食燒肉要「吃到飽」梗係揀任食啦，今期OpenRice獨家買一送一嘅安平燒肉「LV4日本A4+和牛饕宴晚市套餐」，120分鐘可以任食任飲日本A4+和牛、極·厚切檸檬牛舌、炙烤白鱔、炙烤霸王蝦、威士忌醺鮑魚、炙烤生蠔、甜品、啤酒、特調雞尾酒等等數唔盡嘅美食，人均只需二百幾蚊起，即睇歪歪嘅必食推介有邊幾款啦！

【獨家限時買一送一】120分鐘LV4日本 A4+和牛饕宴晚市套餐  

套餐可任食過百款燒肉、海鮮、夜市小食、甜品等

開餐前先𢳂好招牌黃金醬、鹽蔥醬等特色醬料，再飲碗迎賓湯品「安平慢熬清雞湯」

燒肉亮點：日本A4+和牛 / 極‧厚切檸檬牛舌

日本A4+和牛

和牛油香十足

日本A4+和牛按當日最新鮮嘅部位無限供應，油花均稱，燒起後肉汁豐富，油香四溢，口感Very Good；蘸埋微酸又帶南瓜清甜味嘅招牌黃金醬，解腬一流。

極‧厚切檸檬牛舌

按沙漏計時燒熱四邊冇難度

淋上檸檬汁解膩提鮮

燒完一round日本和牛之後，推介大家燒原條牛吞，因為佢需要啲時間先可以燒好。餐廳先將牛吞慢煮6個鐘再由客人燒熱回溫，只要按餐廳提供嘅沙漏計時，每邊燒一「轉」(約2分鐘)就可以切件食喇～牛吞燒至表面帶焦香，內裡依法軟嫩juicy，有去咗日本嘅風味。

日本A4+和牛壽喜燒

用洋蔥起鍋香噴噴

日本A4+醬燒一口和牛丁

日本A4+和牛除咗供應薄燒，仲有香甜嘅壽喜燒同埋切成一口大小嘅醬燒一口和牛丁，帶畀大家唔同風味同口感。而壽喜燒可以喺自助區夾你鍾意嘅蔬菜，DIY個人化口味𠻹。

其他精選肉類：澳洲M8和牛肩胛、手切安格斯牛小排

其他精選肉類：蘭王蛋月見牛、牛腸

其他靚牛肉/部位仲有較少油脂但香甜嘅澳洲M8和牛肩胛、肉味香濃嘅手切安格斯牛小排、分量十足嘅蘭王蛋月見牛等等，每款試一次都令人眼花繚亂呀！

任燒海鮮大件肉厚

炙烤白鱔

呢度嘅任燒海鮮同和牛一樣咁出色！歪歪最鍾意就係炙烤白鱔，外皮脆卜卜，肉質軟腍啖啖肉。而咁多款醬料之中，好似mix咗沙薑雞同埋蔥油雞嘅「鹽蔥醬」，意外地同海鮮幾好喎～

威士忌醺鮑魚、炙烤霸王蝦 (鹽蔥/黑蒜油)

炙烤生蠔(鹽蔥/鹽蒜)、黃油蒜烤帆立貝

如果你鍾意食甲殼類，呢個套餐一樣滿足到你！威士忌醺鮑魚、炙烤霸王蝦、炙烤生蠔、黃油蒜烤帆立貝係必食款式，用料新鮮，燒完都唔會勁縮水㗎～最特別係威士忌醺鮑魚，mix咗酒同海鮮嘅鮮甜，有咬口但唔會韌；另外生蠔同帆立貝都好大隻，估唔到任食都有呢個級數！

荃灣店擴展自助區

沙律區

夜市小吃區

花茶區、冰沙機

品牌全線都設有自助區，而荃灣店啱啱做咗擴展工程，特別加設沙律區、夜市小吃、花茶區、冰沙機、甜品櫃等，提供更多選擇畀大家。

全線獨家快閃買一送一＋折上折優惠碼：（按此）

安平燒肉  
以下分店供應：
旺角、荃灣、將軍澳

主持：歪歪

文：Cathy
相：Michael
片：Yan Yan