白石燒烤

Open Now

Now Closed

呢餐其實係上年十一月份食，由於社交措施逐步放寬，我覺得係一個好時機出呢篇食評！😙當日同條佬嚟到烏溪沙，一心想去白石燒烤，因為都差唔多成年無燒過嘢食喇😣 白石燒烤場位置較偏僻，九曲十三彎，無捷徑🙊 只係勢估唔到由巴士總站行過嚟都要十五至二十分鐘，沿途有斜路、貨櫃場&高爾夫球練習場，大熱天時行過嚟都咪話唔辛苦，建議大家可以搭的士入嚟。一去到門口就覺得好有異國風情，別緻嘅木框木牌+舊式吉普車，唔講以為去咗黃金海岸🤣 一入門口右手邊就有個位比你量體溫+消毒雙手，行入啲就有個收銀處！大家記得要喺度先點餐或者散叫嘢食，如果想追加食物都係喺呢度俾錢！另外亦可上網預先訂餐，咁就會更加方便快捷👍🏻 提提大家，成為會員可以有迎新禮物$100 coupon，會員喺生日月份到訪仲會免費獲贈金牌乳豬一隻🐖(原價要$638㗎)！今次我哋散叫，無點二人海鮮餐，點完餐佢會俾一個拎餐傳呼機你，之後你就可以行入去燒烤場喇！⚠️星期一至五免$200爐費！行去燒烤場前，會經過士多同食物/餐具換領區。當傳呼機響咗，就可以去食物/餐具換領區拎嘢食同餐具，飲品就去士多拎。燒烤場要落一層樓梯，樓梯底有扭蛋機、彈珠機、夾公仔機、籃球機等

涼涼地最好燒野食，近海邊，環境很好，好空礦，吹風傾計好舒服，無限時燒野食，幾好，現在限聚得返二四人餐，我地兩個炕分開燒，叫左兩個四人餐一再加左隻乳豬，最驚喜係隻乳豬，要自己燒，燒左兩個鐘都終於以樣，最後比師傳補一補切埋，味道一流。

呢排天氣涼浸浸 最啱就係BBQ市區其他地方都有啲燒烤場但多數都做任食 質素就真係差嘢食一味死咸 搏啲人買嘢飲呢一間我覺得味道啱啱好 唔會過鹹而且套餐入面有海鮮同基本肉類另外散叫嘅都唔貴 嘢飲直情係良心價冇諗過燒烤場嘅價錢其實同出面便利店唔差太遠因為限聚令關係 每爐只限四個人今次同朋友嚟 八個人要開兩個爐叫咗一個二人餐同四人餐 已經包埋開爐費另外在單點左幾款小食同棉花糖好多人帶埋啲狗嚟玩啲小朋友又踩下滑板車對住個海好寫意

Been to Whitehead on multiple occasions, pre- and post-COVID. Food is of decent quality, aside from the usual sets - they offer a la carte selections. Once you’ve finished cooking, notify staff and they will cut up the meats for you. Roast Pig and Lamb Leg are always worth a try!

對住海景燒野食好寫意，小朋友有好多地方跑同玩，5人餐都已經好夠6個人食，唔夠可以再買 ，質素都唔差。推薦燒豬 、烏頭都好食！有哂說明書教點燒，士多有野飲賣唔算貴，地方夠乾淨 帶狗狗嚟都得

趁着近排涼涼地，帶住兩老兩小一行八人嚟到呢個場燒烤。由烏溪沙站行過去大概要20分鐘，但因為星期六日有接駁巴士，咁岩撞正巴士時間，輕輕鬆鬆就到咗。個場因為近海，撞正黃昏時間，仲要有兩排燈加彩旗，影相真係好靚。先叫咗個五人海鮮餐，平時燒開嘅丸，腸仔，雞翼，豬扒，雞扒都有，其實份量都幾多。因為啲肉都係醃過嘅，所以燒完好入味。燒雞翼最考耐性，而今晚燒嘅蜜糖雞翼好有成功感，香甜又多汁🤤個餐包一袋日本甜薯，用錫紙包住燒，慳功夫又好味。青口同扇貝夠大粒。之後再散叫多咗兩包菜，牛仔骨同牛柳粒。個牛仔骨燒完真係好味到極點。值得一讚嘅係個場夠大，喺場嘅中間有一啲嘅玩樂設施，例如夾公仔同彈珠機，又有吹泡泡嘅玩具賣，好啱帶埋小朋友黎，唔驚佢地燒烤燒到悶，扭計冇野玩。

