提到養生火鍋，你會諗起咩？滋補老火湯？鮮甜雞湯？如果你鐘意天然健康、美味養生嘅火鍋體驗，【蘑界野生菌石鍋雞】絕對會令你眼前一亮。呢間餐廳係全國首家野生菌專門店，食材天然，營養滿分，多年來風靡深圳，成為當地火鍋界嘅「排隊王」。而家佢哋嚟咗香港沙田新城市廣場啦，免北上都可以享受各種菌類美食，絕對係菌類愛好者必試之選！

【蘑界野生菌石鍋雞】主打高原野生菌火鍋，餐廳精選1500米海拔嘅高原野生菌，並用西藏非遺「墨脫石鍋」烹煮，每次熬製都釋放出16種微量元素，令湯底更加濃郁香甜。而佢哋嘅火鍋湯底係成餐飯嘅靈魂所在，土雞湯底選用野生菌及山林土雞熬煮數小時，土雞鮮嫩爽口，就算未落其他菇菌及肉類配料，個湯底就咁飲都非常鮮甜！之後就可以落唔同嘅菌類，牛肝菌「見手青」即切即煮，口感滑嫩，四季菌雙拼鮮味爆棚。

除咗菌類之外，仲有多款精選火鍋食材。貴州鮮切吊龍肉肉質細嫩，肉香味濃。高原七彩土豆係雲南嘅獨特品種，煮完口感粉糯，帶有淡淡甜味，同香港嘅薯仔好唔同，係一個好新鮮嘅味覺體驗。

【蘑界野生菌石鍋雞】仲有多款滷水同冷盤美食，佢哋嘅滷水每日新鮮調製，鮮鹵牛腱肉、豬耳入口滷水濃郁味，食落微辣超惹味！麻醬牛百葉大片爽口，麻香濃郁。而火腿野生菌炒飯炒得粒粒分明，菌香突出。

餐廳而家推出咗幾款套餐，套餐包括單人小鍋野生菌土雞湯底，各款特色蔬菜及肉類。想試特色野生菌火鍋？一於買定餐飲券，快啲約埋親朋好友去試試啦！