KaylieMak's Profile

唔係講笑，以前去親泰國都會飲番杯，前幾年香港仲開左分店！星期六行街經過沙田新城市廣場見到佢竟然有CAFÉ，有午餐、甜品，標誌性紅色為主調，加上木系枱，菱格地面，夠哂Clssic！🍰泰茶梳乎厘班戟 $88全餐飯最期待呢個甜品，即叫即做，望落好鬆軟，上面淋左忌廉泰式奶茶醬，睇得又食得！梳乎厘濕潤幾軟棉棉，加上濃濃幼茶香，一定要加埋佢個焦糖脆脆一齊食！🍰牛乳忌廉蛋糕 $45 本身其實好想叫個冰，但又怕食唔哂。但食完梳乎厘又有D意猶未盡，最後都叫多個蛋糕share食！佢入口蛋糕好軟棉棉，牛乳忌廉做得比較實在，但味道好濃厚，我覺得牛乳外仲有芝士咁，唔算太膩！🍚泰式海南雞飯 $88經典海南雞飯，雞肉都幾多件，食落嫩滑，雞皮幾爽滑。秘製酸辣醬除左點雞吃之外，用黎撈個油飯都一流，超開胃！🍕泰式冬蔭海鮮薄餅 $98第一次見到呢個口味，二話不說揀左！Pizza 唔算好大，自己/同朋友兩個Share食就啱啱好！即叫即焗，PIZZA餅底薄脆，唔會太厚身，上面有冬蔭功醬汁，酸酸甜帶少少辣，好開胃。每塊都有海量芝士，加埋Ｄ海鮮好似蝦、魷魚，口感幾好，食幾塊都唔會膩。飲品叫左杯平時未飲過嘅泰國青檸荔枝蜜玫瑰花茶，我見佢寫住排毒瀉茶幾特別。甜度叫左少甜，飲過有青檸香幾Refreshing！廢事食咁多奶茶野，另一杯飲左就泰國鮮奶抹茶，味道同預期一樣，夠滑身，有抹茶！總結：價錢正常，最方便係一間可以食齊正餐同甜品！泰茶梳乎厘班戟 有驚喜，下次會想再試埋個bingsu！…Read More

咁啱平日放假經過路經呢間越南CAFÉ，入面裝修好靚，真係有秒回峴港感覺！Non越南話解做草帽，呢樣野真係最Signature！今次同朋友除左叫左D早餐，仲叫左個PHO share食！🔶越式安格斯牛肉湯河粉 $108因為只叫一碗Share，額外再叫左牛𦟌、生牛肉，一次過食嘅幾款餸！餸菜好足料，牛𦟌炆得超級軟腍，入口即化咁制，生牛、安格斯牛肉都唔錯，肥瘦分佈OK！湯底偏向清新帶D牛肉香，飲落好舒服！🔶牛油果煙三文魚牛角包 、半份越式五花腩法包 $58平日會有幾款早餐提供，本身想叫個Yogurt Bowl，但咁啱當日供應唔到。即叫即整，牛角包、法包上枱都係熱辣辣。牛油果、煙三文魚呢個配搭真係冇得輸，食落輕盈冇負擔！法包個肝醬幾特別，同之前食過嘅味道有D唔同，但都係好食，個包好脆！🔶Coconut Affogato/Snow Lemon Smoothie  +購 $34飲品本身大約6X/杯，但呢個早餐就可以加購價，所以一定要叫！一開始打算叫蛋咖啡，但見到椰子雪糕咖啡真係忍唔住！睇到好靚，冰凍咖啡＋熱濃咖啡，雪糕中溫左咖啡苦味，我會話呢個更似係一個甜品！呢外個杯檸檬Smoothie都好正，甜度剛好，有D HERBS清新，檸檬酸甜，超解渴又Refreshing，夏天飲真係透心涼！🌟總結：環境好靚，絕對可以打卡，過黎飲杯野食下甜品！…Read More

