月尾出街食餐好獎勵自己，梗係用盡訂座優惠啦，可以試多幾間又唔使等位，而且有啲小眾餐廳都值得一試，分分鐘有驚喜𠻹！即睇今期訂座優惠推介邊間啱你心水啦～
圖：受歡迎嘅本地創意西餐廳，食物以足料見稱，好啱Family或一大班朋友聚餐，人氣菜式包括超啱打卡嘅原隻波士頓龍蝦明太子海鮮薄餅，仲有韓式玫瑰醬龍蝦QQ捲捲意粉、西西里龍蝦汁海鮮鐵鍋燉飯等惹味之選。
圖：呢間日式餐廳以大量達摩作佈置，氛圍感十足，嚟約會或興慶祝都合適。食物幾多選擇，燒肉、浜燒海鮮、炸物等都有，仲有吸睛嘅富士山造型特飲𠻹。
區內有名嘅龍蝦主題餐廳，無論龍蝦包、炭烤龍蝦、拉絲龍蝦Mac & Cheese等等都受海鮮控歡迎，加埋半開放式裝修打造輕鬆休閒嘅空間，整體感覺好chill～
圖：出名品質好嘅社企餐廳，餐牌選擇多元化又足料，供應咖喱燉牛肉蛋包飯、美國豬扒鐵板餐、海老櫻花蝦湯拉麵等西日式料理，大人小朋友都啱食，而且每份餐點都為支持餐廳聘請弱勢社群出一分力，特別有意義呀！
走摩登風格嘅日式居酒屋，昏暗嘅燈光加上不時轉換畫面嘅大LED屏幕，帶點神秘感！串燒、刺身、烤物、一品料理等各種日式美食應有盡有，聚餐啱晒～
圖：探索異國風味～香港少有嘅孟加拉餐廳，食物香濃惹味，其中5小時慢烤卡拉牛肉煮至軟腍入味，推介配油炸脆餅平衡鹹淡度；另外孟加拉傳統茶係必試特色飲品，帶檸檬、肉桂同香料氣息，味道複雜得嚟幾特別。
圖：廚師發辦主題店限定割引！惠顧指定Omakase五位即送鐵板炒龍蝦；嘆時令壽司10貫拼盤亦有折扣優惠，經OpenRice訂座時記得註明「預訂Omakase / 優惠壽司拼盤 [一人前$348 ; 两位優惠$648]」呀！
圖：餐廳(FB)
60年老牌意式薄餅專門店～餐廳供應唔同系列嘅薄餅，今次優惠就落喺傳統薄餅，口味都有唔少選擇，好似帕爾瑪薄餅、瑪嘉麗塔皇后薄餅、軟心芝士薄餅、意式肉迷薄餅等，最啱一大班人聚餐開心share～
文：Cathy
