風車

Open Now

Now Closed

到大圍嘅美林邨探望朋友，朋友介紹咗“風車”畀我，平時佢都會來食，如有朋友來更加要介紹，事關“風車”喺呢區都屹立咗好多年喇。我鍾意海鮮，而朋友鍾意肉類，因此呢晚两個餐就係一個“龍蝦意粉套餐”和另一個“黑椒羊柳套餐”。两樣都有跟前菜，湯及飲品。前菜之一係“鴨胸蕃茄莎莎生菜包”，擺盤好靚，生菜上邊有鴨胸及莎莎醬，色，香，味俱全，另一頭盤係“香煎阿拉斯加蟹肉餅”，蟹餅下有一片脆卜卜多士，蟹餅調味適中，可食到啖啖蟹肉，又係我至愛吖。湯有兩款可揀，两樣都要晒，南瓜湯較淡味清新啱我，可品嚐到南瓜的清香，龍蝦湯好濃郁，入邊還有蝦肉及帶子肉，好正good 👍意粉餐裡有半隻焗得好香口的龍蝦，芝士味濃，蟹膏亦多，意粉亦好大份，仲有啲菇類，意粉不會過腍，有口感；羊柳餐除咗羊，啲配菜有蕃茄仔，椰菜及西蘭花，還有焗薯角，豐富材料，食得高興smile 😊

今日去大圍食西班牙菜。一入餐廳就被呢盞大型水晶燈吸引住，好有氣派。皮製坐椅很舒服，讓人拋開繁忙的都市生活，坐低摸下酒杯底，傾下計。呢度仲有個大型電視同飛標，啱晒一大班朋友黎睇波，玩番晚。Menu 設計簡約，個drink list好grand。食物方面：鴨肉被滿滿既蕃茄醬包圍住，酸酸甜甜很開胃。Parma Ham不太咸，加上有生菜絲墊底，口感夠fresh。魚柳同薯條炸到脆卜卜，好乾身，唔會有油膩既感覺，真係好食到唔停得口，送啤酒一流。肉眼扒好大塊，我點七成熟，肉唔韌夠嫩，牛味重同個汁好夾，配上新鮮菠蘿同薯角、西蘭花、椰菜花點聚，擺碟好靚。總括來說，菜式設計有心思，員工服務週到，就連老閣都親身送上主菜及進行介紹，令我有賓至如歸既感覺😍

中午和朋友經過大圍，見到呢間餐廳名幾特別：「風車」，一於入去試下睇餐牌有好多選擇，樣樣都想食，我地最後揀咗以下既餐：流心藍芝士牛肉漢堡（$79）充滿牛味既漢堡，好足料，牛肉厚切得黎又唔會靭，同流心芝士融合埋一齊，好正，咬落去唔肥膩，個包軟硬適中煙三文魚配田園沙津(+$25)煙三文魚好大片，好鮮甜，好抵食法式龍蝦湯(+$15)龍蝦味好濃郁，加15蚊就有真係好抵風車鑊仔早餐（$92）（好豐富，有黑松露炒蛋，香腸，煙三文魚，田園沙津，煙肉，牛角包）其中既黑松露炒蛋好滑，仲落咗好多黑松露，好正👍👍牛角包散發住陣陣既香油香，外層金黃香脆，內裡既酥皮好鬆化👍玫瑰咖啡（+$12）飲落去除咗有陣陣既咖啡香之餘，還夾雜著清新既玫瑰味，估唔到玫瑰和咖啡都幾夾荔枝梳打（+$12）甜度適中，味道好清新，愈飲愈入味整體黎講，我地都好滿意呢間餐廳，下次會再幫襯

