爆丼屋 (山東街)

三重大極上丼 $398厚切拖羅．鮮松葉蟹肉．海膽難怪呢款丼飯咁受歡迎😍厚切拖蘿一片一片疊上醋飯面，份量超多，起碼有十幾片，拖羅入口即溶，油花分佈平均而且冇筋，油脂豐富更帶出鮮味🐟除左主角-拖羅之外，圍住碗邊既鮮松葉蟹肉多到滿瀉，而且味道鮮甜，啖啖蟹肉真係好滿足🦀拖羅上既海膽都好creamy, 香甜冇腥味👍🏻四重火山盛丼 $298拖羅蓉．鮮松葉蟹肉．海膽．三文魚籽呢碗材料同樣多到滿瀉😆拖羅蓉堆到成座山咁，同松葉蟹肉一齊食，係二重鮮甜享受😆三文魚籽大大粒一咬即破，滲出淡淡咸香🐟海膽份量都好多，食極都有😆🍻日本三得利啤酒仲做緊買一送一優惠，只係$48咋！記得逢星期一至五黎，仲不設上限🍻…查看更多

餐廳面積唔算太大，晚市時間去到已經坐爆場，見到有唔少人要排隊等位🙊想食建議避開高峰期～1. 三色海膽盛丼（$358）人氣Top1！海膽多到隨時都會跌出黎😂賣相非常吸睛，有三款海膽，全部都好鮮甜嫩滑，細細品味會發現味道同口感各有特色👍🏻撈少少wasabi會更加fresh～海膽愛好者表示完全唔覺得漏🥹食完超滿足wuuuu評分🌕🌕🌕🌕🌕2. 三重大極上丼（$398）人氣Top2！最外圍係鮮甜嘅蟹肉，跟住就圍咗一圈拖羅，中間有幾塊海膽～海膽味道如上😛拖羅入口又係嘩一聲🥹入口即溶，油脂香氣喺口中慢慢散開，不斷刺激口腔同味蕾，忍唔住一塊接一塊……評分🌕🌕🌕🌕🌕另外每個丼飯都配咗一碗麵豉湯，麵豉湯最驚就係太鹹，但呢個啱啱好👍🏻配料都好豐富～嘢飲就係茶包沖嘅茶，味道就冇咩特別，但食完飲一杯好解膩！整體而言雖然食物價錢偏貴，但的確係真材實料，絕對值回票價，間唔中食一次都好滿足😋店家不時會推出優惠活動，記得我去嘅時候係做緊星期一指定丼飯$13x！都好抵食！…查看更多

話說好耐冇食丼飯，今日同女友試左人氣爆燈既爆丼屋。餐廳用手機落單，非常方便。- 三重大極上丼拖羅覆蓋住整個壽司飯，旁邊仲有好多蟹肉，頂層仲有海膽，刺身陣容非常豪華🤩。拖羅比較薄身，不過油脂豐富，食落唔覺有筋。至於蟹肉算鮮甜。- 鵝肝海鮮盛丼海鮮包括帆立貝、三文魚籽、黑魚籽同海膽，仲有一塊厚身既鵝肝。鵝肝煎得非常香口😋，黑魚籽充滿鹹香，海膽同帆立見亦好新鮮，另外將飯同蛋黃撈勻變得更惹味。- 朱古力沙冰甜度適中，飲品夠凍可謂涼透心。雖然沙冰上面仲有朱古力碎同忌廉，不過整體味道唔算膩。- 葡萄䄂梳打味道一樣唔算太甜，份量適中👍🏻。整體而言，剌身幾新鮮，不過我同女友都食剩壽司飯，假如刺身份量多啲會更好😝…查看更多

