莫義記貓山王

Open Now

Now Closed

第二次到訪莫義記記得第一次來的時候﹐已被那種群情洶湧的情況嚇了一跳﹐這次到訪﹐只見人龍有增無減..... 上次因為貪新鮮的關係﹐差不多試了所有不同味道的大菜糕﹐最後 "還是覺得你最好"﹐所以今次來個反樸歸真﹐只叫了"原味大菜糕"..... 香蕉油所帶來的微香﹐是"原味大菜糕"的精髓﹐雖則說來不難做到﹐但為甚麼可以得天獨厚﹐長期維持這條有增無減的人龍﹐必有其箇中原因。當然﹐我也會繼續樂意地做這個 "人肉廣告牌" 的一份子.....

黎澳門25-27/9之前 聽聞呢度既大菜糕係好出名既, 直至黎到官也街既門口, 先發覺原來大菜糕都可以有十幾廿十種口味, 簡直係歎為觀止.個人就對木糠及榴槤雪糕興趣不大, 不過我又唔怕聞喎, 見隔離左右食呢另外兩款甜品既都好香, 好似好好咁.Anyway, 我份人比較衰, 大菜糕係屬冇咩特別難整既甜品, 不過唔難唔代表容易整得好, 好多香港既甜品店就鍾意畫蛇添足了 大菜糕係味淡既甜品, 我就要一個要加甜味去整, 而又最簡單最普通既蛋花大菜糕, 結果味道真係唔錯, 唔太甜, o岩o岩好, 蛋花有蛋花香, 大菜糕有大菜糕清涼. 真係唔簡單.

之前去過澳門幾次, 都經過呢間野, 但係都無食到後來睇多d食評, 原來好多人都推呢間野所以對上一次去就試下勒因為係食完lunch先食, 所以有d飽, 試唔到太多野淨係食左個榴槤雪糕好似係$10 一杯, 唔算太平但係一食第一啖....正到好香好香係好甜既榴槤(同行唔食既會覺得好臭哈哈)入邊仲有少少榴槤絲, 所以真係真係好似食緊榴槤咁~~下次去一定要再食~~同埋試埋大菜糕

9 月 22 日　晴莫義記聽聞「莫義記」的木糠布甸及大菜糕都很出名，去到澳門當然要一試。我們買了一個木糠布甸及三個大菜糕 (芒果、菠蘿及三色大菜糕)。這裡的木糠布甸跟香港的不一樣。香港的木糠布甸會有點芝士蛋糕加布甸的感覺，莫義記的則像雪糕加布甸。我比較鍾意莫義記的，可能因為它像雪糕的口感，凍凍的，實實地，都幾好味。但我個人不鍾意吃那些餅乾磨成的粉 (即木糠)。至於大菜糕，口感幾爽，都ok。但三款味道都很淡！芒果味還比較有味；菠蘿味是原味的大菜糕，再加入幾粒罐頭菠蘿；三色 (紅、白、綠) 則淡到吃不出是什麼味。

我最討厭食榴槤加工品...............但見到我朋友拿起一杯~香氣四溢...在讚好...................那我決定要一杯..............感覺，好像食放了雪櫃的榴槤感覺~有新鮮榴槤鮮肉的~雪糕~~~~~~~~~味道不錯！！我食了碗芒果大菜糕...芒果味濃~試過原味~彈牙~絕對力堆！

從來不甚喜歡大菜榚, 因為以往香港路邊攤和媽媽自家制的只有食用膠之感. 多得莫義記給我正確的詮釋, MOP 8 買回大菜榚的印象, 絕對物超所值. 友人說這裡的大菜榚有一陣別處沒有的微妙的香味, 即使冷凍了仍嗅得出來. 邊吃邊嗅, 的確與眾不同.

因其名氣食過N次的莫義記，究竟有咩咁特別可以咁出名？叫了原味、芒果味、什果味大菜糕和原味木糠布甸，大菜糕和香港的沒什麼分別，不過係後面街條馬路果頭都有得賣大菜糕，莫義記又好食d。至於木糠有甸，本來覺得好一般，不過原來公雞果d極難食，所以莫義記係有最基本既保証。俾我會試沙度娜的火焰木糖布甸，都只是十一蚊，不過我已經食唔落了。

一心去官也街食木槺布甸高高興興跑黎買點知............由於自己唔喜愛榴槤對佢個味道好敏感阿姐俾盒木槺布甸我已經smell到有榴槤味點知一食...OMG*一個原味點知木槺布甸變左榴槤味暈低連朋友們都發現=[失望死*

同 honey 參觀了澳門名勝: 嘉模聖母教堂 & 龍環葡韻, 便到附近的官也街 搵食啦~ 天氣好熱, 我要了榴槤雪榚($10), honey 要了 楊枝金露($15).榴槤雪榚 真的好香榴槤味, 又有榴槤肉, 好似食榴槤咁, 好香滑又涼浸浸!楊枝金露就好普通, 其實我覺得 味道淡 而且少了楊枝金露的酸酸甜甜的味道!

明明聖誕同再之前黎食都好地地架~點架復活節同埋今次再食都覺得down grade晒架?!?!份量少左, 以前都有2/3杯滿, 依家?! 望真d, 好似得返半杯滿咋woi?! 下?! 貨價真係貴到要縮皮喇?!另外, 個雪糕已經唔再凍喇~ 3扒2撥下, 噢! 溶lu~ 唔即刻放入口都唔得喇~無晒以前食過翻尋味既感覺...

大菜糕本來就是一種很平凡的甜品，平凡得可以在家自製，只是香港己買少見少而已。驚喜？味道種類之多難道沒有令你咋舌？當然，莫義記是有缺點的，譬如越來越貴（由去年年尾至今己加價兩至三蚊，但這是大勢所趨，整個澳門如是），又譬如果店方知道你是即食的話，會立即把膠蓋沒收，這樣一來，吃蛋花味大菜糕會有榴槤味……我也有個不解之謎：怎麼原味竟是香蕉味？（這個連賣的阿姐也答不上。）

之前好似食過一次....今次同bf 黎食~叫左個芒果味大菜糕 ( $6) 係幾好味既..不過其實好似JELLY 咁....好似唔似大菜榚!定係因為咁...所以咁出名呢?!?!

買手信買到又熱又累，便買杯大菜榚降下溫。我地試左菠蘿，三色同榴槤味，味道不太特別，普普通通啦，都算幾清甜。不過價錢就覺得貴了少少，接近十元一杯。

原來木糠布甸係雪糕咁...我真係孤陋寡聞..榴槤大菜糕榴槤味唔係好重,我覺得無咩特別,唔會再咁特登走去試!

每次到澳門玩都會去氹仔官也街食榴槤雪糕&木糠布甸,仲要兩樣都食榴槤雪糕吃完之後那陣榴槤味一直都在口中盤旋...正!!!木糠布甸就林咗d,不過都好味!!!