呢間【串爆】冷鍋串串專門店，絕對係麻辣控嘅福音！餐廳主打成都地道風味，最近推出咗冷鍋串串兩小時放題，提供超過90款美食，包括串串、特色小食、甜品同飲品，絕對能滿足每位食客嘅味蕾！

冷鍋串串嘅湯底可以自由選擇麻度同辣度，任你調配自己最心水嘅味道。如果加埋分別用花生、芝麻油等食材製作嘅「干碟」或「香油碟」一齊食，味道層次更加豐富。

串串選擇好多，蔬菜、丸類、肉類通通都有，包括泡椒牛肉、成都小香腸、肥腸、菇菌等等，每一款都鮮香惹味。泡椒牛肉係一大特色，鮮嫩嘅牛肉包裹著一粒泡椒，又香又辣。黑胡椒腸香濃惹味，蒿荀爽脆嫩口。而豆類製品如豆卜、腐皮同百頁結，吸收晒湯汁嘅精華，絕對係精髓所在！而多款風味小食都值得一試，藤椒雞軟骨口感爽脆、調味濃郁，麻醬青瓜雞絲開胃又清新！

餐廳提供自家制嘅蜜糖烏龍茶同菊花普洱茶，清新解辣又冰爽，飲落舒服又滋潤，完美搭配所有麻辣料理！最後記得試下成都特色甜品「老冰粉」，解辣之餘又味道清新，面頭有花生、白芝麻同提子乾，真係辣完最好嘅收結。

如果你鐘意食辣，呢間「串爆」絕對值得一試！不論係串串、特色小食定飲品甜品，每一款都超正。嗜辣嘅你哋快啲約埋知己去試下，啖啖麻香，絕對唔會令你失望！