天然豚骨拉麵專門店一蘭

由於飯腳同事放假，女朋友又極度討厭拉麵嘅關係，我決定自己一個黎度一蘭拉麵享受一下獨獨嘅拉麵午餐。尖沙咀一蘭喺棉登徑嘅地庫，入餐廳前要先行樓梯落地庫，我戰戰兢兢地行落去，好似驚住餐廳冇人得自己一個好尷尬咁。 入到一蘭，餐廳比想像中熱鬧，今日淨係開左屋台果半邊，「自修室」位就因為客人唔多所以暫時開放，仲諗住有得坐下「自修室」懷緬下以前讀書坐自修室嘅青蔥歲月。 入座前職員都好有禮貌問我做左一蘭會員未，因為而家入會可以即時用會員即分換取加半份麵底！餐廳都好細心準備信封做口罩暫存袋。餐牌比以前一開業果陣色彩繽紛左，多左圖片形容食物/甜品。例牌一蘭拉麵可以俾客人選擇自己喜歡湯底嘅濃度、油膩度、辣度、蒜泥、蔥、叉燒同麵嘅硬度。 我揀嘅口味係根據之前有個post講日本一蘭員工普遍認為最好食嘅combination！拉麵賣相好靚，連放喺枱面嘅角度都應該係教導過d員工，一蘭個logo正正向住客人。湯底真係冇得彈，夠香濃、辣度岩岩好唔會搶左湯底嘅香味。 叉燒用上瘦肉味道濃郁，不過薄切得三塊份量比較少。麵嘅硬度對我黎講岩岩好，不過份量就非常少，食左兩啖已經就黎冇哂要加麵。建議加麵嘅硬度選擇個人喜好嘅軟一個等級，因為加麵係唔連湯，軟一級加落稍涼嘅湯，口感會好d。最後梗係食加嘅半熟蛋，疫情關係，蛋殼要自己剝衛生d，餐廳都有附上消毒紙巾供客人使用。 食一蘭嘅回憶都係深夜凌晨時份，希望疫情後可以再喺深宵時份再嚐一蘭拉麵！…查看更多

上個星期打算去尖沙咀新開嘅激安Donki行街，順便過一個日式嘅夜晚，結果就去咗尖沙咀嘅一蘭🇯🇵好景不常，一去到門口就好多人排隊，結果我就同友人填定咗落單紙，再去開放式嘅area度坐🍜可能太近開放式廚房嘅關係，我哋坐咗一陣就發現成個area都係無冷氣嘅，而且拉麵亦都等咗好耐先有。雖然味道同日本並無大分別，但價錢實在太貴，叉燒薄、連紫菜都無塊。好在叫咗替玉，如果唔係一定食唔飽😢當然食得一蘭都係想搵返果種返咗日本嘅感覺，整體都尚算合格啦！味道 ⭐️⭐️⭐️服務 ⭐️⭐️⭐️⭐️環境 ⭐️⭐️⭐️性價比 ⭐️⭐️⭐️…查看更多

每次去到日本，一定至少會食上一餐一蘭拉麵。自從一蘭登陸香港後，我一定會每隔一段時間就會來光顧一次，尤其是在尖沙咀想不到要吃什麼的時候，基本上最後都會選上一蘭。可惜有時等候時間實在太長，試過去到門口，得知要等上一個小時，我也不能不放棄。來到香港後，他仍能保持到在日本的水準，湯底的豚骨味是他的皇牌，麵條仍是幼麵。食客仍能按照個人喜好，因應麵的軟硬度、湯底的濃淡度、辣度、是否需要蔥花和叉燒作出選擇。所有選擇沒有好和不好，如果是第一次食，我建議一試「普通」，即中等口味就好。店內裝修維持了他在日本店的主體風格，配上輕柔的日本純音樂，充滿濃濃的和風。…查看更多