元朗夜少少晚餐真係唔多選擇，經過見到花甲先生(新開)，馬上入去試。話說以前真係好愛食元朗花甲粉，夠哂重口味，所以今次都抱好大期望食！員工態度係好好，上菜都快手。我見佢就只開晚市6PM-2AM，仲諗住搵到間元朗邪惡宵夜店！🍜花甲先生粉  $68 💫 5/10一黎到大大碗，除左花甲、海鮮，仲有金菇、娃娃菜。花甲粉靈魂在於湯底，我飲完只能說唔夠味，到喉唔到肺。叫左小麻辣，湯底唔夠咸香，麻同辣味唔出，就咁飲都唔夠味情況下，何況配麵！讚嘅位係花甲份幾多有十幾隻，幾肉幾肥，重點係冇沙！另外我揀左一份海鮮係蟶子得一隻，明白成本貴，感覺揀其他餸菜更抵食。仲有腐皮太淋似腐竹糖水個度程度，個人不喜！總結係成碗粉唔拖唔水，寧願佢重口味到極致，而家唔夠味之餘，食完都係口渴。另外朋友叫左酸辣，味道上係重D酸D，但食唔慣呢隻酸辣，唔係食開嘅酸辣。南乳雞翼 $28  💫 6.5/10一份4隻，炸粉偏厚身，食落有D油，可以炸得更脆。雞肉幾嫩滑，但南乳味道唔夠，唔入味。新開張LIKE, SHARE 會送一份春卷，唔好食乾爭爭！總結：味道上同以前個間有一段距離，比較岩啲食開清淡嘅人，重口味人士可直接Skip！最後我係食哂D餸菜，仲有半碗粉剩。…Read More

呢間店由 2012 年起連續幾年獲得米芝蓮必比登推介獎，雖然咁勁，但其實第一次食喺美食展覽，親身叫左一碗雲吞麵，食完馬上買埋佢個麵底+蝦籽粉返屋企食！佢主打竹昇麵，係一種用竹竿打麵團製成嘅廣式蛋麵， 一種手工工藝，亦係市面上少有堅持人手手工製作嘅家庭式人情味小i店！🥢蝦籽蠔油撈麵💫 8.5/10最鐘意個麵，麵質口感清爽，有嚼勁，唔係淋身同冇鹼水味道！佢地招牌蝦籽蠔油撈麵，加埋辣椒醬撈勻，超級之惹味！唔係咩鮑參翅肚，但每隔一排都會想再黎回味！鮮蝦云吞大粒飽滿，蝦肉爽彈新鮮！牛腩正常，筋位爽彈，肉部分幾軟腍。總結：好欣賞麵質，我亦經常買佢個麵，煮完撈蠔油+蝦籽粉食一流，快食都好滋味！…Read More

我心目中香港海南雞頭三必定有勇記，今年佢出左副線食米線。作為米線FANS，星期六去開會展，順路去埋灣仔食。今次冇試到人氣黃酒藥膳雞米線，留番下次！胡椒豬肚雞米線 $73💫 8.5/10勁大碗超足料，有齊雞件、豬肚、雲耳、腐皮。首先個湯底真係冇得輸，超香胡椒味，食落夠辛辣。米線幼身超爽滑，同二撇雞一樣，配埋個湯底食都好吸湯入味！雞件就正常有咸味，但份量巨多，食到尾都仲有，認真抵食，不過係帶骨，如果可以好似海南雞咁無骨就爽。豬肚幾爽但咬得郁，冇怪味唔錯。秋冬食呢個湯底真係超暖笠笠！手拍青瓜$26💫 8/10呢個比預期中份量少，但青瓜超級之爽脆！仲要好夠酸微微辣，勁解膩解辣，作為小食係唔錯。但呢個份量 只夠1-2個人分享。總結：胡椒豬肚湯底好正，重口味人士必食，足料抵食！呢個價錢，呢個份量，仲要港島區，真係冇得輸！…Read More

平時少出港島區，每次都會發掘下有咩美食！之前對墨爾本牛肉三文治念念不忘，今次搵返相類似嘅美式三文治！裝修都好美式，飯點時間都好多外國人幫襯！🥪Pastrami Classic $130★★★☆☆第一次食當然要揀番D最冇出錯！一上枱俾佢好多層煙燻牛肉橫切面震驚，爆多牛肉，望落半肥瘦有肥肉，滴哂油！咬落去麵包薄脆，牛肉帶煙燻味好軟嫩Juicy！美式黃芥末醬可解膩，所以頭幾啖都真係唔錯，但之後就開始越食越膩！食到第二件麵包，D油已濕透哂成塊麵包，太膩喇！+$15轉Sweet Potato Fries，份量巨多，幼長身薄脆、熱辣辣，冇挑剔。🥪Pastrami Original Rebound $145★★★☆☆呢個其實都係大同少異，不過就多左芝士，同埋個醬汁轉左做千島醬！芝士好太食得出，可能份量唔夠多。明顯呢個食落比Classic更膩，始終黃芥末偏酸，而呢個就濃味啲！ Side叫左Caesar諗住食下菜Refresh下。總結：煙燻牛肉配埋Sourdough係幾好食，牛肉好香又唔係鞋口好軟嫩，但可能偏向太肥太多油，食過幾啖自己頂唔緊咁油膩，但都值得一試，下次可試佢其他款色！…Read More

