Video
Read full review
2025-04-10
79 views
Burgeroom📍銅鑼灣百德新街50-56號Fashion Walk食街地下D號舖久違的同日文朋友見面，趁我仲喺港島工作，去一次bookmark咗好幾年、Openrice人氣爆登嘅Burgeroom食晚餐。呢間位於銅鑼灣食街內嘅漢堡專門店，提供形形色色嘅漢堡包同經典美食滋味小食。朋友原來好多年前到訪過，佢表示當年香港未有咁多主打高檔漢堡嘅餐廳，所以想食Burgeroom只可以排下隊先！時至今日，生意依然興旺，好彩我哋book咗檯，否則又有排等。芝士條炸得香脆，芝士拉絲效果佳；薯條香脆可口，不油膩；至於漢堡，無論是雞肉漢堡還是牛肉漢堡，肉質都相當嫩滑，味道香濃，搭配生菜、芝士與醬汁後更顯豐富層次。整體而言，這次用餐體驗令人滿意，會推薦給喜歡漢堡的朋友。 💰$100Guacamole Chicken Burger 🥑Burgeroom對食肉同食素嘅朋友都好友善，因為佢嘅選擇實在太多，而且細心地分咗唔同category，令食客睇得舒適，揀得放心。除咗牛肉、海鮮、素等類別，仲有雞肉、鴨肉等漢堡供應，可謂琳瑯滿目。雖知佢哋嘅鵝肝漢堡好受歡迎，但考慮到健康，都係揀返個清新啲、無咁heavy嘅牛油
📍銅鑼灣百德新街50-56號Fashion Walk食街地下D號舖
久違的同日文朋友見面，趁我仲喺港島工作，去一次bookmark咗好幾年、Openrice人氣爆登嘅Burgeroom食晚餐。呢間位於銅鑼灣食街內嘅漢堡專門店，提供形形色色嘅漢堡包同經典美食滋味小食。
朋友原來好多年前到訪過，佢表示當年香港未有咁多主打高檔漢堡嘅餐廳，所以想食Burgeroom只可以排下隊先！時至今日，生意依然興旺，好彩我哋book咗檯，否則又有排等。
芝士條炸得香脆，芝士拉絲效果佳；薯條香脆可口，不油膩；至於漢堡，無論是雞肉漢堡還是牛肉漢堡，肉質都相當嫩滑，味道香濃，搭配生菜、芝士與醬汁後更顯豐富層次。整體而言，這次用餐體驗令人滿意，會推薦給喜歡漢堡的朋友。
[價錢 Price]
💰$100
Guacamole Chicken Burger 🥑
Burgeroom對食肉同食素嘅朋友都好友善，因為佢嘅選擇實在太多，而且細心地分咗唔同category，令食客睇得舒適，揀得放心。
除咗牛肉、海鮮、素等類別，仲有雞肉、鴨肉等漢堡供應，可謂琳瑯滿目。雖知佢哋嘅鵝肝漢堡好受歡迎，但考慮到健康，都係揀返個清新啲、無咁heavy嘅牛油果醬芝士雞柳漢堡。
佢哋個guac牛油果味十足，幼滑得嚟留有少少顆粒感，夾埋蕃茄同生菜，令個包濕潤啲同有層次感啲。雞肉無咩脂肪，咬落多汁，且有炭烤過嘅香味，想食得豐富揀呢個肯定無衰！
[價錢 Price]
💰$80
牛肉漢堡
朋友有啲掛住佢嘅招牌牛肉漢堡，所以menu都唔洗睇，可以直接落order。俾多$10加芝士，經典如emoji burger嘅漢堡就呈現喺眼前。牛漢堡扒相當厚身，牛味濃郁，肉汁滿滿，肉質鮮嫩無渣，非常高質。
夾層生菜、蕃茄好新鮮，同半溶嘅車打芝士簡直係絕配，加上外微脆內鬆軟嘅芝麻包，絕對係性價比之選。
[價錢 Price]
💰$35
Twister Fries
食漢堡又點可以無薯條？難得有唔同種類揀，當然要試下旋風薯條啦！薯條調味得宜，炸至香香脆脆，叫人食個不停。
[價錢 Price]
💰$65
Mozzarella Sticks 🧀
芝士條一定要趁熱食！我哋一上菜就急不及待試下係咪真係可以拉絲，事實上亦如圖所示，mozzarella cheese真係可以拉出長長嘅芝士絲！麵衣混有香草同香料，食落皮脆餡軟，芝味濃香，好玩又好食。
Post