一蘭拉麵相信好多去過日本嘅朋友一定都唔會陌生呢間係日本好出名嘅龍頭拉麵喺香港亦都開咗分店特別嘅地方係香港嘅分店係二十四小時嘅 所以有時玩嘢左嘅朋友唔使擔心食唔到呢度嘅拉麵由於係尖沙咀附近凌晨左右嚟呢度食都會見到好多啱啱飲完酒嚟呢度食返碗面醒酒嘅朋友 個人覺得呢度嘅拉麵同日本食嘅差唔多 湯底同拉麵嘅質地都係可以根據個人喜好自己揀 呢間拉麵出名嘅湯底同麵質黎到香港一樣keep到 都幾值得讚但係同日本一樣 呢間拉麵亦都唔算抵食價錢大概$89只係得一小撮面同埋幾舊叉燒 食嘅可能只係食佢嘅日本味道 撇除抵食同飽肚嘅因素個人覺得呢度嘅拉麵係幾出色 加上店員禮貌亦都好好會主動fill水 秉承左日本人嘅禮貌精神 所以對呢間拉麵店印象亦都幾好不過喺香港嘅話可能未必會再嚟呢度食 寧願去到日本食返地道嘅拉麵不過如果大家想喺香港過下口人都可以嚟呢度食碗有日本風味嘅拉麵…查看更多

十月一的國慶日,看完煙火后,要極速醫肚，咁就俾我殺到黎呢到!曾在日本拉麵界聲名大噪的過江龍，一蘭拉面顧名思義，對味道，湯底，麵質等都有各有不同層次要求顧客更可按照自己喜好挑選各選項湯頭 (淡，基本，濃)油量 (不要，清淡，基本，濃厚，超濃)大蒜 (不要，少，基本，半片 ，一片)蔥 (不要，白蔥，青蔥)叉燒 (要，不要)秘傳醬料 (不要，1/2 倍，基本，2 倍，n倍 )麵的軟硬 (超硬，硬，基本，軟，超軟)如果你第一次來到，那就點中間的就好了！我的就點了半熟鹽煮旦配我的拉面由於非常熱愛吃日本拉麵，是次我點的味道都偏濃台頭上還有一本說明書，下次去的可以研究一下賣相討好，味道不俗，麵質及湯底亦合乎予期雞旦另加＋$14 , 價錢見仁見智但略嫌叉燒較薄身及份量比較小愛好吃肉的朋友可能要額外加一份。麵條有咬口，再喝完湯底~~大滿足P.S 個人認為一試無妨…查看更多

去完澳門幾日, 有得簡一定係簡尖沙咀落船, 居住九龍區人士尖沙咀的確係一個回港好選擇!返到香港大概晚上11點多, 時間唔早但又餓餓地, 一踏出船既一刻已經開始諗食咩..😂呢個時候好多餐廳都已經過左營業時間仲記得上次同男朋友去完澳門返香港黎左棉登徑呢頭, 為既就係食一碗排隊排到不來得易既『拉麵🍜』. 同往年既情形一樣, 再次黎到呢度食一碗深宵拉麵😁😁😁一蘭係日本出晒名, 香港分店自自然都多人排隊, 係香港除左尖沙咀之外, 銅鑼灣都有分店不過銅鑼灣店未有機會試探, 因為店舖比尖沙咀細但人流比尖沙咀多再一次黎到一蘭拉麵店(尖沙咀)位置唔算難搵, 不過因為開係K11既旁邊, 如果唔係出名既食店相信都好少會黎呢度搵食🤔雖然係香港已經開左好幾年, 不過人流仲係咁多,尖沙咀店其實真係好大, 等候既走廊四通八達, 有d似迷宮咁~~用餐時間都比較晚, 要排隊不過唔算太多人, 幸好既係排隊位置位於室內, 客人可以一邊涼冷氣一邊等, 所以時間都比較快過, 大概等左15分鐘到就可以進場了👏🏻👏🏻👏🏻場內環境都幾大而且座無虛席. 咁夜都仲有咁多人真係好誇張!! 😳😳😳枱與枱之間好闊落, 唔會覺得座位好焗束而且每張枱旁邊都放左個籃子係地下方面客人擺放自己既物品, 真係窩心既表現!