宇治初時@自家創作料理

Open Now

Now Closed

葵涌廣場小店多羅羅，過來揾食，感覺年青番晒嚟⋯⋯話說有次和朋友傾開葵廣有乜好嘢食⋯⋯依個問題，問學生就最清晰。最後她二話不說就點這店，宇治初時@自家創作料理，於是Bookmark ，單看店名最初以為是吃抹茶系列，殊不知原來吃特色風格的湯粉。今天到訪葵芳，中午繁忙時段，已有多位食客排隊。看餐牌，首次到來，反正從未試過，當然是選招牌項目，但細看有趣的是，其中有一款是:極尚濃湯粉絲，還有個 ？ 的符號，相信是㕑師發板吧！還有選擇辣度方面~小天使= 唔辣天使= 小辣🌶️🌶️人類= 中辣🌶️🌶️🌶️魔鬼= 大辣🌶️🌶️🌶️🌶️🌶️筆者當下選擇了唔辣，想吃原汁原味的感覺，原來筆者是小天使⋯⋯調魚濃湯粉絲$55~向店員落單付款後，店員純屬地問湯底需要的辣度、粉的種類，外賣還是堂食等⋯⋯完事就會說: 15分鐘後見。於是食客就會乖乖地等，外賣自取的話就會行吓先再回來，由於筆者是堂食，於是就看著他們繁忙地煮，乖乖地等着⋯⋯店外有兩張圖小枱，註明使用15分鐘，方便堂食用膳⋯⋯由於中午繁忙時段，筆者足足等了二十分鐘，足以證明這裡必是人氣食店⋯⋯先嚟一啖湯，湯底相信是千島醬汁加入魚湯，調魚很爽脆，配上娃娃菜，粉可以選銀針粉、檬粉、

這間店舖無論什麼時候都是人頭湧湧，其實我已經來過很多次，但係每一次下午的時候都已經全部粉絲賣完了。今日特意在開店前就已經來排隊，等了30分鐘終於買到這個魚片粉絲。粉絲的軟硬適中， 10分吸就湯。魚片的質感很好，食得出是新鮮的來貨。果然已經明白到點解每一次來到都賣完唯一覺得可以改善嘅地方就係等待時間實在太長了，今次已經係開店嘅第一個顧客，但係要等30分鐘先至可以食粉絲，有啲長時間。店舖外有一張小小的桌子可以比客人堂食，但是位置有點狹窄，所以大家要有心理準備

等咗20分鐘，充滿期待去食呢碗粉絲，心諗蝦湯同粉絲應該好夾，點知十分失望，有一浸酸酸地嘅味道，以為係蕃茄，但又唔係蕃茄嘅鮮味，後尾睇返食評見到有人形容係千島醬，形容得好好，就係呢隻味搞到個蝦湯完全唔好食，最慘仲要熱辣辣企喺度食。朋友就買咗隔離劉乜也嗰間蝦湯去試，嗰間就真係好食，有鮮味

想食好耐，見好多人推但次次黎葵廣都食太多小食，所以次次都冇食到，決定今日一定要食到呢間！！！櫻花蝦湯粉絲🦐呢碗櫻花蝦湯粉絲嘅味奶味重得嚟好滑，上面亦有大量櫻花蝦，但個人覺得奶味蓋過咗蝦香味，有啲可惜。等候時間實在有啲長，我地等咗一小時，真係好多人等🤣🤣不過可以去行下食其他野。粉絲嘅質感幾好，吸收咗湯底嘅味道，入面嘅蝦有三隻，菜切得幾細，方便擺入口。📍宇治初時@自家創作料理 (葵芳）葵芳葵富路7-11號葵涌廣場2樓2020號舖

叫左個鋪頭推介必食櫻花蝦濃湯粉絲🍜，假日要等25分鐘。碗湯飲落係好濃既千島醬再溝水，第一啖食落係驚多過喜，如果鍾意食千島醬pizza可以叫黎試下😶‍🌫️材料仲有豆腐，雜菜同蝦，但唔太覺有蝦味。不過我唔太好千島醬🥲，朋友鐘意食但話千島醬個味唔夾粉絲，本身以為會係咸味加好濃嘅蝦湯，再加啲辣味，點知。。。。好失望，好在無叫兩碗可以讚既位，有三隻剝咗蝦殼嘅蝦，收銀店員笑容同服務都好好🤭如果唔洗等都未必會再encore ..