其實一直都唔知壽司郎旗下有居酒屋系列，純粹見到佢有個身份證優惠-$50就諗住順便食。佢就係食物擺盆靚啲、環境坐得舒服。8點幾食完都見門外一大班人排隊！🍣並玉盛合 $93💫 7/10整體覺得普通，冇話好WOW，係比壽司郎質素好D嘅，但係咪咁大差別就唔係！一共7件壽司，壽司飯散Ｄ已調味，帶子甜嘅，三文魚、吞拿魚都唔錯！🍱原條海鰻海鮮丼 $148💫 7.5/10上枱都覺得好唔錯，海鰻有輕輕燒過下，油脂剛好又幾甜，好食！明顯刺身會比叫盛合大件同肥美。三文魚腩幾油潤，甜蝦還好唔夠鮮甜。吞拿魚中等，帶子、海膽、三文魚子都合格。但佢原來個底係提高左，傻位好少，好快到底。如果細食/女仔還好，男人應該唔夠食。🍜乾海老蜆肉拌烏冬 $38 💫 8/10雖然係普通野，但出黎鳥冬個味道、口感都唔錯，好多蝦仔撈埋都幾正，仲有十幾隻蜆仔，冇沙幾鮮甜都飽滿，呢個價錢幾抵食。總結：我個人更比較喜歡壽事郎，款式種類更多。原條海鰻海鮮丼好食但份較細，呢個價錢以丼飯黎講預期會飽肚。 …Read More

週六同朋友做完運動路經見到入去一試，入面空間唔大，大約只有6張2人枱，繁忙時段大多需要等位！🥯Classic All Day Breakfast $98★★★★☆幾豐盛，食材望落去新鮮特別係沙律菜！明治牛乳炒蛋好嫩滑，有奶香，可配蒜香多士食。但蒜香多士就普通左D，通常我都會好期待個麵包/Bagel。仲有其他食材：牛油菇、火腿、日式豬肉腸、薯餅、茄汁豆。整體都係好食，份量唔錯！🍝鮮茄辣肉醬蝦仁意粉 $88★★★★☆有3大隻去殼去腸，超級爽彈！鮮茄辣肉醬都幾濃郁惹味，撈埋個意粉，食到後期都有點辣，唔錯。☕️Coconut Americano $45 / Americano $3★★★☆☆叫完野食叫飲品可減$10，呢到咖啡偏向清啖D，絕對唔係香濃派。反而如果係想清爽，椰青水美式咖啡都幾好，有解渴但唔會過甜。總結：食物選擇方面唔多，意粉都係得2款，但味道算唔錯，咖啡就冇特別。經過唔等位可以一試。…Read More

豐信餃子相信大家都聽過，我每隔一排就會幫襯，每次飯點時間都一定大排長籠。但都無阻我想食佢嘅心！🥟香菇鮮肉餃併芫茜鮮肉湯餃7隻 $47★★★★☆其中最出名嘅椰子海帶鮮豬骨湯，次次叫湯餃都會飲哂呢碗湯！一入座已經有好幾款餃子售罄，最想食嘅西洋菜、椰菜都冇哂！香菇鮮肉餃皮薄肉餡好爽彈，菇味好香，配湯一流；芫茜餃真係睇人口味，我自己係芫茜控覺得超級之香，芫茜味超級突出，食落係大滿足！🥟紫菜鮮肉餃併麻辣白菜煎餃 10隻 $79★★★★☆除左煎餃我仲加左$17蚊加埋個金沙餃！真係超級邪惡，每隻餃子香脆仲鋪滿哂咸蛋黃，咸香又沙沙嘅口感，好正！叫到呢個時間已冇咩餃子選擇，紫菜超爆餡，煎都幾夾，我最鍾意加埋佢個辣菜脯一齊食，超惹味。麻辣第一次試就出奇地好鍾意，有麻辣香(偏向大陸風味)，但唔會太辣，一般人絕對接受到！🌟涼拌皮蛋 $22★★★★☆呢個係我每次黎都必叫嘅小食，皮蛋汁係甜口嘅醋汁，食落係超級開胃！佢仲配埋個醃薑，呢個又係我Favourite，單食配餃子、配皮蛋都得，解膩一流！🌟秘汁金錢展 $40★★★★☆呢個金錢展好厚實有一定口感，食落去札實但唔韌，佢已經滷得好入味。一碟都有6-7片，絕對有驚喜！🌟羅漢果金草茶 $12★★★★☆呢個價錢有一大枝真係好抵飲，加上食煎餃考慮到熱氣呢個問題，呢款就有清熱效果，完美。總結：每款餃子都好食，湯同煎各有特色，最好兩樣叫齊！建議大家早Ｄ食，因為8點左右已經得番1-2款餃子。…Read More

