講到小籠包，唔少人第一時間會諗起湯汁爆滿、皮薄餡靚嘅上海風味～其實喺香港都唔難搵到高質小籠包，無論係傳統手工口味抑或創新fusion風，總有一款啱你。今次開飯仔精選咗5間有水準嘅小籠包推介，讓你一嚐爆汁滋味，即睇邊間最啱你心水！
平民手工上海菜 高S拉麵小籠包 
圖：yoyo454
天后呢間主打京川滬料理嘅小店，招牌小籠包絕對係人氣之選！皮薄餡靚，一咬爆汁，滾熱辣嘅湯汁即刻喺口腔入面爆開，豬肉餡鮮嫩唔嚡口，湯味清甜唔膩，食落非常滿足。皮嘅厚薄適中，摺紋雖然唔算最精緻，但勝在真材實料，價錢又親民，CP值超高，鍾意食上海小籠包嘅朋友記得bookmark定！
米芝蓮推介小籠包 lulu BAOBAO 手工拉麵小籠包
圖：啱啱先攞到米芝蓮推介嘅上海菜餐廳，主打手工製作嘅小籠包，特別推介佢哋嘅招牌手工小籠包，有原味、鮮蝦、元貝，一籠齊齊整整試晒三款滋味。皮薄汁多，咬落去湯汁即刻爆開，湯底鮮甜，餡料分明，三種味道層次有驚喜。店員建議由原味食起，再到蝦、最後食元貝，真係愈食愈鮮。鐵板小籠包更係另一亮點，皮煎得微脆、汁多唔漏，鍾意香口嘢必食～
CP值超高 上海萬家村小館
圖：位於深水埗通菜街，主打正宗上海家常菜，人氣招牌鮮肉爆汁小籠包一籠五隻只需HK$48，性價比極高。小籠包皮薄柔軟，湯汁爆燙又鮮甜，肉餡香濃啖啖肉香，熱辣辣上枱特別滿足。想試豪華版可以揀爆汁蟹粉小籠包，鮮味層次再升級，蟹粉味濃郁又唔腥，配搭一碗上海擔擔麵或生煎包，平靚正又地道，係深水埗必試之選。
特色金湯小籠包 盈館 
圖：主打創意中菜，佢哋嘅金湯小籠包就係店內人氣之選。每隻小籠包包皮晶瑩剔透，輕輕夾起已經見到入面嘅餡料，湯汁份量十足，一咬落去即刻爆汁。特別之處係餡料用上濃郁嘅金湯熬製，味道鮮甜又唔會油膩，配埋豬肉餡更加細膩有層次。皮薄帶韌，彈性十足但唔易穿，食之前記得點埋醋落去提鮮，絕對係識食之人嘅心水之選！
麻辣小籠包 川川
圖：IE食神俠侶
鍾意麻辣口味嘅你，一定唔可以錯過呢款特製麻辣小籠包！紅紅地嘅包身，一上枱已經好吸睛，帶住濃濃四川風味。包皮夠薄但唔易穿，咬開即刻湯汁四溢，麻香同肉香融合得剛剛好，辣度唔會太誇張，反而係溫柔入喉嗰種香麻感，令人忍唔住一口接一口。相比起其他麻辣小籠包，川川呢款夠晒有勁度但又唔失平衡，鍾意重口味嘅朋友必試！
文：Yanica
編：Cathy