食評這碗宇治湯底香氣撲鼻，湯底濃郁，帶有微微的酸辣感，讓人垂涎欲滴。魚片鮮嫩，與透明的粉條相得益彰，口感滑順。配料豐富，增添層次，整體味道令人滿足，適合喜愛海鮮或是有點叻沙感覺的食客。

最近葵廣嘅呢一間小食店真係好Hit，因為佢哋嘅濃湯粉絲讚不絕口！今次嚟到見到佢哋特別多人等，講緊嘅係平日下晝都有10幾個人，觀塘真係一時無兩啊！今次食嘅係雕魚濃湯粉絲， 50幾蚊唔算特別平，而且都要等15分鐘，對佢都有幾大期望。拎上手覺得都幾足料，一用筷子夾開，原來好多粉絲！佢嘅味道真係幾好，啲魚煮得啱啱好唔會過熟，而且都有差唔多10片，呢個價錢嚟講算係唔錯，加上佢哋個湯都幾濃，好快又食晒成碗啦。唯一美中不足係佢哋嘅粉絲唔係用湯煮，而係煮完粉絲之後再倒湯落去，所以食起上嚟就會變咗成餅粉絲，要用啲力先至可以整散啲粉絲之餘，粉絲又唔可以吸收晒湯嘅味道，不過呢個價錢絕對有下一次！

宇治初時自家創作料理📍葵廣2樓鯛魚濃湯粉絲 $55叫左小辣少少似冬蔭公湯湯底濃郁👍🏻👍🏻魚片新鮮爽口粉絲偏淋幾掛汁 (*^_^*)味道👅一流7.5/10

今日途經葵涌廣場，並肚餓。之前已經食過宇治呢間嘅魚皮。今日一於食返魚皮，叫咗個大份，真係超級大塊超級大塊，今日叫咗個魔鬼辣，我幾鍾意食佢個醬，辣唔算好辣，係略嫌個魚皮太大塊，試咗佢個櫻花蝦粉絲，有兩隻蝦送，今日都係叫咗個魔鬼，真係唔係好辣，個櫻花湯係勁好食，勁多櫻花蝦，唔錯下次會再食

又到葵芳廣場掃街，2樓一間叫做「宇治初時」嘅小店，主打自家創作料理，唔再係千篇一律嘅魚蛋燒賣，俾你多個新鮮選擇。今次我就專登入去試吓，真係有啲驚喜！可能因為我去得比較晏，好多招牌嘢都已經賣晒，但都成功試到佢嘅鯛魚濃湯粉絲。湯底唔係一般街邊見到嘅清湯，佢係用「宇治湯底」煲製，味道濃郁之餘又好有層次，仲帶住少少鮮甜。至於鯛魚片，口感偏脆爽，有啲似脆肉鯇，但要提醒大家，魚片有少少細骨，驚魚骨嘅朋友就要小心啲。另外，我仲試埋佢嘅宇治涼拌魚皮（唔辣）。魚皮夠大件，完全冇腥味，入口好爽滑，配埋佢特製嘅宇治醬汁，即刻提升埋整個口感同味道，真係一啖接一啖停唔到口。整體嚟講，呢間小店唔算大，但食物質素有驚喜，湯底、魚皮嘅處理都見到用心。如果你去葵芳掃街，唔想來來去去都係食嗰啲，不妨試吓「宇治初時」，一定唔會令你失望。