秋高氣爽，最適合BBQ。白石呢度算幾方便，馬鐵行過黎都係20分鐘左右，天氣涼涼地，當散步行過黎都得。黃昏時間過黎岩岩好，一黎可以趁入黑前欣賞下海景，二黎會涼番D。我地一家大細今日點左個五人海鮮餐，再單點左一D野食。其實淨係個五人餐包既野食都幾多款，雞翼、雞扒同豬扒都有幾隻唔同既口味，仲包埋海蝦、帶子同青口，相當豐富。我地額外單點左娃娃菜、一口牛、牛仔骨同原隻雞翼，令我最有驚喜既係娃娃菜，呢度會附送牛油蒜蓉，大力推薦。

今日同一大班朋友去燒野食。唔想去郊野公園燒要拎一大袋野，又要行同自己透爐，就去咗依間白石燒烤。去到烏溪沙站有專巴接送，交通尚算方便。一去到見到環境唔錯呀，有無敵大海景。食食下仲可以睇埋日落我地一行7個人叫咗個5人海鮮餐。食材全部都一份份pack好哂，睇落幾衛生。有本精美嘅說明書教你點樣燒跟着指示燒係燒得幾好食再另外加咗隻古法吊燒雞。串住佢要間唔中轉下先唔會燶。燒左都幾耐先熟，不過有專人幫你斬件。隻雞都幾好食，肉質嫩，個皮因爲落咗蜜糖所以特別香。海鮮類都ok新鮮啦，食到海鮮味。有個士多可以另外再買野飲

今日相約左朋友黎到位於烏溪沙入少少既白石燒烤場燒野食，平時去完塔門搭船經過成日見到D人係呢度燒野食，今次終於輪返自己去燒啦。呢度我無敵海景真係好正，對住個海景燒野食好舒服，同埋咁岩今日又唔係好熱，所以唔會出哂汗。呢度可以散叫或者叫餐，不過食餐就抵D既，包多D野，所以決定叫5人海鮮餐。呢個餐包括有海鮮-蝦、青口同埋帶子，另外都有廚師腸、丸、雞翼、豬扒等可以燒，而且樣樣都獨立包裝，唔怕唔衛生。呢個餐亦包有燒烤網、剪刀、夾、蜜糖、炭等。呢度買野食就係收銀處，但係如果買麵包、棉花糖、飲品就可以係士多果度買。呢度仲有獨立房可以俾一大班人黎係室外燒完野食入室內涼冷氣。由於我地食到一段覺得好似唔夠食，所以就去左買D海鮮燒下，大眼雞我真係第一次自己燒，估唔到都OK。另外都有買左沙白，呢度既沙白急凍前已經係熟架啦，所以唔會有沙，開左出黎D殼已經開左架啦。天氣涼左最岩就係去燒野食，下次再約多D朋友黎先。

又一年冇BBQ啦，難得見到星期六好天而且天氣開始冇咁熱，所以就相約朋友一齊去燒野食!由於是週末的關係，這個燒烤場是有shuttle bus往來烏溪沙港鐵站及燒烤場的!來到燒烤場先到收銀處登記，然後會有職員帶我們要燒烤的位置，而食物會給予取餐機，待食物準備好取餐機便會震動及閃燈。我們的位置就是坐於近海的爐邊，景色非常優美，而且能夠吹住海風，真係一大樂事!另外燒烤場還會不定期舉辦一些活動，這次就有充氣彈床嘉年華，非常適合小朋友玩!場地亦有給小朋友玩的電動車，大人也可以租借飛鏢、夾公仔、玩籃球機等可以玩!我們點了一個5人海鮮餐，食物包括有海蝦、帶子、青口、叉燒、雞扒、豬扒、雞翼、丸類、芝士腸、廚師腸、蕃薯仔同埋粟米，另外仲有水同埋汽水。雞扒有兩隻味，泰式雞扒和香茅雞扒，當中香茅雞扒味道很香!而豬扒也有兩隻味，分別是黑椒和蒜蓉!豬扒肉質不會太鞋口，而且幾入味!海鮮需要一些時間解凍才可以燒，因為都雪到變冰了!5人餐亦包括有燒烤叉、夾、燒烤網、蜜糖、剪刀、紙巾、毛巾、餐具。有燒烤網真係非常方便，放一D食物上去便可以等食了，可以多D時間跟朋友去玩!我們還在士多買了麵包和棉花糖，燒烤不能缺少的!這個燒