👍🏻黎得『一蘭』大家都只有一個目標就係食拉麵🍜, $89 +1  拉麵計埋加一差不多要$100/碗, 價錢都幾高昂~💸💸💸同日本拉麵一樣, 客人可按自己既心水而簡選拉麵既食材:湯既濃度 – 淡味 / 普通 / 濃味油膩度 – 無 / 清淡 / 普通 / 濃厚 / 超濃厚香蒜 – 冇 / 少許 / 普通 / 1/2份 / 1份等..蔥 – 無 / 白蔥 / 青蔥叉燒 – 無 / 冇秘製醬汁(辣) – 無 / 1/2, 普通, 2倍等..麵 – 超軟 / 軟 / 普通 / 硬 / 超硬------------------------------幾過一輪選擇之後, 個人既獨有拉麵如下:湯既濃度: 濃味油膩度: 濃厚香蒜: 1/2份蔥: 白蔥 + 青蔥叉燒: 有秘製醬汁(辣): 1/2倍辣度麵既硬度: 普通落單後5分鐘到就有得食! 咁貴既拉麵當然要相機食先喇! (hahaha…)😂😂😂😂一放上枱飄來陣陣既豬骨湯味, 真係好吸引大家既雙眼!!😍👍🏻湯底🐽呈豬骨既乳白色+帶少少淡橙啡色, 相信係豬骨同某d秘製醬汁煮成. 雖然話純正豬骨係白乳但事實其實又並非全乳白色~🤔 我都唔知我講緊咩😂😂😂急不及待先來試一口豬骨湯底, 因為叫左濃厚既油膩度, 所以湯底上會呈現出一層薄薄既油份, 看似肥膩但實情係帶有豬骨油, 同豬骨湯底融為一體, 純厚程度不容睇少!😍😍😍👍🏻湯底味道濃厚, 香濃但唔會過份油膩, 而且豬骨既濃味冇去到黏口咁誇張, 味道認真一流!😋👏🏻因為加上左蔥花關係, 白蔥同青蔥既顏色點綴左成碗拉麵構圖既賣相! 同湯底撈埋一齊多左一份微微既脆身感覺~~~個人簡選係普通硬度既拉麵, 拉麵既柔韌程度適中, 唔會過硬/過林身, 處理麵既時間處理得好好! 唔錯啊!!!😁👍🏻叉燒肥瘦適中, 不過因為湯底比較濃味所以食落叉燒既味道唔突出, 而且叉燒食落唔會太干/太hi口, 口感都ok既! 雖然份量唔算太多, 但個人感覺剛剛好! 單食拉麵比較單調, 夾一口叉燒能夠添加口感層次! 😋😋😋拉麵每一樣既配料都好有關連, 但最重要既一定係靈魂豬骨湯底👻, 一蘭拉麵真係令人叫好叫座, 扣人心弦!❤️雖然呢度賣既只有一款拉麵產品, 但做得出色既~~~一款已經好足夠~👍🏻😋😋😋除左堂食之前, 付款既counter前仲擺放左自家一蘭拉麵出售, 岩晒唔想排隊又想食一蘭既人!不過價錢感覺都唔平, 6個麵入但湯底只有3個但自問唔係個懶人, 想食既黎呢度排下隊都係一個好好既消閒活動~~~ 哈哈哈😂😂😂走既時候都差不多12:30, 但仲有人排隊等食拉麵, 正明香港人真係多夜生活~越夜越精彩🙈🙈🙈…查看更多

每逢聖誕佳節honey都總會忙於購買聖誕禮物，好多時為咗要盡快攞到某啲貨品，仲要專程去不同分店搜羅；尋晚收咗工去尖沙咀已經算係近，眼見佢每次都一袋二袋，跟得男友當然係自薦幫手拎野啦 ！為慰勞XO仔，honey仲好有心地請食「一蘭」拉麵添，哈，唔講真係唔知麵店喺九龍有分店喎。尖咀「一蘭」位於地牢，拉開鐡門即可見到接待及收銀處，中央o既玻璃櫃架上陳列出多款精品，隨咗有即食拉麵之外，就連碗同T恤都有得賣，真係搞鬼 。