Video
7-min walk from Exit C2, Cheung Sha Wan MTR Station
continue reading
Telephone
28661188
Introduction
This restaurant imports a lot of ingredients from Japan, such as seasonal fish. It mainly serves sushi. You can enjoy a meal under a simple wooden design, or communicate directly with the chef if you are sitting at the sushi bar.
continue reading
Opening Hours
Today
12:00 - 15:30
18:00 - 22:00
Mon - Sun
12:00 - 15:30
18:00 - 22:00
Above information is for reference only. Please check details with the restaurant.
About Reward Scheme
Offers
又到星期五晚，喺完咗一個星期工作而最輕鬆嘅晚上，所以，兩公婆就懶煮出街食，亦想食餐好嘅慰勞吓自己。今次近近哋過嚟長沙灣尾食吓日本嘢，呢間「Yuyu Sushi」喺住晌附近嘅親友推介，讚其性價比高，其實之前晌樓上嘅酒家同一班親戚食做節飯時已留意過呢間餐廳。走進餐廳，一室燈光柔和，傳統日式淺木色系裝修，左右兩排喺4人座，中間兩行喺卡位，最鍾意喺啲間板加咗啲小屏風，同前前後後及隔離位都遮一遮，私隱度都高啲。我哋被安排坐晌卡位，感覺寧舍闊落，晌呢區嚟講，絕對喺頗舒適嘅居酒屋之一。餐廳尾喺壽司吧枱，如果單純嚟食壽司，又想跟師傅交流吓，喺理想位置。而事後想搵廁所時，發現壽司吧傍有條通道，可以通去另一邊用餐區，猶如一個半開放嘅私人廂房。雖然，餐廳嘅名字用上壽司，但翻一翻餐牌你就知點會得壽司咁簡單，如居酒屋般，種類包羅萬有，選擇非常之多，更喺圖文並茂，包括：晚市定食、刺身、壽司、卷物、手卷、前菜、沙律、湯品、串燒、天婦羅、揚物、鍋物、一品料理、食事、冰淇淋……等等一應俱全，定價亦好親民，所以，老婆話今餐食得豐富啲！用上二維碼下單，清清楚楚，減少錯誤或爭拗，呢個都喺飲食業嘅趨勢，加上介面易用，點餐方便。之不過，壽司都喺其主打，依家仲有啲推廣，任揀每4款手握壽司就有8折，可謂食得更抵。此外，晌唔同時段，店家仲提供多種優惠，例如午市唔收加一，學生午市定食減$10，歡樂時光啤酒、清酒半價，外賣自助9折……等等。食日本嘢，除欣賞食物之外，啲餐具都比較靚，值得多欣賞一下。講咗咁多，依家就去片，睇吓今晚我哋食咗乜，先嚟串燒，再試試啲定食！雞軟骨串 $26/兩串、活鰻白燒 $48雞軟骨純粹過過口癮，咬落咯咯聲，軟中帶韌，配啤酒就最過癮；而活鰻白燒喺店長推介，活鰻比起一啲冰鮮貨自然更優質，而且，雖然簡單燒香，唔加任何醬汁，但正正咁樣先突出活鰻嘅原味道，，味道油潤，口感更彈牙，外皮更脆口。