Triple O's by White Spot (已結業)

呢間Triple O's同女友食過好幾次, 次次都係兩個餐吃唔哂仲要飽到行唔到, 分量之大真係非MOS同Freshness 可以比較的(當然價錢亦係貴d啦), 次次都係叫Mushroom Burger+BC Burger Set 今次就轉一轉, 照用Mushroom Burger(63$)做膽另駁Original Burger(53$), 今次有妹妹助陣, 就要求cut half拎走趕返去油塘打波^^;薯條真係唔等得一路行去等巴士一路食上到巴士都仲不停食^^唔好睇佢一杯薯條好似唔係好多咁, 其實真係食極都食唔完, 味道當然依舊外脆內軟岩岩食果仲係超熱辣辣, 辣親個咀仔果隻!果兩個Burger要到球場先有時間食,雖然經過左45分鐘車程,但係Burger依然微曖, Mushroom Burger絕對係必食之選, 而首次試的Original Burger夠清新有大量生菜絲及蕃茄, 妹妹同女友幾喜歡, 但就唔係我杯茶, 下次都係要返BC會岩我口味多D^^3個人分2個set係岩岩好的, 下次要帶埋細佬4個人叫3個餐, 又可以試多d唔同口味^^