影片
更多
2007-11-05
130 瀏覽
31.10.07今天好開心, 唔單止係萬聖節, 仲係小女子生日. 還有, 今年到了一間我一直很渴望光顧的餐廳.一開門, 已見到很grand的裝修, 有少少嘩的感覺. 左邊有條木樓梯上二樓, 很典雅. 看了一會menu, 最後點了:湯~蜆肉周打魚湯: 蜆肉都幾大隻, 新鮮, 湯夠creamy, 濃郁, 正.蟹肉雲吞湯: 好味的蟹肉雲吞, 但個湯一般.頭盤~鵝肝: 我們倆都係好肝之人, 所以要了兩份. 沒有平常的那麼油, 可能是底下放了些白蘿蔔伴吃之故吧! 多了點清新, 少了份油膩感.Sorbet :要清清味蕾先…一見到, 係粉橙色, 驚驚地. 見友人試了一口, 便默默耕耘, 一吃而盡, 問友人係咪佢\喜愛的口味~哈蜜瓜. 這是我係極之不喜歡的味道. 但佢\答: “係你朋友.”咁我都放心d. 試了一口, 啊! 好好好味呀! 西柚味呀! 唔係呀! 有咁好味的西柚架咩?? 我問友人是否有興趣嘗嘗真西柚…hehe….主菜~羊扒配薯蓉: : 羊扒不算特別, 燒得久了點, 沒sabatini 出色. 但薯蓉不錯. 很香滑, 中間不知加了什麼進去, 絶不是bacon, 洋葱等搶味的東西, 而是幽幽
今天好開心, 唔單止係萬聖節, 仲係小女子生日. 還有, 今年到了一間我一直很渴望光顧的餐廳.
一開門, 已見到很grand的裝修, 有少少嘩的感覺. 左邊有條木樓梯上二樓, 很典雅.
看了一會menu, 最後點了:
湯~
蜆肉周打魚湯: 蜆肉都幾大隻, 新鮮, 湯夠creamy, 濃郁, 正.
蟹肉雲吞湯: 好味的蟹肉雲吞, 但個湯一般.
頭盤~
鵝肝: 我們倆都係好肝之人, 所以要了兩份. 沒有平常的那麼油, 可能是底下放了些白蘿蔔伴吃之故吧! 多了點清新, 少了份油膩感.
Sorbet :
要清清味蕾先…一見到, 係粉橙色, 驚驚地. 見友人試了一口, 便默默耕耘, 一吃而盡, 問友人係咪佢\喜愛的口味~哈蜜瓜. 這是我係極之不喜歡的味道. 但佢\答: “係你朋友.”咁我都放心d. 試了一口, 啊! 好好好味呀! 西柚味呀! 唔係呀! 有咁好味的西柚架咩?? 我問友人是否有興趣嘗嘗真西柚…hehe….
主菜~
羊扒配薯蓉: : 羊扒不算特別, 燒得久了點, 沒sabatini 出色. 但薯蓉不錯. 很香滑, 中間不知加了什麼進去, 絶不是bacon, 洋葱等搶味的東西, 而是幽幽的味道, 令整個薯蓉多了分生氣.
煎鱸魚: 呢個估唔到咁美味. 鱸魚本身很滑溜. 那蛋黃source 好出色, 配鱸魚不會喧賓奪主, 正好帶出魚的鮮味. 還有底下的配菜, 起初以為係天使麵, 但一吃下, 口感不對, 很爽, 是什麼呢? 我猜是薯仔之類, 因係中國東北食過類似口感的薯麵, 但只係一條條, 沒有這裡的一”住”麵咁精緻. 細問侍應之下, bingo!
甜品~
橙味梳乎厘: ok, 我們忙於拍照, 過了差不多五分鐘, 它仍屹立不倒. 算交足功課啦! 表面焗得很香, 內裡蛋白很軟滑. 可是, 糖囤積了在底部, 有點太甜了.
咖啡味焦糖燉蛋: 很驚喜, 本來不點這個, 因通常都很甜. 但這個十分好味. 表面焦糖仍是過甜, 但咖啡味燉蛋, 怎樣形容呢? 很香....很滑, 是否把一杯咖啡倒了進去?! 配上表面的焦糖, 令我們想起兒時的咖啡糖, 裡面有拖肥個隻呢?? 好滿足.
估不到仲有朱古力脆皮芝麻雪糕波波, 好可愛, 用amigo 簽簽拮住, 再由雪凍了的不锈鋼盤子盛載著, 任憑我們放肆拍照, 它也沒溶掉的跡象. 那份細心很讓人感動. 芝麻波波雪糕, 芝麻味香濃, 真係好鬼好味…無想過佢連呢d咁細微的都做得咁好.
最後, 當然係我的生日拿破崙. 不要少看佢沒什麼”內饀”, 但單靠本身的鬆化酥皮和軟軟的忌廉, 已攞夠分. 很開心, 可惜只吃了一點, 吃不下了…又忘卻拿走…有點浪費了這…
當然還少不了這裡的印有燙金名字的memo pad, amigo玫瑰和保麗萊啦! 侍應的服務也很細心, 妥貼.
咁最後一定要謝謝友人細意的安排, 陪我過了一個開心的生日.
張貼
