Video
Read full review
2022-12-08
42 views
爆辣冷麵 Very Spicy Cold Noodles📍 元朗西菁街富盛大廈89號地下睇過唔少食評都見有介紹元朗爆辣冷麵，呢日趁朋友又入元朗，就同佢跟風叫咗好幾款外賣嚟食。我哋見佢咁出名食辣，於是好不自量力咁叫咗蚊仔辣嚟試，食完先知原來我哋連蚊仔辣都食唔到，食咗一餐好食但辣到傻嘅晚餐。溫馨提示，佢哋只做外賣喔！ 💰$48蟹籽沙律 🥗叫咗六款嘢食，始終都係沙律最得我同朋友歡心！可能因為我哋唔係好辣之人，亦唔太食得，所以即使係叫晒蚊仔辣都食到我哋滿頭大汗，嘴唇同調條脷都紅晒！好彩有呢個凍冰冰嘅蟹籽沙律過下冷河，我哋先頂得順，所以強烈建議唔食得辣嘅朋友仔都係唔好貪得意叫辣，蚊仔辣都辣到標晒眼水；如果真係好想試，就一定要叫返個沙律啦！ $38爆炒雞軟骨 🐓呢個價錢，一大盒雞軟骨，真係超抵食！每一粒都有軟骨同些少脂肪，口感一流，至於味道，本身調味已勁好濃好重口味，加埋辣，變得更加惹味，送啤酒一流！ 💰$58爆辣炒飯 🍚呢款炒飯雖然都有辣味，但佢絕對無冷麵咁辣，配料有帶子帖邊、火腿，粟米，芫荽、腸仔、蟹籽、魷魚，蟹柳等等，同冷麵一包包嘅配料大同小異，落單時可以同店家講唔要咩料。炒飯味道正常，我欣
📍 元朗西菁街富盛大廈89號地下
睇過唔少食評都見有介紹元朗爆辣冷麵，呢日趁朋友又入元朗，就同佢跟風叫咗好幾款外賣嚟食。我哋見佢咁出名食辣，於是好不自量力咁叫咗蚊仔辣嚟試，食完先知原來我哋連蚊仔辣都食唔到，食咗一餐好食但辣到傻嘅晚餐。
溫馨提示，佢哋只做外賣喔！
[價錢 Price]
💰$48
蟹籽沙律 🥗
叫咗六款嘢食，始終都係沙律最得我同朋友歡心！可能因為我哋唔係好辣之人，亦唔太食得，所以即使係叫晒蚊仔辣都食到我哋滿頭大汗，嘴唇同調條脷都紅晒！好彩有呢個凍冰冰嘅蟹籽沙律過下冷河，我哋先頂得順，所以強烈建議唔食得辣嘅朋友仔都係唔好貪得意叫辣，蚊仔辣都辣到標晒眼水；如果真係好想試，就一定要叫返個沙律啦！
[價錢 Price]
$38
爆炒雞軟骨 🐓
呢個價錢，一大盒雞軟骨，真係超抵食！每一粒都有軟骨同些少脂肪，口感一流，至於味道，本身調味已勁好濃好重口味，加埋辣，變得更加惹味，送啤酒一流！
[價錢 Price]
💰$58
爆辣炒飯 🍚
呢款炒飯雖然都有辣味，但佢絕對無冷麵咁辣，配料有帶子帖邊、火腿，粟米，芫荽、腸仔、蟹籽、魷魚，蟹柳等等，同冷麵一包包嘅配料大同小異，落單時可以同店家講唔要咩料。炒飯味道正常，我欣賞佢將啲飯炒到粒粒分明，而且好乾身，口感比味道更勝一籌！
[價錢 Price]
💰$15/3包 $18/4包
袋裝撈麵 🍜
呢個真係食到喊咁濟，朋友笑稱應該叫「爆喊冷麵」，因為真係好鬼辣！我哋揀咗粟米、腸仔同蟹柳，三樣配料都好夾個撈麵。佢嘅麵質偏粗同硬， 條條麵到沾滿辣汁，而且用傳統膠袋仔裝住，真係辣得過癮。
[價錢 Price]
💰$40
爆多蟹籽冷麵 🍜
識呢間小店，應該唔會唔識呢款冷麵，最signature嘅地方係冷麵上面鋪滿海量蟹籽，非常適合打卡！冷麵味道同撈麵差不多，但大量嘅蟹籽令口感豐富咗，每一啖都食到好多蟹籽，咬到「卜卜聲」，好得意！
[價錢 Price]
💰$38
賽磅蟹杯麵 🫗🍜
最後就係另一signature杯麵啦，雖然同其他兩款麵差唔多，但佢多咗賽磅蟹，食落比較清新，無咁重味！而且杯裝食嘅時候比較方便，個人嚟講，覺得呢個款最好！
雖然係街坊小食店，但都拎到四粒星，因為佢份量俾得好足，價錢又唔貴，而且大部分選擇都好有特色，相信唔單止附近嘅學生哥，食唔辣嘅話大人細路都啱食！
Post
