呢到環境係日式簡約風，乾淨明亮，木檯櫈加燈光暖黃，so Japan。
屋企人有濕疹，對味精或者過多調味料都會敏感。呢度主打無添加同每日熬製湯底，用九州高湯同福岡醬油煮，香濃唔油膩，飲好多湯都唔怕👍👍
不得不提佢地嘅烏冬係自家秘方，Q彈又滑溜，餐廳亦提供多種配搭選擇。
招牌丸天槍烏冬
「丸天」係自製魚餅，魚香濃郁偏甜，咬落juicy；最正係「槍」—長30cm炸牛蒡天婦羅，牛蒡脆甜，炸到金黃香口，浸湯食唔油膩配天婦羅一流，性價比高！
雜錦天婦羅冷蕎麥麵，呢道菜係夏天或者想食輕盈食物嘅好選擇。冷蕎麥麵麵條超級爽滑彈牙，麵食落唔會有種粉嘅口感，好好食。加埋冷麵汁清涼解膩，好清爽。尤其配合雜錦天婦羅，熱辣辣嘅炸物薄脆可口，有好幾款炸物，夠晒豐富滿足。
滑蛋吉列豬扒丼，豬扒吉列外脆內嫩，食落唔會乾柴；加滑溜溜嘅蛋同醬汁，微甜帶咸，襯托出豬肉鮮味。份量大，味道夠正宗日式家常，配飯食真係一流好送飯。
因為佢嘅炸物出色，我地加配左唐揚炸雞，忌廉蟹肉餅同唐揚八爪魚。味道真係好日本，可口滋味，加埋枝富士山柚子梳打平衡下，大滿足！