去大圍接女朋友放工&食dinner，佢同事話呢間嘅乳豬好好食，咁就試下佢啦。到左先知係Restaurant & Bar~吊燈好靚，我地坐低左就叫野食，勁快就上菜，黎左兩杯野飲先~Brooklyn Stonewall Inn IPA ($60)入口有果香味，容易入口，幾清爽。Cool Mint ($72)好好飲，唔會太甜，入口有好香嘅荔枝味。原來有薑汁汽水，唔怪得咁好飲啦。意式炒大蝦薯仔($99)大蝦好爽口，薯仔唔會太硬，仲有其他配菜四季豆都好好食。意大利帕爾馬火腿薄餅 ($159)我本身好鐘意食PARMA HAM，但重點係個PIZZA都好好食，我好怕有D餐廳嘅薄PIZZA淨係脆口，唔好咬，但呢個個面係軟，底焗得夠脆，配埋個PARMA HAM簡直完美。西班牙脆皮乳豬配彩椒汁 ($229)主角終於出場，上菜個陣有蓋，餐廳職員比我地開，開個陣有煙，用煙燻過好香，滿滿儀式感呢個乳豬真係超級好食，超級外脆內軟，脆皮唔會好厚，裡面D肉又滑又嫩，肥美多汁，食完會有幸福嘅感覺。下次想試埋意粉同肉眼扒，睇返D相搞到好肚餓。埋單

去完美林探朋友，就去大圍街尾油站果條街搵食，路經呢間叫「風車」的餐廳，比佢氣派水晶燈吸引咗入去😂打開餐牌，選擇都幾多，有套餐有散叫。Drink Menu就表達清晰易明，紅酒白酒CocktailMocktail都有齊。意式鹹牛肉沙律🥗想食d野開下胃先，就點咗呢款沙律。沙律菜食落夠Fresh，牛肉少少咸咸地吊下味，一凹一凸match😊炸魚薯條因為我地叫咗2杯Mocktail，所以就想食下d香口野。以前去英國海邊食過，好多都係遊客價得黎，又唔脆又要拎住係街食。今次正正經經係餐廳食，水準不錯😜魚肉入口滑嫩，粗薯條更是熱辣辣，證明即叫即做🔥肉眼扒上菜前有一膠盒焗住，打開即有浸浸蘋果木煙燻味湧出，儀式感十足😂 不過未知是否焗一焗所以牛扒由5成熟變成7成熟，建議大家可以挑戰下3成熟，咁就岩岩好😜 牛扒配上鮮甜菠蘿，果汁及牛肉味在口中混合下，口感新鮮👍🍹Strawberry Colada🍸Cool MintColada: 椰香及草莓味比例恰當，入口香甜Mint: 原粒荔枝配上清新薄荷，經典之選

🍽 風車📍地址: 大圍積存街50號葵偉樓地舖💰只供參考💰人均$50-$100😋👉🏻 響門口睇平平無奇 估唔到內有乾坤裝修同環境都好適合拍拖👫同埋佢有部超大電視 夜晚用黎睇波一流👉🏻香濃蘑菇餐湯 跟餐+$0推介‼️一上台比佢嚇親 估唔到咁嘅價錢竟然會落咁多蘑菇😍😍唔止足料 味道仲岩岩好 食落唔會漏為美好既一日拉開左序幕👉🏻轉煙三文魚沙律 跟餐+$25煙三文魚勁有心機圈到一朵花咁 睇見都開胃蕃茄仔鮮甜 好好食😋👉🏻風車鑊仔早餐 $92(黑松露炒蛋、紐倫堡腸、煙三文魚、牛角包、蕃茄、田園沙律配薯菜)推介‼️炒蛋超大份 廚師落松露冇手軟 炒蛋好滑 唔會過熟 勁正不得不點名讚下個牛角包🥐 超岩我心水 食落口勁重牛油味👉🏻風車扒餐 $152(肉眼扒、羊柳、德國腸）肉眼扒煎既時間岩岩好 唔會過龍羊柳唔算太蘇 係好香既羊肉味😋2個扒配埋黑椒汁 超正值得一提佢既薯條 新鮮炸出黎 熱辣辣 仲搞到我辣親條利 雖然受傷 都無阻我對佢既愛🫶🏻👉🏻玫瑰味咖啡 跟餐+$12推介‼️玫瑰味濃 混合左係玫瑰清香再加咖啡味濃郁 估唔到係咁夾👍🏻覺得佢可以就咁推出一個單點外賣🥡👉🏻焦糖味咖啡 跟餐+$12推介‼️推介大家一定要試