我朋友就四重火山盛丼 黎緊時侯真係同張相有9成似 絕冇渣流攤由海膽, 三文魚籽同埋蟹肉堆砌成, 海膽好creamy, 仲有勁多既吞拿魚蓉食落去好滑香呢杯芒果沙冰 芒果味勁重又甜又汁 估唔到臨近冬天都食到咁甜既芒果 非常驚喜我就叫左個三重大極上丼  海膽係採用日本既 然後面頭鋪滿晒一片片油花超靚既大拖羅 食落入口即溶 旁邊鋪滿蟹肉 份量都好多 每啖飯都可以有蟹肉 而且佢地做既壽司飯軟硬度適中我叫左杯朱古力沙冰呢杯飲品都幾大杯 好有朱古力既香味  唔會太甜…查看更多

爆丼屋係旺角搬左新店之後舖面樓底高左好多 空間感超大🤩 天花裝上雲朵 入到去感覺好舒服☁️不過主角當然要介紹下佢哋重量級既丼飯啦👅 Scan QR Code落單 有牛肉/多款刺身丼飯選擇 亦有其他飲品 小食 等等😝 我哋就揀左制霸！鵝肝海鮮盛丼同三重大極上丼😍 制霸！鵝肝海鮮盛丼睇到都流晒口水 有香煎鵝肝 火炙帶子 三文魚籽 海膽 黑魚籽同蛋黃 非常吸引🤤 鵝肝火候控制得好好 外皮煎得香脆 內裏creamy👅 帶子份量好多 火炙過特別好食👍🏻 海膽亦好鮮甜😋三重大極上丼分別有海膽 拖羅同蟹肉🦀 刺身多到堆砌成一個小山丘 非常豐富🤩 拖羅都幾肥美 配上鮮甜蟹肉 令人好滿足🥰令人意想不到既係呢到除左有打卡丼飯 仲有驚喜打卡飲品😱 我哋今次揀左制霸魚缸朱古力沙冰同泡泡浴沙冰😍 制霸魚缸朱古力沙冰真係超！大！缸！2-3個人飲都絕對足夠😆 朱古力味香濃唔太甜 上面仲有cream同黑朱古力塊 極邪惡😝 泡泡浴沙冰賣相好靚 天藍色好似天空既沙冰上蓋滿香甜爆谷 飲落透心涼🤤 食滿$634 仲送爆丼屋一個精緻襟章添 非常可愛架🌟…查看更多

三重大極上丼($398)，鋪滿晒一片片油花超靚既大拖羅，頂層仲有金黃色海膽，見到都流晒口水，海膽香滑無苦澀味，大拖羅油脂非常高，在口腔入口溶化，仲有蟹肉絲圍住碗邊，一口飯一口蟹肉絲真係好正。夢之丼($278)，有7款配料，睇見都覺得開心，同樣大拖羅，質素同三重大極上丼既大拖羅都一樣咁美味，另外油甘魚係厚切，咬落更有爽口口感，刺身蝦既骨膠原好高，有黏口既感覺，而且好鮮甜。芒果沙冰($48)，芒果味濃，而且清甜，有粒粒芒果肉增加口感層次，哩個超好飲。朱古力沙冰($48)，相比較朱古力唔會太甜，似用dark朱古力。…查看更多

幾年前已經試過旺角嘅爆丼屋，記得真係好多魚生好吸引，原來最近佢搬咗新舖，所以又嚟幫襯吓。依家係用QR code落單，非常方便，我就睇中咗呢幾款丼飯。落單後，店員先奉上味噌湯。味噌湯入面有海帶、蘿蔔片、油揚、最正係有脹卜卜嘅蜆肉，非常豐富。之後就到勁爆嘅丼飯出場，首先係三重大極上丼。上面有滿滿嘅海膽、拖羅同蟹肉，全部都係較為上價嘅食材。值得一提嘅係店員會將Wasabi放喺碟邊，對於唔食Wasabi嘅我覺得服務尤其貼心。呢個丼飯唔算平，但當你見到拖羅嘅數量，而且用料新鮮，拖羅高質夠肥美，淨係呢幾點都已經值回票價。除咗刺身飯，佢仲有燒牛肉丼，今次就一於試吓未試過嘅重量級燒牛排盛丼。我相信呢度有2-3塊牛扒切成，所以真係非常大堆頭，混合佢哋秘製嘅黑椒汁，送飯一流，非常惹味。 呢杯特飲叫泡泡浴沙冰，個名夠哂gimmick，原來佢係波子汽水味嘅沙冰，上面仲加咗爆谷同忌廉，玩味十足，相當過癮。另外就叫咗杯平實啲嘅荔枝青檸梳打，味道清新唔太甜。食滿$634仲會送一個扣針，食飯有贈品係有驚喜嘅，不過我都唔太清楚係咪有咩collection😅…查看更多

