翡翠拉麵小籠包

仲有一大疊海港城coupon，就搵啲餐廳用埋佢，見到依度有蘿蔔酥食，即刻過嚟食！〰️〰️〰️〰️〰️〰️〰️〰️〰️〰️〰️〰️〰️〰️〰️〰️🌈上海小籠包 $48首先佢定價都唔貴，加埋coupon直程係抵啊！小籠包個皮夠薄，個湯都鮮甜，雖然有隻小籠包搭埋左，一夾起即刻爛，但整體都唔錯！🌈花雕醉雞 $85睇賣相都唔錯，但一食落口太多碎骨！而且酒味有啲太濃，雞肉有啲苦苦地。唔太推薦食！🌈蘿蔔絲酥餅 $45呢個真係必叫！一食落口哇出聲，新鮮出爐，咬落有汁！佢冇蘿蔔嘅澀味，但有蘿蔔幾多汁同甜！超好食！🌈四川擔擔拉麵 $72佢係有三款麵比你簡嘅，我哋就要咗最普通嘅嗰隻拉麵。面頭有大量嘅花生碎同肉碎，湯汁都算杰身，可以好好咁掛落個麵條度！少少辣都幾好食！🌈蝦頭油櫻花蝦帶子炒飯 $138帶子份量都算多，炒飯食落都香口有少少蝦味！但可惜有啲飯粒偏硬，有少少難吞😩整體來講呢間餐廳嘅出品都算OK嘅，有埋coupon都值得一試～但作為米芝蓮一星，佢嘅用具有待改善，好多碗碟都係崩嘅🤔…查看更多

今晚去了尖沙咀海港城搵食，因為有2張商場現金券快將到期；最終我們決定去「翡翠拉麵小籠包」，因為餐廳可以用手機📱「遙距取票」；不過，海港城真的太多人，等了一個小時多才有位，最後我們叫了：1️⃣ 上海小籠包(四隻) $452️⃣ 傳統東坡肉 $953️⃣ 花雕醉雞 $854️⃣ 鎮江肴肉 $725️⃣ 瑤柱賽螃蟹 $886️⃣ 茗茶(每位$10) $20價格💰：$245.5 ($405 + 商場現金卷-$200 + 加一服務費$40.5)味道😋：OK…查看更多

依家係海港城食飯，個個都知道要用飲食卷有半價，好抵食，但今次見到 翡翠拉麵X滙豐信用卡 有個推廣優惠活動，見到個餐牌基本上都係會食嘅餸菜，所以試咗一下。前菜：雞絲粉皮麻醬超級香！花生醬同芝麻醬嘅比例調教得十分好，兩者嘅香味唔會互搶。雞絲肉嫩滑，粉皮唔會好厚，粉味唔重，配合混醬一齊食，正！點心：上海小籠包小籠包係必點啦，翡翠嘅小籠包係正常發揮啦，係佢哋嘅配料比較特別，一般都係俾薑絲，而佢係俾薑蓉。個人覺得呢個細位唔錯，薑蓉比薑絲更細微，小籠包嘅湯汁唔會被薑絲搶味而同時提鮮！小菜(一）：椒麻酸菜魚呢到嘅酸辣味都唔算叫好重，口味係比較適合大眾嘅酸辣度。魚片冇咩骨，食落都好滑，但酸菜就麻麻地。呢到嘅酸菜魚係近似傳統版嘅酸菜魚，個湯比較偏重油，重蒜，但整體不過不失。小菜（二）：糖醋雞球非常推薦呢道菜！酸酸甜甜咁好開胃，而且最重要係用雞球唔會外面成層粉漿，啖啖肉。本身豬肉嘅口感比雞肉硬身，而且脂肪含量都比較高，用雞肉代替咗豬肉，呢個做法可以提升口感之餘，仲可以食得更健康。主食：五香牛肉拉麵湯底係清雞湯，拉麵係軟硬適中，牛肉覺得偏鹹咗少少，但夠入味，兩者一齊食，味道都可以中和下。飲品就叫咗一杯凍豆漿同一杯檸檬薏米水。整體而言，成個餐兩個人食都好夠，埋單都係每人$180左右。呢個餐都係一個冇優惠卷下，有匯豐信用卡嘅朋友仔其中一個唔錯嘅選擇。…查看更多

