有冇諗過用OpenRice都可以做善事? 樂施會多年嚟致力舉辦慈善活動，最近OpenRice亦同樂施會合作，攜手為慈善出一分力。活動包括義賣「OpenRice限定慈善版大富翁」、OpenRice平台同步參與「樂施米義賣大行動」、免費捐贈大富翁畀樂施米校園大使等等，即睇以下詳情啦！
「OpenRice 限定慈善版大富翁」慈善義賣
OpenRice陪伴香港人25年，現推出「OpenRice限定慈善版大富翁」帶大家進入大富翁美食帝國嘅世界！除咗各式餐飲服務化身成棋子，每條街道仲會搖身一變成為唔同餐廳同店舖，極具收藏價值。是次義賣收益將扣除成本全數撥捐畀樂施會，有得玩大富翁又可以做善事，助人為快樂之本，真係雙倍快樂啊！
「OpenRice 限定慈善版大富翁」
各個棋子代表唔同OpenRice餐飲服務，賣相可愛。
有得玩仲幫到有需要社群，好有意義！
經OpenRice隨時買樂施米 支援小農脫貧自立
樂施會每年都會舉行「樂施米義賣大行動」，旨在喚起公眾對小農嘅關注。籌得款項將支援貧窮小農對抗極端天氣、改善生計，長遠有助佢哋脫貧自立。想隨時隨地支持義賣，而家唔使出街都可以買樂施米啦。2025年5月可經OpenRice平台買樂施米，為貧窮中掙扎嘅小農建立可持續生計。
有剩餘OpenRice積分將於6月30日到期? 其實都可以用嚟做善事㗎。2025年5月1至6月30日，亦可於OpenRice「禮品換領」用200積分捐贈樂施米。
「樂施米義賣大行動」為小農建立可持續生計。
與此同時，OpenRice亦會捐贈50套大富翁及200份禮品福袋畀學校。
禮品福袋包括自家設計掛肩環保袋，美觀又實用。
OpenRice設計環保餐具連飲管，減少使用即棄餐具。
「樂施米義賣大行動」2025詳情
除咗可以線上訂購大富翁同樂施米盡顯支持，線下一樣可以略盡綿力！今年義賣活動分別會喺5月10日、11日、18日同25日舉行，屆時預計約70個米檔攤位遍佈港九新界，開放時間為星期六1pm-6pm及星期日11am-6pm，有時間記得去捧場，齊齊身體力行喇！