天氣熱去BBQ 係辛苦事所以朋友想去d 有瓦遮頭地方，最好有海風𠻹🤔第一時間諗西貢區啦，點知朋友仔嘩要去d 交通方便d 區域😑唯有上網睇睇，點知搵到馬鞍山近烏溪沙嘅"白石燒烤", 即刻上網睇吓佢d 資料佢主力係套餐，我地合共 7人(主要女仔多d)所以決定訂5 位，另外有會員預訂燒豬🐷優惠燒咁耐野食未試過自己燒豬佢有個架掛住隻🐷🐷嚟燒但係燒到咁上下要用人手去燒隻豬肥咗d 所以覺得一般者食唔晒佢可以提供外賣盒比你帶走👍🏻其他食物還可以嘅，但價錢係貴咗d唯一最好係近海邊，感覺舒服d 冇咁熱👍🏻

秋意起所以就想同朋友去燒野食，一班女仔去唔想自己透爐，就揾咗依間燒烤場。交通都算方便，每半個鐘有架大巴喺烏溪沙站接人去。最好嘅位係原來成個燒烤場都係有蓋嘅，完全唔洗怕落雨或者曬黑。燒烤場仲歡迎毛孩，朋友帶咗隻狗隻去玩我地叫咗個五人海鮮餐，其實份量有d多，5個女仔係食唔哂嘅。燒烤所需物品一應俱全蜜糖飲品肉類包得幾乾淨衛生，而且有每包標明係邊款肉。腸仔、丸同蔬菜類個爐有燒烤場嘅人幫手透爐同加炭，我地好快就燒得。而且有個網可以全部野食放哂上去燒，唔洗下下拎住燒烤叉。個人覺得最好食係呢個迷你日本甜薯，個心又軟又甜，細細粒一舊食唔停口。場地仲有比小朋友玩嘅野，好啱一家大細嚟

秋風起！今個星期日約咗一班朋友去BBQ! 但又唔想自己買材料，又要搵場地，又要親手去搬食材，所以就搵咗一間可以俾錢入場嘅燒烤場！今日想介紹呢個白石燒烤場，係喺馬鞍山。我哋喺烏溪沙站乘搭佢嘅接駁巴士，就可以直接到燒烤場，雖然地方偏遠，但交通好方便，唔使自己搵車～先去門口付錢買門票，咁啱我地十人成團，所以剛好可以叫到個十人餐啦～雖然唔係任食，但包嘅食物都尚算足夠，除咗有bbq必備嘅腸仔、雞翼、丸、雞扒、豬扒，仲有貴價嘅海鮮，例如扇貝、大蝦，今次仲係我第一次燒烏頭添。呢個燒烤場除咗可以燒烤之外，仲有好多唔同種類休閒設施例如掟飛鏢、夾公仔、籃球機、唱K等等，就算留足一日都唔怕悶啊！

白石燒烤場，聽朋友講得多，終於可以一齊去，去到環境好大，面且又係海邊，環境同氣氛都好好。我地叫左份十人餐，食物種類都有幾多，有海鮮。見到有帶子有海蝦重有條烏頭魚！肉類有豬扒，雞扒，雞翼，香腸，豚肉腸，芝士腸，重有丸類，栗米，而且重有日本迷你甜薯。肉類醬汁味道都剛剛好。而且去到後期我地用燒烤網去燒，即刻方便好多。日本迷你租薯都好受大家歡迎重頭戲黎，燒海鮮，我地一開始就燒蝦同燒帶子！蝦好大隻，燒既時候要控制得好好，好惹味！帶子都好大隻，好好味！最後我地燒埋條烏頭魚，我地放係爐邊去慢慢燒，熟左之後就夾起，鍾意食烏頭既朋友都一定鍾意呢個食法。

今日一大班人去燒野食，揀咗呢個白石燒烤場。一入到去見到呢度個景好靚，可以一邊燒野食一邊望住海景。個燒烤場都幾大下，仲有一Ｄ包廂，可以比一家大細黎燒野食。我地叫咗個十人餐，入面有Ｄ雞翼、扒同埋丸；佢亦都比咗十隻帶子同埋十幾隻蝦，仲有日本蕃薯🍠都好甜，每人有一支水同一罐可樂。另外佢比咗一大條烏頭我地，可以放係網上面燒，加小小盬燒已經幾好味。我地多男仔，所以其實唔係好夠食，於是我地另外買咗Ｄ丸同肉，燒豬頸肉不錯，其他正常味。如果要買野飲，大慨＄10至15蚊一罐／一支500升。