之前就去過幾次青衣城嗰間，Crystal Jade La Mian Xiao Long Bao,今次就去海港城呢間試吓，今日安排試菜🤩😋其實佢嘅價錢係十分之經濟，但係佢嘅小籠包係用新鮮🐷豬肉，並唔係用雪藏豬肉，所以絕對都係用心出品，有時候食lunch唔知食啲咩佢確實係一個唔錯嘅選擇，價錢又抵食，佢而家仲有個app🙆🏼‍♀️，你download左之後可以用app排隊，咁唔使企喺度浪費左咁多時間❤️海景…查看更多

同朋友聚餐想食上海菜 就想試下尖咀嘅分店8點45分入座唔洗等位 環境清靜又乾淨好快就點咗必食嘅 1.上海小籠包 ($40/4隻)皮夠晒薄 肉餡大大舊 超爆汁2.蔥油乾撈拉麵($54)翡翠必點嘅蔥油撈麵 唔油膩又超香又爽口 完全會食上癮3. 四川擔擔麵 ($62)本人唔太食得起辣 又唔記得叫走辣 但侍應好貼心問需唔需要剪麵 方便分食 好貼心 略嫌花生醬唔夠多4. 鮮肉鍋貼 ($45/4隻)除咗蒸小籠包 就要口痕食埋煎鍋貼超級香口 但皮是厚的 肉汁也是有的 餡也是大大舊5. 最後要介紹前菜小食: 涼拌海蜇 ($78)份量都叫多 超級有咬左好爽皮 每一條都咁晶瑩剔透 …查看更多

中午未夠一點門口已經有客人等位, 但都好快就可以入座, 地方都算大, 坐滿人都幾嘈下, 一行六人, 每人Order一碗面, 當中有四川擔擔拉麵, 上海排骨拉麵, 菜肉雲吞湯拉麵加四川酸辣湯拉麵, 再加三客上海小籠包同一份美味燻魚, 拉麵價錢由$60至$80, 四川擔擔麵不過不失, 但份量太少, 上枱碗麵好似比人偷食左咁, 上海排骨味道唔錯, 保持到肉汁, 唔會乾淨淨, 菜肉雲吞就有d失望, 淡味, 四川酸辣湯基本上同上海酸辣湯分別不大, 只係比較結身, 酸少辣多, 湯料都好足, 小籠包有肉汁但不算多, 第一次食燻魚, 味道可以, 但有好多骨, 食的時候真係要小心, 店內人手足夠, 服務員不時會幫客人添茶, 所以要每位客人收$6茶錢 haha…查看更多

今晚同朋友喺尖沙咀行完街就想搵個好地方食飯 估唔到喺尖沙咀都有唔貴又好味嘅選擇首先我地就嗌左一籠上海小籠包小籠包隻隻都皮薄餡靚 而且唔會一夾就穿 輕輕一咬啲湯汁就流哂出黎 加埋好好味嘅肉餡 兩者充滿住我嘅口腔 勁正淨係食小籠包緊係唔夠啦 於是我地就嗌多左2個主食上海粗炒好足料又好夠味 配料同麵嘅比例啱啱好 食到停唔到食完比較濃味嘅上海粗炒之後 就嗌左個清清地嘅上海排骨三角麵炸排骨好好味 香脆可口 炸粉唔會太厚 而且好嫩滑 熱辣辣又充滿肉汁 食落又無肥膩嘅感覺個三角麵慢慢食嘅時候真係feel到啲角 個感覺好得意題外話 呢間食肆嘅姐姐服務態度都唔錯 果晚隔離枱有兩個外國人落單 姐姐好落力咁同佢地解釋 幫佢地 好可愛…查看更多