聽人講左呢間店好耐，大圍店地方較細，長期排隊，真係次次去到都卻步。而家開左銅鑼灣分店，大間D之外平日唔洗排隊。🍜好頭好尾 $120 💫 7.5/10有牛面肉、牛尾、牛舌，幾款肉特別係牛面肉都炆得好軟腍入味，個軟腍程度有D似煲湯牛肉咁。湯底幾濃郁，有牛香，似係老火湯。但呢個湯底偏清，個人認為配麵唔夠味。但飲落似健康養生，無添加咁。🍜海龍皇湯 $146 💫 8/10蟹肉、海蝦、魷魚、帶子、蠔，有好幾款海鮮，幾豐盛。湯底幾鮮美清甜，飲得出有用蝦殼、蝦頭去熬煮。飲完都唔會口渴，配陽春麵都幾夾。🍴泡椒鳳爪 $57 💫 7/10鳳爪帶骨，唔算好腍，偏爽口。唔算太辣，正常發揮。🍴意大利黑醋蒜香海蜇頭 $65 💫 6/10小食黎到真係好細份，唔太划算，大家叫主食就好。醬汁偏酸，海蜇頭比較散，但都爽脆。🌟總結：見咁多人推薦，可能太有期待感，食落覺得還好。唔係唔好食，但未令到我好驚艷！…Read More

咁熱天氣真係要食番D冰涼嘅甜品去降溫！平日 8點幾銅鑼灣店都滿座，等左一陣就入得！🍵伯爵奶茶味配白玉冰 $110 💫 9.5/10好大一份，3個人食剛剛好！雪花冰好綿密，幾濃伯爵味，但唔會太甜。入口即溶，上面有啲白玉，煙煙韌韌，幾有咬口，唔會凍到硬哂一舊！中間入面仲會有D奶凍，變相食落更有口感、豐富！真係好快食哂，又唔膩！🍰日本柚子芝士蛋糕 $46 💫 6/10因為有低銷又食唔到多一份冰，所以最後叫左個蛋糕。呢個就真係冇咩特別，十分普通。大家都係叫番雪花冰，唔夠低銷可以加D配料！總結：食完覺得太正，下次要再食埋其他口味，加上而家天氣咁熱，消暑一流…Read More

元朗國出名多野食，但唔算多韓國菜，好幾間韓國野都係正鳳攸南街，今次就試左呢間新野！標榜為香港第一間韓國刀削麵，真係要過黎試下佢咩料！餐牌主打都係唔同類型刀削麵，少量小食。另外一定要提佢地個泡菜，自家醃，味道好清爽偏甜口，餸餃子、水冷麵都好正，好食到添左2次！🍜牛骨湯刀削麵 $78💫 8.5/10份量十足，超大碗。刀削麵有驚喜，望落闊少少厚身，食落真係超有口感，好食！湯底濃白，飲落都好濃牛香，有D厚度，但唔會膩！大約有4-5塊牛展，分佈有筋有肉，口感超Q彈有咬口，一路咬一路有牛肉香！🍜水冷麵 $88💫 9/10天氣咁熱又焗，最啱食番個清涼水冷麵，入面湯底都仲有D湯製成冰塊，一路食到尾都仲係咁冰涼！撈埋醋、芥末，配埋青瓜絲、醃蘿蔔絲蛋絲，更加之清爽！🥟三拼餃子 $68 💫 8/10一大份有3款餃子，細個隻就係偏甜口D，外皮QQ地。大大隻個兩款一個係香辣粉絲、另一款就係菜+粉絲。餡料足，撈勻哂肉餡，單食都夠味道。…Read More

