返咗成日工，收工自然要約埋三五知己飲杯嘢放鬆下！源自1783年嘅Schweppes®曾獲頒英國「皇家認證」，氣泡綿密流長，啖啖都有氣泡口感。加上Mixers有5款唔同嘅口味，好啱做成Cocktail，呈現更多層次。今次「品味經典餐廳週」Schweppes®同多間餐廳合作，即日起至9月23日推出Schweppes®期間限定特飲、配搭美食令各位同親朋好友嘅聚餐更Chill更難忘！
 

澳洲特色親民扒房  Outback

以澳洲中部地帶Outback為名，餐廳裝修亦以當地特色為主，氣氛輕鬆。餐廳推出兩款特飲，Bottle Odora以Schweppes®有氣辣薑啤飲品同氈酒為基調，加上覆盆子同藍莓，味道酸甜。Sheila's Puppy採用Schweppes®湯力水混合西柚汁，杯邊沾上鹽粒提味，清爽怡人。惠顧香煎黑椒日式黄鰭吞拿魚或者香煎黑椒日式黄鰭吞拿魚沙律，仲可以用套餐價享用兩款特飲！

（左）Bottle Odora、Sheila's Puppy，（右）香煎黑椒日式黄鰭吞拿魚、香煎黑椒日式黄鰭吞拿魚沙律

本地牛扒專家  Top Blade Steak Lab

以低價呈現高質牛扒，一直都係呢間扒房嘅理念。各位嚟到除咗可以享受招牌平鐵牛扒配免費任食嘅薯條，仲飲到Schweppes®期間限定特飲Dirty Lemonade！以Schweppes®梳打水嘅持久氣泡帶出餐廳自家製焦糖檸檬汁嘅焦香同迷迭香嘅木調，將清爽鮮酸嘅味道融為一體，醒胃解膩。

（左）Dirty Lemonade，（右）美國390日榖飼Prime級平鐵牛扒

創意Fusion菜餐館  Around Wellington

餐廳主打多國Fusion菜，賣相吸引而且唔少食材配搭都相當新穎，包括招牌花雕醉雞配冷稻庭烏冬、蟹籽蟹肉蓋飯配甲羅燒等。想食得更爽仲有一系列無酒精雞尾酒，Mango Mule以Schweppes®有氣辣薑啤飲品配搭芒果同青瓜，入口甜而不膩，加上綿密嘅氣泡，感覺更Chill！

（左）Mango Mule，（右）招牌花雕醉雞配冷稻庭烏冬

樓上叢林風酒吧  Ravin

酒吧名Ravin源自一種出現喺神話、藝術及文學中，靈敏而聰明嘅渡鴉（Raven），裝修以墨綠色為主，加上樹葉擺設，猶如置身叢林當中。今次三款雞尾酒各有特色，Gin Seng以Schweppes®湯力水同浸泡班蘭葉嘅氈酒為基調，再混合咖啡酒等，風味獨特。

Caribbean Monkey則以Schweppes®乾薑味汽水配搭威士忌、熱情果同杏脯甜酒，呈現出熱帶水果嘅香氣，建議配搭脆炸蝦多士，因為威士忌酒精濃度較高，可以減低炸物嘅油膩感。而藍色嘅Ravin Forest就用Schweppes®梳打水加上自家浸泡過蝶豆花嘅氈酒，再混合伯爵茶利口酒同接骨木花，花香及草本調均衡。配先炒再炸、唔過於嗆辣嘅炸洋蔥圈啱啱好。 
 

（左）Gin Seng，（右）Caribbean Monkey

（左）Ravin Forest，（右）Ravin環境