最近香港興起一陣黑糖珍珠奶茶熱，每一間黑糖珍珠奶茶店閒閒地都要排返兩三個鐘先飲到。而家廉航當道，飛台灣又個幾鐘就到，不如就舒舒服服咁飛去台灣飲啦，最仲要係唔駛熱住排隊！今次就同大家細數下一啲台灣本地人推薦，但係香港又仲未開嘅黑糖珍珠奶茶店！
1. 吉龍糖
「吉龍糖」係一間比食尚玩家喻為台中老虎堂最強對手嘅黑糖珍珠奶茶店。佢外型同老虎堂一樣咁吸引，利用黑糖打造「龍紋」。而且沿用日本沖繩黑糖、日日現炒黑糖煮糖、專人手工熬煮珍珠、用優質品牌鮮奶、紅茶阿薩姆特調配方、台灣烏龍茶，堅持2個鐘賣唔哂就倒哂重煮。
2. Z茶舖
Z茶舖最出名係佢嘅黑糖波霸鮮奶，鮮奶和黑糖的比例拿捏得啱啱好，一開始會覺得奶味稍重，之後會慢慢散發黑糖餘香，甜度都掌握得唔錯。但依杯黑糖波霸鮮奶係限量，每日得三次出爐時間，想飲就記得打電話去預訂先。
如果去開淡水，不坊去試下依間喺淡水高人氣嘅黑糖珍珠奶茶。李圓圓嘅蜜黑糖珍珠本身就帶有甜味，煙韌得嚟又唔會太硬。店家用奶味無咁重嘅光泉鮮奶，反而唔會搶咗黑糖嘅味道，淡淡嘅奶味同黑糖互相輝映。
波哥係一間由台南紅上台北嘅飲品，幾年前喺台北嘅大安區開咗分店，網民話去「波哥」就一定要飲招牌飲品「炒糖珍珠牛奶」， 咀嚼珍珠果陣可以感受到焦糖嘅焦香味。而且「波哥」仲有一段小故事，當時果個年代手搖飲品仲未流行，好多男同學會用波哥表達愛意，所以只要手上拎住波哥喺學校行走係零舍威啲！
5. 陳三鼎黑糖青蛙鮮奶創始店
一向大名鼎鼎陳三鼎全台灣得一間，而佢咁出名係因為佢係第一間發明青蛙撞奶嘅飲品店，青蛙撞奶即係直接喺黑糖珍珠中沖入鮮奶唔加水。雖然之後出現咗好多模仿者，但陳三鼎依然屹立不倒，仍然每日大排長龍，就知佢有幾好飲！
文：Yanica