右手邊同灣仔分店一樣有個「空席案內板」，顯示出座位吉滿狀況。正當小肥以為店內o既間隔會同灣仔一樣全為獨立式座位時，有禮o既店員就帶我地穿過「一蘭屋台」布巾，進入地牢飯堂。 原來為咗結群o既食客可以面對面一齊用餐，店子專登加插咗寬敞啲o既散座區，另一邊則保留為獨立式單卡位。點麵形式依舊，每位客人都要填寫自選o既湯底濃度、辣度、麵條硬度、配料等。歡樂時光喺飯堂食飯最適合就係啤一啤佢 ！不過如果大家想健康啲飲水o既話，店內有個自助取水處，無限量供應淨化咗o既靚水 ，極之清甜解渴。兩口子黎食晚餐，見到餐牌咭上有個「釜醬汁豚肉燒」好似幾吸引，所以就叫咗客黎試。 釜醬汁豚肉燒（$59）：豚肉燒乃肥瘦均勻o既五花腩，香軟腍滑，夾上紫菜食分外鮮甜惹味 。餐桌上有個呼叫鍵，食客有任何需要可隨時搵到服務生，想追加食物可真超級方便。紙巾同牙籤都擺放喺牆上，餐枱有更多空間，感覺都好衛生。 一蘭拉麵（$89）：一蘭拉麵水準仍然高企，湯底香濃且可選唔油膩，超硬麵條韌度夠，份量足，叉燒都好夠軟薄 。身為「一蘭」粉絲o既小肥當然係連最後一滴都唔放過啦 ！翻閱餐牌，發現食店有甜品食，XO仔好自然地就追加咗客「抹茶杏仁豆腐」。 抹茶杏仁豆腐（$49）：杏仁豆腐清涼軟滑，面頭綠色o既抹茶汁甜濃得黎都好討好，好啱細佬口味。「一蘭」由一間快餐式拉麵店擴展成地牢式飯堂，感覺依然隨意，但又不失舒適衛生，老板當真好有生意頭腦！…查看更多

我返工嘅時間非常固定，有早無遲，都係九至五。唔好以為我曲線曬命，其實我覺得咁早收工都有一定嘅難道，因為普遍其他辦公室朋友都起碼收七點，變左次次等佢地食晚餐，要先hea足兩個全鐘，通常睇戲或購物囉，好煩架！今次同一個比我更早收工嘅朋友食飯就好啦，因為佢等我，而且我哋仲要去食一蘭，早到梗係有着數。六點到唔使排隊，避開人群。入到餐廳嘅時候，都係仲係得幾台咋。有得選擇又要諗好耐，無得選擇又話人地獨裁主義，不過食日本拉麵，我一定要選擇，因為太多野要配合，面質軟硬度、配料、蒜容同蔥份量、油膩度等，一蘭呢方面做得好好!拉麵得一款但客人可以自加配料，我覺得好岩呀，貴精不貴多ma，好既野一樣就夠啦!一蘭拉麵當然最受人關注既係佢個純天然豬骨湯底，飲落一d都唔會咸，而且有少少杰咁，係骨膠原吧，哈！拉麵麵條感覺好新鮮，帶小麥香味，幼身，所以我更愛較硬身既質感。我選擇左10倍辣度，店方建議既係0.5倍，哈，但我超愛佢個辣醬用特製既唐辛子加埋其他配料，辣得黎又唔會太辣，刺激！叉燒薄薄既，但非常入味。最愛溏心蛋，爆發既蛋漿!!釜醬汁豚肉燒$58呢個係好似豬腩肉咁既，放滿紫菜，炆得透徹，充滿油脂香，肥糕慢慢在口內溶化，最岩送拉麵食！綠茶杏仁豆腐布丁$55入口滑滑，鐘意杏仁茶會好愛，因為淡淡既杏仁香，而且富豆腐味，清一清食完拉麵發所有肉類既肥膩油脂感，大滿足。OISHI早黎食拉麵就唔洗排隊啦!…查看更多