我食上海菜一般都會點醉雞或口水雞，今次就點了花雕醉雞 $72，唔好睇細細碟，其實雞件幾多。雞脾肉好嫩滑有彈性，連雞胸位都夠滑，不會乾硬，雞皮不膩反而好爽滑。最吸引我是做到好入味，酒香撲鼻而又不會令人醉倒。一定唔少得上海小籠包 $39有四件，即點即蒸夠哂熱辣辣。夾起不易爛，個皮做得幾好。皮薄餡靚，睇相都見個皮夠薄。湯汁雖不太多，但入口都感覺到肉同湯比例剛好，令肉餡更濕潤。加分位係因為個湯汁好濃肉香。我比較少食中菜，更加少食乳鴿，但估唔到呢度既乳鴿原來都好好味。茶香燻乳鴿 $96起初以為好乾，但一咬脾位，不單止皮脆肉嫩，仲有皮下油脂溶化，鴿脾滿滿油香，仲閃令令好吸引。鴿皮薄脆而不油，越咬味就越出，好味到連骨都想咬埋。京蔥爆牛肉 $90，份量頗多，牛肉真材實料。牛肉又大塊又嫩腍，同京蔥爆香，加上夠鑊氣，未食已經好期待。一定要夾埋京蔥同食，特別香口，調味也剛好，夠惹味。食到一半已經想點個飯來食。四川擔擔拉麵 $60，湯汁有點多，不過味道濃郁，微辣加上花生同芝麻香，仲有少少醋酸平衡下辣味。拉麵好滑溜帶爽韌，但放耐左就開始腍，所以上枱就要食啦。雖然湯汁好紅，但不太辣也不油，所以食完不會有負擔。酒釀丸子 $32，一上枱已好香，甜度不高，加了桂花更顯清甜，丸子粒夠多，非常軟糯煙韌，個人極之喜歡。薑茶湯丸 $32，先被薑茶吸引，薑味很突出，甜度也比一般低，我媽一定喜歡，下次要帶佢來食。餡料滿滿，好香芝麻味，餡料幾滑，但也保留芝麻碎粒令口感更豐富，而且湯丸比一般的大，超正。其實以前都食過翡翠拉麵小籠包，但味道同服務都一般，不過今次就唔同哂，感覺變好了。食物味道有提升，而且服務極好，貼心又時時添茶，點菜同結帳都好易叫到服務員，環境乾淨，整體感覺都好好。而家連手工啤都有，小籠包又有特式口味。…查看更多

平時經常出外用餐，都以西餐泰菜為主，但今天心血來潮就想食上海菜，幸好有位袓籍上海的同事奉陪到底，那我們放工就急步到位於尖沙咀海港城的翡翠拉麵小籠包吃個上海菜。餐廳的感覺似酒樓，裡裡外外都金壁輝煌，餐廳內裡以黑和金為主調，枱與枱之間以屏風相隔，提高私密度。特色的掛燈和裝潢別俱風格。我們坐到卡位，私密度更高。之後看了看餐牌就開始點菜。鎮江肴肉 $63此為江蘇鎮江傳統名菜，所以又名鎮江餚肉驚。它不僅賣相精緻，口感爽脆，味道也極清甜。軟軟的啫喱，切成一小塊一小塊，放進口中，湯凍和酥軟的金華火腿在口中融化。蘸著醋一起食，在舌尖上衝撞着，令人忍不住一塊又一塊的放入口，想緊緊抓住那瞬間即溶的味道。最欣賞凍糕的清爽配上金華火腿的鹹香，不油膩又爽口，是為極佳前菜。京蔥爆牛肉 $90京蔥爆牛肉是濃味小碟，京蔥搶香，牛肉肉鮮鬆軟，份量還得多，很難想像一碟小菜的牛肉量會如此足料！這個蔥爆牛肉減減牛肉癮, 蔥爆牛肉比烤牛肉肉感較厚, 如果喜歡吃京蔥的會好欣喜，因為蔥爆到好香口入味。牛肉好入味，色澤比較深，看來醃了一段時間，所以味濃郁。清炒蝦仁 $128炒出來的蝦仁紅中透明，然而上口之後，爽脆可口。只能說蝦仁炒得真好，清脆爽口而且味道鮮美，色澤則是蝦紅色中帶些乳白成分。蝦仁用上河蝦，炒出來的河蝦，只只如指甲般大小，色香味俱佳。蝦仁新鮮，而且清洗得好乾淨，一碟蝦仁我兩三下辦虎就將其消滅掉，因為太爽口美味。上海小籠包 $39我最愛的上海菜就是小籠包，所以必點一籠。小籠包被筷子挖開、擠爆外層，令湯汁、肉餡相繼流出。其實傳統正宗食法，應該會要由小籠包的頂端開始進食，首先咬一啖細味品嚐，然後將小籠包放在湯匙上，讓湯汁慢慢流出，再加入鎮江醋一啖放入口。其皮薄餡靚，肉汁鮮味，湯汁濃厚，是為上乘。上海排骨拉麵 $66上海排骨熱騰騰奉桌，其酥炸香脆，而排骨肉質結實富嚼勁，外脆真的好脆口，好惹味。拉麵煙韌，爽口彈牙，蛋香味濃，湯頭清香，以排骨送麵一流。酒釀丸子 $32飯後一碗甜湯，好暖好滋潤，所以我們都點了自己喜愛的的甜點。甜酒釀的酒香，配上口感軟糯的小丸子，成為一道經典的上海甜點。它沒有其他糖水的甜和腻，帶少許酸酸的味道，還有一股酒的香味，吃下去很清新。薑茶湯丸 $32薑汁十分濃郁，將主體湯圓襯托得十分甜美；然後湯圓皮夠煙韌，咬口十足，裡面的餡料是滋潤的黑芝麻，芝麻香濃細滑。薑茶不太辣，但薑味就是醒胃呢。袓籍上海的同事對此餐十分滿意，看來這裡的上海菜除了到位還得有水準。而我雖然不是上海人，但都覺得食物水準不錯呢。…查看更多