今日聽朋友介紹去咗葵廣掃街！都有一排冇去啦！佢話呢間宇治初時好出名，YouTube好多人介紹！所以即刻去試吓。去到見到佢Menu其實得三款粉揀，分別係鯛魚濃湯，蝦濃湯同埋極尚濃湯。朋友問咗店員，極尚濃湯就係有鮑魚同埋其他配料。但我哋今次就冇試到啦。叫咗一個鯛魚濃湯同一個蝦濃湯粉絲。其實佢都有好幾款可以揀，可以揀米粉米線粉絲等！但因為去嘅人都多，落咗單之後要等差不多15分鐘先有得食。兩款個湯都好濃，好正！完全唔腥，仲非常之香！兩款個湯都有啲相似，蝦濃湯就會多咗啲鮮蝦味。蝦濃湯嗰款上面配咗幾隻鮮蝦，佢幫你剝埋殼，好易食。鯛魚濃湯就有少少魚骨，食嗰陣要小心啲，但個魚超級爽口彈牙！兩個湯頭配粉絲都好正，而且係足夠飽肚嘅份量！唯一缺點係冇得坐喺度食，食湯粉嚟講一路行一路食都有啲論盡，舖頭有一張可以立食嘅枱，但客人數目比較多，可能就要等吓先有得用啦！如果驚冇位，叫外賣返去食就最舒服啦！

真係好好味魚片爽脆 好多舊 好滿足 nice nice nice!!!湯濃酸酸辣辣 真開胃粉絲煮得啱啱好我至愛食左咁多次都一路保持到水準過年食到 真開心留港消費 老闆加油食左少少先記得影相

在葵涌廣場二樓的餐廳，雖然沒有坐位，但可以立食和外賣。鯛魚濃湯粉絲是這店家的招牌之一，可以自選辣度，由不辣到魔鬼辣4個級別，放上鰹魚花及香草增加層次感，由其湯底特別香濃奶滑，並帶有酸辣感。濃湯底就是用店主自家研發的宇治酸辣醬調配而成，所以口味非常有獨特性。魚肉結實彈牙，而且配有蠻多蔬菜的。除了粉絲以外，還有銀針粉和瀬粉可以選擇。光顧的客人挺多的，午餐時段建議早點打電話先下單，不然現場大概要等20-30分鐘左右。

4點去到蝦湯已售罄買唔到蝦湯 唯買有鯛魚濃湯兩個人share一碗等左30min有多 枱得兩張 冇位要拎住食宣傳話係自創湯底係有驚喜但驚大於喜🫠湯底唔係一般大眾理解嘅魚湯 不單止冇魚嘅鮮味 仲要酸酸地佢唔係普通酸辣粉/酸菜嘅酸味而係千島海鮮pizza醬味🫠 個人覺得個魚片同脆肉鯇魚片冇分別唔理解魚湯點解係酸 又唔理解點解係脆肉鯇質地個人覺得魚肉同酸酸地千島醬味完全唔夾好彩冇叫兩碗如果蝦湯都係一樣可以慳返唔洗試

呢間鯛魚濃湯粉絲已經係葵廣必食人氣店鋪！見到好多人介紹，人流又超多，Bellyjai即刻黎試試佢。佢地係用自己研究幾年、需要慢煮六小時嘅宇治酸辣醬加上濃湯🌶️🌶️製造出令人一試難忘嘅味道🤤食完辣辣嘅粉絲後即刻去隔離飲番杯桃膠飲品解辣🍼簡直係完美嘅一餐❗️————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣▪️宇治鯛魚濃湯粉絲 $50有唔同辣度選擇，我地叫左三個辣椒嘅人類辣🌶️🌶️🌶️即使好重辣味都蓋唔住鯛魚濃湯嘅香味🐟加上辣椒醬嘅酸辣感，好開胃！而上面仲鋪住大大塊嘅無骨鯛魚片，唔鞋之餘仲要幾彈牙，粉絲都好索湯嘅味道🥹加上娃娃菜食到最後可以連湯都飲埋添，大大推薦❗️