同學。牛肉串都幾有牛味，燒到十成熟又唔算老，岩一直喜好牛的花師奶。雞肉串肉質嫩滑，唔會燒過龍變得鞋口，岩愛好雞的熊妹。📌咸魚🐟青菜🥬，各有所愛🥰。幾驚喜的係貌似伴碟的燒菠蘿串🍍又幾清甜喎！係新鮮菠蘿無添加糖的甜味，而且帶點燒烤味道，野口同學同花師奶都無興趣，讓熊妹KO左成串。品越炒四蔬，$78女孩子要保持身型當然係好菜類喇🥦，四蔬有西生菜、芥蘭、四季豆、高麗菜就岩哂喇。蒜蓉炒香味四溢，菜類款款都好新鮮爽口，清清淡淡又健康，係最快搞掂的一碟。香茅豬排撈檬，$72仨大一小都要點款主食的，見隔離檬香，一大碟豬排🥩加一大碗湯檬🍜，熊妹係餐牌望來望去都揾到係邊款食物，所以就膽粗粗細問一下服務員問，原來係撈檬跟湯版，又幾好喎，有啲湯水濕濕地無咁乾嘛，一於show hand ✋🏻照跟喇。香茅豬排都係煎得乾乾地的，但肉質都保持到淋嫩唔鞋，味道都唔錯，浸落湯又得，就咁食又得。香芒黑糯米，$42📌一年一度八月之星生日喎，點可以無蛋糕助慶架?事實上越南真係唔興蛋糕，咁就點個越南興的芒果糯米飯喇。:)芒果🥭好甜喎！幾新鮮唔似放糖加工的。糯米飯用上黑糯米， cup 模做成心型形狀💜，好驚喜啊！味道甜甜的，好軟糯，好煙韌，一啖一啖放入口真係好邪惡，甜甜地唔覺唔覺食左好多澱粉質，再撈埋中間的椰奶，有幾肥肥食幾肥。📌整體係一頓幾🉐的越南菜，小食、主食、菜類、甜品樣樣都充滿越南風味，坐得舒服，服務又好殷勤，係一餐感覺幾唔錯的越南菜經驗。✅📌提提大家，唔好見到《La’ taste》係雅籣中心就以為係雅籣中心中間的入口撘𨋢上呀，上到去都只會平時見到的cotton on 呀，haggendaz呀，《La’ taste》其實係雅籣中心偏左邊的，所以係山東街，即對住KFC個邊有個入口上架，事關我們仨都各自入左雅籣中心中間的入口上，模錯門釘。😝…查看更多

平時好少出旺角食越南菜，見呢間評語不錯，一於過黎試試餐廳環境寬敞，我地被安排靠窗的梳化座，坐得舒適，而且全程唔會催住交枱趕客，可以放心邊食邊傾計。牙車快 $78   味道普普通通，下次黎會選擇其他沙律香芒軟殼蟹米紙卷 $78   米紙卷係越南菜代表之一，亦都係我每次必叫的菜色 酸甜適中的芒果配上軟殼蟹，剛好中和左一份油膩感，胃口大開！濱海配香茅燒豬扒 $88   點菜既時候見到menu上有濱海，仲好奇究竟是什麽東西（好似唔係每間餐廳都有呢度菜色？），後來先知道濱海係類似米粉，再chewy d，可以將生菜包住濱海、燒豬扒，再蘸魚露一齊食。豬扒唔會過分油膩，又係另一道開胃菜，三個人分，我自己食左2件，想象到味道應該不錯吧！串燒拼盤 $118   其實見到咁多肉係有d飽 平時比較中意食雞串燒，呢個串燒拼盤做得好平均，只係豬頸肉有少少肥同厚身，同埋我地無食到件菠蘿HAHA! 建議大家可以淨點串燒雞肉/串燒牛肉會抵食d~海鹽焗鱸魚 $158   以呢個價錢食到成條鱸魚算係咁！餐廳姐姐仲幫手分開條魚，教埋我地點食，由於個醬汁太辣的關係，淨食都不錯。最後以椰汁芒果黑糯米作爲晚餐的總結。餐廳做緊推廣，只要去餐廳Facebook page讚好& check in再tag 2個friends，就可以每人免費獲得一客椰汁芒果黑糯米，味道okay架!!…查看更多

屋企人話想食越南野，就揀咗哩間試。閒日7點幾去唔使等位。揀咗梳化位坐，幾闊落，張枱都大，坐得幾舒服。香芒軟殻蟹米紙卷入面有芒果、軟殼蟹、青瓜，食落酸酸哋好開胃串燒拼盤正路串燒，牛肉幾好食，好淋唔韌。越南春卷超好食，上枱熱辣辣，掛住食都爭啲唔記得影相。蝦醬炒飯有扎肉有蝦，屋企人話蝦醬味唔夠，但我覺得ok。蒜蓉芥蘭屋企人鍾意食好淋嘅菜，特登叫佢煮淋啲而佢哋真係有照做。好欣賞佢哋。焗扇貝扇貝都算大粒，同埋有好多洋葱女侍應好勤力，密密斟水，又幫我哋換碟，可能因為平日唔算好多客，所以招呼都好啲。…查看更多

