Tan's Dessert Cafe

今日到沙田河畔花園同老友相聚， 見到有間新開甜品店-嘆甜品.即刻 入去試下， 小店以貓貓佈置同擺滿公仔超可愛， 店員親切有禮。 餐牌嘢食多選擇， 除咗甜品外仲有好多小食， 價錢仲好吸引添。
芒果飄雪：
雪花冰細緻柔滑，新鮮芒果果肉鮮甜多汁仲大大粒， 外面天氣炎熱食碗雪花冰透心涼。
宇治抹茶拼烏龍茶麻薯窩夫：
窩夫即叫即制外脆內軟， 兩款茶香口味各有特色， 加入麻薯煙煙靭靭口感有層次，雪糕球多款味道選擇。
椰皇芒果小丸子：
呢款甜品擺盤精緻， 原隻椰皇， 椰皇奶凍椰香清甜加上芒果小丸子完美配搭，芒果肉大大粒 小丸子煙煙靭靭，口感豐富。
Bbq蜜糖雞翼：
雞翼肉質鮮嫩經過烤焗外皮微微焦香，內裏保持豐富肉汁， 沾上蜜糖香甜美味。
花之丸鹽酥雞拼盤：
鹽酥雞金黃酥脆肉質嫩滑，花之丸味道鮮香，調味恰到好處。