食左甘多次翡翠拉麵小籠包， 都無食過佢既小籠包， 今次一於黎試下每次都要等，攞左飛行一行海港城翻黎就有位，都吾係好耐～Menu 入面得最傳統既上海小籠包Order 左先發現枱上有塊牌 仲有款「黑松露小籠包」同「芝士小籠包」嗌左就無辦法啦～四粒大大粒， 真材實料。 但係無乜湯，好似漏哂甘我吾會覺得佢係『必食』鮮榨西瓜汁，好淡，飲茶好過～可以慳翻呢32蚊呢個蝦球得6粒，我覺得只係似泰式辣醬但並吾係，都幾好食，幾開胃～至於蝦都應該係新鮮既，大大粒～啖啖肉～肉質彈牙麻婆豆腐，幾食得辣既我都覺得辣怕辣既朋友要考慮下嗌其他啦～呢個都係辣既，有啲酒味，有啲吾似平時既乾煸四季豆，偏鹹～呢度既雪菜蝦仁炒飯係我最中意食既每次黎都會嗌～炒飯粒粒分明，咸咸香香但好明顯有落味精～無伏無驚喜，偏辣，好熱氣，吾想再食奶油津白都好好食menu 好多選擇，食物質素都吾錯， 店入面落單既同事態度都好吾錯， 唯獨是送餐果啲就黑口黑面， 一個較年輕體胖既女侍應，佢拎住個托盤行過黎，個托盤就係我塊面1cm 距離，佢無避開我，仲要我避佢，差啲就整到我隻眼，無sorry, 無表情，「砰、砰」放低2碟野就走。…查看更多

平日晚飯時段黎到翡翠拉麵小籠包，輪侯人數唔多，等左大約十分鐘就可以入座了。枱與枱之間既隔離只有一條小空隙，同旁邊既客人坐得太近，傾計都唔太舒服。小籠包皮厚度適中，肉汁濃郁。但放太耐皮變硬左個底一夾就穿，所以要趁熱食～炸醬拉麵，微辣，醬汁除左肉碎外仲有豆腐，口感層次豐富～…查看更多

海港城有間新加坡連鎖餐廳「翡翠拉麵小籠包」專門食上海菜式，價錢都唔算太貴，裝潢都唔錯，幾舒適。我地幾個人點選左：「花雕醉雞」、「上海小籠包1籠4件」、「上海生煎包」、「開洋蔥油乾撈拉麵」、「清燉雞湯拉麵」、「雪菜蝦仁炒飯」、「豆沙鍋餅」。「花雕醉雞$65」好香花雕酒味，啲雞件都好滑，只係份量比較少。「上海小籠包$38/4件」皮唔太軟唔太靭，值得一讚係好夠熱，皮內餡料連湯好鮮甜。「上海生煎包$39」表皮煎得剛剛好，食落好香口，肉質好鮮。「開洋蔥油乾撈拉麵$48」好開胃既一道菜，肉碎粒同蝦乾都好惹味，跟麵配上清湯一碗，可以伴麵撈湯，推薦！「清燉雞湯拉麵$48」拉麵份量略細碗，雞肉可以燉湯後變得無咁滑，雞湯都幾入味。「雪菜蝦仁炒飯$92」雪菜味好香，蝦仁都唔少，整個飯都炒得乾身，唔太油，唔太鹹，推薦點選呢個炒飯。「豆沙鍋餅$48」好香好脆身，鍋餅中間豆沙有好多，唔會太甜，好好食。p.s.建議預先安排「叫起」，咁就可以食完主食先食甜點。「茗茶$8/位」…查看更多