是日兩點幾黎到竟然得小貓三四隻，銅鑼灣就食過幾次⋯但尖沙咀就第一次試食，由於兩個人都冇食早餐情況之下⋯各自各都有加底，因為若果唔加底兩三啖就已經可以K.O.左碗麵⋯份量實在太少喇。店內食嘅味道好多人都已經試過，因為都係得一種拉面揀，味道都係嗰種⋯反而我想講自己買返屋企整嘅一蘭拉麵。是日夜晚即刻返屋企煮嚟試吓⋯⋯究竟同唔同喺鋪頭食嘅一樣呢？！答案係分別不大嘅。湯底其實同喺店舖做嘅差唔多，只係面嘅口感有啲出入⋯而係包裝紙入邊都有寫明教你煮幾分鐘就係咩硬度，其實都好容易掌握。係鋪頭食閒閒地都要過百，但係係屋企煮＄40就已經可以食到一蘭既風味⋯其實本人覺得都幾底下。…查看更多

尖沙咀一蘭屋台聲勢比兩年前銅鑼灣店弱得多，地方闊落舒服而且不用怎樣排隊有好感，拉麵水準依舊，釜醬汁燒豚肉很不錯，日本酒甘醇易入口，整體不錯可惜有著一個最大問題：價錢。到底有多昂貴？以日本的數據和大家分析比較，還有現場服務員斟酒滿瀉的影片。2013年5月香港開設日本以外首家一蘭拉麵，成為城中熱話，當時在下報導過最高峰要排隊4小時，之後人龍不斷，直到半年後租下鄰舖，座位大幅增加後人龍才見回落，但還是經常有二三十人排隊。過去兩年在下寫不少和一蘭有關的文章，主要講述一蘭並非高水準拉麵，點菜紙系統不是正宗，沒有排隊的價值。可能很多一蘭支持者不認同，但一系列文章卻有很不錯的支持度，所以對一蘭只能用「又愛又恨」來形容。兩年後一蘭在尖沙咀開設香港第二家分店，聲勢明顯比兩年前弱得多，以在下所知只有部分傳媒被邀請，而且也不像兩年前那樣可以上A1頭版，只有副刊一角的小報導，Facebook上沒什麼人在分享，也聽不到要排隊的消息。如果是和銅鑼灣一模一樣的分店，在下應該不會理會，但今次尖沙咀店卻把日本的「屋台」模式帶過來，就讓對屋台文化有興趣的在下燃起想光顧的想法。所謂屋台，大概就像香港「大排檔」的日本版，當中福岡最有名，差不多每個去福岡的遊客都一定會去參觀光顧，在下推介是當地最有名的屋台拉麵店「ナンバーワン」。一蘭作為福岡起家的品牌，也在2013年開設「一蘭屋台」，以昭和風格的屋台裝修及街頭小食打造「室內屋台」，現時在福岡、大分、廣島及大阪總共有五家一蘭屋台。香港店的特色是把傳統一蘭的自閉位「味集中 Counter」和「一蘭屋台」融合在一店之內，以182個座位成為全世界最大的一蘭分店。開幕後一直想找朋友去試，終於在星期一晚約到好友，三人一起去光顧。一蘭尖沙咀店位於棉登徑，從K11過馬路步入橫街就可以見到超大型招牌，絕對不怕找不到。入口在招牌右方的橫街，紅色的裝修很顯眼。這裡本來是意大利餐廳「FAT ANGELO’S」，2014年中突然全線結業，原本租金30萬業主叫價50萬，結果一蘭在10月份以46萬租金取得這舖位，比附近的樓上舖便宜約15%，報紙計算過此店的租金便宜度是「不計成本每日賣154碗麵就夠交租」。這樓梯非常熟口面，正是和最多人光顧的新宿東口一蘭分店差不多，在下4月份就在這店門口架起腳架拍攝影片和拍檔大談一蘭不值得排隊的原因，影片不日推出。進入見到收銀處，左邊綠色布是「一蘭屋台」，右邊紅色布是「味集中 Counter」，一店兩制，各自用收銀區的兩邊。