積存街里度好多年無行過，原來而加多咗好多野食😍又有中式邊爐又有西餐睇波酒吧！今晚心思思想飲下啤酒🤣就一於試下係接近街尾嘅風車🎉入面有一個公主燈，樓底好高好舒服！坐位亦都有啲空間，都幾唔錯👍🏼👍🏼炒大蝦 $99係辣肉腸，蕃茄，雜菌，薯仔炒大蝦!大蝦肉眼睇都有6隻，前菜份量黎講好足😝味道有小小辣，食落好惹味香口，好食😋雜菌都好多唔同種類，最正係厚切，所以食落有咬口！黑松露意粉 $179份量好多😍比平時一般cafe多好多，而且勁多菇同芝士粉，超香！條條意粉都充滿哂汁😝好食！最有誠意係上面有個大啡菇，入面有芝士🤓好juicy!一切啲汁beet哂出嚟！肉眼扒 $209上菜嘅時候佢會有一個膠盒擒住先，當你要食嘅時候佢就會幫你開！因為入面係有蘋果木煙薰過😋一開嘅時間勁香，好多煙，好有儀式感亦都好啱打卡！入面嘅菠蘿超甜，食啖扒再食啖菠蘿，好舒服，幫助消化😝肉眼扒本身要5成熟，唔知係咪煙燻過之後就比較熟咗啲，變咗7成熟🤣🤣不過都好食！Strawberrry colada $72 Mocktail👍🏼入面有士多啤梨蓉，菠蘿汁，椰汁同牛奶，本身諗住個mix n match 會唔會奇怪，咁多野溝埋一齊🤣點知又

大圍火車站行一陣就見到呢間bar&resturant一入到去就比盞好靚既水晶燈吸引環境幾舒服，適合一班朋友食住野吹水意式炒大蝦薯仔 (5/5⭐️)SAUTÉED PRAWNS WITH POTATO即吹即整，仲好惹味，有鑊氣既感覺適合做下酒菜薯仔夠曬林，吸曬啲汁仲加左小小Salami, 提升成個菜既鮮味👍🏽👍🏽芝士大網菇黑松露意粉 (4/5⭐️)BLACK TRUFFLE SPAGHETTI WITH BAKED PORTABELLO & CHEESE芝士同菇好match，焗岀黎仲好juicy 無overcook 😍意粉大份量兩個人食到投降烤露笋氫肉雞卷 (4.5/5⭐️)CHGKEN ROLLED WITHROASTED ASPARAGUS AND BACON驚艷地岀場，staff煙燻完後用蓋焗一焗 再去到你面前先開 好香既charcoal味，無論肉定係配菜都充滿住煙熏味，鍾意煙熏嘅朋友仔就一定要點

今日同朋友黎到呢間大圍西式小店食晚餐，把酒言歡。餐牌簡單易睇，圖文並茂，飲品Menu款式好多，酒既選擇繁多。煙三文魚凱撒沙律($99）煙三文魚捲成花瓣形狀呈上，煙三文魚新鮮，蔬菜同麵包糠都非常爽脆，好多餐廳既沙律菜都會好淋，但佢呢個沙律既菜真係好爽脆。睇落好似無咩醬，但食落非常夠味，用左凱撒醬加沙律醬。主食：波士頓龍蝦意大利粉($189）原隻波士頓龍蝦呈上，都算大隻同幾厚肉，上面加左芝士更加係錦上添花。意粉係炒意粉，但唔會太油，食落軟硬適中。主食：黑椒羊柳($199）呢道菜上台時係用蓋蓋住，店員話羊柳係用煙燻住，打開既瞬間煙就會走哂，所以貼心提我地如果要打卡，機會只有一次，打開既瞬間果然即刻煙霧瀰漫。食羊最擔心係好重羊羶味，但佢呢個完全唔會，個醬汁亦都調教得幾好味，同個羊柳好夾。我同朋友平時都好少飲酒，所以唔係好識揀，特意叫店員介紹，店員介紹左以下兩款：Kir Royale($88）店員介紹呢杯酒係英女皇曾經既最愛，堪稱係最經典既香檳雞尾酒之一，味道酸酸甜甜，好易入口，好好飲。呢杯酒帶有濃烈香甜紅藍莓、黑加侖子、櫻桃等味道，好適合女仔飲。Asahi ($55)店員介紹呢隻日本啤酒係日本

