喺疫情繼續不穩嘅時勢，好多朋友仔都會揀留喺屋企食，又或者Lunch都買外賣返Office食。有見及此，開飯仔將會不斷為大家搜羅全城至抵嘅外賣自取餐廳，等大家安全抗疫之餘，亦可慳慳錢。今次就集齊指定食品有低至45折嘅台灣菜餐廳，揀啱更可即時撳掣用手機落單！
二人/四人特別套餐 GO熊小館(上環) 
圖：。豐衣足食。
CP值高嘅台灣菜餐廳，而家用OpenRice外賣自取點二人或四人特別套餐都有半價優惠！套餐分別係任選2或4款湯麵/拌麵/飯，配肉燥青菜，同自選2或4杯台式飲品。唔少食家特別推介香酥排骨湯麵，排骨炸得夠酥脆，加埋椒鹽好香口。
指定拌麵+熱炒時蔬+涼菜 大呷台灣(中環)
呢間台灣菜館係唔少中環打工仔女嘅食堂，由台灣師傅坐鎮，味道正宗而且選擇多元化。今次有半價優惠嘅係干貝蔥油乾拌麵跟上湯、櫻花蝦炒高麗菜、古早香菇爌肉、台醬涼拌茄子、黑醋小木耳呢五款菜式，嗌個拌麵加個涼菜或者炒菜就係份滿足便當啦。
DustyKid插畫師開設嘅台式飲品店，從餐廳門面到飲品杯、包裝等都會見到DustyKid同治愈句子。小店其實亦有售賣輕食，今次53折嘅巨塵牛肉餐就包咗牛肉伴野菜丼、炙燒雞扒沙律、曲奇，再加一款自選飲品啊！
指定台式特飲 壹.01(觀塘)
圖：foodiechans、RiceComeOpenMouth
觀塘區人氣台式食堂之一，由幾位年輕人經營，食得出真係幾用心。好似今次特價嘅飲品當中，最推介有45折嘅雙檸冬瓜茶同零冰手作芋頭鮮奶！前者係以檸檬、青檸配搭冬瓜茶嘅招牌飲品，後者以手作芋泥加上澳洲牛奶。其他食物亦有9折優惠啊。
椒鹽花枝丸 五斗米(上環)
小店主打南台灣風味，唔少食材都從台灣入口，希望令大家食到地道風味，而且有唔少夜市小食選擇，例如做緊半價優惠嘅椒鹽花枝丸，將彈牙嘅花枝丸炸至外層香脆再灑上椒鹽，簡單惹味令人停唔到口啊。鹽酥雞肉燥飯亦有7折優惠！
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？按此立即落單
文：Cathy.H