牛舌 $48話時話，小弟確喺幾鍾意食燒牛舌，晌小弟嘅日本菜食評中，不時見其蹤影。啲牛舌燒到有啲焦香，咬落有韌勁，極具咬口，加上牛舌獨特嘅味道，再沾上少少芥辣，更具風味。田園沙律、味噌湯、茶碗蒸所有晚市定食都列明會奉送前菜、味噌湯、茶碗蒸，先講講啲沙律，都喺簡簡單單嘅沙律菜、日本青瓜、車厘茄伴胡麻醬，用料新鮮，清爽好食，叫人開開胃先；味噌湯除咗麵豉味好香濃之外，湯底更有唔少昆布，味道豐富，食完個沙律再嚟暖和一下腸胃，喺好好嘅配搭。而茶碗蒸好有誠意，唔單止蒸得滑溜，又好有蛋香，裡面仲有好多料，包括冬菇、雞肉、銀杏、蟹柳。銀鱈魚西京燒定食 $158老婆食日本嘢，壽司、剌身唔啱佢，佢最心水就喺銀雪魚西京燒，近乎遇到餐廳有供應呢道菜式，佢都會點，今次也不例外，而佢食過好幾間日本餐廳嘅銀鱈魚，呢間可以講最抵食，因為呢個價俾到足兩大件，坊喺少有。件銀鱈魚唔單止燒得外皮焦香，肉質細緻嫩滑，極富油香，絕對喺高質素嘅貨色，沾上少少沙律醬，風味更佳，而飯粒黏糯有米香，一口白飯，一口銀鱈魚，佢話絕對喺大滿足。事後店長問吓我哋對食物滿唔滿意，先知店家嘅銀鱈魚喺醃足兩日先再嚟燒，誠意十足。特上壽司定食 $205既然呢度明顯主打壽司，小弟就揀番款壽司定食，餐牌中共有兩款：精選壽司定食和特上壽司定食，相中後者，標明有吞拿魚中腩、帆立貝、海膽、鰻魚、鯛魚、甘蝦、油甘魚、三文魚、魷魚同青瓜卷共10款，喺一份非常豐富嘅壽司定食。啲魚生睇落好有光澤，雖然有話最好嘅次序喺由味淡食到味濃，不過，放鬆心情食，隨意盲選個次序，一樣好有特別嘅豋體驗。整體嚟講，食落的確好新鮮，唔同嘅魚生，有唔同嘅味道同口感，可謂各有亮點，如果要我揀最好食嘅，真喺好難落手，因為好幾款魚生都好高質；此外，幾鍾意飯粒細細，一啖過放晒入口，而飯粒捏得鬆軟，唔死實，師傅手勢好。冧酒提子雪糕、抹茶雪糕 @$18甜品一環就唔多選擇，就只有共4款口味嘅冰淇淋，有啲售罄，但剛好剩番嘅冧酒提子雪糕、抹茶雪糕都啱我哋口味，尤其老婆都算得上喺抹茶控。冧酒提子雪糕入口滲出陣陣冧酒香，卻唔太嗆喉，加上提子可以增加口感，而抹茶雪糕嘅抹茶味好突出，又富奶香，口感軟滑，唔會有冰感，老婆大讚超好食。今餐食得好豐富，加上各樣菜色都表現出色，讓我哋都感到大滿足。再者，環境舒服，侍應有禮貌，亦會主動幫忙、收拾用餐後嘅碗碟，令整晚用餐嘅體驗都好暢快，值得翻兜再幫襯嘅小店。
continue reading
🔹️今日到長沙灣 "Yuyu Sushi" 午餐🥢 店內環境舒適衛生🌿 食物新鮮💫 店員細心友善🧑💼👩🏻💼 價錢超親民💰💫我們點了兩款壽司烏冬定食 🍱每Set 除了烏冬或蕎麥麵外🍜 還有5件壽司🍣 沙律菜和麵豉湯🥣 更可以優惠價追加小食🍤🍢🧆🔸️安格斯牛肉烏冬定食🥩🍜牛肉肉質軟腍多汁、肉汁豐盈、脂肪甘香可口, 烏冬幼滑😋🔸️日本黑豚肉蕎麥麵🐖🍜豚肉軟嫩鮮香, 蕎麥麵淡淡的清香、口感彈牙👍🔸️壽司🍣選了D1和D2D1: 帆立貝、 白魚、魷魚、 油甘魚、 三文魚D2: 赤蝦 、鰻魚、 北寄貝 、油甘魚、 三文魚壽司鮮甜美味、舌尖留香🥢🔸️雞軟骨串🐔🍢雞軟骨色澤金黃, 