今天早上跟朋友去拜車公廟拜神， 拜完神諗住食個早餐兼午餐，喺大圍行下行下，行到一個一條小街 裏面，有間西餐廳［風車］， 名稱很特別。叫咗個早餐，風車鑊仔早餐，加$15可有龍蝦湯。 龍蝦湯味道很濃郁，好有龍蝦味。早餐有黑松露炒蛋、煙三文魚、煙肉、沙律菜、香腸和牛角包。好豐富嘅早餐呀！黑松露炒蛋好惹味，煙三文魚肉質很鮮嫩、很可口 。牛角包烤得好香、好脆、好重牛油味。真係好滿足呀！ 加一杯鮮奶咖啡，真係一個絕頂的早餐。 我朋友叫了流心藍芝士牛肉漢堡， 如果你鍾意食牛肉的話，你一定好鍾意這個午餐，牛肉肉味非常濃郁，口感一流，牛肉裏面仲隱藏一塊流心藍芝士， 藍芝士味濃兼流心 ，食落很有口感。還有沙律、薯條作伴菜，薯條炸得好香脆，份量亦足夠。再配蘑菇湯，蘑菇湯好醒胃呀， 最後加荔枝茶，真是絕配！！

去開大圍整車，放低架車後要等成個鐘，諗住搵間餐廳食住等，大圍真係好多選擇，我想食cafe 但老公話想飲杯酒，行下行下見到風車，酒吧門面但有menu 貼左係外牆，滿足到兩個既要求，就入去試下話明想飲酒，一入去望下drink menu 先，有好多款酒揀，揀酒都揀左好耐，最後老公揀左"友", 我就揀杯cocktail Cosmopolian意式炒大蝦薯仔諗住前菜都細細碟，點知出奇地多，6隻大蝦外，仲有菇，辣肉腸，薯角，蘆筍，洋蔥配料，個汁係好香好開胃Parma Ham Pizza完全無諗過咁足料，每件pizza 上面都有大大塊parma ham, 個餅底係蕃茄醬+芝士兼又薄又脆，老實講好過d 專門食pizza 既餐廳脆皮乳豬熱辣辣新鮮出爐乳豬，餐廳好有心思上枱時係用透明蓋蓋住，見到入面白朦朦都係煙濃罩住，一打開蓋d 煙湧哂出黎，塊乳豬睇落好juicy. 食塊乳豬皮真係脆到卜卜聲聽得到，d 肉又嫩滑，有兩個醬汁 - 傳統乳豬甜醬同辣醬， 辣醬我覺得可以辣多少少，不過都係慣左配返甜醬食無諗過隨意揀既一間餐廳會俾到驚喜我，埋單時工作人員有問食物滿唔滿意，真係好食，餐廳無乜特別裝飾但非常乾淨，唔似一

又到覓食日，今日去到位於大圍積存街嘅西餐廳「風車」。餐廳裝飾優雅，座位擺放得宜，唔會話好逼，幾舒服。今次一人二人叫左炒大蝦、炸魚薯條同肉眼扒。另外叫左2杯飲品（cool mint、melon sour）1.炒大蝦入面有洋蔥、蕃茄仔、肉腸等一齊同d蝦一齊炒，食落酸酸咸咸，認真惹味，蝦肉大粒，咬落爽口彈牙，正野！😋2.肉眼扒我地叫左5成熟，煎後經過煙薰，上枱一打開就聞到好香木味！火喉岩岩好，上枱5成熟，扒上擺放菠蘿係一個幾特別的處理手法，菠蘿汁除左令塊扒食落有香甜味外，仲令肉質更加軟，非常正！另外，仲有糖片放左菠蘿上，一齊食又脆口又香甜，好似食緊菠蘿版冰糖葫蘆咁😋3.炸魚薯條魚塊夠晒大塊，外層炸得香脆，魚肉嫰滑一d都唔鞋！厚切薯條炸得夠乾身，唔會太油，加上黑椒一齊食，正呀😋4.cool mint入面用左Lychee , Ginger Ale , Fresh Mint , Soda去沖調，甜味岩岩好，飲落好fresh,清到口入面嘅油膩感5.Melon Sour 入面用左Vodka , Pineapple Juice Minori , Fresh Lime沖調，味道夠fresh，遮到本身voc