旁邊有一蘭名物「空席案內板」，告訴大家現時味集中 Counter 的情況，亮燈代表有人，畫面所見，只有三成亮燈頗冷清。要光顧屋台不是直入，而是要轉右去味集中 Counter的區域，途中可以見到一行行被布簾遮著的自閉位。去到盡頭轉左再轉左，即是圍繞味集中 Counter 走一圈，才到屋台的等位人龍，星期一晚只有十個人左右，比想像中少。等候期間看看牆上的海報，$39支波子汽水實在是貴沒有點的可能，日本清酒寫著「ASK」就令人好奇。店員送上點菜紙，上半部分是一蘭一貫的樣子，是下半部多了一些新選擇。等了約8分鐘就被安排入座，這裡桌與桌之間的空間很多，好的是坐得舒服，不好的是沒有屋台擠迫熱鬧的感覺，不過大部分香港人應該比較喜歡前者吧？座位有籃子給客人放袋，貼心。桌面有一個按鐘給你呼叫服務員，不過現場所見店員數目很多，舉手也沒問題。我們三人在紙上畫好後，店員就來確認每一張單。等候期間拿著相機四周看看，先看到這一個供水處，有點屋台感覺，不過水也只是稍涼的溫度。牆上有很多寫上古怪文字的白紙，據說是一蘭總店的員工所寫。在下對於這種人性化的裝飾十分支持，不過店方似乎沒有考慮香港的環境，讓這玩法失去應有效果。對於大部分連「自慢」「我慢」都不懂解釋的香港人來說，牆上只是一堆寫上符號的白紙而已。換在下是店長，就會叫香港員工寫「我要真拉麵」「我朝早唔會空肚食一蘭」，Facebook的Like及Share數目百分百保證比這堆日文高。先上是日本酒，這裡的玩法是把杯放在碟上，然後斟至滿瀉，代表對客人貼心的服務，而這酒的名字「饗」日文是「もてなし」，和「熱情款待」的「おもてなし」發音接近。有趣在為我們斟酒的服務員第二杯斟到一半的時候竟然遇上沒酒的情況，結果她尷尬地笑著去換酒。送上在下拍攝的斟酒過程，店員的服務水準其實不錯。這杯日本酒是福岡縣久留米市「若竹屋」釀造的「大吟釀 饗」，日本酒度「+1」，可能是因為冷酒的關係感覺甘口，就算不喝慣日本酒的女生也會覺得很易入口，的確適合在面向大眾的一蘭賣，但價錢就……文末和大家詳談。朋友點了「蘭茶」($39)，據說是一蘭為了愛喝熱飲的香港人而特別調製，自行混合數種來自南非、日本、中國等地的茶葉成為保健茶。你可以當這個茶是一蘭特別款待香港人之作，又可以當成一蘭沒什麼堅持一心奉迎顧客賺錢，你是哪一種想法？這杯蘭茶，用鼻子嗅有明顯的涼粉味道，入口就覺得像雞骨草涼茶，不覺得很好喝，用來配拉麵更古怪，熱上加熱很辛苦，本來冰水才是王道。接著是「釜醬汁燒豚肉」($59)，以日本豚肉切成薄片燒好再灑上白葱花而成，加上旁邊的赤胡椒辣粉可以提升肉的甜香。個人覺得這道無論是味道和口感都完勝拉麵內的叉燒，肥瘦適中而且帶點醬油的甜味，吃完一塊會想即再吃一塊，配合日本酒感覺更美妙，是這晚的VIP。這叉燒本來是「一蘭天神西通店」限定「釜醬豚骨拉麵」內的配料，吃完在下更加覺得一蘭應該把這個限定拉麵引入香港。至於主菜的「一蘭拉麵」($89)，在下已經寫過很多次也不再重覆。