Pokka Cafe (已結業)

本人平時好小喺九龍區食晚飯,覺得九龍無好嘢食(平民區),無耐地今日比D Friend 拉咗過九龍湾,點知行晒成個德福間間都排晒隊,唯有搵間感覺好食嘅埋去攞個MENU睇吓啦!無錯!就係POKKA CAFE我同班Friend一睇個MENU就得都幾吸引,一於攞張飛等吓位,首先一坐底個姐姐仔就笑晒口咁介紹今日精選套餐,好似好PRO.咁,之後叫咗個南瓜湯,好鮮甜嘅南瓜茸湯底唔錯,忌廉焗椰菜香濃嘅忌廉汁加埋牛油焗得好香,原來椰菜都可以咁好味,日式燒蚝餅大大碟夠睇頭仲好香口,蟹腳黃金炒飯D飯炒得夠金黃夠乾身一流,但隻蟹腳稍為乾咗少少,蛋白海鮮香味飯,蛋白煮得啱啱好好滑配香味飯幾特別,D侍應詬香味飯係用日本香料混合珍珠飯制成,唔係周圍有得食,我都認同因為我未食過,烔海鮮飯加入牛油果幾有新意味道都唔錯,蒜香牛柳粒炒意粉,大大粒牛柳加埋用蒜片炒香嘅意粉幾掂,話時話好少西餐會用蒜片通常用蒜茸多,最後甜品叫咗兩個Share,朱古力毛士搭木糠布丁/咖啡凍餅搭Tiramisu,木糠布丁同Tiramisu滑而不漏,朱古力毛士有濃烈嘅朱古力味仲加內咗細細粒Jelly幾有口感,最正就係咖啡凍餅,食落好似雪糕入面有D碎曲