提起尖沙咀，大家會有甚麽心水「飛佛」？當你去到尖沙咀的棉登徑8號，單單一條街就已經搵到多個國家的特色餐廳，你又會點揀？
今次，開飯仔搜羅了其中兩家餐廳，分別是拉麵店及日式燒肉店，想一個人搵食抑或大班人gathering都同樣有著落。鍾情日本美食的朋友，要留意以下介紹啦！
日式屋台情懷：天然豚骨拉麵專門店「一蘭 ICHIRAN」
「一蘭」貴為大熱的人龍店，當然有番咁上下號召力。位於棉登徑8號地庫的「一蘭」，是全港最大的分店，單睇環境已經「好日本」，其中一個吸睛位莫過於在東京、福岡、大分、廣島、大阪、紐約分店限定登場的「一蘭屋台」。屋台富有情調氣氛，仿照福岡的大排檔，感覺似飛了一轉日本。
位於地庫的全港最大一蘭拉麵店。
屋台的燈光與場景搭配，洋溢夜晚去食拉麵的街頭感覺。
而「屋台」的另一邊則是世界首創的「味集中Counter」用餐區，顧名思義，「味集中Counter」就是一個counter位畀你好集中咁歎拉麵。店員分享話，日本有女仔怕一個人食飯好尷尬，這種counter給予足夠的私隱度，啱晒一個人開飯，可以無顧慮的全心全意食拉麵！
味集中Counter
一蘭名物「天然豚骨湯拉麵」，就是店內獨賣的元祖級拉麵，當然亦有其他配料和小吃追加。叫個「一蘭精選套餐」，有齊半熟鹽味蛋、日式叉燒、紫菜及黑木耳，懶人大愛！
天然豚骨湯拉麵、一蘭精選套餐、釜醬汁豚肉燒、抺茶杏仁豆腐、綠茶 - 抺茶使用（凍）
拉麵有湯的濃淡、麵的硬度及部份配料選擇。
釜醬汁豚肉燒
Info
地址：尖沙咀棉登徑8號地庫B舖及地下入口大堂
電話：23694218
享受每「片」時刻：Futago HK 大阪燒肉
Yo！如果你是燒肉lover，那麽呢間大阪燒肉店你一定要試！在香港有兩家分店的Futago，自日本起家時已經主打家庭式的燒肉style，來到香港堅持自己的賣點，奉行「最緊要係開心」的飲食理念。
棉登徑8號的Futago HK，保留日本風味。
每枱的燒烤爐都是爐仔細細，配料份量精緻，方便情侶二人食、三五知己又或是一家大細來開心share。可以自己邊食邊燒，又可以由專人替你即席燒烤，直頭「送到口邊」。
店內的日式燒肉講求細節，細心如「送到口邊」的專人燒烤都有。
雖說燒烤配料多數份量較少，但其實亦都有一樣巨型的「特別」選擇，就是「大得驚人牛小排」，估計都有2隻半手掌咁大。因為每日供應數量有限，大家記得預訂。而燒烤牛小排時，店員更會叫大家齊齊嗌日語口號兼大拍手掌，有氣氛又幾有fun！
大得驚人牛小排，幾個人share食都唔過份！
北海道蟹味噌羅燒
一本壼漬牛肋條
除了燒肉及食材，不得不提刻有姓名的專屬「金燒肉夾」。去多幾次儲夠指定印花，就可以有支「私家夾」。掛在店內的一角又得，拎返屋企自己用都得。
掛於場內一角的金色「私家」燒肉夾，每一隻都有刻有客人姓名。
Info
地址：尖沙咀棉登徑8號地下14-16號舖
訂座電話：23741038
更多棉登徑餐廳介紹: https://s.openrice.com/Qrbc0RH8000
特約分享：棉登徑8號