口感爽脆, 啖啖索索聲😋🔸️大蝦天婦羅🍤天婦羅蝦金黃酥脆, 口感外脆和蝦肉彈牙, 配上天婦羅醬汁的鹹甜滋味Perfect 👍🔸️廣島炸蠔🦪炸蠔外酥內嫩的口感, 味道呈現鹹香, 還有蠔肉的鮮甜和海水味Yummy🤤🔸️巨峯梳打🍇🍹提子的酸甜味和碳酸飲料的氣泡感滿滿, 紫色迷人☺️🔸️蜜桃梳打🍑🍹水蜜桃的濃郁芳香、味道鮮甜美味, 橙色吸引😍🔸️冧酒提子雪糕🍨濃郁冧酒的酒香和提子乾的甜美與濕潤的口感, 口感層次豐富 ~ 香甜醉人🥄🔸️綠茶雪糕🍧帶有清新的綠茶香氣, 口感柔滑細膩👍
continue reading
長沙灣超舒適居酒屋.最近去長沙灣探朋友，諗住喺附近搵地方一齊食lunch，佢話屋苑附近有間日本餐廳環境幾舒適，於是就決定同佢一齊去。.餐廳係居酒屋嘅風格，溫暖嘅木系裝潢，卡位寬敞，人流唔算多，靜靜地都幾啱傾吓計。.午市套餐免加一，選擇多樣，包埋開胃新鮮的沙律前菜同埋暖胃嘅麵豉湯，性價比幾高。.梅林吉列豬扒 $108 （套餐）炸得金黄酥脆，肉質鬆化，配上清爽嘅椰菜絲同埋酸酸甜甜嘅醬汁，恰到好處。.三文魚赤蝦丼 $115 （套餐）赤蝦非常鮮甜，三文魚份量非常慷慨，而且係厚切，上面仲灑滿大粒飽滿嘅魚籽。飯量充足，配料有青瓜、醃蘿蔔片同埋薑片，每一啖都口感豐富。.荔枝冰紅茶（跟餐價加$10）跟餐叫咗杯荔枝冰紅茶，荔枝味濃郁，冰紅茶剛好中和返啲甜味，甜而不膩，非常推薦。.提子冧酒雪糕（跟餐價加$10）最後加多個提子冧酒雪糕作結，以微醺嘅狀態為呢個和風午餐畫上完滿嘅句點。.Yuyu Sushi (長沙灣)長沙灣青山道399號喜薈商場1樓2號舖
continue reading
🍣長沙灣親民居酒屋🍲------------------------------💛壽司4客(8折)-💵131叫咗法國鵝肝壽司 炙燒三文魚腩壽司 炙燒千島醬三文魚壽司 炙鰈魚邊壽司🍣全部材料都非常新鮮🥰份量啱啱好🔥油脂感豐富💥食完都仲係意猶未盡😍💛芝士炸蝦卷-💵48新鮮即炸嘅炸蝦🍤配埋青瓜絲🥒同醬汁😳食落去層次好豐富🤤💛三文魚腩刺身-💵85新鮮嘅三文魚腩😘一咬就化開😙非常厚切🥳非常有滿足感🥸💛牛肉壽喜燒鍋-💵148🔥超級十分有驚喜💥份量足夠兩個人食🙈牛肉煮得啱啱好😍醬汁甜甜地🥰送飯一流✨小編十分推薦😍💛清酒煮蜆-💵98每一粒都有清酒嘅香味😋粒粒都非常飽滿😍💛荔枝梳打-💵30以為平平無奇🧐原來係用新鮮荔枝整成🤪越飲越甜😘喺新鮮水果嘅甜味☺️非常好飲------------------------------🤤好味度：9/10🧚🏻回頭率：10/10
continue reading
呢一間平民居酒屋，雖然離主街有啲遠，但如果你有啲時間，又想坐得舒服啲，呢度都幾啱！佢嘅午市套餐真係幾抵食，一個set又有烏冬又有壽司，都唔使$80 ！我朋友叫咗牛肉蕎麥麵，唔會係一個主餐咁大碗，但係牛肉都好大塊，食得都夠飽！而壽司就不過不失啦！我嗌咗佢哋嘅雜錦魚生丼，三文魚都幾新鮮，啲飯就有少少硬！價錢就中位啦！不過要講講佢哋嘅set。想食得豐富啲，加$10都有一個綠茶雪糕，綠茶味好濃，都值得加！！
continue reading