泉章居 (已結業)

今次3個人去了泉章居食飯!! 泉章居比我既感覺係….成日都鬼死咁多人!! 今次, 我地6:30pm 上到去(冇book 位), 好奇怪…冇乜人喎!!仲要大把table!! 因為我地坐近門口位, 眼見真係唔太多人, 多數一入去就位! 唔知因為星期一又係落雨天先係咁呢!!今次我地叫左個套餐加左一個小食!! 食得好豐富, 好飽!! 1) 小食-麻油海蜇- 好味, 好爽口2) 瑤柱冬瓜冬蓉羹- 清清地..好味!! 3) 鹽焗雞半隻- 去泉章居..我覺得一定要食雞!! 因為係佢既皇牌菜!! 隻雞好好滑, 好入味。但我地都係食唔晒…因為太多野食啦!! 4) 冬菇花膠海蔘煲- 所有材料都炆得好入味!! 而且好足料, 海蔘又好爽口!! 抵又正!! 5) 清蒸鯖魚-其實什麼叫鯖魚我都未知!! 不過, 條魚好新鮮...!! 好味!! 6) 魚湯米線-15碗; 是另外叫既!! 真係一定要試!! 湯底好鮮..好正架! 其實仲有西米露糖水送架!! 我本身唔係好like甜野, 但佢地個糖水好好味!! 好岩我!!