今日朋友臨時叫食開年飯,去左尖咀海港城呢間翡翠食TOTAL叫左5個人, 今日星期六好多人,等左差不多45分鐘先有位得我同2個朋友黎左先,大約7:45先入場入到去第一輪叫左個"雞絲粉皮", "上海小籠包","黃金海鮮蝦","雞火炒飯","糖醋魚柳" , "北京水餃"個侍應話D食物要等20-25分鐘,諗住岩啦,等埋其餘2個朋友黎就岩岩好,不過唔夠10分鐘D食物就陸續黎上海小籠包：不嬲都唔係太愛小籠包,亦唔點醋食! 小籠包內有很多湯水,喜愛食的人應該好鍾意食北京水餃： 同小籠包入面既肉係一樣,我就點左辣椒油食,OK黃金海鮮蝦：有蛋黃包住成隻蝦,D蛋黃幾好食,GOOD雞絲粉皮： 好食,夠麻醬, 但分量少雞火炒飯： 普通炒飯,不過配埋個糖醋魚就幾好食糖醋魚柳： 我開頭以為好酸,不過送飯就一流老實講,可能我好少食上海野,D野都係細細碟,分量好少淨係我地3個人都唔係好夠食,我地再留左D俾未黎既朋友8:40左右我地再叫多幾樣野, "上海炒粗麵","嫩雞煨麵","高力豆沙"呢次就真係等足4,5個字D野先黎,跟住另外果2位朋友都黎,上海炒粗麵： 平時我唔會叫呢個食,係朋友叫的,食落又幾好食,而且好夠味嫩雞煨麵： 清得黎又幾好食,D麵有少少淋,湯比較"傑",所以要快食高力豆沙： 未食過,不過一食又係幾好食,GOOD總括D野都幾好食,不過分量係少左D…查看更多

米芝蓮推介之店連續兩日吃上海菜，分別跟爸媽共膳，感覺蠻好的。$26。4隻。上海小籠包：熱燙燙~上菜時，有個小碟盛著少許薑絲，醋是由食客自行添加的。小籠包下有塊(稱：上海大白菜/紹菜/娃娃菜)墊著，小籠包果然鼎盛餐紙上的原則，''極品小籠包，每隻均灌以上湯皮薄餡靚、肉味鮮美、汁量飽滿、口感豐富''…確實名符其實，沒說錯，好食好味！！豬肉餡份量蠻多的，肥瘦比例剛好，肉味香濃！正！能與'鼎泰豐'媲美啊。不愧為招牌貨~<與昨晚在'上海婆婆'所吃的有很大分別呢！>$35。5隻。紅油抄手：抄手皮薄且嫩滑，碟上當然少不了辣油，辣度剛剛好，可以再辣些，碟內有炸過的蒜粒、芫茜、芝麻，十分香口惹味，餡料做得幾好，有不少菜在內之餘，又不會肥！$58。乾隆粒粒炒年糕：此年糕味道較濃，頗油，色水重。年糕顧名思義是粒狀的，年糕的煙糯口感剛好，切成粒狀，咀嚼起來更添口感。配料眾多，如：辣椒、菜餔蘿蔔、豆乾、毛豆、筍、火腿粒、雞肉，味道是偏重的。總括普通，不過不失！<今夜，有吃得辣的媽在，我們便放棄了'上海炒年糕'，而選擇了此店獨有的'乾隆粒粒炒年糕'，註明是辣的，正。yeah~>P.S：。星期六、日不設訂座。拿籌等位，齊人方可入座，若叫號後再過5個號碼，沒人作廢。此處例必大排長龍！如果少人去既話都好快有位，但多人要大檯的就需要等得耐D，聽到有客投訴6:30等到8點都未有位....之前看食評，聽說不少食客都說小籠包的皮很薄，夾起來便容易破，幸好我沒發生以上之事，小心輕力點夾即可，絕非難事，便依然保留原汁原味，不錯不錯，美味得感動啊！<頓時在回味上海豫園城隍廟的南翔饅頭店小籠包>有些食家還埋怨>>>小籠包的皮薄得一夾便穿，使湯汁流走。。！！害怕穿崩者，夾時請以匙子加以輔助！！<想平反！唉…厚又話人厚，薄又嫌人薄，還可怎樣？小籠包不應是皮薄的嗎？難道還有錯？>還有食客覺得此店的醋不好吃，我們也有同感！贊成~~<香港的醋和上海的味道總是有點差距>拉麵也是此店的主打，但我倆也沒想吃的意欲，下次一定要試試！侍應們不停添茶，清理換檯的速度敏捷，服務效率頗高！茶位$3@連加一服務費，兩人埋單：$138…查看更多