朋友遠道而來，一行五人原本約在旺角牛x食涮涮鍋，由於還未到入坐時間，所以係門口坐低咗，發現對面原來有間越式餐廳，望入去環境都唔錯，餐廳門口個餐牌入面啲食物都幾吸引，但最後我地選擇咗入去試，係主要因為餐廳經理嘅誠意及親切服務態度，真係不得不比個讚佢我地五人揀咗個4人餐，另外加多咗一個「冬陰功海鮮炒飯 $118」食物首推「魷魚藕苗沙律 」好好味「馬拉盞炒通菜」、「串燒拼盤」有驚喜「咖哩牛腩鍋+蒜容包」必食侍應哥哥Sunny服務一流:)總結必有下次，值得推薦…查看更多

約了四個月的聚餐終於齊人了！雖然酷愛日本料理、魚生飯，但吃得多偶然會想轉換口味。這次預約了這間越南料理, 款式選擇多，經Tablemap 訂位可以$310 享用二人餐，但友人們興趣不大，就點了另一款廚師推介二人餐，餐點似乎更吸引。燒吞拿魚厚切鮮甜，芒果木瓜沙律很爽口清新豬頸肉米紙卷，米紙皮薄，裡面的菜很新鮮，豬頸肉也入味最驚喜的是海鮮拼盤，份量較想像中大，上面鋪滿香茅和炸過的蒜茸粒，海鮮炸得香脆仍保留到肉汁一整隻軟殼蟹五個人分也可以另外點的串燒拼盤有豬頸肉、牛肉、雞肉和燒菠蘿配沙嗲醬，入味而不覺肥膩炒海鮮金邊粉份量較少，味道ok因爲飽肚食物不多，另點了咖哩雞配薄餅，薄餅沾咖哩好味，咖哩汁不太辣而飲品方面，跟餐兩杯熱飲也有很香的花香味，顏色也吸引凍飲就更好喝，特別是荔枝薄荷沙冰，荔枝的香甜味很可口，配上薄荷變得清甜順口，而菠蘿椰子沙冰有飲Pina Colada 感覺，也值得一試。兩款沙冰打得幼滑，沒有大塊冰碎，喝到底也不會只剩冰水味道。最後原本一份二人餐只有兩份甜品，餐廳給了足五人份的芒果黑糯米，份量小，不太甜總括來說，價格與味道成正比，以越南料理來說，價格偏貴，但仍值得再光顧。…查看更多

下班後，約了太座到旺角購物，然後去吃晚飯，吃慣粵菜西餐，今晚想吃點特別的，太座建議吃越南菜，越南菜與泰國菜相比，名氣或認受性似乎不及泰國菜高，但我們喜歡越南菜普遍無咁辣，味道較清淡。餐廳在另一間日式放題店隔鄰，用同一條樓梯上落，但喜歡吃放題的人較多，很多人排隊，而越南餐廳較寧靜，卡座也舒服。太座想喝珍多冰之類，點了類似的品越三色沙冰，而我較喜歡清清地，西柚野莓梳打，兩者皆不錯。頭盤點了河內脆皮蝦卷撈檬沙律，以腐皮包著蝦膠炸脆，伴以檬粉，淋些酸咪咪的汁醬，怡神開胃，脆皮蝦卷脆口彈牙。太座喜歡這個黑蟹籽蝦餅扎肉拼蝦片的賣相精美，蝦片上放扎肉，炸蝦膠，再放黑蟹籽，口感和味道有複雜性，有蝦片的清脆，扎肉的軟滑，蝦膠的鮮甜，好味。似乎沒有人不喜歡吃沙嗲串，一串串的烤肉，份量不多又惹味，一串復一串，可以吃很多串，不停口，串燒拼盤有三種肉，豬牛雞，各有兩串，另有燒菠蘿一大件。肉，燒得不過乾，喜歡醃料，有濃香的香茅味，點有花生碎的沙嗲醬，很惹味；燒過的菠蘿蒸發了部份的水份，甜味更高，加了七味粉，小少辣，愈食愈肚餓。海鹽焗鱸魚是以幼鹽加蛋白做成鹽殼包著鱸魚焗，侍應在席前替你破開鹽殼，拿走魚身內的香料，露出雪白的魚肉，很惹味，惟我們吃得慢，擺放了一段時間，鹽味滲了落底，稍鹹。沒有澱粉質的一餐，感覺令人空虛，每次吃越菜必吃的越式炒金邊粉，用蛋汁煎成網，罩著金邊粉，加些青檸汁，花生碎，甜酸惹味，粉條幼細，炒得不錯。餐牌上，甜品看似吸引，本想吃 Creme Brulee，太座又不肯分擔一半，還是作罷。…查看更多