大圍一間西餐廳都系一間酒吧，夜晚過嚟睇英超都得👍🏻👍🏻午餐都有意粉、飯、肉扒或者漢堡揀！選擇都多，全部都系set ~前菜、主菜、飲品中午過黎食，叫咗兩樣嘢1） All-day breakfast （$92）前菜-沙律沙律菜同車厘茄都新鮮👍🏻All-day breakfast 有 沙律、半條腸、兩塊煙肉、兩塊煙三文魚、炒蛋、牛角包⭐️⭐️份量正常 牛角包雖然賣相麻麻，但系食落都有牛角包酸脆、鬆軟既感覺👍🏻略嫌炒蛋唔夠滑其他味道正常，無乜太特出2）照燒雞脆豬（$79）⭐️⭐️⭐️雞扒好大塊佢用脆豬包，澳門雞扒包feel😂中間有生菜、蕃茄、少量醬汁食落味道無乜特別，醃左既雞扒味薯條有驚喜，普通薯條樣，但係食落有啲蕃薯條嘅味道👍🏻👍🏻不錯不錯！蘑菇湯⭐️⭐️⭐️⭐️texture幾濃既蘑菇味，一粒粒蓉，幾有口感，唔會太重奶味加特飲（$12）焦糖/玫瑰咖啡咖啡味唔太出 偏淡 有待改善免加一$195埋單環境都幾適合同朋友仔吹水👍🏻👍🏻

放咗工同同事去咗公司附近的餐廳chill下，飲返杯手工啤酒，食少少嘢傾下計，真係幾舒服。餐廳樓底很高，燈光柔和，叫咗一杯友手工啤酒(香港製造)、一杯Peach Fruit Tea、火腿沙律、白酒煮蜆配蒜茸包和西班牙脆皮乳豬配彩椒汁。友手工啤酒(香港製造)香港手工啤配方來自德國，好香濃麥味，飲落去好舒爽，並非一般工業啤酒般公式化，下次要再飲多杯火腿沙律Parma Ham沙律，沙律配上黑醋清爽開胃，作前菜是很好的選擇白酒煮蜆配蒜茸包蜆肉份量非常多，白酒汁調味不錯；蒜茸包香脆可口西班牙脆皮乳豬配彩椒汁主菜食咗口味重啲的西班牙乳豬，乳豬肥肉頗多，乳豬皮香脆，沾上彩椒汁同食解膩。

意式大蝦炒薯仔呢個係全晚最鍾意嘅菜式～個醬汁微酸帶辣，開胃得尼非常惹味，除左爽甜嘅大蝦，仲有薯角，洋蔥，露荀，辣肉腸，菇……每一羹都會食到唔同嘅餸，有鑊氣又入味❤️Parma Ham Pizza餅底薄脆，值得一讚👍🏻每一塊pizza都有好大塊parma ham, 用料十足，趁熱食非常唔錯～烤露荀煙肉雞捲一上枱已經香氣撲鼻，嫩滑嘅雞肉同煙肉捲埋一齊，再切成一寸寸既易入口size, 雞肉煙肉調味岩岩好，出奇地夾👍🏻👍🏻睇落以為得少少肉，但食完真係好飽好滿足～Cool Mint 有荔枝加上ginger ale既甜味，易入口又好refreshingKir Royale比就咁飲Prosecco多少少甜味，岩哂女仔飲🥂