 | Simply Nutrition 營養師陳小艷（Sharon），香港大學食物及營養學畢業，並取得社區營養深造證書，曾於不同機構分享營養知識。fb專頁: nutritionsharing |
減肥一定要挨餓？誰說的! 只要大家揀啱食物，纖纖身型一樣可以擁有。
啱要揀咩食物？
唔使心急，揭曉前先同大家講下GI呢樣野。GI即係Glycemic Index：升糖指數咁解，講白啲就係一種食物「造成血糖上升」嘅指數。當我哋食咗高 GI 食物時，體內血糖值會升得好快，於是身體會分泌大量用來抑制血糖的「胰島素」，而過多胰島素除咗會促使體脂肪形成外，亦會令血糖快速下降，造成饑餓感，以致我哋食更多野。相反，低GI嘅食物消化速度較慢，血糖上升幅度較細，避免咗胰島素大量分泌，自然可減少脂肪囤積嘅機會同埋饑餓感，我哋亦唔會咁易暴飲暴食。
所以大家想擁有纖纖身型的話，今日起齊齊實行「低GI飲食」啦！
以下介紹常見嘅低GI食物：
全榖食物（糙米、裸麥粒麵包、全維麥、燕麥糠）、豆類（黃豆、綠豆、眉豆、紅腰豆）、花生、綠色蔬菜、部分生果類（蘋果、橙、奇異果、雪梨、沙田柚）、多數海鮮及肉類、脫脂／低脂奶
想知邊啲係「中GI食物」同「高GI食物」？即刻click入我嘅fb專頁搵下啦！
※上述內容純屬作者個人意見，不代表本網立場。※