楊枝甘露雪花冰 (單人版)
配料超豐富！雪花冰上鋪滿新鮮芒果肉，表層淋咗忌廉同芒果汁，芒果粒粒大又甜爆～仲有2粒藍莓同幾嚿椰汁膏，食落去完全似飲緊新鮮椰青水咁清新椰香！整體都幾好食
但主體冰嘅芒果味有啲人工，食多幾啖覺得假假地～所以呢個我覺得麻麻地啦
楊枝甘露雙皮奶
芒果大概有5粒大塊，新鮮juicy～感覺比雪花冰更有楊枝甘露味，食到西柚嘅酸爽同西米露嘅Q彈！
雙皮奶唔會太甜有奶香味，嫩滑順口，夾埋芒果楊枝甘露嘅酸甜平衡，食落完全唔膩，呢個我中意😆完美收尾～
下次想試埋佢哋嘅芒果河粉同焦糖雙皮奶，好似好誘人！
