Video
Opening Hours
Today
12:00 - 22:00
Mon - Thu
12:00 - 22:00
Fri - Sat
12:00 - 22:30
Sun
12:00 - 22:00
Public Holiday
12:00 - 22:30
Public Holiday Eve
12:00 - 22:30
Above information is for reference only. Please check details with the restaurant.
本來約咗舊同事食米線，但係間店落雨爆場，唯有轉地方行遠啲，午餐落雨真係好鬼麻煩，醒起商場有台灣嘢食，就過嚟試吓。因為太遲出嚟時間太趕根本打唔到邊爐，咁今次就試吓食個定食。個鴨屎香茶雖然係茶包，但係茶味都幾香濃。我就嗌咗個定食裏面有鹽酥雞肉香腸同滷肉飯。滷肉飯係熱嘅個份量都好足，滿足我食台灣嘢嘅慾望。但係個腸仔同埋鹽酥雞就係常溫，好似喺出邊打邊爐放題小食盤夾過嚟咁。不過呢啲當佢配菜就算唔好太認真。亦都試咗同事個三杯牛肉，個肉味都幾濃。最後跟餐有個雪糕可以自己去雪糕櫃攞一款嚟食，平時少食豆腐味就試吓，清清地唔太甜。撇除咗啲小食，個滷肉飯其實係可以嘅，半肥瘦，起碼份量好過樓下嗰幾間餐廳先。如果多啲時間打邊爐應該會開心好多。
continue reading
前幾日接老公放工，見到奧海城犇殿台灣火鍋見到「期間限定！買一送一・全農日本JA和牛嘉年華」$598/2 位，90分鐘任飲任食，星期一至四限定仲免費升級120分鐘超級抵😍每2位仲送日本🇯🇵北海道和牛半公斤，肉質細緻，油花均勻，鮮嫩多汁，入口即溶🤤8款湯底任選，我哋嗌咗桃膠土雞美人鍋，湯底足料濃郁，可以用QR code任點肉類、台灣美食、海鮮，其他火鍋配料，海鮮都相當新鮮！飲品同甜品都相當多選擇，有我鍾意食MOVENPICK 雪糕和豆腐花
continue reading
位於奧海城台式火鍋店，近來推出期間限定 「買一送一 全農日本JA和牛嘉年華」。90分鐘任飲任食，每2位送半公斤日本A5和牛，仲有多款火鍋配料同台式小食。一人價錢，二人享受，確實非常抵食～日本A5和牛雪花紋理精緻，顏色粉嫩，賣相已經好吸引。放入口感受到油香滿溢，入口即化，為左呢碟和牛黎都抵。其他火鍋配料美國極佳牛肩胛肉、澳洲牛肉、安格斯牛肉美國牛板腱、紐西蘭羊肉卷、阿嬤燒酒雞、海蝦、海蜆等，仲有台灣腸、小籠包，仲有芋圓，選擇都唔少～
continue reading
90分鐘任飲任食，原價每位$598，但而家做緊買一送一，超級抵。每2位就會送日本A5和牛送半公斤份量真係幾多，擺盤又靚～和牛顏色粉嫩，雪花紋理細緻豐富。肉質細嫩柔軟滿滿油脂感，幾乎入口即化，真係好不一樣。8款湯底任選，我地四個人就揀左一品酸菜白肉鍋同藥膳紅燒牛骨鍋～可以用QR code任點美國極佳牛肩胛肉/澳洲特選牛肉/上選安格斯牛肉美國牛板腱/美國豬梅花/紐西蘭羊肉卷/阿嬤燒酒雞/海蝦海蜆/台灣鴨血/百頁豆腐 ⋯仲有多款小食，例如小籠包同小籠包同台灣腸～甜品有芋圓同Häagen-Dazs雪糕。
continue reading
睇相以為好好 望落裝修都靚 諗住都好多嘢食 去到見到外面可以夾嘅嘢都係得蔬菜，同埋啲豬皮魚蛋蘿蔔 同啲炸得唔好食嘅嘢食兩三款 有豆腐花，涼粉 佢嘅唔知乜嘢平價雪糕好難食連個細路仔都放棄!重點係啲主食每款都走去試咗 全部啲肉嘅質素都好差，係啲質素比較唔掂嘅嘢！唯獨佢個藥材味嘅雞湯底係好味，亦都好好飲 整體佢所有嘅食物質素都係屬於平價嗰種 質素比較似啲好平價好平價嘅打邊爐質素 性價比覺得好低 俾個環境同啲相引咗入嚟 真係冇下次 ！
continue reading