一休(居食屋)日本料理 (38廣場)

之前bookmarked咗間日本餐廳好耐，性價比好高，午市唔洗100蚊就有魚生丼飯食，嗌埋嘢飲再加件芝士蛋糕都得‼️ 就算單點兩個人夾埋三百蚊都食得飽👀【三文魚加州卷】💰65三文魚油脂滑順，配上玉子、青瓜、蟹柳，係經典不敗嘅菜式⭐️【火焰三色卷】💰68強烈推薦依款炙燒卷‼️ 外型吸睛，用上帶子、三文魚、吞拿魚，聞到淡淡嘅炙燒香氣👍🏻【牛肉壽喜燒】💰68價廉物美嘅壽喜燒鍋👀 材料好豐富，除咗有大量美國肥牛、豆腐、野菜、冬茹、金茹、仲加咗隻生雞蛋🥚【鰻魚炒飯】💰98正常發揮~ 用上日本珍珠米，鰻魚切粒，食落香口🤓…查看更多

終於做下mk妹出mk搵食！呢晚黎到旺角山東街近朗豪坊既一休日本料理同好耐冇見既朋友聚一聚～因為要上樓嘅關係，唔係好起眼，如果唔係朋友搵到，真係唔會知有間日本餐廳喺度～樓面都幾大下，但枱同枱中間多唔會太迫。嗰晚雖然唔係禮拜尾，但係都差唔多滿座咁滯～因為價錢唔算貴，所以我地都好放肆咁想食咩就叫咩，嗌到好似放題咁，擺都擺唔落🙈下面就擺啲特別推介嘅嘢食啦～岩石燒牛脷薄切（$68）佢個推介menu上面有呢個牛脷，咁我哋就試下啦～又幾好味喎，同蒜頭一齊炒得好香。除咗牛脷之外仲有啲洋蔥伴碟～黑松露薯條（$38）佢嘅薯條係粗薯，正呀！我哋食頭幾條發覺「咦，點解係普通薯條味嘅，又話黑松露薯條？」原來佢係比咗個黑松露醬我哋點個醬嘅黑松露味好重，好好味～不過因為佢嘅粗薯本身已經好好味，所以點唔點都可以～蟹籽沙律（$38）係我次次去日本餐廳必嗌嘅沙律！三文魚加州卷（$46）牛油果軟殼蟹卷（$48）鰻魚卷（$42）呢間餐廳有好多種壽司可以揀，呢到只係其中幾款，款款都好正！而且每碟份量都唔少，仲好好食添！香草燒雞翼（$28）好食！雞翼燒得好香同埋日本餐廳總係可以整到啲雞翼骨肉分離，好易食～炸雞軟骨粒（$39）熱辣辣，唔會太油太肥，一粒食完又一粒～厚揚串（$28）冇見過厚揚串呢樣嘢，見到佢係豆腐嚟，一於試下佢～原來係炸過嘅厚豆腐嚟～本身質感已經好好，無炸到熟透，中間仲係生豆腐黎，加埋啲醬汁同木魚，超好食！香草三文魚薄餅（西洋風）（$42）雖然唔知西洋風係咩，但係好好味～個皮係酥皮黎！所以唔會好似平時啲pizza咁 因為個皮係麵粉所以唔食個邊～雜菜鍋（$42）好味～～有啲菜食下，清清地。個湯都好味！荔枝汽酒（$20）／蜜桃汽酒（$20）仲叫咗汽酒飲～無咩酒味，比較似汽水，正食到咁盡興，完全冇限制咁嗌野食，埋單都只係六百幾，除開每人百幾，真係抵到震，價廉物美，仲抵過放題！仲要喺正旺角既中心，又冇放題咁多時間限制，仲有勁多食物種類，真心推介！…查看更多

有位朋友唔中意放題既刺身壽司，反而中意日本料理餐廳既卷物小食。佢話放題食黎食去都係形形式式果幾味，所以我跟左佢黎依間佢最常幫襯既日本料理。佢話成日幫襯依間野既原因係，夠近夠平，味道唔錯，雖然平唔平真係見人見志，刺身價錢中等，但壽司卷物等等都係唔錯選擇！環境幾寬敞，卡位位置都幾寬，內在係柔和既黃燈光，6點左右入座人流唔多。依間日本料理又真係幾多野揀，除左刺身壽司卷物等，炸物、燒物、小食、飯類等等都應有盡有，三文魚加州卷，至抵食既加州卷！蟹籽沙律醬配三文魚加州卷，數量之多，件件都好滿足，而三文魚未去到刺身果種新鮮程度，但食上去都唔錯～黑松露薯條，雖然話就話薯條，但實質係薯角，數量唔多但勝在份量大，每條都又厚又長，薯角炸得好香口，加上黑松露好岩食，估唔到日本料理都會有！咖哩豬扒飯，日式咖哩一向都係我至愛，佢依間既咖哩都唔差，味道香香地幾香口，辛辣味唔重，個個都岩食，以豬扒就分開上，可以保持脆鬆唔會咁快淋晒，整體上都幾有水準～吉列流心蛋漢堡，外層炸得非常爽脆，咬落去口感一流，味道十分惹味而且價錢並唔算好貴，值得推薦。裡面藏著流心蛋，當你切開時熱呼呼既蛋漿即時流出，令人當堂食慾大開，不過會有少少膩。…查看更多