喺旺角行街經過見到舖面有一張海報吸引住，係一碗堆到似一座山既刺生丼，同朋友決定入去試一試，食完帶住滿足2個字離開。睇menu既時候令人有選擇困難症，因為每一款刺生丼都非常之吸引。三重大極上丼 $398 – 有蟹肉、吞拿魚腩同海膽，實物同圖片一樣，刺生堆到好高，見到都即時嘩一聲。蟹肉好鮮甜， 吞拿魚腩肥美、入口即溶，海膽亦非常甘甜。夢之丼 $278 – 呢一款丼刺生款式多，有甜蝦、帶子、吞拿魚腩、蟹肉、油甘魚腩同赤貝，甜蝦又大隻又鮮甜，帶子好厚肉，油甘魚腩肥美彈牙，赤貝爽口。總括來講，刺生用料高級，絕對足料。再叫多2杯特色飲品，簡直係滿足+滿足!泡泡浴沙冰 $58芒果沙冰 $48…查看更多

👧🏻Wodafoodie in Mong Kok✨三重大極上丼 $398呢個丼鋪滿左9大塊肥美既拖羅😍😍😍側邊有蟹肉圍邊，上面仲有海膽，好足料好吸晴🤩‼️拖羅介乎於中同大拖羅之間，質感有大拖羅既入口即融，而油香係中拖羅既程度，少少湧到上鼻腔 ，大概停留3秒先散，真係齒頰留香🤤🤤拖羅稍為有少少筋，但個種油香真係令人難以抗拒，好好食！🥰🥰🦀蟹肉絲碎而不散 ，適合配埋飯一齊食，溫暖既飯會更突顯蟹肉既鮮甜😋反而海膽質素無蟹肉同拖羅咁突出，雖然都係甜但略欠海水味道。呢個丼好岩兩個人一齊share會無咁膩，拖羅控必叫呀～～！💯😍😍✨鵝肝海鮮盛丼 $248呢個鵝肝帆立貝海膽丼又係好味到要大推😍😍‼️主角鵝肝有半隻手掌咁大，油脂豐膄，味道濃郁，有入口即溶既幼滑口感，好邪惡呀🤤🤤如果表皮燒多30秒至更香脆口感仲豐富！圍住成碗飯既帆立貝足足有12片！每片大約有5蚊銀咁大，帆立貝用火槍微微燒過，非常鮮甜🥰但我覺得成碗飯惹味既關鍵在於中間隻生蛋黃🍳蛋香撲鼻而又唔覺腥味，拮穿蛋黃撈飯，每粒飯都變得軟滑，加埋鵝肝、帆立貝、海膽、三文魚子、黑魚籽一齊食，將碗飯既味道昇華到另一個層次🤩簡直係極致既享受！😍 ✨🍿泡泡浴沙冰 $58呢杯有爆谷既沙冰真係好特別好igable😍天藍色既沙冰營造到泡泡浴既感覺，飲落似飲緊奶，提返想食脆身既爆谷就要盡快食唔好俾佢浸咁耐啦。✨🍹青檸梳打 $38推介食三重大極上丼既時候可以叫呢杯梳打！微酸既梳打可以去油膩感，食完會無咁滯😋呢間丼飯價錢少貴，但魚生勝在夠新鮮份量又多，下次我會想試埋佢其他丼，有個燒牛肉丼既牛肉疊到好高好吸引呀😍～📍 爆丼屋 (山東街) (旺角)旺角山東街57號地下…查看更多