個人覺得湯和在下吃慣的比較，是偏濃偏鹹重手了一點。至於麵在下點超硬但出來效果大約是硬，還有一些進步空間。味集中Counter放盤子在感應器去加麵的做法，這裡變成叫服務員，她會給你一碗麵讓你自己加入湯中。最後是甜點「抹茶杏仁豆腐」($49)，說是用福岡縣八女產的抹茶製成抹茶醬，奇在店內海報的抹茶醬只有中間一圈很漂亮，為什麼真正上菜時抹茶醬完全淹沒豆腐？明顯下得過多的抹茶醬，帶來過甜的味道，不過盡量避開抹茶醬吃豆腐的話，杏仁味倒是不俗，如果兩種味道平衡一點應該會不錯。最後去櫃位結帳，一蘭的產品在此發售，如果你知道香港的售價是日本兩倍以上，例如泡麵日本賣1290円(HK$81)而香港賣HK$198，你應該不會隨便買。重點是我們的帳單，三個人接近$800，是中級日本菜餐廳的價錢，有沒有搞錯？大家可以看到最昂貴的是清酒，即那兩杯倒滿瀉的「若竹屋 大吟釀 饗」，$129一杯，到底是如何定價？舉個例子，博多的著名拉麵屋台「一龍」，招牌拉麵800円(HK$50)，燒酒400円(HK$25)，日本酒500円(HK$32)，香港一蘭的拉麵比一龍貴78%，而日本酒就貴303%。公道一點，看看一蘭本社總本店的屋台，招牌拉麵790円(HK$50)，日本酒880円(HK$54)，香港的日本酒價錢是一蘭總本店的兩倍多，貴138%。「若竹屋 大吟釀 饗」官方零售價連稅5355円 (HK$337)，一杯連斟瀉的部分應該不足100ml，一支酒1800ml最少可以倒18杯，即是售價HK$129的酒成本約HK$18，在一蘭喝三杯已夠你買一整支。眾所周知一間餐廳毛利最高是酒水，但作為一家平民向的餐廳，一蘭是否賺得有點盡？雖然一蘭很有名氣，也是很多香港台灣人心中的神店，但有看這個博客的朋友都知道，在下對一蘭的名號從不賣帳，批評不會留手。不過在下從來沒說過一蘭難吃，只是強調「一蘭不值得排隊」而已，這間尖沙咀分店不用怎樣排隊之餘，地方舒適可以和朋友邊吃邊聊，其實是有一定好感度的。一蘭拉麵本身有日本中級香港中上級的水準，屋台的釜醬汁燒豚肉不錯，日本酒易入口，抹茶杏仁豆腐基本是好只是製作出問題，只要不用排隊，整體是吸引的，不過三個人要花費$800就實在離譜。屋台文化除了熱情好客，經濟實惠也是重點，去福岡的「一龍」吃拉麵加蛋加替玉，再點餃子及日本酒，都只是1,900円(HK$120)，至於一蘭本社總本店屋台店，拉麵+豚肉+日本酒都只是2,160円(HK$136)，在香港點相同的東西卻要雙倍有多的HK$277，憑什麼？如果真的「每日賣154碗麵就夠交租」，是否應該把價錢調得親民一點？對於香港一蘭屋台，在下有兩點意見。如果覺得現時那支日本酒的成本太貴，換便宜一點也可，反正去屋台吃拉麵的人不會對酒的質素有太高要求，要花$129喝一杯日本酒的話，在下只會選擇其他地方絕不會選一蘭。同時請引入更多的食物，例如日本一蘭屋台的餃子，成為「拉麵有水準氣氛好價錢合理的屋台」，應該會很適合香港人的飲食習慣，帶來更好的前途和錢途。…查看更多