同朋友做完運動，唔想食D咁油膩嘅野但又要攝取多D蛋白質，俾我地搵到呢間食Poke Bowl，Set Bowl 全部有哂卡路里顯示，想減肥都可以睇住好計數！入面唔大，餐牌都幾多元，就算唔食刺身都仲有熟食選擇！✅I am Greedy $158 💫8/10懶人之選，完全唔需要諗配搭，咩都有D！最緊要係佢有齊三文魚、吞拿魚、蝦，仲有我最愛蟹籽同埋蟹柳沙律！佢食落真係超豐盛，配菜仲有雞蛋絲、青瓜、枝豆，真係肉、菜有齊！佢個醬油仲係自製，食落似日本醬油+柴魚醬油，同埋應該係煮過更香！所有撈埋就算食到一半都唔覺膩，仲係好Fresh！我就叫左飯，真係超大碗，感覺有2碗飯，細食D嘅可以叫(飯+沙律菜)！主角三文魚、吞拿魚都夠新鮮，蝦食落幾爽彈！✅自選夏威夷蓋飯 $165💫8.5/10呢個就自選左D其他野食，有八爪魚、牛腱肉，配料揀左紫洋蔥、泡菜、雜錦香菇，另外加左蟹籽、一隻溫泉蛋！醬汁就簡左芥末乳酪沙律汁！另外仲配埋日本飯素、木魚絲。雖然聽落唔算夾，但食落好滿足！超級推薦牛腱肉，炆得勁入味軟腍，有肉有彈牙半透明筋位，正！八爪魚幾彈牙，唔會霉！隻溫泉蛋熟度剛剛好，撈飯＋泡菜都勁正！🌟總結：大碗餸菜份量大，配料選擇多，咩口味都有齊，夏日清涼輕盈之選！…Read More

每日街市新鮮蝦熬製濃底，唔落一粒鹽，真材實料！鮮蝦仲要已經剝哂蝦殼，啱哂我呢D懶又為食嘅人。每次放隻經過都大排長籠，咁啱平曰2點排左5分鐘就入得，超幸運！🦐醬油蝦濃湯麵 $118 💫9/10呢個價錢，呢個質素係超哂班！上枱仲會淋一圈蝦油，令到個蝦味更突出！第一啖湯，真係完完全全係蝦，仲有好多櫻花蝦，超鮮，飲落唔會覺得膩，忍唔住Keep住狂飲，難怪見到好多人都飲到清碗！拉麵還好，我覺得佢係配角，最出色都係個湯，下次會想試埋刀削麵！去殼蝦有3大隻，蝦頭有膏，蝦身食落啖啖肉真係好爽，夠哂爽彈。🌊是日精選海鮮蟶子 $38 💫10/10每日唔同，可以向店員查詢。蟶子超肥美大大一條，入口係勁勁勁鮮嫩帶DD爽甜，大大條食落真係巨爽！醬酒味道剛好，唔會蓋過海鮮本身鮮味，有提鮮作用！食完馬上叫埋蠔黎食！🌊醬油生蠔 $38💫9/10生蠔兩大隻，好飽滿白雪雪，入口三個字大滿足！生蠔鮮甜，一D腥味都冇！食完其實想再叫埋個鮑魚食，但真係有D食唔落，唯有留番下次！🌟總結：鍾意食蝦嘅一定唔可以錯過，湯底絕對令人回味三分！另外一定要點佢地海鮮，唔洗諗，可叫哂！…Read More

之前去開Panda Hotel上面飲茶見到呢間川菜野食，出面已聞到勁香，環境又唔錯！今次就同屋企人一齊去試，座位闊落，坐得幾舒服。不過最吸引都係見到佢有個晚市優惠三寶套餐！$328包埋個魚，仲有一款涼菜、一個小菜！我望餐牌本身個酸菜都呢個$328價錢，而家即係買一送多二個餸！老壇酸菜魚💫8/10叫左小辣，滿滿一盆。主食魚片幾滑溜又厚肉，唔腥！不過第一次食叫小辣有D太保守，啱唔食得辣朋友仔，下次要叫中辣更惹味！除左魚片，仲有薯粉、萵荀、酸菜、娃娃菜 ，食完大滿足！72度慢烤樟茶鴨 $138💫8.5/10因為其他菜式全部都係辣菜，屋企人頂唔順，所以就叫半隻鴨試下佢！上枱賣相超靚仔勁有食慾，完全唔似百幾蚊貨仔。半邊鴨都幾有肉，唔會得骨。鴨肉比較結實有咬肉，但唔會韌！脾位好食酸辣魚皮💫8/10又係一道配飯一流涼菜，魚皮爽脆Q彈，有埋青瓜絲唔同配料一啖食，超滿足。酸辣味剛好，唔會太嗆喉，加上冰冰涼涼，啱哂夏天食。小炒黃牛肉💫9/10有鑊氣，以為只有青、红尖椒，但估唔到佢落左勁多香菜，而我係香菜愛好者，真係忍唔住一食再食！不過呢個真係有越食越辣！牛肉嫩滑入味，唔係好大舊咁，似係手切牛肉。可以講係咸鮮酸辣，超開胃餸飯，叫呢道菜一定要叫碗白飯！…Read More